sumsumnana's Profile

係銅鑼灣經過過呢間鬼金棒好多次，但都未有機會試，呢晚本身想食一蘭，點知排大隊，又想食拉麵，所以就黎試下了知道呢間係出名食辣既拉麵，第一次食唔敢叫太辣，所以叫小辣，結果完全接受到！中意食辣既朋友可以試試中辣或者大辣湯底我覺得似擔擔麵既濃郁版，雖然望落好辣，但都可以飲落口，如果想食重口味既拉麵可以一試！…Read More

今日放lunch同同事試食呢間係iSquare 25樓既川菜。餐廳係落地大玻璃，可以飽覽維港景色:)因為人多可以叫多d餸試多d野 我地叫左水煮牛肉，紅油抄手，口水雞，孜然羊架，黃金蝦球同賽螃蟹。甜品試左士多啤梨拔絲。總括黎講全部野食都好高質，未食完同事已經討論要下次再黎 辣度唔算好辣，平時食少少辣既同事都接受到。個孜然羊架好脆，有驚喜！ 但係士多啤梨拔絲就淨係for打卡啦，因為d糖好甜又好吉，士多啤梨又唔甜wor。p.s. 尖沙咀分店之前推出過女士半價優惠，逢星期一及四下午12時至2時半，每枱只需有1名女士或以上，並至少選購人數一半或以上數量的特色飲品，即可享主餐牌食品半價優惠。可惜呢個優惠已經係9月8日完左啦，想去既女士記得留意啦！…Read More

Restaurant week 見到有呢間餐廳既set lunch就黎試試，佢位於一個唔起眼既地方，要行上一層之後先見到佢地度門。要好大力先開到入到去裝修好靚，同其他pirate group餐廳一樣，慶祝生日會送生日卡+$100 gift vocher，但係就冇即影即有相。食物方面:starter - Ki-mo-chiChicken thighs Kara-age/ rococo mayo炸得好脆同時保留肉汁，另外個醬係mayo加左d七味粉，好味因為想試多2樣野，所以加左 Nikkei bar ($98/ person)Maguro nuevoTuna/ avocado/ sesame bootroot mayo/ tobikoCeviche JaponesSeared scallops/ raw blue prawn/ sea bass/ nippon tiger milk / pepper/ kiuri/ crispy calamariMain就揀左Grilled Salmon，魚肉好嫩滑Chicken Tacu Tacu呢個係呢度既traditional Tacu Tacu 炒飯加半隻雞。個醬鹹鹹辣辣幾特別。另外炒飯係乾身既飯，加左d辣椒，好香…Read More

之前有住元朗既朋友推介呢間日式鐵板燒omakase，佢話lunch omakase都食到7款海鮮，鵝肝同牛肉，就試下book，點知好full，要差唔多一個月後先有位。呢間鋪得15個位左右，唔怪得咁full啦！前菜有日本白粟米，清甜可口，佢地個車里茄係用荔枝酒醃製，waitress話係因為好多客人都唔中意車里茄草青味，所以咁樣製作。我本身都唔食車里茄，但係呢粒又真係完全冇草青味，得淡淡既荔枝香味之後到海鮮啦，每款海鮮都好新鮮，我比較印象深刻既係吞拿魚腦天，蝦同埋酸菜魚。其實食完海鮮已經飽飽地，但煎鵝肝好香，大大舊煎到外脆內軟，配菠蘿冰解膩牛肉就中規中矩，配昆布同埋wasabi呢個好邪惡既砂糖多士，見住佢製作落左勁多糖，但係最後都忍唔住食曬全部…Read More

假日冇咩野做，黎左將軍澳MONTEREY Place附近行下。呢頭都好多餐廳，行左一陣商場見到有間白雪雪既cafe，覺得幾得意就黎食個下午茶甜品方面我地叫左栗子小鬆餅同埋白玉焙茶戚風。栗子小鬆餅唔錯，鬆餅好軟熟，配上栗子蓉同埋cream，口感豐富。白玉焙茶戚風就冇咩特別，蛋糕比較乾，得個賣相靚飲品我地叫左抹茶牛奶同埋黑芝麻豆腐冰牛奶。2杯都好飲，建議可以試黑芝麻豆腐冰牛奶，比較特別唔好既地方就係等左好耐先上，由落order到上第一件cake等左好似15分鐘，之後另一件cake又要等，野飲又要等。雖然cafe應該唔趕時間，但係每一樣野中間都要等咁耐就令朋友間冇得一齊開餐。栗子小鬆餅($78)白玉焙茶戚風($68)…Read More

