JNhappyeatallday's Profile

青衣城一期新開左間意大利餐廳，於是星期日下晝就去試吓佢個下午茶。差唔多5點，出面有人等緊位，入面都坐滿，不過兩個人都好快就可以入去坐，仲有個窗口位添，望住海濱長廊食嘢都幾好吖☺️🌟香草白酒煮蜆配麥包 $45上菜時賣相雖然一般，但食落都幾好味，蜆肉索咗啲香草白酒汁幾鮮美，麥包望落去好似好硬咁，但原來食落去，表面係脆脆地，入邊係軟身嘅，點啲香草汁嚟食都不錯嘅🌟(茶餐)肉醬滑蛋漢堡 $44一望到就已經唔知如何入手，食緊嘅時候入面啲醬不停唧出嚟🙈 有點難handle，有點失望…🌟(跟餐) 蜜糖芥末雞翼 $15煎得唔錯，入面啲肉汁都保留到，點埋芥末更野味，如果可以煎到啱啱好金黃會再好啲總括而言，以呢個價錢喺青衣城坐得舒服咁食到個下午茶，CP算係幾OK啦。小瑕疵係餐具有少少污糟，最好用水浸一浸先用。臨走前見到佢出邊有個小型麵包餅店咁，啲款式都幾新穎，例如有紅豆撻、麻糬撻、菠蘿酥、菠菜芝士貝果、堅果芝士批等等，得意得嚟個樣都幾靚，價錢都唔貴，搵次再嚟試吓先…Read More

星期六夜晚喺紅磡搵嘢食，想健康又好味，坐得舒服啲，即刻諗起之前已經幫襯過覺得幾好嘅貓廬。呢間鋪頭雖然叫貓廬，但唔係貓cafe，入面一隻真貓都冇😂不過就有好多有關貓嘅裝飾、餐具。總之，成間鋪頭都充滿貓🐱鋪頭非常光猛闊落，檯與檯之間都算有啲空間，如果坐較靠墻邊，更加自成一角，望住成幅貓貓牆，心情都relaxed啲，坐得好舒服。當晚鋪頭都full house，望落有唔少年輕家長帶埋小朋友一齊嚟食飯，可能齊住上面嘅居民，好有小清新家庭社區飯堂feel😆嘢食方面都好多選擇，樣樣都好吸引，非常之別緻，個個餐都有好多唔同嘅嘢食咁，令人目不暇給，好想個個都試！點餐時發覺有樣嘢好得意，就係每個餐附送嘅沙律、前菜同甜品都係可以揀唔要然後減$1，而如果揀意粉餐，揀多意粉又唔使加錢㗎喎，好抵😆🌟大蜆野菜味噌湯葛絲餐 $88好好味，啲蜆好有鮮味，野菜、好多海帶同埋啲滑捋捋嘅葛絲，全部索咗啲味噌湯之後都超好味，豆腐又好滑，成碗就算食到最後一啖都係覺得正嘅。沙律同前菜都係好fresh好好味嘅😋 紅茶就正常，都係個lipton茶包，不過食飽飲返杯熱茶係幾滿足嘅☺️🌟香煎挪威三文魚意粉餐 $98 新鮮三文魚，煎得啱啱好，仲係好嫩，好好味😋叫咗多意粉真係有比多到，男仔食都夠🤣員工都十分有禮貌，整體用餐體驗非常良好。食得飽又好味，又健康，價錢又非常合理，會再幫襯❤️…Read More

