白鹿王's Profile

很久沒有理由要去寫一個詳細的食評, 因為現今搵食艱難, 也不想大家難做, 如中伏, 也只好怨自己點錯東西. 但今日的用餐經驗實在又貴又差, 希望該餐廳見到會有所改善, 至於我, 恐怕沒有機會去二刷再給評語.環境: 確實在觀塘這灰黑色的街道上, 有如此醒目的一間藍色大門外觀的餐廳, 就算不知道名字, 經過也會有印象, 也對此好奇及充滿期望. 今次用玻璃門進入做登記, 但坐的位置其實是打開了的落地大玻璃摺門, 天氣還好, 室溫加街外溫度倘算適中不熱又通爽. 餐廳刻意把2人檯45度斜放在此範圍, 我明是特色, 但連D侍應都好似唔慣要轉方向扭來扭去, 都算, 我個人真係好憎D STAFF行過會撞到我張櫈, 或者, 經過好順手會撳下我椅背咁行, 做咩啫你? 唔扶住會跌咩??菜單: 全英文, 冇相, 同區黎講都真心貴, 我見好多人食扒, 講緊加一要過$300 (冇SET, FREE只有AMERICANO同另一杯野揀). 朋友點左個PASTA, 我就手快點左BURGER, 點知BURGER原來屬於單點, 不過就放埋晌DELUXE果版, 我唔知個BURGER有咩咁DELUXE, 總之冇餐飲. 如之前提過, 只可以怨自己叫錯野. 我諗落單到上菜, 起碼都等左十幾分鐘有多, LUNCH黎講真係浪費晒我寶貴時間, 先來一杯DIRTY, 然後D生手侍應真係出晒事, 檯號都未認到, 我望住我個BURGER差D要入番廚房玩一輪先再比我, 好彩冇. 朋友個PASTA等仲耐...食物: 杯DIRTY($54)係朋友既, 我就比唔到意見. 而我個BURGER, 唉... 薯條係粗薯條(1杯仔), 調味過辣, 很短. 個包一黎到有條菜莖吊吊下好唔衛生, 我切走左. 打卡時佢不停出水, 後來先發現係支簽篤穿左隻蛋漏黃😢... 由上到下係包, 紫洋蔥(2個大圈=層, 唔係2切片), 酸青瓜 (2片), 煙肉(偏瘦, 2片), 半熟旦(一隻), 芝士(1片), 漢堡扒(1塊), 蕃茄仔(4粒爛爛的), 菠菜(?!)幾塊, 厚底包. 咁就$168(+10%)了!!! 我食左D乜? MOS BURGER都有厚切茄, 呢幾粒爛茄真係無言, 衰過人地切半伴碟; 青瓜同洋蔥份量, 去BEANS食一個$98 LUNCH BURGER都比成條青瓜及整個洋蔥橫切啦, 果幾塊爛菜葉咁, 塊肉, 好淡, 一切就碎想要匙羹, 薯條份量真心少, 同區COMFY我二刷左N咁多次, 我真係冇理由會黎呢度二刷, 冇.可.能. 既CP!!! 至於個意粉, $188, 爭$20但成件事係正常既, 我有試食一啖, 亦見到價錢應該有既材料(海膽, 鵝肝, 三文魚籽, 食用花, 生果果肉等等), 份量亦比其他食評相片多, 所以黎呢度, 應該叫意粉, BURGER同ALL DAY真心DE咩LUXE, 不如叫DELETE.服務: 餐廳員工送餐用TRAY好普通係咪? 美觀大方又安全, 而家D侍應冇TRAY用雙手拎住杯拉花啡手震震咁四圍兜, 我見到都擔心佢會倒瀉! 上面提過佢地唔認得D檯號, 叫埋單, 張單有個單據夾攝住, 咁好普通啦放張卡上去... 冇耐, 跟住, 我朋友就見到我張卡連單飛飛下咁放左晌我後面張檯, 人地野都未食架, 攪乜野呀大佬?? 冇私隱冇禮貌, 什麼SERVICE??? 好多理所當然既基本野, 呢度都比唔到我! 3樣野埋單$451, 值咩? 去COMFY食10個餐都送1餐仲要係勁高CP個個FD都勁讚, 呢間, 真心不了!…Read More