標叔叔串燒係加左蜜糖，再加粉，個味道幾特別雖然選擇唔算好多，不過肉既份量份量比起其他串燒店係大份d，性價比幾高。夜晚時間可能要等耐d，我地買9串等左20分鐘左右，另外買滿$50送汽水…Read More

今日一行8人食完飯黎左松記食糖水。其實以前都黎過幾次，覺得幾好味又好食，不過今次真係大失所望！我叫左呢個曲奇雪糕咖啡木糠蛋糕，個雪糕冇雪糕味:(個蛋糕黎到時係硬到要用力叉，但一叉就碎哂... 同埋好苦呀😰 有朋友叫左檸檬木糠蛋糕，酸到佢食左幾啖就冇食啦。我真係寧願佢有原味，可惜佢冇..... 總括黎講松記d質素真係下滑，又加哂價，下次去第二間食糖水算啦！…Read More

呢間鋪既位置比較偏僻，而且地方好細，我地系下午茶時間黎所以唔洗等位。不過個位就係最近後門，後門長期開住，對住條後巷 好似仲有廁所，感覺唔系咁好lor >< 講翻店既裝潢先，好有地道既風味蚵仔煎：好好食！我真系第一次食咁樣既蚵仔煎！平時個d通常食炸蠔餅系好多蛋同炸粉架嘛，呢到個蚵仔煎 煎法好特別，有d透明黏黏地既野唔知系咩，配埋酸酸鹹鹹既醬汁真系覺得好特別另外仲試左鹹酥雞同滷肉飯滷肉飯雖然細細一碗，不過因為有叫其他食物，所以都夠食！waiter話唔夠汁可以加，不過夠曬啦~ 唔洗加都好好味鹹酥雞就麻麻地，外皮系ok脆，不過肉質好鞋 另外分量好細。我覺得其他街邊賣炸雞，鹹酥雞個d會好過呢間我覺得呢間餐廳d野食有d偏貴，雖然食物ok, 但系就呢個位置同食物分量，感覺唔洗咁抵食！…Read More

之前同屋企人系附近行街，見到呢間餐廳裝修好靚，唔似傳統上海餐廳既格局，所以就入去試下啦~ 餐牌上既食物同一般上海餐廳差唔多，都係有d冷盤，拉麵同埋包點等等。我地一共點左6樣野，d賣相又系同門面咁好靚，不過無一樣系會真系覺得好好食lor醉雞：完全唔入味，而且酒味唔香，仲有d苦添糖醋魚：呢個可以接受，不過d朋友覺得過甜呢個系推介既牛肉包，可惜完全唔掂，無肉汁味道亦過咸拉麵都尚算可以，普普通通唔會有驚喜，不過湯唔系好熱鍋貼大大隻，不過上臺時已經唔熱總括黎講呢間餐廳主打應該系新式裝潢同格局，食物質素還有待改善~ 如果下次再經過附近，我應該會去試下其他餐廳先…Read More

同另外一個friend 2個女仔黎試下呢間系Via Tokyo附近既cafe仔，呢間cafe位置有少少偏僻，唔近mtr station,不過呢條街附近都有好多望落去唔錯既餐廳:)YAWN Cafe雖然細，不過裝潢幾靚，位同位之間唔會好逼，不過坐２人枱就會聽得到隔離講咩　一坐低就會有waiter過黎介紹menu同埋講daily special有d咩。推介呢個鐵板薯粒，有3款味道（分別系煙肉，辣牛肉粒同埋蘑菇）我地揀左辣牛肉粒，雖然唔系好多牛肉粒，不過主要系食炸薯粒~ 上面2隻蛋系凍同流心既，加埋熱辣辣既鐵板同芝士，好好味！呢個系daily special, parma ham pizza, 都唔錯既，不過無咩驚喜啦T bone bronwie淋左個朱古力醬之後 呢個特別個地方系個brownie食法好似steak咁，系幾得意既！凍既雪糕加埋熱辣辣既brownie都好夾wor! 中意試新野既朋友都可以試下既！總括黎講呢間cafe d食物唔錯！service都好好，會主動問洗唔洗比碟黎方便幾個人share食物，又會主動加水。而且呢間餐廳都既受歡迎，好似成日都有人等緊位，搞到都唔好意思坐系度傾計~…Read More

