Shaunnata's Profile

今日家人晚飯後回家表示好嬲⋯食晚餐食到成肚氣，話說家人坐低叫左海南雞飯同埋牛柳餐，食完海南雞飯後，份牛柳好耐都未見踪影，麻煩店員跟跟單⋯先知漏單，店員回覆已下單⋯好忙要等⋯再等咗十幾分後通知家人⋯㕑房整錯咗什扒，夾硬問要唔要，家人表示話係要牛柳餐，店員態度惡劣，理論後，之後再整，上菜之後就係呢個所謂價值$109牛柳餐乾到食唔到⋯似係一件薄有根牛扒⋯再加啲散件牛⋯不過吐出來果件渣實在太不堪入目⋯所以cut 走左⋯再問店員呢啲係咪牛柳⋯就話自己唔係賣平時厚身果啲牛柳⋯ 麻煩…Read More

天氣咁熱又想食拉麵⋯行街見到有期間限定拉麵～係柚子味呀！幾吸引仲有無敵海景～於是入咗去試疫情關係要隔1.5米⋯坐唔到海景位置⋯沒風景睇唯有專心享受食物朋友點咗好多人推介嘅濃厚魚介沾麵我個人其實唔太喜歡食沾麵，因為食過幾間比較出名到最後覺得係好鹹同膩⋯真係唔太啱女士食⋯今次試過呢間少少魚介沾麵⋯都係唔合口胃⋯我明白沾麵一定係湯熱，麵凍⋯先好味，因為要過冷河先可以令麵更加彈牙但係連塊肉都係凍⋯浸完啲湯都係得微微溫咬落都係感受到凍⋯而且唔夠嫩滑⋯沒再想食多啖嘅念頭⋯不過要讚佢個柚子拉麵⋯好合時令！碗面入邊配有一絲絲嘅柚子皮，湯底亦都有清新柚子味食落好開胃～越食越想食～連湯都想飲埋～另外，麵質口感彈牙、肉亦都香軟好味！呢款期間限定係幾好嘅配搭～有別於平常食開嘅拉麵，值得一試！😋…Read More

疫情關系⋯⋯其實少咗出街食飯所以更加珍惜可以出街食飯嘅機會要精心挑選過真係好想試先去⋯為食嘅我其實好多都想食！不過咁啱要去太子買嘢就搵吓附近有咩吸引揀呢間其實係俾藍色果碟甜品嘅賣相吸引去到睇餐牌～見到啲食物名稱好得意2個人食⋯點咗⋯👍🏻九層塔花雕煮馬拉蜆 （原來九層塔配花雕都唔錯，啲蜆好鮮甜）👍🏻越式蠔味春卷 （咁嘅crossover幾有創意，蠔味都出，配埋生菜食一啲都唔膩）🤢蘑菇湯 （蘑菇水咁⋯唔creamy唔太好味⋯）🙄黑椒一口和牛炒扁意大利麵 （普通到茶記仲好食）👍🏻焙茶latte （香濃焙茶味）💕仲有藍色嗰碟甜品⋯水清沙幼使乜坐飛機好睇又好食～濃濃軟滑yogurt配上frozen 鮮味水果⋯軟硬兼備口感同味道都好夾，一啖一啖好快食晒～滿足…Read More