要買豆腐花探人，同埋有啲口渴想買嘢飲，即刻諗起豆乳狂人。🌟桃膠豆乳 (熱) $32頭一兩啖幾好味，豆乳足料所以比較漿口，配埋桃膠好似啫喱嘅質咁，兩者平衡返其實好夾，不過佢一樽份量真係超多，之後越飲越飽，當係一個下午茶好過當一杯解渴嘢飲😂🌟黑芝麻豆花 (熱) $28凍冰冰有個暖嘅甜品食係幾好嘅。不過豆花無咩豆味，加上黑芝麻味較重蓋過左豆花，而且唔知係咪走健康路線，所以偏淡。豆花質地較稀，口感一般。下次試第二款甜品先。順帶一提，如果要嗌熱豆乳，就要等大概8分鐘，因為佢哋係會幫你用啲凍嘅豆乳座熱返佢，但係熱豆花就係直接𢳂出嚟，所以如果你要嗌熱豆乳，再加熱豆花，又唔想啲豆花一早𢳂曬出嚟攤凍曬可能要同店員預早溝通下先😛又再順帶一提，幾欣賞佢哋裝嘢食嘅器皿同袋都好靚好衞生，店內又有好多可愛嘅裝飾同打卡位，食都食得心情愉快啲☺️…Read More

呢間主打烤雞嘅鋪頭開咗幾個月一直都想去試，終於揀咗日weekday lunch time去食。鋪頭細細，坐得有啲迫，但都無損一嚐烤雞嘅期待。QR code落單，叫咗兩個餐，一個烤雞（$148），一個意粉（$128），兩個都配前菜同嘢飲嘅。🌟 沙律 Seasoning係另上嘅，鍾意落幾多就幾多，整體感覺幾fresh🌟 蘑菇湯好香，不過可能因為少鹽少油都係鋪頭其中一個賣點，所以味道偏淡，不過不失啦🌟 三文魚菠菜意粉非常creamy，味道都係相對偏淡嘅，味道不錯，不過share食可能好啲，因為食到後期都有少少膩🌟 烤雞 (半隻)呢個上菜時熱辣辣，面頭層皮又薄又脆，入面雞肉烤得好嫩滑，仲有肉汁添，口感不錯，好好味👍🌟 冷泡蘇格蘭威士忌茶聞落真係有啲威士忌味，不過飲落去就冇咩，整體嚟講都OK🌟 冷泡台灣烏龍玫瑰茶食完烤雞飲都幾refreshing，味道偏淡，但都OK嘅順帶一提，啲staff都好attentive，好有禮貌👍…Read More

星期六凍冰冰喺西環搵嘢食，好想食啲熱辣辣嘅嘢，搵到入嚟一條小巷，見到呢間標榜雞白湯拉麵嘅小店，入面坐爆，出面有人排緊隊。由於出邊個牌寫住時節限定嘅嗰啲拉麵相實在太吸引，仲有炸牛蒡！之前去日本食咗一間烏冬小店嘅炸牛堡超好食，一直好想再食，所以就算要排隊都排啦，等咗大概15分鐘終於可以入去。坐低之後，覺得都真係幾有日式小店feel，要同人搭檯，但都叫坐得舒服嘅。點菜單極之簡單，小店只專心做好幾款雞白湯拉麵，配以少量小食選擇。填好嘢食之後就交俾員工，之後就可以欣賞下店內嘅裝飾，慢慢等下啦，因為小店有標示講明細心製作，要耐心等候。等咗15分鐘，有啲肚餓啦真係，好彩先上小食可以食住先。🌟明太子釀手羽 $20只有一隻，份量略嫌少咗啲😅 不過賣相可以，表皮煎得香脆，熱辣辣食都OK嘅。雞肉略嫌唔夠嫩滑juicy，明太子就好多嘅，不過不失啦。🌟W雙湯頭（雞白湯+櫻花蝦+鰹魚) 瀬戶內海底廣島蠔+新鮮蜆+豚叉燒+溏心蛋 $95睇得出材料係新鮮嘅，蜆同蠔都脹卜卜，食落去都好有鮮味，不過食蜆嘅時候食到有少少沙，扣0.5分🤣 豚叉燒係幾好食，好薄好滑，唔會煮到老晒鞋恰恰，索埋啲湯好入味，有驚喜👍 糖溏心蛋都整得好靚，不錯😊 拉麵我揀咗柚子拉麵，聲稱係加咗柚子皮，帶香味，不過可能係啲湯都已經好濃郁，所以唔係太食得出味道同普通拉麵有咩分別，麵質都OK，幾煙韌彈牙。美中不足嘅係，竟然冇咗炸牛蒡🥲總括而言，食物質數係對得住個價錢嘅，如果唔使排隊會更好😂…Read More

