YandyNg's Profile

就嚟到聖誕節啦，今日去咗沙田帝逸酒店，食節日二人日式套餐 ，餐廳位於酒店28樓高空，仲望到河景，好浪漫呀，呢度環境好舒服，可以靜靜地喺度傾吓偈食吓嘢～節日晚膳二人前 $1688前菜 ；蒜子漬、柚子蘿蔔、醬油漬牛蒡刺身；三點刺身-刺身新鮮肥美鮮甜～海膽及拖羅蓉天婦羅紫菜脆脆-賣相好吸引，海膽入口即溶加埋紫菜脆脆，雙重口感，拖羅都好好味～燒物 ；燒海虎蝦 -上枱嘅時候已經聞到好香，蝦肉彈牙～蟹肉味噌甲羅燒配薄吐司-店員即燒打卡啱晒，蟹膏味道濃郁～主食 ；長崎香草雞野菌釜飯-飯粒軟滑，雞肉肉質多汁，飯粒有野菌香～鮮魚湯-清甜魚香味，仲有豆腐，好味，飲完全身暖笠笠～節日精選甜品；Tiramisu配時令生果食埋甜品好滿足呀～…Read More

今日我同朋友去咗荃灣嘅千海水產海鮮火鍋放題，3小時任食任撈嘅活海鮮，好爽呀！一入去，氣氛已經好熱鬧，平日午市都座無虛席。我哋首先揀咗花膠湯底，再出去撈咗幾樣海鮮，鮮美嘅蝦、肥美嘅蟹、鮮嫩嘅鮑魚應有盡有。每一樣海鮮都係極度新鮮，特別係蝦，啖啖鮮甜多汁，咬落去嘅時候，蝦肉彈牙且厚實；蟹肉更係嫩滑，仲有我好鍾意食嘅厚切白鱔好正啊～打邊爐仲有多款配料、飲品甜品款式多到你冇可能食得晒，哈！仲有多款熟食，烤羊架、牛舌串燒、蒜蓉焗生蠔，真係好味；又有乳鴿外脆內軟多汁，還有各式各樣嘅冷盤小食，例如麻辣小龍蝦、口水雞 、蟹粥、烤榴槤、花雕豬手，而家天氣凍，仲有蛇羹㖭啊！…Read More

今日我同朋友去咗沙田食放題， 呢間專門做煲類放題，真係好吸引！好特別～首先我哋就選咗幾款煲。而家秋天梗係食返個羊腩煲，羊腩炆得好入味濃郁，馬蹄、枝竹、冬菇配料豐富，配合啲香料，真係好正！接住就嚐咗烤魚煲，魚肉鮮嫩，色香味俱全，我哋揀咗冬陰功味，酸酸辣辣條配得好好，推介，真係好開胃！之後我哋仲食咗牛雜煲，好正，配料十足，所以好香，鍾意食牛雜一定要食！仲有火鍋，唔可以唔提，食咗三個煲之後，我哋就開始打邊爐，仲有多種湯底又可以選擇鴛鴦鍋，火鍋食物種類好多款超過100様，牛肉已經幾樣選擇啱哂牛魔王、海鮮白沙好清甜，丸類又多，蔬菜新鮮，西洋菜，正呀…..飲品仲有多款選擇，各種汽水、多樣茶品、啤酒都好多，而且甜品仲有多款雪糕，雪條，好飽呀好滿足！…Read More