呢間系西環既韓式餐廳位置有d偏僻，而且比較細間，得好少位，所以午餐時段要等到有人食完先比你入去。老闆系韓國人，唔識講中文，但其他waiters就識講中文既。餐廳內部電視不斷播住kpop, 令成間餐廳都好有韓國風味同其他韓國餐廳有d唔同既地方系佢既餐牌比較多唔同總類既食物，炸雞亦有炸雞翼，全隻炸雞以及無骨炸雞粒飯咁 好好味呀~新鮮炸既雞同薯條 呢個系lunch set, 有配埋前菜 （系粉紅色既醃蘿蔔，如果叫左辣野黎解辣）呢個就係好多人推介，去到必試既芝士蛋捲 一拉開真系成條芝士拉出黎！趁熱食會好d 因為凍左芝士會無咁軟都係Lunch set 其中一個飯。叫左辣味既，真系超辣！好彩餐廳有每枱比支水我地，而且見我地飲曬會主動幫我地換支滿既，service好好…Read More

一行四人想搵間寧靜既cafe慢慢食傾下計，所以就黎左呢間系西環既餐廳。呢間餐廳裝修好靚，樓底好高，一入去就有好舒服既感覺。呢度每人最底消費系一杯野飲，即系即使叫左野食都一定要叫一杯野飲。因為唔系好肚餓，所以我地叫左個幾款一齊share。all day breakfast 有cheese, bacon 等等，仲有一塊waffle仔。味道不錯,不過比較淡口味！凍朱古力，一飲落去好苦，之後問waitress有無野可以加令佢無咁苦，佢比左糖漿我，之後話系因為用黑朱古力沖所以咁苦。 但系佢之後又黎講翻話系廚房沖個陣唔記得落糖漿所以先咁苦。加左糖漿之後好飲好多炸雞  我覺得呢個炸雞特別之處就係佢既醬汁，佢有3款醬汁 有蜜糖，芥末同埋醋，幾特別！不過呢個main dish本身系可以自選2個配菜，但系因為佢take order時無問我地，就咁比左菜同炒洋蔥我地，但我地明明想食薯條架嘛！個waitress本來只系話唔好意思，話如果我地無主動講就會求其比2款我地。不過竟然系我地全部野食得7788個陣，佢行過黎問我地飽唔飽，仲食唔食得落薯條，然後表示會比翻薯條我地 佢後尾送過黎既薯條分量好多，由於系新鮮炸起所以外脆內軟 好好食!雖然佢地有d甩漏，不過service同態度好好！…Read More

聽朋友講有好特別既雞蛋仔同好靚既雪糕，所以有日放學就同個friend黎試啦~呢個系brownie雞蛋仔+牛奶黑朱古力雪糕。呢個系朋友叫的，我試左一啖，個雪糕系好軟滑，朱古力味重。因為我本身唔系好中意食朱古力啦，如果我自己一個系一定食唔完成杯雪糕 雞蛋仔餡系泡菜同糯米糍，系咪好新穎呢？平時d雞蛋仔最特別都係夾甜既，呢個夾泡菜味道好特別都好好味，加埋糯米糍d煙煙韌韌既咬口 配合得好好，系一個好出色既配搭呢間鋪頭好細，無位坐，而且座立條街比較窄，所以如果人多全部人都要逼系個度等。另外因為系即叫即做，所以等候時間比較長，不過為左試呢d咁特別既fusion雪糕同雞蛋仔，等一等都Ok既！…Read More

第一次同朋友黎食呢間炸雞，裝潢幾靚。雖然店鋪比較少，座位數量少，但唔會將d枱排到勁密，座位舒適 個日同3個朋友黎，有d夜所以唔洗排隊，但4人枱無曬所以坐左系面向街既bar枱，因為d分量都幾大，所以叫左紫菜蟹子飯糰同埋The Padak紫菜蟹子飯糰 一碟有8粒，紫菜同蟹子既分量都好足夠The Padak: 原本以為呢個系得炸雞，不過原來有炸餃子同名炸年糕，都好好食，分量亦大不過呢個真系幾辣，連我同我另外食得辣既朋友都覺得辣，另外2個唔系好食得辣既食到滿頭大汗，要不停飲水解辣  店員亦好好會主動幫我地加水。如果唔食得辣既朋友可能要試下其他款炸雞啦！總括黎講店鋪環境同食物質量都唔錯 價錢亦同其他韓式炸雞既鋪頭差唔多呢間應該都係主力賣炸雞，無咩其他食物系餐牌比你選擇~…Read More