見佢鋪頭細細，以為佢只做外賣，點知原來都有堂食嘅。坐喺窗口位，睇住店內嘅一切裝飾，仲有一櫃意大利酒、周圍陳列嘅意大利麵同零食，聽住音樂，配合埋曬入嚟嘅陽光，真係突然有啲置身意大利嘅感覺。🌟牛肚包 $68第一次試，好新奇🤣 包脆脆地，口感好好👍🏻👍🏻🌟巴拿馬火腿蘑菇薄餅 $78超好味，火腿、芝士同蘑菇個味blend得好好，加埋個脆脆地嘅薄餅底，食到停唔到口😋🌟蒜香意粉 $68上菜時超香，意粉都做到al dente，口感不錯，略嫌蒜味未能充分滲透意粉，只食到少少辣味。🌟Pink Soda意大利西遊梳打，味道不錯。下次想試試佢個24m parma ham focaccia😋…Read More

星期日下晝想食個tea，嚟咗呢間一直想試嘅cafe，上層full曬，所以坐咗下層對街bar枱位。嘢食選擇方面都幾多，最後叫咗四樣嘢， 其中一樣係甜品，叫佢後上都ok。成間cafe都幾悠閒，有人打卡，有人做功課🤣漸層咖啡 $42下低嗰層係凍嘅，面頭嗰層係熱嘅，冷熱交融感覺幾得意，味道唔錯。Burger $138賣相唔錯，成把刀咁拮落去固定個burger好霸氣🤣 值得一讚係，平時一啲咁足料、咁高嘅burger一定唔可以一口咬曬，切開佢又會切到散曬，但呢個唔會，因為個包應該烘過嚟，面頭脆脆地，成個包都好堅挺，切開嘅時候一啲都唔會散，好似切蛋糕咁樣都分到，所以可以一啖咬曬所有餡料。中間牛肉肉質唔錯，個包面頭仲有啲garlic脆脆，overall都幾好食😋牛油果酸種包多士 $58好好味，個酸種包多士冇得彈，餡料份量十足，勁多牛油果，面頭啲番茄都好高quality，加埋啲olive oil同pepper，味道層次好豐富，食得好滿足👍紅豆抹茶窩夫 $68呢個好得意，紅豆同抹茶本身個味就已經好夾。抺茶係凍凍哋嘅mochi，紅豆大大粒暖暖哋好淋身同有啲紅豆蓉，再加埋個底熱熱哋嘅窩夫，三種唔同質地嘅口感同溫度，十分過癮。價錢唔平，但食物質數高，環境都ok嘅，對得住個價錢啦～…Read More

星期六喺上環lunch time搵嘢食，經過見到呢間出邊有唔少人等緊位，諗住如果要等得耐就唔等，點知一入到去佢話樓上有位，咁就即刻入咗去啦。鋪頭細細但非常之有特色，好多懷舊嘅擺設同裝飾，成間鋪頭非常之有風味，色彩繽紛，勁多打卡位。等食嘢途中絕對唔會悶，因為眼睛好忙碌😂 佢哋播啲歌都非常有趣，雖然係越南鋪頭，但係播嘅係英國歌手嘅歌。Anyway, 個vibe係幾正嘅😌👍🌟 粉 $100佢有分北越同南越，望落北越少食啲，同埋因為🙎鍾意食蒜頭，所以揀左北越嚟試🤭 個侍應上菜時仲會問我哋要唔要青檸同要幾多粒辣椒，跟住幫我哋放埋入碗仔，同埋畀咗一樽仔醬料我哋。🙍‍♀️ 整體嚟講正常， 味道OK，唔係平時食開越南河有九層塔嗰啲味，因為佢係落蔥嘅。牛肉偏熟，但可接受。🙎 原來北越就係咁，的確係唔同平時寫開嘅😅🌟 香茅煮蜆 $130🙍‍♀️ 呢個不得了，真心好食！啲蜆幾大隻，最緊要係新鮮有甜味，重點係索曬啲香茅味，超級好食，大愛❣️🙎 好味😋🌟 法包 $80🙍‍♀️本身鍾意食法包，食之前都好期待。一食就覺得正！佢嘅餡料非常之豐富，成個包唔會話散收收，每一啖都好充實，個包亦都非常之脆，配埋當中嘅厚切扎肉、蔬菜條、仲有蛋，味道好豐富、好夾，口感亦好好，真係好好食😋🙎 幾好唔錯鋪頭細細，越南大排檔式嘅格局，但服務都非常到位，侍應會主動同埋收碗碟，又會問吓你覺得的食物點，全程笑笑口好親切咁，走嘅時候又會同你講Have a nice day ;) 整體嚟講，值得encore😋👍…Read More

