野口思's Profile

午飯時間去, 諗緊食咩好. 灣仔食晏一向好多人, 最後揀咗喺公司附近嘅譚臣道, 有幾間食肆.  呢間未試過, 又見到竟然冇人等位, 便拿拿臨入去坐低.  餐牌有幾項飯類, 但主要係食面類和四川辣嘢.  不過咁嘅食物選項好似有啲奇怪, 不能用單一類別去歸類間餐廳. 最終因為幾肚餓，想食飯, 所以揀咗個豬扒菜飯 + 熱奶茶.  豬扒菜飯收我$65, 奶茶要加$6.  但塊一塊豬扒切咗得返4小塊, 仲要好幾嚿係肥膏嚟嘅.  成餐lunch就係用啲菜飯填飽自己.  很想和侍應理論因為覺得太離譜, 但忍住在此才寫食評.  唔怪得之喺灣仔但1:15pm 去到仲有好多吉位。希望唔好再有人好似我咁俾佢呃. …Read More

叫咗肉骨湯小籠包和溫泉蛋豬油渣飯，但2樣都冇質素。小籠包厚皮，後者的豬油渣有「油益味」。快快扒晒啲飯便走人，仲要最後大概食咗70零蚊，非常唔值。肉骨湯冇乜味，唔會再去。…Read More

午飯時間沿著逸東邨前的河流入口走進村屋中，看見新華酒家，雖然門前聚集了數隻狗，但牠們都是有人養的，所以見慣途人，最後安全踏入店中。進去後地方寬敞，有數張大枱，只見各食客都熟煉又自助地去裝飯畢湯。原來湯飯任斟任食，每個午巿小菜都只是$34。我們三人點了 時菜牛腩煲、斑腩煲和老闆推薦的「鹹魚煎肉餅」。兩個煲都整得好好味，食落估計沒有下味精，牛腩牛筋都好好味。但最警喜的是「鹹魚煎肉餅」，鹹魚味好香，十分香口，煎得好脆，用來送飯一流！第一次嚐到這菜式，想必是此店的殺手鐧。只是老闆告知每天只做午巿至下午2時。相信開店也不為賺大錢，因老闆和伙計的態度親切有禮，希望這驚為天人的「鹹魚煎肉餅」得以承傳下去！…Read More

因為未試過四川烤魚火煱, 所以就吹雞約了幾個好友一齊試下。我們五人不用等位, 7點去到, 環境OK, 但一進去就全場是孜然味...超鍾意!!!點了$198一條的魽魚煱, 一個辣椒程度的辣, 其實完全唔辣。我們又要了數碟火煱配料, 豚肉, 菇類, 花甲等...條魚都算新鮮, 大家唔係好識食魚都食晒有肉的部份。湯底味道OK, 配料滾滾下吸晒D味, 食食下就變得有點鹹得滯....除了火煱, 我們也叫了串燒、2碟蒜泥白肉、青瓜等。蒜泥白肉好味! 但烤物就有點力有不逮...有孜然味但似乎燒得不夠乾身...環境尚算可以啦, 如果未試過烤魚的也值得試下, 我地5人每人食左$130, 都食得好飽! 仲有餘錢去後面街的唐伯虎食冰tim!! …Read More

因要經常往長洲工作的關係, 所以一早便mark實一些可以幫襯的餐廳。這間"到此一遊"便是入長洲的開飯之選。最推介的是「牛肉螺絲粉」類, 共有多款湯底揀, 但食過認為最好味的是「羅宋湯牛肉螺絲粉」! 夠晒熱, 牛肉正, 個(羅宋)湯又可以飲晒, 冇乜油感覺健康, 食完超滿足。香港九龍區是不能食到如此用心製作的食物!它的飲品也是另一項值得推介的! 跟餐就一定有一杯台式飲品, 如要凍飲, e.g. 士多啤梨綠茶, 廚房係會用攪拌機混埋士多啤梨肉和茶一起混出來的! 又唔駛額外加錢, 味過好多街邊的台式飲品店。總括而言, 它的飲品, 牛肉, 拉面等都好好味, 即叫即整! 而且又近碼頭, 一落船轉左行一陣就係, 但要留意佢有時平日會休息。…Read More