今日我去咗銅鑼灣 @yamatsuki.hk 食omakase，鮨山月位置好方便地鐵站行過嚟2分鐘，而且好近SOGO可以順便去shopping，餐廳以日式時尚設計風格，又用咗L型吧枱設計，咁樣可以望到廚師處理食材～我揀咗$880 lunch omakase ～首先，茶碗蒸，口感輕盈入口即化～接著，伊佐木，肉質細嫩，冬天脂肪特別豐富，口感肥美，食完之後真係令人滿足～然後就係鰆魚，經過碳燒處理後，外脆內嫩，再配上洋蔥粒、洋蔥絲同小菊，味道別具心思，真係好味到唔想停口。再講講燒帶子，外層微焦，內裡鮮甜，口感柔軟綿綿～鱈魚白子配上柚子酸汁，味道清新，酸酸甜甜嘅感覺真係好開胃。深海池魚就更加唔使講，肉質鮮嫩，口感滑順，食落去好舒服。赤貝同青森甜蝦亦都好正，赤貝肉質厚實，味道濃郁，而青森甜蝦則鮮甜可口～仲有炭燒銀鱈，炭燒過特別香，魚肉鮮嫩，真係好正！醋青魚味道獨特，酸酸的感覺令食物更加開胃。秋鮭係日本人經常食用嘅魚類，佢嘅魚肉呈漂亮嘅淡橙色，肉質細嫩鮮美，真係好食！池魚同鰤魚都係我鍾意嘅選擇，魚肉鮮甜，每一口都令人驚喜。北海道海膽入口即溶鮮甜肥美，可唔可以再食多碗？最後，就係Ootoro，呢個吞拿魚腹部最肥美、脂肪含量最高嘅部位，顏色偏白，帶有雪花般嘅細密油花，口感入口即化，風味濃郁，真係無得輸！當然，食完咁多美食，仲要嚟一碗魚湯，清淡又滋補，正好幫我消化。最後，仲有開心果味雪糕，味道獨特，甜而不膩，為今日嘅美食之旅畫上完美句號。真係好滿足呀！希望下次再嚟試其他美食！…Read More

今日我去咗大圍念月樓食大閘蟹宴，呢間餐廳位於大圍站，出閘之後直接上圍方就到，交通非常方便，無論搭地鐵定巴士都好容易搵。餐廳裝潢雅致，座位舒適，好適合同朋友或者家人聚會食嘢，今次我哋訂咗一個大閘蟹套餐，食物內容相當豐富～首先，第一道係生拆蟹粉花膠羹，呢個羹滑滑地，蟹粉味道好濃，花膠好味，雙重口感，食落去非常滿足～接住就嚟到清蒸大閘蟹，呢隻蟹大約五兩，肉質鮮嫩，味道甜美，爆曬膏，金黃色蟹膏，入口即溶，好滿足呀！然後就係蟹粉扒豆苗，呢道菜色彩鮮艷，蟹粉厚實，豆苗新鮮，口感清脆。蟹粉嘅香味同豆苗嘅清甜味好搭～最後就係蟹粉撈飯，飯粒粒分明，蟹粉滲透喺飯入面，食一口停唔到，真係好想多食幾碗。再加上薑茶湯圓，甜甜地，湯圓皮薄餡多，裡面有花生蓉，食完又暖胃，完美結尾。今次大閘蟹宴，真係食到好滿足，無論味道定環境都好棒，絕對值得推薦！如果你地鍾意食大閘蟹，不妨試下呢間念月樓，肯定唔會失望！…Read More

今日我同屋企人去咗荃灣西食大閘蟹放題，呢間餐廳位置好方便，搭地鐵出荃灣西站，行2分鐘就到。大閘蟹任食，真係食到飽！每隻蟹都係現蒸出嚟，味道非常鮮美，金黃色蟹膏好吸引，入口即溶！大閘蟹有三隻口味清蒸、花雕、鹽油焗，真係各有特色，仲有任食片皮鴨、糯米飯，至於甜品方面，薑汁千層糕、黑糖糍粑、薑汁湯圓、椰汁桂花糕同埋大良鮮奶卷，每款都好好味，特別係薑汁千層糕，口感滑溜，真係令人回味無窮。每位仲有蠔皇燴八頭鮑魚加小米燴遼參，真係性價比好高！鮑魚香濃彈牙，好正！店內環境好舒服，餐廳設有室內同戶外座位，戶外座位尤其好，可以一邊享受美食，一邊欣賞日落同海景，氣氛休閒寫意，真係聚餐嘅好地方～餐廳仲有中式私房菜，價錢唔貴又親民，手工點心仲係即叫即做，我已經book定位，下星期再嚟食嘢！…Read More