東京米芝蓮1星拉麵店過江龍來港開店極具人氣⋯當然想試吓但之前成日都要排隊⋯一直都冇食到而家完全唔使排長龍⋯仲沒乜人⋯所以終於試到呢個主打貝汁湯底既米芝蓮拉麵難得嚟到梗係兩款貝汁拉麵都試哂，另外再加糖心蛋，隻蛋好味1）貝汁鹽味拉麵2）貝汁醬油拉麵聞說貝汁湯底混合大蜆、豚骨、魚介等食材熬製湯頭帶著強烈的鮮味，讓客人一試難忘先講鹽味⋯我飲第一啖湯會有好濃清甜既蜆味，好味但係未有一試難忘⋯唔知係咪為咗覺得矜貴D佢加左牛肝菌白松露油落去啲拉麵到，即刻冚晒啲鮮味⋯得返好濃既菌味，就試完變咗有啲失望再講醬油⋯朋友食完醬油味果款，亦都係太濃黑松露味覺得膩，亦都沒嘩好難忘⋯大家都話試過就算😅但係有讚三層豚肉片入口即溶好味我覺得如果真係好鍾意牛肝菌味道嘅話可以選貝汁鹽味嗰款拉麵⋯喜歡濃味同黑松露就可以選醬油果款～同埋佢個麵底係自家製⋯有啲似蕎麥麵嘅口感⋯有别於一般拉麵，想試吓都可以要讚環境舒適乾淨服務很好⋯2個人仲可以坐到4人枱…Read More

路過九龍城想搵嘢食第一時間諗起梗係食泰國嘢啦九龍城食泰國嘢真係隨便入一間都好味道好有泰國風味因為去泰國街度買材料煮嘢食順路就入咗去昌發食午餐兩個人一人一碗金邊粉加嘢飲我食鴨肉金邊粉加鹹豬肉（脆肉）呢個配搭可以話由細食到大，去邊一間嘅泰國餐廳都係鍾情呢一款因為唔想兩個一樣另外一款就點左青咖喱雞金邊粉鴨肉金邊粉個湯底超濃泰式船河嘅味道係非常好味，可惜鴨肉得好少，舊鹹豬肉就塊皮唔夠脆，一般～要值得一讚個蘿蔔煮得超入味亦都冇渣，好味另外青咖喱雞金邊粉都係個湯底都好濃，但係入面真係得好少雞好多都係頭頭尾尾頸嗰啲為都唔食得，不過有好多泰國茄子～如果唔介意啲餸少啲⋯其實個咖喱汁撈麵都幾好食…Read More

天氣凍左最啱就係食打邊爐今日同朋友去開荃灣食嘢知道新開嘅牛大人有88折優惠有好多唔同嘅台灣特色配料同多款湯底任揀因為已經好肚餓唔專登等特價時段現場好多人食緊，門口坐住等，等左一陣就有位真係好！我哋點咗「澳洲極上和牛」嗰個套餐湯底點左鴛鴦湯底係牛夫人（麻辣湯）配牛大人（牛骨湯）個牛骨湯就真係牛味好濃，麻辣就一般，唔夠麻推介送嘅每人兩粒和牛牛丸真係超好食，好似有星爺爆漿瀨尿牛丸嗰種juicy同彈牙嘅口感現場都另外有款牛丸有得任拎任食，之但係和牛牛丸真係好食好好好多！可惜如果再要點就要另外收費食咗好多款唔同嘅牛肉，覺得最好味都係美國S R F極黑牛肩胛同澳洲和牛M5牛肩卷其他配料個人覺得炸魚皮好脆、蛋餃、干貝鮮魚漿、水蓮、沙白（蜆）、蜂巢豆腐都幾好另外佢有幾款凍茶揀可以沒咁膩同健康啲Facebook life同埋Instagram share就送珍珠奶茶一杯但飲完之後真係好飽唔使食其他嘢要讚下佢好少漏單同埋上食物夠快最後有送movenpick 雪糕一人一杯唔夠飽仲有滷肉飯食，我就太飽冇試到啦折埋每人約$310埋單！…Read More

朋友話想食拉麵，之前都食過呢間雞白湯拉麵幾好味，不過加埋一都差唔多$150碗，好食就覺得係值嘅，今次坐在吧檯位，可以近距離欣賞師傅煮麵。由於個人比較喜歡雞湯拼埋海鮮果款～所以今次都係點佐呢款～每啖湯都飲到濃濃海鮮味～蝦味甚濃配料方面，我好鍾意佢個炸牛蒡，因為一般拉麵店沒配呢個牛蒡，好薄片好香脆，浸少少湯食咬落好有口感，塊叉燒一般慢煮雞胸肉肉質唔鞋，有驚喜！另外每期一款的限定口味拉麵，不過就貴啲，今次係海膽呀！海膽控就一定好鍾意食！湯底奶白色味道極濃郁，加埋海膽同部份湯打成泡沫，口感細滑好似飲海膽泡沫湯。而鮮海膽就釀佐入蛋度，唔使擔心溶咗或者唔見咗，可以慢慢嘆！…Read More

