fefe's Profile

已有幾年無寫食評了~連密碼都唔記得左 ^-^ 舊食友唔知仲記唔記得我呢? ^0^今次寫的原因是因為希望介紹LEE間有誠意既BBQ場比有要求既食友佢係繼 :劉星花園 之後~我最愛既任食BBQ場佢既食物係一般 任食BBQ場沒有的: ~ 而食物是自助任取的~食多小自己話是~唔洗浪費 正牌龍蝦丸 (不是佳X平價沒有蟹籽又粉的那種~你有買開就知我講咩~任食場通常都無供應)芝士丸 (至愛)花枝丸 (超有咬口~好多一片片既花枝肉係內面 超級無敵推介)司華力腸 (金x牌)三角型豆卜(用慢火燒至外脆內軟~再掃豉油輕輕燒一陣~人間極品)日本番薯~已烚熟 (先將牛油搽上燒一陣~再搽蜜糖燒多陣~連皮食~yummy ^0^)面豉醬茄子 (勁有心思)脆肉瓜 (切得厚厚的~ 很新鮮)鮮冬菇 (好小可以任取的)勁蒜蓉特厚豬扒~ (豬扒面布滿蒜蓉~燒完之後d蒜蓉甜甜地脆脆地~豬扒又厚身~成塊吉列豬扒咁~口水流 超重本貨~唔試走寶)小羊架 (孜然粉味~香草味~咖哩味~輪住出)雞比 (咁誇張都有)豬大腸 (勁愛)五花腩肉 秋都魚 (甚落本^0^ )煙鴨胸xx梅肉粒 (無食過)不過咸的廚x賜 (而家買的廚x腸不知點解好咸的~這裡的不會 =) )特厚麵包 (又係勁正~不過都要睇你自己手細既)普通的有:4款中翼 2款全翼 兩款雞扒~~金沙骨~雞腎~牛扒~牛丸 ~魚蛋~貢丸~紅腸 ~多春魚~燒賣~芝士腸~栗米 ^0^ 蒜蓉牛油~普通牛油~辣椒油~蜜糖自助任取的~勁正 ^0^洗手間幾乾淨~連餐具都用得比人貴一點~我最鍾意lee道播d歌(音響同taste都唔錯 ^0^)重有一株奇樹 (落雨你就知佢有幾奇嫁喇 = .=無麻雀打的yeah!!!大家要注意:老板娘話閒日會無咁多款式~因唔想浪費食物~ 缺點~星期六日都要3點先開 =[上兩次都是拍短片~下次影相再同大家分享 ^0^$98一位 包一飲品一水 有甜品送(任食) haha~…Read More

朋友一聽倒我問茶檔0既位置,諗都唔諗以為我話蘭芳園,結果我搵左好耐都搵唔倒,迫於無耐再打比佢,先知原來佢誤會左,其實都唔關佢事,因為我曾提過想試0下蘭芳園,所以佢就入左腦!蕃茄豬扒蛋通;好大碗無坑紋的通粉我鍾意,個人而言喜歡天然蕃茄底0既湯底多D,不過都OK!豬扒係無骨0既,普通啦!(我比較偏愛有骨果隻多D),蛋煎得唔錯WOR!牛油檸汁蜜糖脆脆;即係翠華果隻脆豬仔包,不過醬汁多元化D,要襯熱食才好!凍奶茶一向不好,襯高興叫,所以不評,下次再去蘭芳園試0下先!…Read More

昨日要到到中環,便約了好友午餐,好友誤會了我0既意思,結果令我行到這裹,反正來了又見唔太多人,環境又不太差,便入去試試!約60元一個套餐,有小菜,燉湯,白飯及甜品,選了糖醋骨及京蔥駝鳥肉,糖醋骨0既賣相唔錯,味道可以啦,駝鳥肉唔夠熱,但又老了點WOR?燉湯(青紅蘿蔔粟米肉粒湯),有落味精的湯及似糖水的湯,類似木瓜雪耳0既糖水,不好所以無吃!環境OK啦,唔太嘈,雖然唔係好大地方,但兩至四個人是可以的,起碼可以慢慢食,唔洗食完即刻走!…Read More

我今次係第三次去新漢記,我好鍾意食雞,特別係走地雞,仲意佢皮薄又有雞味,我山長水遠走入黎粉嶺都係為左佢,我食過兩次都唔錯,有一次果隻我明知係隔夜0既都照買,但味道都OK,係"鞋"左D 姐,點知今次入到離,佢比D成三斤重一隻0既雞比我食,唔識分0既朋友話幾滑ar,我就食到"銀銀聲"(我同"呀穌一樣,"去街市買雞,重來唔買重過兩斤半0既雞0既,因為一定皮厚兼夾唔好食0既) 仲用幾濃0既鹽水浸過tim,唔知係咪因為禽流感,所以無走地雞到,我打電話訂位時,佢同我講話半隻要加$20,我仲鬼咁開心諗住貴DD貨應該仲靚D,咁遠入到離真係好失望呀! …Read More