今日同成班friend去咗旺角新世紀廣場嘅千海水產海鮮火鍋放題，呢間餐廳專門做海鮮火鍋，最吸引就係提供3小時任食任撈活海鮮，真係食到好飽！我哋首先選咗幾樣海鮮，蝦、蟹、鮑魚通通唔少得。每樣都新鮮得黎，特別係蝦，鮮甜多汁，啖咬落去、蝦肉彈牙而且厚肉，蟹肉更係嫩滑，配埋自己調配嘅醬油，味道絕對一流！除咗海鮮，仲可以選擇多種肉類，牛肉都有幾款。加上自己鍾意嘅配菜，例如金針菇、豆腐同埋青菜，簡直係一個完美嘅火鍋組合。自助區嗰邊，醬料選擇真係多到唔知邊個好，麻醬、蒜蓉、辣椒醬，仲有特製嘅海鮮醬，令到每一口食物都有唔同嘅味道。最鍾意嘅就係可以自己隨意調配，完全根據自己嘅口味黎做。熟食類仲有，蒜蓉焗生蠔，大大隻好好味，乳鴿外脆內軟多汁，仲有多款冷盤小食，麻辣小龍蝦，烤榴槤…….真係講都講唔晒太多！千海水產仲提供勁多款甜品，冰淇淋同埋水果，真係好滿足！整體嚟講，唔單止食得好，環境同服務都一流，下次會再去～…Read More

旺角站新世紀廣場最近開咗千海海鮮放題任食任飲，呢度真係超受歡迎！我同屋企人去食嘅時候，成間餐廳已經坐滿人，好在有book位，連門外都有好多人等緊位～呢間千海海鮮放題有好多食物選擇，包括新鮮海鮮、肉類、甜品等等。入面最吸引我嘅係佢哋嘅蒜蓉粉絲蒸蟶子皇，真係必食推介！蟶子皇肉質鮮嫩，加上蒜蓉和粉絲一齊蒸，味道非常入味，令人一口接一口，完全停唔落嚟。仲有新鮮即撈海鮮選擇，例如蝦、蟹、鮑魚、花螺 、蜆等等，每樣都非常新鮮，特別係蝦，肉質彈牙，唔可以錯過。仲有白鱔、九肚魚，鮮甜肥美！熟食方面，有牛舌串燒、乳鴿同埋燒羊架，全部都好有特色！牛舌串燒鮮嫩入味，乳鴿肉質嫩滑，燒羊架更係香氣四溢，令人食到停唔落嚟。甜品方面，千海海鮮放題嘅選擇真係唔少，有Tiramisu、芝士蛋糕、軟雪糕、榴槤大福，以及楊枝甘露等等，全部都好好味！特別係Tiramisu，口感輕盈，好飽啊大滿足！…Read More

今晚同屋企人去咗旺角食120分鐘日本A4黑毛和牛火鍋放題～我哋比較早食飯，平日晚上6時去到人流唔算太多，但係到7:30之後就座無虛席了，餐廳門口仲有10幾20人排緊隊，所以大家要記得book位，哈！首先，我哋揀咗鴛鴦鍋，其中一邊我哋揀咗最新嘅喇沙椰爺仲夏鍋，而另外一邊我哋就揀咗牛大人牛骨鍋，兩個都非常足料，而且好香濃，喇沙鍋好有特色～日本最頂級嘅A4黑毛和牛，肉質極其嫩滑，油花分佈均勻，食落口感非常香濃～澳洲M9和牛牛丸用高品質和牛製成，肉質鮮美，口感彈牙，非常適合火鍋，食落好有滿足感～新鮮生蠔，肉質鮮甜，仲有海水嘅鹹味，配合埋打邊爐一流～扇貝肉厚實，口感滑嫩，好味～鮑魚肉質緊實彈牙，味道鮮美，而且好大隻份量十足～少爺手工啤酒用天然材料釀造，口味獨特，啤酒香氣濃郁，搭配海鮮食物最啱唔過，飲落去爽口無比！牛大人而家仲有限時活動，炎夏椰樂祭～我仲贏咗副啤牌㖭啊 ，哈！仲有新推出特別熟食；椰酥跳跳豬、黃金椰絲蝦丸、椰林火山脆薯條～又有特色醬料：香椰火焰醬、椰汁美奶甜品都有新款式，就係香芋椰漿脆脆～仲有特色打卡特調飲品：粉桃椰香~冰檸伴椰~藍調微風~…Read More

