winngman's Profile

今次試下食呢間嘅酸菜魚火鍋，佢地仲有得任食小籠包！🤤入座後每枱可以揀一款茶飲，唔使額外加錢。火鍋總共有七款湯底揀，我地就揀咗酸菜魚同水煮魚湯底。水煮魚湯底唔算好辣，幾啱唔食得辣嘅人🤣。不過酸菜魚湯底就偏淡，酸味都唔係好濃。魚肉都幾嫩身，但份量就唔係好多。火鍋加48蚊有得任食30多款火鍋配料，原味小籠包，仲有黑糖珍珠豆漿🤤。火鍋配料正正常常，肥牛都係急凍個隻黎😂。可以自己叫寬薯粉放落鍋度煮，仲有得叫擔擔麵同上海粗炒。不過我最期待就係佢個任嗌嘅小籠包🤤。雖然佢細細隻，皮好薄身，但個餡好足料，爆多汁！上菜個時仲要係熱辣辣，有驚喜到！不過火鍋只係任食90分鐘，所以都有啲趕。個人建議火鍋配料唔使叫太多，留肚食小籠包都回到本🤣！埋單每人都只係$160，都幾抵食嘅👍🏻。…Read More

呢間Cafe有大大座浴缸係間鋪入面，仲要係枱黎，真係好特別！👍🏻🤣🍔 吉列魚柳漢堡 $68 (+$10 Mocha）(7.5/10)魚柳好大塊，接近一隻手咁大！外面層脆皮炸到金黃色，整得啱啱好，又唔會唔會好油。配埋烘過嘅包一齊食，好滿足🤤！魚柳都幾juicy，食落唔會好乾。🍝 蟹子蟹肉忌廉汁意大利飯 $68 (+10 Flat white) (6.5/10)呢個risotto都多洋蔥同蘑菇，而且每啖都食到好濃忌廉味！蟹肉蟹籽就正正常常，係份量有啲啲少🤣。啲飯都算軟身而帶點煙靭，但就有幾粒飯都仲到硬硬地😢。☕️ 南瓜忌廉湯（8/10）呢個湯係跟餐送嘅。南瓜味好出！好順滑！雖然餐前上，但飲完都唔會覺得膩。🤤…Read More

呢間cafe 有兩層，樓上同樓梯都好多打卡位。成間cafe用藍白做主色調，令我諗起Santorini 嘅藍頂教堂🤤！🥯 Triple Biscoff 焦糖三重奏 （$75）7.5/10呢個bagel 面頭有lotus 餅乾碎，同lotus 焦糖醬，中間又有爆多lotus cream cheese。成件事好邪惡！真係食到佢所講嘅三重奏🤤 。係焦糖嘅甜度黎講，雖然佢多醬、又多cream，但整體上都唔會話超甜。仲甜得幾自然，唔會好溜👍🏻。Bagel 包身會偏硬少少，不過咬落都好煙韌，最好就盡快食🤣。雖然bagel 有啲貴，但都值得一試嘅。🍵 Matcha Latte ($55) & Mocha ($50) 6.5/10飲品方面就不過不失，兩杯都唔會好甜。而抹茶latte 就會重茶味啲。…Read More

呢間位於長沙灣住宅區嘅cafe 長期都幾多人下🤣 俾佢嘅裝修吸引咗入去！黑白色裝修真係好型！🍝 慢燉牛頰肉意大利寛扁麵 $88（8.5/10）佢有少少似肉醬意粉隻味🤣。意粉食落唔會好乾或者好淋，而且仲有啲咬口，加分！每啖麵都帶有少少牛頰肉同汁，口感好豐富🤤。意大利麵仲好有油香，會食到唔想停😋！份量雖然唔算多，但好值得一試！🧇 抹茶糯米窩夫 $102（8/10）窩夫抹茶味好濃，食落都唔會有苦澀味🤤。而且仲整得啱啱好，外層好脆。裏面仲夾住mochi，煙煙韌韌咁好過癮！抹茶cream唔會過濃，就算同窩夫一齊食都唔會搶左fo 👍🏻。窩夫仲配埋佢地自家製嘅牛奶雪條。牛奶味唔算好出，但都有丁點奶香味。佢嘅口感比較似係發起左嘅whipping cream，所以食落好有泡沫感🤣。就咁食可能會冇咩味，配落窩夫一齊食會令口感豐富啲！…Read More

呢間韓國餐廳長期都爆晒人🤣記得要book定位🍖 黃金蒜香無骨雞 $108 （8.5/10）呢份炸雞大約有15-18件左右，好抵食。蒜味好突出，面頭淋左啲醬油加蒜汁，所以食落唔乾身。炸雞皮薄肉嫩，而且仲好juicy！🤤可以試下唧幾滴檸檬汁，會再昇華左🤣！🧀 卡邦尼炒年糕 $78 （6.5/10）雖然係卡邦尼，但就唔係好食到芝士同忌廉味，反而好重牛奶味。可能落牛奶嗰陣太重手，個汁都有啲稀。不過年糕就整得唔錯，夠淋但又有啲咬口咁。🍓 草莓雪冰 $68 （9.5/10）超級推薦！！🤤👍🏻食落有陣陣牛奶味，雪冰好軟綿綿，唔會黐埋咗一大舊咁。Mix 埋士多啤梨一齊食好清新，好啱食完炸雞消下濟。即使食到落底都仲好重牛奶味，證明落足料👍🏻整體黎講呢間韓國餐廳性價比好高，價錢比起其他韓國餐廳唔算貴。好值得一試👍🏻🤤…Read More