話時話我出左名"路盲",但好在一有好野食0既地方,我就點都識去,下午去完再興,行到咁上0下,又到晚飯時間,就去左話用魚湯離餚粥底0既靠得住;黃沙潤泥鯭粥(去骨)(好似$30)----黃沙潤切得厚薄剛好,又夠大塊很有口感但就無嘜味,亦唔係幾夠黃沙,不過講真,自己買都要撞手神,魚就熟左D,而粥底就幾HOME-MADE,因為無味精所以會淡少少,魚湯味亦唔算好突出! 鮮鯇魚皮($35)-----凍凍的,非常爽脆,與椒絲蔥絲夾住一起吃,我鍾意!…Read More

朋友原本想同我去食D特別菜,但遇正齋期所以要改改,我其實想離好耐嫁啦,今日遇0岩有車,更好之不過!黃金蝦($48蚊6隻)---少少芋絲包住素蝦離炸,油左D,但味道都OK!五小碟($58)---有薑醋味0既都麵根,炸豆腐,紅得好假0既薑條,涼伴牛蒡,甜味蕃薯粒,叫左應該會後悔!鐵板牛柳絲炒麵---有咸酸菜加埋炒,甜甜地,OK 啦!咖喱牛腩煲----LEE個最好,咖喱幾辣,似大家樂好耐好耐之前,最傳統果隻咖喱!剌身($28)----有兩款共6件,似TUNA個隻幾好味!另外仲叫左一個唔知咩黃魚幾OK,一個煲,4個飯,一個栗粟米粥,D野好細碟,如果唔係有個炒麵,相信唔多夠食!埋單計埋前菜,茶錢,加一好似$45幾!…Read More

自己食到飽飽,可憐大食妹咁夜仲見緊客,於是我便走去蛇王燊買個蛇羹比佢,去到門口聞倒好勁0既酒香味,佢果到D餐有蛇腩煲仔飯食,下次一定要試試!講番個蛇羹,大食妹食完話都ok ar,我試左一匙,覺得佢幾香酒味,但料就唔夠蛇王濤多,但蛇王濤我又覺得"杰"得滯,奇實我最鍾意0既係蛇王業,我得閒先補番個食評比大家!…Read More

是日非常之得閒又想行0下灣仔,於是做足功夫set好曬D資料係電話便起行!第一站就去聞名已久0既再興,試左乳豬半肥叉飯+咖喱汁,我本身食飯唔鍾意加汁,但見大家講到咁好咁又試試啦,乳豬食落無咩肉味,似冰鮮貨,叉燒就唔錯,半肥瘦幾有口感,咖喱汁都OK,(佢本身都有咖喱飯賣),價錢又平,去開灣仔可以試0下!…Read More

由於看食評見大家對榴槤MOUSSE讚不絕口,呀妹又鍾情榴槤,此店成為了我必到的"購物點",而我自己亦有意外收穫,因我一向不愛甜,而酸酸地0既甜品就正合我意，但好少甜品鋪願做MOUSSE,(佢地話一來成本貴,二來相比起其他甜品,又真係幾肥嫁,只能間中食0下,女士會有所卻步!)願做的又未必好食,我試過幾間都很難食(5星酒店除外)士多啤梨MOUSSE;酸酸咪咪,口感幾滑,(再滑一點就更好)有果肉,我鍾意！榴槤MOUSSE;我本身不吃榴槤的,但維記0既榴槤雪糕就接受得倒,但吃一口此MOUSSE真係頂唔住,証明真係好濃味,而呀妹就話好好味,再加上賣$10咁平,佢都嚇左一跳,下次去開灣仔,一定再買!…Read More

同事建議去安定間虹橋食開年飯,由於仍是正月關係,事先已打定電話去問自助火窩有否供應,侍應還返問我何出此言?但當晚去到,竟然無得供應!同事想起井財街亦有虹橋,就乘車去吧!去到這間虹橋,同事話熟食部份和安定比較確實有好大分別,不過我覺得幾十蚊,不能有過份要求,總之唔係太難食就可以了!點知.....我重來無食過咁難食0既火窩!丸類;現成的,差到佳寶果D都好食過佢\幾倍,看似假的!手打的,有少少嗅!魚頭;一咬就要掉!有一股難以形容0既味,但又唔係泥氣味wor!菜同冬菇;最正常!水餃;\"簡\"水味重到根本食唔倒!總之全部野都好難食,真係無試過打邊爐只係食冬菇同菜!可能大家都有點奇,兩間虹橋應該是同一個供應商的為何會差咁遠(因為是我同事推介的),再回憶我同事上次所講的,佢\好似話只吃熟食都飽,唔怪之得啦!…Read More

初八,很無聊的一日,原本應該身在澳門,但後來取消了,唯有約人食飯,點知大家都很”旺場”…….最後都是和大食妹撐木台腳!上次openrice團年飯試過得龍,今次再去試------黃酒煮雞------湯雖然都幾甜,但湯料無上次咁多,雞亦無上次咁有雞味!糯米蒸蟹------飯雖然幾有蒜香,但略唯濕左少少,蟹亦是霉的!荔茸鳳尾蝦---炸得幾鬆化,但蝦唔係幾新鮮,近乎霉,味亦調得不好,汁料亦不相配!金錢雞-------始終都不懂欣賞!總括今餐飯感覺麻麻!…Read More