今晚同屋企人去咗旺角食120分鐘日本A4+和牛饗宴～夏天燒肉，原來可以咁清新又唔會覺得油膩！唔同的醬汁配搭，加上各種海鮮，燒出嚟嘅味道真係一流。可以享受到高CP值嘅高品質肉類同海鮮。日本A4+和牛肉，入口即化風味香甜、油脂分布均勻～「極．厚切檸檬牛舌」特別之處係會有刀叉木台板，食嘢嘅時候多咗份儀式感，感覺好特別。韓風系列推介食品：- DIY 韓式拌飯：自己組合，隨心所欲。- DIY 韓式生菜包肉：新鮮又健康。- 炙烤白鱔配海苔：香脆可口。- 起司雞蛋：香滑得來又有滿足感。- 招牌黃金醬／安平辣椒醬：味道濃郁，絕對唔可以錯過。- 真露燒酒、橘綠研露：特調雞尾酒，清新又提神。其他美食推介：- 澳洲M8和牛肩胛配韓國泡菜：肉質鮮嫩，泡菜酸酸辣辣，超配。- 黃油蒜烤帆立貝配柚子醬：香滑嘅貝肉，配上清新的柚子醬，口味層次豐富。- 安平赤魚一夜干配香水檸檬汁：魚肉鮮美，檸檬汁清新提味。- 炙香烤虎蝦配泰式海鮮醬：蝦肉鮮甜，搭配泰式醬汁，味道爆炸！安平櫻花蝦飯用櫻花蝦、香蔥、海苔同秘製滷水汁，自由搭配，隨心所欲，打造出屬於你嘅獨特拌飯。十二味醬專區多款醬汁任你選，細味台燒嘅醬汁文化，每一口都有不同嘅驚喜！仲有遊戲，如果成功可以全單有折扣…Read More

今日我同屋企人去咗沙田食晚餐。呢度嘅晚市食主餐牌鐵板系列，真係好有性價比，平民價錢，仲可以任加飯或意粉～服務員好快就幫我哋安排咗座位。我哋一開始就點咗「磨菇忌廉湯」，湯濃郁香滑，我哋又點咗「酥炸軟殼蟹」同「燒河豚干」，軟殼蟹炸得金黃酥脆，好好味；而河豚干則係鹹香適中，作為小食都幾唔錯～主菜方面，我哋點咗「黑椒豬鞍」同「香煎牛柳」。黑椒豬鞍架外層煎得啱啱好，肉質嫩滑，配上濃郁嘅黑椒醬，味道一流！香煎牛柳就更加唔使講，牛肉煎得恰到好處，外脆內嫩～飲品方面，我哋仲點咗一大杯「香水檸檬鴨屎茶」，呢杯飲品清新又解渴，特別適合夏天～份量又足，價格亦非常合理，全晚加埋都只係298蚊，真係幾抵食～…Read More

今日五點幾落到荃灣，呢個時間有啲尷尬，食飯又唔係，唔食飯又冇嘢做，睇場戲睇完又過晒食飯時間，索性去行下荃灣廣場，見到有間新開既放題，裝修得幾靚，咁就入咗去食飽啲，夜啲都唔會肚餓五點半左右一入到去，裏面已經坐滿六七成，咁早都咁多人，這間店有分A,B餐A餐 平啲($298/平日)B餐 貴小小($378/平日)，但多十款左右名貴菜式(例如波士頓龍蝦，奄仔蟹，魚子醬。。。)本應想選擇B餐，但應該新開店嘅關係，今天供應商貨源不足，只有A餐，冇辦法啦，唯有選擇A餐，不過都很多菜式，睇餐單最少都有六七十款，未計出面自取嘅菜式藍鰭吞拿魚刺身櫻桃鵝肝鱈魚乾蟹肉蟹粉taco 北京烤鴨伴荷葉包油鹽焗大頭蝦草莓戀人咕嚕肉金湯花膠蟹黃翅甘鯛立鱗燒伴黑松露忌廉汁金銀蒜蓉粉絲蒸蟶子皇法式麵包開心果誘惑以上就是A餐最有印象特色菜，還有其他刺身，天婦羅，壽司，燒物，串燒，鐵板燒等等，根本就是唔使咁多還有全港獨家嘅nutella醬機，加上軟雪糕上面，簡直係極品食完整餐，以這個價錢，質素真係算好唯一缺陷，食唔到B餐，下次一定要試一試…Read More

