esthersotim的個人專頁

期望愈大，失望愈大。Order左hot chocolate, brownie, 石鍋飯，mushroom burger. 等左25 分鐘， 先嚟杯飲品， 味道可以， 但唔特別。再等多15 分鐘先嚟個石鍋飯，足足等左40 分鐘。 $88 得一隻蛋，少量菜同飯。 連飯都係少量，食左同冇食冇分別， 但係要$88. 隔離枱遲嚟先上岸，忍唔住催單，先見個burger. 個burger係嘉頓麵包，裡面得一塊蕃茄，切片冬菇，一塊cheese, 一塊生菜， 點解要$108?! 你俾塊磨菇扒我都好呀， 乜都冇，等咁耐。 再等多10 分鐘先嚟個brownie, 因為太肚餓，食龍肉都冇味， 求其食完就即走， 完全enjoy唔到啲氣氛。…查看更多

嗰日行完街市，求其入左去啲間小店食lunch. 竟然有驚喜，冇諗過幾十蚊有和牛食。心諗係真唔係真。 日本老闆同我地講佢地每隻牛都有編號，所有嘢都響日本運返嚟。 我望一望真係連茄汁都係日本版。 講返食物質素，order 左壽喜燒和牛飯，食得出係唔同普通嘅牛，牛肉味香濃， 配菜精緻好味！honey叫左和牛咖哩烏冬， 咖哩鹹淡適中，烏冬好滑，啲牛肉唔駛講都係水準之上。雖然兩樣正餐都好好食，不過大食積如我，都係要叫返個甜品先夠飽。叫左綠茶布甸同瑞士卷。 老闆話要我試真啲瑞士卷裡面嘅cream. 食完就知點解，真係比一般香滑， 但係我都係鐘意個綠茶布甸多啲，可能係我鐘意有嗰種甘甘地嘅香濃綠茶味嘅甜品， 而唔會只有奶味同甜味。 不過我强烈建議老闆應該俾我地，可以加錢加牛肉份量。…查看更多

每次見到啲間餐廳都排長龍，卒之夜晚咁啱經過，見唔駛排隊走去食。2個人叫左鳳爪，肉餅蒸飯，蝦餃，燒賣，糯米雞，帶子腸，青菜，腐竹卷同埋蘿蔔糕。 除左帶子腸ok啲之外，我睇唔出同屋村酒樓有咩分別，可能有時候屋村某啲酒樓仲好啲。鳳爪-冇味，叫做好在冇染色，但係甩皮甩骨，瘦到死。糯米雞-啲雞肉梅嘅，粒潤腸超肥。蝦餃-皮係薄嘅，不過蒸過龍，啲皮溶溶地。真係唔會再去，同一蘭一樣，試一次就夠…查看更多

本來諗住去襯夏銘記結業前試一次，但係太多人，所以去左啲間金銘記。 可能係假期，好多人排隊，不過等左一陣就到我地。 叫左一碗牛筋崩沙腩河，一碗牛雜魚蛋麵。 牛筋好'淋', 崩沙腩都幾好食。 牛雜ok啦， 魚蛋食得出係冇落粉， 同出面食嗰啲有分別，我個人嚟講幾鐘意。…查看更多