一月九日又去老坑,今天決定食好少有得食0既胆固醇宴,今日d湯都係咁甜,d蟹仲大隻左,又一樣係正貨(鮮甜,肉厚)!手切肥牛(大)３分－今次偏肥,但唔係雪花果隻,亦un左ｄ，佢地好失望！蝦丸墨丸雙拚３分－今次無咁好味同彈牙，水準參差！雞腸拚雞粉腸５分－好甘香，新鮮，無發過０既！豬心頂拚花膠３分－豬心頂爽脆（要烚３０分鐘）但口感不及喉嚨（烚１０分鐘）好，花膠發得過腍！豬腳根拚豬潤４分－豬腳根好爽，仲有ｌｕｎｇ住少少肉，鍾意食有咬口野０既朋友一定喜歡，豬潤則一般！八爪魚拚雞子３分－八爪魚新鮮，雞子一般不過好大粒！金菇拚油麥菜３分－新鮮！帶子５分－新鮮，鮮甜！咁多野＋１罐汽水＄５４６，今次真係好抵！　…Read More

終於離到車品品lu,試左個碗仔翅,一個鹵肉餃,一串咖哩魚蛋碗仔翅-homemade feel,好多冬菇,但我覺得北角做得好味d,同傳統d!鹵肉餃-甜甜地,無mud野!魚蛋-好辣,我都話辣就真係好辣嫁la可惜咖哩味道麻麻,又唔香!外買紅豆沙-在店內見倒人食,看似不起沙,水及豆是分開的(那位食客都係咁講),但見食評人人稱讚,都買了回去,返去雪凍食,好起沙,陳皮好香,係靚貨,不過唔知點解有小小好似藥油0既味,但都會再買!下次會同呀妹去試即焗布丁,再試0下d車仔麵,買番個紅豆沙走!…Read More

天氣突然下降,又諗起去食煲仔飯,就老遠去到坤記,6：45已經坐到出門口,仲有人等緊,那處不設派”紙仔”,你問佢點排,佢亦唔會答你,原因係佢d木台一早比人訂曬,佢又唔想咁唔客氣叫你走,所以你無訂位就唔好去食la !講番個煲仔飯,我叫左個白鱔排骨加潤腸,買相唔錯,個豉汁幾好,唔會太濃,d鱔都有d味,排骨同潤腸ok 啦，飯亦好香，底部有飯焦！我食煲仔飯唔會落豉油，原因係我比較鍾意原汁原味（材料本身０既汁滲落ｄ飯道其實最好味），但為左講比食友知，我就落左少少，ｄ豉油放左落飯道，味道唔算好突出，但就咁點一點，又幾好味！（佢應該加左薑去煮）總扣括離講，ｌｅｅ道ｄ煲仔飯係幾好味，但唔係超好果隻！我心目中最好味０既煲仔飯，係大約十一，二年前在旺角女人街明苑食０既，可惜，他的師傅走了後，水準就不再了，不過，我下次仍然會去多一次坤記，因為我仲未食佢個豬骨煲，食完再寫過！…Read More

早幾晚同食友講開,我地好鍾意去鯉魚門食海鮮,不過食友話覺得鯉魚門好貴,無錯,去鯉魚門食海鮮,一個唔好彩隨時比人据到一頸血(佢地通常砰完都唔肯即時講比你聽幾錢,埋單就嚇你一跳! 而我今次介紹0既係一位位計0既,就均真好多LA, !我幫襯左享記好多次,次次都夠食同滿意,佢收$200蚊一位,任揀六款海鮮,龍蝦;大元貝,尿蝦皇,羔蟹;聖子皇;石斑仔，游水墨魚都係我0既首選,,仲包埋菜;海鮮湯,生果同加一添!你揀好海鮮後,佢就會問你鍾意去邊間酒樓食,你有相熟0既,你可以去,不過,要注意的是,並非每間酒家都做全包宴的,有部分酒家會額外收取前菜或油料費或伊麵底錢，長程可向老闆娘查詢，以下是我自己的個人意見：海景酒家－個芝士好唔掂，但其他野ｏｋ！服務都ｏｋ！威龍酒家－個芝士係西式０既，唔算好好，但起碼唔難食，其他野ｏｋ，但服務方面，對生客唔多熱誠，由其是坐櫃位個女士，但個老細就好有禮貌！海皇圜林酒家－芝士是在這幾間中最好的，服務亦０ｋ，其他野都ｏｋ，佢個甜品南瓜露好正！（這間要收額外費用）唔記得名（問老闆娘）－芝士一般，其他野算唔錯，但味道會清一點，佢個薑蔥蟹炒得幾滑，剛剛熟！三個貌似太子爺０既哥哥好有禮貌，侍應服務都好！（無額外收費）注：鯉魚門ｄ師傅是老一派的，唔識整黃金蝦！最後，享記老闆娘好好人,每次都會問番我地意見,有時我幫襯得多,佢又會送多少少,無論係鯉魚門定係西貢，用ｌｅｅ個價錢食海鮮，真係超值!…Read More