星空主題餐廳浪漫之旅閨蜜生日我帶咗佢去間好特別嘅餐廳，位於尖沙咀，交通好方便。一入去就閨蜜已經被餐廳嘅星空主題吸引，浪漫到爆！每個位都好靚，真係好適合打卡，儀式感滿分！我哋選咗兩個套餐，仲加咗四隻新鮮生蠔，另外再點咗星座Cocktail同星座蛋糕。呢個星空晚餐套餐包埋前菜沙律、手工意粉、特色主菜同甜品，$398位～前菜沙律閨蜜特別鍾意蕃茄水牛芝士沙律，水牛芝士滑滑嘅，搭番茄真係絕配！鹽燒白鱔我最鍾意食白鱔，厚切口感一流，皮脆肉嫩，簡單鹽燒已經好正！手工意粉我哋揀咗海膽手工幼蛋麵。手工意粉口感Q彈，醬汁濃郁～我哋嘅特色主菜包括：紅酒汁燴牛面頰伴法式手工薯蓉牛面頰肉用紅酒慢煮，肉質軟嫩，搭配順滑嘅法式薯蓉，口感層次好豐富～炭燒M7和牛肉眼扒呢個和牛肉眼扒經炭燒後，外脆內嫩，肉質超鮮美，香氣四溢！甜品最後係自家製意大利經典芝士蛋糕，入口即溶，帶有淡淡咖啡香，甜度適中，真係食完心滿意足～我哋仲加咗星座Cocktail，顏色好靚呀！仲有星座蛋糕，慶祝生日嘅儀式感真係爆燈！呢次星空晚餐，我哋好滿足呀！…Read More

閨蜜生日喎，梗係搵啲好嘢食啦@Hotaru_teppanyaki_omakase 而家有清酒祭：Omakase多重優惠～全日指定清酒免費暢飲 （午餐90分鐘，晚餐120分鐘），Omakase廚師發辦十六品套餐（原價$1380/位），現推出優惠「二人同行，一人免費」。仲係全日供應，而且餐廳有天燈許願，啱晒特別節日～Omakase16品；八爪魚；青檸啫喱青檸片好清新，八爪魚吸爽口，前菜醒胃～櫻花葉真鯛；有淡淡櫻花味，真鯛肉質緊緻彈牙，香氣內斂、滋味雅甜～平政魚；肉質鮮美，油脂含量適中～蛋黃醬油漬赤身；赤身油脂豐富甘香，配合蛋黃醬口感順滑火炙煙燻吞拿魚；煙燻滋味，帶來「外熟內生」口感，魚味極濃肥美鮮甜～磯煮包魚；味道濃郁，軟硬適中，有嚼勁，同時保持滑嫩的口感～柚子北寄貝壽司；貝肉又香又鮮甜，口感爽脆，和柚子清香完美結合，帶來清爽開胃的感覺深海池魚壽司；脂肪結實、肉質肥嫩，刺身質地纖細柔軟，口感順滑鮮甜～Otoro;腹部前段，脂肪含量最多，口感最為滑嫩，入口即化～牡丹蝦配火炙蝦膏 ；肉質鮮甜和爽滑， 炙燒蝦膏好香，牡丹蝦甘甜和蝦膏濃郁可以相互襯托，形成一種獨特的風味～北海道馬糞海膽；肉呈淡淡橙黃色，雖然肉較小，但味道濃厚甘甜，入口即化，我想要多件，哈！魚湯烏冬；奶白色魚湯，魚味十足又濃郁，幼身烏冬好滑 ～開心果雪糕；係呢餐畫上一個完美嘅句號～…Read More

今個禮拜放假，同屋企人去咗旺角食放題打邊爐，佢哋對潮汕牛肉情有獨鍾，所以專登揀咗呢間「味火鍋」打邊爐，因為佢哋呢度有四款潮汕牛肉任叫任食～平日晚上七點上到嚟已經坐無虛席、好在我哋有book位，店員好快都安排咗我哋入座，我哋首先揀咗湯底要咗鴛鴦鍋，川芎白芷天麻魚頭鍋＆胡椒豬肚雞鍋，湯底一黎到已經聞到好香，好足料，打邊爐前梗係飲返兩碗湯先啦！火鍋配料都好精彩，自家製黃金脆魚皮，自家製椒鹽粟米，四款潮汕牛肉吊龍、五花趾、匙仁、胸油肉，伊比利亞黑豚肉，時令海鮮，大大隻鮑魚，海蝦、自家製手工餃，自家製炸響鈴，自家製炸餐肉、仲有其他數十款火鍋配料，啤酒、汽水無限時任飲任食！勁豐富，超滿足呀！…Read More