kamws981130's Profile

Shaved ice 🍧 今次終於嚟到土瓜灣嘅新分店呢度嘅鋪面好大坐得好闊落最期待就係試佢嘅分店限定口味✨ Shari Shari Warabi Mochi with Kinako 蕨餅味 $135🍮黃豆粉控必試 💛冰面鋪滿黃豆粉 焙茶味嘅刨冰仲有中間有5-6 塊好軟糯煙靭嘅蕨餅最欣賞佢係糖水嘅分布好平均 每一啖都食到焙茶味另外黃豆粉都比得好慷慨 佢另外仲有提供黑糖俾你自己淋落去不過我覺得個冰自己本身已經夠甜啦總括嚟講，刨冰算係穩定發揮，一樣係咁好食，不過而家加價真係加咗好多🥹下次有機會想試埋佢嘅杜拜朱古力味……Read More

🌽甜品就食得多啦粟米味嘅甜品你又食過未?早排睇IG 見到有人介紹呢間 自己本人都幾鍾意食粟米 都幾好奇粟米整成甜品會係點樣？估唔又真係幾夾 🤔📍Nun Korean Desserts粟米熔岩蛋糕 $98 💛我幾欣賞佢嘅粟米汁好濃郁 整體有種天然嘅甜味而又唔會太甜 配埋佢個焦糖爆谷好好味🍿蛋糕出邊嗰層比較乾，入邊就有少少芝士味不過太甜因為影相擺耐咗，所以入邊嘅流心已經流晒出嚟🫠至於烤粟米就烤得比較乾食落鹹鹹地 整體嘅配搭係要配埋雪糕食先冇咁單調 有冰火嘅口感但係如果佢嘅雪糕都可以係粟米味就更好啦 🍨 overall 嚟講，味道正常，口味都幾特別，不過我就未必會特登去試啦😳…Read More

星期日大約1200 嚟到，同朋友叫咗半隻口水雞同一碗手切肥牛麻辣小鍋米線口水雞真係好出色，叫咗半隻雞嘅份量都幾大，可以兩三個人share食，個汁酸酸辣辣好惹味好送飯，個汁都唔太油膩，底部仲擺咗啲芽菜，好爽脆同埋吸晒啲汁，絕對值得一試😍相反米線就冇咁吸引，米線都算彈牙，但係份量唔算多，湯底唔係好酸，酸菜唔係好夠，入邊嘅配菜比較少，肥牛幾好食幾夠淋，不過得5塊，個人覺得唔需要特別試🙈…Read More

唔知有冇人同我一樣咁鍾意食西班牙油炸條churros呢？呢間店一開我就已經好想試， 除咗個外觀靚之餘，質素都有保證😋.Cookie monsters $58 🍪 因為個特別嘅藍色我叫咗個曲奇味, 佢哋會慢慢將藍色嘅朱古力醬塗在新鮮炸好既churros上面, churros 熱辣辣，非常香脆唔油膩, 仲有好香嘅玉桂味, 不過朱古力醬就比較死甜，雪糕上邊有朱古力穀物脆脆同幾塊smore 朱古力餅, 雖然都比雪糕浸到淋淋地，個雪糕係牛奶味，質地比較似雪芭，個人就覺得偏甜，不過配埋churros冰火交融，更加好味 🍦.我個人就覺得佢嘅churros 真係做得好出色, 至於雪糕就麻麻地，所以睇返個人喜好，我就prefer淨係嗌churros 都得☺️…Read More

純素即係冇蛋、奶同肉類，我真係估唔到原來冇咗呢啲食材都可以整都咁好味嘅美食🥰.牛油果無花果鷹嘴豆醬酸種麵包 8/10 🥑首先佢地嘅食材非常新鮮，羽衣甘藍好爽脆，牛油果生熟度啱啱好，配上hummus 食落好creamy，另外仲有粒粒鷹嘴豆脆卜卜，好香口，增添唔少口感，一面鹹鹹地而另一邊嘅無花果就甜甜地，一次過滿足你兩個願望，帶比你兩種唔同嘅風味, 至於sourdough 冇強烈嘅酸味，不過就比較乾身 🍞.植物牛肉蕃茄火箭菜薄餅 8.5/10 🍕 呢個pizza 嘅味道好有驚喜，完全食唔出係純素，首先impossible meat 食落同真嘅豬肉好相似，上面鋪滿左純素芝士，帶有少少芝士嘅鹹香，整體嘅口感同味道都好好，同真嘅pizza冇乜分別，薄餅皮焗得啱啱好，又薄又脆，脆到好似食緊餅乾 👍🏻.純素蛋糕 9/10 🍰 我哋揀咗伯爵茶同紅絲絨雙層蛋糕，一開始以為佢會好似chiffon咁鬆軟，但係冇諗到原來蛋糕既質地好結實同濕潤，口感偏似磅蛋糕，我自己就好鍾意，至於cream挺身唔膩，整體來講我個人覺得蛋糕可以再減甜，同埋伯爵茶味可以更突出 🧁 .最後就係佢嘅飲品，我哋叫咗latte 同beetroot latte，兩杯都用上燕麥奶調製，beetroot latte味道幾特別幾fresh 😊.整體來講我最鍾意佢嘅純素蛋糕，性價比高，大件又好味，特別係紅絲絨蛋糕，真係冇得彈，佢嘅主菜都唔錯，如果久唔久想食清新一啲，佢係一個唔錯嘅選擇 💚…Read More

個湯檬超級好食, 麵條有咬口，湯底清甜，感覺好天然冇味精，香茅雞扒炸到非常酥脆，雞肉有肉汁，唔錯，不過個蔥油就油左少少，加埋啲辣椒，更加惹味，朋友叫左個牛魔王車頭金邊粉，料同牛肉冇想像中咁多，但係湯底都好清甜有牛味。…Read More