星期六喺上環想食個chill chil地嘅light lunch，見到有呢間墨西哥餐廳就入左去。上到二樓，空間唔算好大，但格調一流，播住mexican music，成個vibe好好😌🌟 Classic Quesadilla $88煙煙軔軔嘅芝士餡餅，比較厚身，不過不失。🌟 Chamorro $198燜豬肉飯，配frijoles，好似一碗仔紅豆沙咁，幾得意。另外有啲餅皮，可以試下夾住食。🌟 Paloma $幾fresh 幾好飲👍服務方面，好睇serve你果個嘅style😅 總括而言，如果同朋友黎飲下嘢傾下計，enjoy下個vibe，自得其樂，其實呢個地方係幾正嘅😉…Read More

星期六夜晚喺紅磡想搵間小店幫襯下，見到呢間唔算好多人，望落餐牌嘢食幾吸引，環境又算乾淨，所以膽粗粗入去試下，點知幾有驚喜喎！🌟 前菜 免費+隨意添加佢嗰度寫住話前菜會成日更新。我哋兩個人去食，一嚟就俾左六款我哋試，有泡菜、菠菜、芽菜、蓮藕、薯仔絲同矮瓜，樣樣都好fresh好好食。個人覺得最有驚喜係個蓮藕，口感好爽、醃得好好味。薯仔絲係辣嘅，個人比較喜歡唔辣，等個薯仔味出啲。第一次嗰轉唔記得左影相，encore嘅時候佢會問你鍾意食邊隻想再添加多啲，我哋話淨係唔要辣果啲，點知佢一畀就畀好多🤣，冇左菠菜但就畀多咗一個炆蘿蔔，好重牛腩味，都幾好味，不過食到尾聲就覺得有啲鹹。整體黎講，最推介蓮藕、矮瓜、菠菜同芽菜💛🌟 炙熱豬肩肉配飯 $118第一啖就好有驚喜！調味好好，非常入味。又香又甜，仲有淡淡的炭燒味，拎嚟送飯一流😋🌟 泡菜煎餅 $58呢個真係不得了！超超超超超級好食！個人本身好中意食泡菜煎餅，而佢呢款就係有啲個人風格嘅，同出邊平時食開嗰啲好唔同。首先佢係偏細個同厚身嘅，唔係一般好大塊好薄果啲。個重點係佢表面果層好鬆脆，係果種啱啱新鮮輕輕煎一煎果隻，好薄好薄嘅一層，然後咬落去就係軟綿綿嘅，口感一流👍 另外佢唔算好辣，仲有一片紅椒喺中間點綴，夾住食，少少清新juicy，輕輕中和返啲油膩感，非常過癮，又靚又有新鮮感，好好味😋 同埋佢有塊吸油紙喺底，就算食底下果塊都唔會好油，而係偏乾身嘅，就算一個人食兩塊都唔覺得好膩。一試難忘，必食推介💯🌟 雜菜炒粉絲 $58穩陣之選，不錯不錯！好欣賞佢嗰粉絲唔係好油膩，同埋彈牙得嚟唔係好膠好假嘅橡筋感覺，將特別加入左菇，炒得好入味☺️🌟 蜜桃伯爵冰茶 $38幾大杯，配韓菜食，fresh一fresh，同埋佢有啲果肉粒，飲下食下，幾好！職員有禮，整體用餐體驗良好，性價比不錯，係一個會食完想再去食嘅餐廳！🥰…Read More

