大頭芝's Profile

一行8人 (:)三代同堂)， 諗住趁復活節假期完畢前 ，帶小朋友見識下什麼是卡拉ok ！搵到這間位於銅鑼灣又方便嘅位置，就帶小朋友及媽媽 一齊去唱k ，價錢每位$169 (可以用這價錢 叫食物及飲品) ，相當抵玩 被安排了一個大房，小朋友也很喜歡 ，而且大玻璃窗有天然光，小朋友覺得冇咁侷促 大人唱歌為主， 小朋友就玩uno、 玩骰盅 ，各有娛樂:)我地叫咗好多食物 ，有黑松露炒飯、 炸雞軟骨、 炸雞翼 、甜品 及黑椒牛柳粒 味道相當不錯 ，而飲品方面 亦算不過不失 ！唯一缺點是食物上菜得比較慢 但整體職員服務態度良好 可惜今日係假期，只能夠唱2.5小時 未能盡興 期待下一次可以再去 感受一下唱六小時的樂趣！…Read More

一直都想試這間餐廳， 難得今日收早 所以就去買外賣返屋企食:) 本來想試 "家傳炆豬手飯 "但可惜沽清了(果然係限量供應) 考慮咗一陣 決定改為 “蓮藕餅豬扒飯” ,再叫咗一個小食 "涼拌海蜇手撕雞" ，成為90蚊。 老火湯( 老火湯是送的)..... 好有屋企feel 冇味精 好飲手撕雞..... 麻醬好配合好清新,good蓮藕餅豬扒飯..... 豬扒望落好似乾爭爭,但 原來..... 非常好味而且好鬆化, 蓮藕餅 咬落好多蓮藕粒 讚 總括今晚嘅晚餐非常滿足:) …Read More

今早在灣仔做完賣旗義工後，原本打算買鍋貼回家食，點知比我見到這間湯鮮生，見到門口有好大個餐牌，D湯款都幾吸引，而且價錢都合理，所以就決定幫襯!經過一輪選擇，揀咗A1($59)及A2($69)，佢哋用原個椰子燉，所以原個椰子比我攞走值得讚就係.....包裝得......好穩陣，我由搭巴士到返到家，完全無漏一滴(當然我都好小心攞)打開椰子蓋，見湯料都很足，飲落味道清甜連媽媽都話幾好下次有機會再試吓其他…Read More

帶姨甥去北角馬寶學林補習，自己就在附近揾食!見到餐廳內有位，所以就走入去，諗住起碼可以坐番一個鐘自己揾咗個角落位坐低，再望吓餐牌.....星期日都有下午茶，而且甜品、湯麵、焗飯/意粉、沙律、三文治都有，仲要幾十蚊有交易我order咗"豬柳蛋出前一丁鍋"(即係唔用碗，用個鐵鍋)原本可免費飲麥精，但可惜無貨，只好叫番凍O茶啦!大約10分鐘，男職員小心翼翼攞住熱到滾既麵嚟，細細聲禮貌咁叫我自己加麻油(已經放在枱邊的盒仔)可能用鐵鍋關係，碗麵真係好熱呀，個人認為用返普通碗都唔太大問題(職員送餐都可以輕鬆D安全D)食飽飽坐咗15分鐘，自己都唔好意思再坐埋單多謝$38.......抵食嘅下午茶…Read More

一行10人慶祝中秋節，當然有預早book定位及上嚟open rice睇定其他食家嘅推介菜色啦餐廳位於山林道最入最入最入嘅位置，對於我由尖東站行過嚟，真係好遠入座後，待應姐姐立刻奉上酸蘿蔔及椰菜沙律(可以添食㗎)落order後10多分鐘就陸續上菜了.....炸雞(原味及甜辣味),燒五花腩肉,魚子湯,酥炸魷魚+辣年糕湯,海鮮炸醬麵，芝士雞蛋卷........，其中五花腩肉最受媽媽讚賞由於無限制進餐時間，所以大家食飽後，聽住電視播放嘅韓國MV，一家人高談闊論，可算是渡過咗一個溫馨愉快嘅中秋節…Read More

今日冇胃口,好想食碗熱粥!醒起羅富記就在附近,決定行去買嚟試吓!星期日下午仲好多人,我以為外賣要等好耐,估唔到未夠10分鐘就有,好快手!我order咗"豬潤滑牛粥"--$27! 豬潤一般,如果可以大塊少少,厚少少,咁咬起來會有滿足感就仲正! 滑牛好滑,好鮮牛肉味,唔怪得openrice食家都讚"滑牛粥"正啦 !另外d 粥底好"綿",好滑,吸收咗豬潤牛肉嘅味道,所以好甜,好正!總結對呢碗粥都幾滿意!…Read More

10月10日(星期五)老友生日,佢同我一樣都歡喜 "拾吓拾吓",咪去試吓啦!安排座在電視機下,2個人好鬆動!首先叫咗招牌豬骨湯底,原來無豬骨架,如果要就比多$40,而家係用豬骨熬出來的湯! 味道係淡d....但之後d蘿蔔片,粟米煲到好入味!食品方面,無order 獅子狗, 唔知點解都嚟咗?仲要有好多呀......不過肥牛好大碟,好似知道我想食咁..:) 脆脘片唔得,d肉唔新鮮.....:( 我覺得如果生蠔可以任食就更加好......!!另外加咗1個小食---墨魚肉釀油炸鬼(唔記得佢正確嘅名稱),一般啦..熱騰騰點酸甜汁,好香口!其實有五花茶任飲,不過都係可樂"襯"d,每人都叫咗1支!!service ok！時不時主動行埋嚟問要唔要加湯!埋單$280...如果下次去食,又係2-3個人,我會book定卡位囉!!…Read More

10月15日(星期三)放工去SOGO買完嘢,同肥細妹搵地方開餐,見到門口唔係咁多人等位,所以就決定食"板前".其實都無特別,但想話"珍寶帶子","牡丹蝦 "就very good!好鮮味!!:)2個人食咗12碟,差唔多$300,好滿足!!…Read More

我覺得16元一碗雲吞麵,一d都唔貴!我屋企樓下麵檔都要$18啦!有3大粒雲吞,好多蝦,好爽口!d湯好香,飲咗好多都唔口渴!(即是唔多味精)…Read More

今早11:00 突地去買嚟試吓,外賣咗一份檸蜜脆脆+熱奶茶,合共$17.5 ! 熱奶茶----好香,好滑,甜味啱啱好!:)檸蜜脆脆----酸酸甜甜,麵包皮香脆,再加埋本人對麵包的喜愛,特別覺得好食!:)而落單阿姐ok 喎,唔係有d食家話咁差! 檔口做生意算係咁啦!!下次會試埋佢其他食物!…Read More