我和朋友當天放假，我還特別要求朋友陪我到跑馬地找尋這間新式的車仔面檔，但怎料食過一次後，相信以後不會再幫襯。事緣我在飲食雜誌裏得悉跑馬地新開了一間特別的車仔面檔，有特別的餸(豬潤)和湯底(冬蔭功味)，於是心想少有到跑馬地逛，於是便特別走到跑馬地一心想找尋這間鋪頭。走了很久我們也未找到這間鋪，相信是因為不熟悉跑馬地的地方。終於找到了，但幫襯後的感覺十分不爽。首先，我叫了一碗有豬潤、雞翼尖和紫菜的面，另加冬蔭功湯底，不記得是送的還是要付錢，我還有一杯豆漿。朋友點的與我差不多，但不記得詳情，不提了。但我這碗份量少得可憐的車仔面，最後竟要付上$42的價錢！對於一碗份量那麼少的面，已經不提什麼環境或服務質素，純粹一碗3餸面+豆漿，竟要42元的價錢！完全是不值而且令人氣憤！成碗面的味道不錯，豬潤幾好味，其他的也ok，但亦沒有想像般好吃。成個過程最恐怖的是，我和朋友坐在一張細小的枱，因根本不設什麼堂食位，只是老闆為我們開了張細枱(可能feel到我們是遠道而來)，在吃面的短短20分鐘，我們枱上和背脊上不停出現很多細小的黑色昆蟲，不知是什麼昆蟲，但最後我們數到有8隻的黑色蟲仔降落在枱面，碗面裏和我們的身上。懷疑牠們是從店裏的風扇或其他地方飛出來，我們只好加快的食完和付錢走人。唉，我也不想對這店說出這些負面的批評，但事實的確如此，我亦沒有任何誇張。這店的賣點，相信是那些印有英文的點餸紙，和一家人的老闆們。但這樣的價錢，相信他們只target於跑馬地的有錢人吧，相信只有沒金錢觀念的人才會拿40多元來吃車仔面，還要在冇冷氣的戶外裏。我想我和朋友已經作出了很大容忍，冇冷氣、食物貴得離譜，最不能接受的是那些黑色昆蟲。留待有錢人去欣賞這間名過其實的車仔面檔吧！…Read More

我們一家人住在品香樓附近，所以每逢假日都喜歡到品香樓吃晚飯，因又一城的選擇又不多，寧願多走幾步到南山邨。但是最近的經驗，讓我對品香樓卻步，真的不想再食了。昨晚10月1日國慶公眾假期，我們一家四口又到了品香樓。其實心中已有盤算這頓飯又要吃上豈碼一小時，因逢假期或週末，品香樓是極其多人，如有訂位是不用等位，但叫了餸之後卻要等至少20分鐘才上菜。就像昨晚，我們7時到達，只叫了雜菜煲、中式牛柳和椒鹽九肚魚三碟餸，但第一碟餸竟然要等半個鐘後才來！食到最後的中式牛柳來臨時，已是8時正。我地4人等到呆晒，已經費事催促侍應了，他們亦忙到死。其實品香樓開左成3個鋪位，但它的兩邊廚房根本不能應付如此多的食客，完全做唔切，之後就往往要食客等成半個鐘先有一碟餸，那碗白飯一早已經扒完，到最後一碟餸來時都食晒飯，令人無奈至極。就算品香樓的餸菜有幾好味都好，要客人等咁耐真是灰爆，如果這間是法國餐廳就不同講法罷，最弊就是這裏是嘈吵非常的地踎菜館嘛。我們一家一直支持品香樓的食物，可是如此的等相信我們今後也不想再去了。…Read More

星期六上班後，想到處走走，順便享受一下陽光。想起早前飲食男女介紹香港的漢堡包店，便打算約友人一起去試試中環那一帶的burger。其實本來係想食shake em buns的，但霎時間只想起burger republic的名字，於是便到了歌賦街的burger republic食lunch。burger republic的店子毫不起眼，大家到歌賦街通常都是衝著九記牛腩和勝香園而來，但再走前一些轉左便是burger republic啦。我order了一個叫"spicy J Lo"的burger，朋友order了"chilli chicken"，兩個包都好好食，我的burger還有肉汁流出來，塊漢堡扒好厚，味道亦很好，夾埋cheese和洋葱一啖咬落去，very good! 我們還order了一杯baileys milkshake，味道好濃郁，落足baileys，但都要40多一杯。最後還order了一個..."cheese chips" (類似的名字)，有cheese溶在薯條上面，都幾好味，但食完好漏...來這裏食漢堡包要講英文的，waiter全用英文和你溝通(好像很高級咁...-_-")，同埋一個burger都要$60，如果要埋set的話就要$90，都幾貴。我們這餐兩個人食左$230左右，一個lunch咁ge價錢都幾貴，抱著試一次的心態。但食完呢餐我地都飽到唔想食dinner，應該試一次就夠了~…Read More