喺一個超翳焗悶熱嘅下晝，好想坐低飲杯嘢，附近有室內座位又闊落少少嘅cafe唔多，見呢間乾淨企理、帶點stylish，就入咗去～🌟奇異果綠茶(中) $25可能本身好鍾意奇異果味，滿心歡喜點左呢個，但飲落有啲失望，因為無咩奇異果味😔 當純綠茶飲都OK嘅，解下渴。🌟百香果紅茶(大) $28呢個幾fresh，有百香果籽間中食一兩粒幾有咬口，過下口癮，不錯不錯👍但最好叫小甜，因為百香果本身都偏甜，呢杯小甜都已經OK甜，再多就可能太over啦～呢度環境舒適，打卡唔錯，chill chill地坐下幾relaxed，如果想靜靜哋諗吓嘢或者傾吓偈都好適合～呢個價錢有杯野飲下消磨下時間真係very good👍 順帶一題，店員笑容親切，而且會盡心回應客人問題，令小店加分不少😊😊…Read More

晚飯前有少少肚餓想搵嘢食，經過呢間小店望到入邊坐爆出邊仲要有人等位，忍唔住決定要試下佢係咪真係咁正。出邊等緊位嘅時候有遮遮出黎中氣十足叫你填定紙仔先，一路填一路隔住玻璃望佢入邊燒緊緊嘅嘢食，樣樣都大大串，料靚又夠火候咁🤤等左10分鐘左右入去坐，要搭枱但都無咩所謂啦，呢啲串燒小店少少迫先夠地道嘛😆 中氣遮遮好快就過黎收紙仔，仲話無得加單添❗️咁又係，佢出邊仲有成村人等緊位，真係要push下你落單精準啲🤪 我哋第一次試又唔係超肚餓，所以叫左5樣少少哋試下先～ 等等等其實都幾耐，可能有20分鐘(?)，不過佢真係好多嘢要燒，有枱大客8-9人，好似叫餸食飯咁，見到上枱啲串燒全部都係一款嘢食打孖打三甚至打四咁嚟😱😱😱 不過等緊既途中發現佢有一樣嘢真係好正，佢播緊90年代嗰啲MV，有王菲吖❣️😍😍😍 Good taste吖真係😆👍🌟 燒雞中翼 $13等得太耐好肚餓嚟到即食唔記得影相😝但真係好好味呀🤣🤣😋😋燒到啱啱好，唔會太老緊緊離骨，雞皮唔會太厚成大層肥膏，做到外脆內軟，熱辣辣又香噴噴，肉汁滿滿好yummy😋必食推介！🌟 肥牛金菇卷 $16呢個不得了！超好食！肥牛唔會燒到老晒仲保持到鮮嫰口感，金菇超大束毫不留手勁多汁，兩樣加埋配埋啲串燒嘅鹽、胡椒粉調味，熱辣辣一啖食落去好juicy好入味好夾🤤 之前喺鋪頭出面見佢燒得咁靚決定加呢款真心無揀錯！4大件都只係$16，性格比極高，推介指數爆燈💡💡💡🌟 串燒京蔥 $11一樣有濃濃燒烤味，香味十足，同時保持水份唔會太老太乾，好嫩又冇渣！鐘意食蔥既朋友必點！🌟 娃娃菜 $11娃娃菜好多汁，面果浸索到味好好食，而且份量好足，食串燒咁重口味嘅嘢再食啲菜就可以fresh返啲😋😋 如果佢入面再入味啲就再好啲啦～ 🌟 串燒芥蘭 $11對比其他咁好食，呢嗰係遜色少少嘅，可能芥蘭始終都係難入味啲，而且份量較少，但都唔係差嘅👌總括來講，呢間真係又平又好食！不過最好揀啲容易入味嘅嘢黎燒😊👍…Read More

