aphphqvs94bp's Profile

一行兩人，嗌咗一個白酒忌廉煮藍青口配薄餅，比目魚忌廉菠菜天使麵同埋蘋果木燒豬鞍。餐包配黑松露牛油，麵包鬆軟，黑松露好香，非常好食。青口一般，有少少雪藏味同埋肉質好削，略嫌忌廉太重手，遮蓋咗湯底海鮮嘅味道。比目魚冇乜味道，但煎得幾好。天使麵有少少Overcooked。餐廳做緊優惠，豬鞍只係賣$80，好抵食，但係我哋由入座起計足足等咗成個鐘個豬鞍先至上菜。隔籬枱明明遲過我哋入座但係佢哋個豬鞍嚟先過我哋🤔整體嚟講呢間餐廳唔錯嘅，職員態度都好好。不過食完之後冇乜記憶點去令我想返轉頭再食多次。…Read More

星期日下午經過，見只有2-3人排隊，所以決定試一試之前網上好HIT的開心果味糯米滋。買左3粒唔同既口味，分別係開心果，榛子同埋花生。開心果&榛子 (12蚊一粒)- 甜，非常甜，開心果&榛子味唔算突出花生(6蚊粒)- 最平凡的餡料果然是最穩陣最好食，花生好香，值得食第2啖整體而言，外皮厚薄不均，餡料太甜。食第一啖既時候，只食到厚厚既皮及粉糰感建議店家在包糯米滋的時候將收口位的地方壓平壓薄少少再收口，才不會出現糯米皮厚薄不一的情況。…Read More

兩個人嗌左鹽燒烏頭，肉碎飯同埋串燒。豬串燒好重味好鹹。燒魚係出色嘅，肉碎飯就有點比下去。餐廳用餐時限90分鐘，我地食左大約一個鐘，仲食緊最後幾啖芒果糯米飯嘅時候，突然聽到一位老闆娘嘅人士叫我地「你地快啲食埋啲嘢，因為出面有人等緊位」。我地絕對明白餐廳想翻桌率高啲，但老闆娘咁同我地講，變相係趕我地走。建議下次老闆娘可以將「請趕快用膳後馬上結帳離場」貼在餐廳外牆壁上，好讓客人有心理準備接受如此惡劣的服務態度。😀…Read More

一向好支持呢間店舖，份量足，味道好。然而我上次去，換左新staff出餐，質素有所下降。我竟然食到又乾又硬的隔夜飯同新鮮的飯溝埋一齊😓😓😓影響了成碗poke的口感。明白餐廳唔想浪費前一晚的剩飯，但係起碼都熱一熱啲飯先出俾客人吧？好失望…Read More