上星期六和舊同事們來這裏食晚飯，也是多得公主同事「何超儀」的介紹和她的「小天使故事」所吸引，終於由她帶領來到這間似乎是名不經傳的意大利餐廳。其實見到班舊同事已經好開心架啦，所以也抱著興奮的心情用饍，而小天使餐廳也沒有令人失望。大家11個人點了西芹湯、牛尾骨意粉、煙三文魚夾面包(仲有好好味的吞拿魚醬)、兩個pizza、意大利飯、兩大碟豬手、羊扒意粉、田螺等等(以上全部不是正確名稱)，甜品則叫了蘋果批和tiramisu。其實每碟都好味，尤其是煙三文魚夾面包最最最好味，沾上了秘製的吞拿魚醬令人想食完再食。其餘的肉類，如牛尾骨等，也食得出是很有肉味，肥瘦得宜，我唔太鍾意食肉也吃得很滋味。最後是甜品如蘋果批，也都頗為特別，蘋果是新鮮切的，味道很真。基本上每碟試少少，也都叫我們每人飽死了，最重要是每碟的味道也好。講真唔係朋友介紹，我相信來到赤柱也不會進此餐廳吃飯，因為它在一條巷仔中，門外又陰陰暗暗，而且兩位侍應也是伯伯的年紀，沒有什麼特別好的service。但其中一位「火腿」叔叔侍應，成日走黎跟我們吹水，卻又是十分搞笑。下次入赤柱都會來這裏再吃。…Read More

呢間小磨坊標榜健康飲食，而它的食物又真的冇乜味精但又幾好味por。每次去都食魚湯米線，個餐另外仲有配菜。最好味的是豬頸肉、金菇牛肉卷(好好味!!)、鎮江骨、雞扒等。全部餸口味都較清，但味道仍不錯。這間小店很有自家製作的感覺，吃完又覺得健康，值得一試。…Read More

平時在長沙灣番工，成日會和同事去呢間茶餐廳食lunch，有時又會特登買呢度的菠蘿包做早餐。這裏的菠蘿包夠大個，d皮又脆，而且只係3蚊，好抵食! 但我和同事們最鍾意的都是這裏的黑椒炒意粉，勁有穫氣，有少少辣。其中一款的黑椒豬扒炒意粉更是常吃的，因為佢d豬扒係用秘方醃製，有少少南乳味，非常好味的!…Read More

這次我們一行4個女仔去這間法國餐\廳食晚餐\，大家都抱著「試下食法國野」的心態。首先我地打電話去book位，老闆建議我們不要叫set dinner，因為4個人他可以弄私房菜給我們，而且講明價錢約每位$160，也是合理的價錢吧，老闆並告知整頓晚餐\會吃個半鐘左右。我地4個都認為le rouge的食物水準不過不失啦，坦白說不是超級好吃，但食個感覺和試下法國野，這裏是個不錯的選擇。吃了香檳沙律、什菌湯、焗三文魚球、雞卷、肉眼扒、焗什菌、cheesecake、sorbet等(這只是我概栝寫出來的菜式名稱)，大概來了有十碟食物，也算很多。但最好食的是焗三文魚球和cheesecake，主菜如肉眼扒的味道只是一般。不過，這間le rouge也值得去試下，因為環境ok，價錢又夠平，service都很ok，希望有多d食客去試下，支持下這間店子。…Read More

昨晚和2個朋友去左呢間上野度食，發覺都幾唔錯呢~我地叫左個300蚊左右ge二人餐，有刺身、燒八爪魚、炒雜菜、豆腐沙律、牛柳粒、三文魚炒烏冬，另外再叫多個海鮮炒飯和燒雞軟骨。最好味的是牛柳粒，配那個洋蔥汁，好好味! 其他的菜式也不錯，但炒烏冬冇乜味。最後埋單每人$150左右，其實可以叫少d，因為我地3個都食得太飽。但總括來說，這間上野值得試下! 因香港似乎沒有太多這類鐵板燒日式料理。…Read More