下午茶時段有啲肚餓想食啲輕食，行行下見到呢一間主打鹽水雞嘅台式外帶小店，咁就諗住試下啦～佢主打係鹽水雞，有好多唔同嘅套餐同配料俾你選擇，仲有一啲是日精選嘅配料喺平時個張剔剔紙度冇嘅。✅️ 落完單諗住喺附近還位坐底食啦，但星期日嘅下午嗰度好多人，所以無位坐。等左大概15分鐘左右個外賣就ready啦，唯有拎去遠啲搵地方食😬🌟 鹽水雞套餐（2人用）：半隻雞 + 3款配料（自選）鹽水雞味道OK，夠凍，雞皮幾滑，但雞肉唔算太嫰滑但都唔係鞋口嘅，少少鹹，配芝麻食都幾fresh，唔會覺得好重味精愈食愈鹹果種👌 配料方面：🔸️魚肉春卷少少煙煙韌韌幾好味🔸️鳳爪根都唔錯，略嫌無起埋啲軟骨所以叫食食下要lur骨有啲麻煩，不過有人可以連啲骨都咬碎哂吞埋落肚🤣🤣🤣，所以真係好睇你自己嘅口味😝🔸️牛柏葉（是日精選）都可以，爽得嚟唔會太韌整體黎講，算係小清新嘅選擇，幾欣賞佢唔會話太重味，但又過到口癒，不過配料份量可以多返少少，咁樣性價比會高啲😆…Read More

呢間扒房係無得預訂嘅，晚市walk-in都要稍為等一陣。餐廳唔算大，但都算係有啲格調同坐得舒服。一坐低就有人同你介紹menu，又會講解下啲菜色，仲話薯條係免費添加添😍🌟 是日特別版平鐵牛扒 （辣燒汁版） $248呢個係waiter推介嘅，話係佢哋signature嘅牛扒，肉質幾好，配燒汁，少少辣。因為本身唔係好嗜辣，所以有啲爭扎好唔好叫，但佢又講到推介又唔係好辣咁，最終就叫左。不過可能真係唔係好鍾意辣，所以感覺一般，好似個辣味蓋過晒牛扒本身嘅味，有啲晒左咁。不過塊肉係有flat iron嘅嫰嘅，如果用返普通煮法咁整可能啱我哋口味啲🤣🌟 終極漢堡 $160味道中規中矩，不過不失。最正嘅係大大個burger，可以用來當生日蛋糕咁切🎂一物二用！🤣🤣🤣🌟 松露薯條 （免費任添）新鮮炸起熱辣辣嘅薯條，超好味😋 免費任添真係好令人心動❣️ 佢哋好快手，一見到個碟空咗就即刻添到滿晒俾返你。可惜個胃太細，又有其他嘢食，所以食到第二碟已經飽咗😅 🌟 開心果奶蓋紅茶特飲 $48呢個等飲幾特別，開心果奶蓋真係有開心果味，連埋開心果碎同埋下低凍冰冰嘅紅茶一齊飲，口感好新鮮，味道都好夾好好味。佢唔係on regular menu嘅，嚟到真係不妨一試👍🏻🌟 生啤 $55 正正常常🤣🤣整體嚟講，值得一試👍🏻👍🏻😋😋…Read More

之前經過荃灣分店已經好想試，但太多人排隊所以無試到。今次黎到沙田呢間偏遠小小啲舖仔，點知都係有條隊，但真係好想飲豆漿所以照試。叫咗兩款嘢飲，等咗大概15分鐘。等嘅時候，條隊一直冇斷過，keep住好多人黎買，真係好受歡迎。🌟 十勝紅豆豆乳 $30第一啖試已經有好濃郁嘅豆味，紅豆軟硬度適中，細細粒同豆漿好夾，口感好fresh，解渴又飽肚，飲完好滿足😋 紅豆出奇地多，三分之一樽都塞滿紅豆，建議一路飲一路撩起啲紅豆同豆漿一齊飲落肚，如果唔喺飲到最後就會剩返好多紅豆，有啲難撩上黎食😆 🌟 豆乳布丁珍珠烏龍茶 $30一樣好好飲！大大啖布丁加埋珍珠一齊啜上嚟，口感好過引，豆味勁濃郁！估唔到烏龍茶同豆味原來都可以咁夾🤣😋😋😋整體黎講非常滿意，好味又健康👍 遲啲先買其他口味同粢飯先得🥳…Read More