又到咗早餐時間成日行aeon 經過時都聞到UCC既咖啡好香今日有啲時間就決定去試吓佢嘅早餐同咖啡一早都有唔少人係入面，但坐得舒服，不用搭枱，可以靜靜地嘆個早餐，坐下㩒電話早餐menu 得4個餐我揀佐A餐配招牌咖啡雖然係即整，但好快就到咗咖啡～好香濃，不過個鮮奶係凍嘅⋯加佐奶同少少糖之後味道就一般正常的咖啡，唔加應該奶會好啲個大腸仔好似加大碼嘅炸廚司腸味，夠熱好味但個沙律汁唔太好味⋯食完個汁唔知咩味窩夫都暖暖地～面夠乾身入面鬆軟，配少少牛油都夠好味，擠花牛油幾有心思炒蛋正常，整體來講早餐係幾好…Read More

另一半喜歡食熟成牛扒生日飯揀佐呢間係酒店入面既餐廳～貪佢有海景又酒店同餐廳個環境都幾好，價錢相宜就決定book位，註明係生日慶祝我哋揀咗2個business set lunch 每位$340 有6樣野1)pumpkin seed soup首先上既係南瓜籽忌廉湯個南瓜湯賣相吸引，creamy得嚟又唔膩～好飲2)seasonal salad 第二樣上既係沙律⋯雖然有個香草醬🌿但係加佐都唔係太好食⋯有啲苦同好勁青草味！個橙係juicy 同甜既3)dry-aged ribeye steak 180g呢個真係主角，肉味香濃，仲有6款調味揀任配，加少許鹽已經好好味，平時我唔食酸瓜⋯但我出奇地覺得配個酸瓜幾好味～另外問過黑色嗰啲醬其實係乜東東⋯⋯原來係茄子蓉加墨汁，但係我唔係好食到茄子味4)sorbet今日係紅苺雪芭5)today’s dessert 自動升級變咗生日蛋糕食落係金莎味道既朱古力蛋糕6)coffee or tea 揀佐peppermint tea 同earl grey tea…Read More

早餐每日都要食呢間早餐種類唔多但係都叫做基本野同特色野都有入面幾多人食緊早餐見到隔離個米粉幾吸引經常都食沙嗲牛麵有點悶同埋都唔健康⋯食米粉好似健康啲我哋叫佐個五香肉丁米餐同沙嗲牛肉米餐個米粉有啲似新竹米粉幼身果種，都幾好味肉丁同沙嗲牛肉都ok炒蛋係幾滑～但塊多士放咗上去d蛋度⋯個底濕晒⋯麻麻地另外一份轉煎熟蛋，但係黎到個黃都係未熟晒⋯要拎入去再煎～咖啡d奶太多⋯少啲奶會好啲凍檸茶少甜幾好飲～如果可以大杯啲更好…Read More

今朝一早諗去邊食早餐經過門口見到早餐餐牌好吸引三十幾蚊食到個西式早餐仲有野飲又見到個burger幾吸引就入咗去!點知有驚喜!兩個人叫咗兩個餐⋯1）洋蔥蘑菇牛肉漢堡餐配薯條個burger同薯條都好未到漢堡肉味濃，薯條因為即炸所以都夠熱夠香口2）煎蛋卷配沙律蒜蓉包其實即係奄列，可以自由選擇兩款配料，我揀佐洋蔥磨菇配芝士，唔知點解洋蔥蘑菇係當一款，個蒜蓉法包有點硬，但個沙律好好味！入面有鮮蘋果粒青瓜粒紅菜頭粒沙律菜等等都好味飲品揀咗杯洛神花甜梅茶幾養生咁…Read More