由於就快午夜12點仍未食飯，呢間近車站，又唔洗等位，入到去又坐光猛舒服，阿哥阿姐好好禮貌，3蚊位茶介，茶係好飲夠濃，求其點咗啲大路嘢，出事喇，好好食，即叫即蒸熱辣辣，蝦餃皮唔厚剛好，蟹籽燒賣冇肥肉，山竹牛肉球滑有馬蹄，人蔘湯鮮竹卷唔油仲飲晒啲湯，特別個牛肉腸粉，上枱亮晶晶，白裡透肉，啖啖肉，冇乜芫荽，配甜豉，滑滑皮，滑滑肉，好少會為一碟腸粉加咁多感想，同埋會為咗佢再返去幫襯。人家其實主打奶茶王，但次次都係食點心配中茶，個機會唔知等到幾時。…Read More

我真係鍾意食呢間，一係太子一係尖咀，冇去一排冇得叫雙拼，我都唔唔食腸肚，得一個人唔會叫細雜燴囉。呢間遊客區，都好多本地人開飯，唔知係人手不足定咩，速度偏慢，仲有啲燥底，我試過太子5分鐘食完碗粉走得，呢度等都唔只。細粉多蔥唔覺多咗。1點未夠燒賣賣晒要等，焗叫魚皮餃。…Read More

$48點了一個原味pancake，說明外賣不用袋，15分鐘後回來自取。set timer準時15分鐘後返到，外賣盒是一個有蓋紙盒，滿心期待取回5分鐘路程室內享用，仿佛看見有一個原味失敗餅飄過，然後叫我等多4分鐘，期間問我改紫薯味不用等，我不要寧願等，數分鐘後，問我要幾多隻叉，沒有看過成品已封蓋，取走後用羽絨包住急步走，最後發現如此驚嚇的畫面，$48! $48! $48!(重要說3次)你俾啲咁嘅嘢我？!衰過早晨熱香餅，一個高一個矮，一個白一個黑，梳乎里？矮嘅明顯就冇啦!高嘅好勉強叫做剛熟。乜$48唔係2個同一高度顏色？整衰咗前後幾分鐘逼我要？廚房行政一個亂字!我冇晌街即食係我錯？咁你唔好話可以拎走，根本都唔係果件事!吉野家個魚籽飯都不設外賣啦。伏到嬲到好耐冇寫都要出山。…Read More

上次食附近另一間較出名嘅車仔面但啲牛肚係臭臭地嘅，蘿蔔勁有渣，仲好熱。今次試呢間外賣，感覺唔錯。沙嗲汁有花生碎，都幾香唔算辣。用北海道蟹柳! 有兩條。蘿蔔甜，夠林，冇渣。金錢肚入味，林，唔臭!咖哩魚旦略嫌太多粉。米粉好滑竟然。有下次。…Read More

一個人星期日下午入去食$39餐，點了豬扒米線小辣，凍檸茶。湯好味，酸辣適中，有酸菜花生，唔會好油，我通常都會飲湯，本來會因為呢碗湯再光顧，但佢嘅秘制豬扒。。。好入味，好易咬開，但係，我碗有三舊豬扒骨，冇其他肉塊!我真係唔鍾意食有骨食物，又大舊難夾，最忟係其中一舊，你見到有一個角剪走咗，得番一塊L形嘅骨連肉，點呀，下午茶餐係要啃骨？抱歉冇影低。埋單時我問，你地啲豬扒係一定連骨？姐: 唔係，有啲肉有啲有骨啦。。。我: 但係我三舊都係骨囉。姐: hey. 有骨先好食㗎。(我心諗，剪走咗果塊肉就唔好食嘅)我: 我唔鍾意食骨。姐: 你下次叫少骨囉。(我心諗，你有咁好死，有下次先講)…Read More

晚上九點前入座，不用等位。點了招牌菜黑松露帶子忌廉意大利飯，真的非常美味，帶子極香滑。還點了大蝦茄汁意粉(忘記真正菜名)，也是很出色，略嫌大蝦欠調味。伴菜的自家制面包配生菜沙律，高質面包!香軟新鮮，配olive oil black vinega，真的很用心出品。怕不飽而點的炸雞，肉是滑的!皮脆薄不油膩。用餐過程很好，裝修有其小店特式。很滿足。會再去。…Read More

叫咗兩個$50晚餐，有中湯送，係紅蘿蔔菜乾湯，冇油，好甜，好濃，唔覺味精。兩個白飯，兩個凍飲加兩蚊。主菜係1)大澳蝦醬炒翠玉瓜鮮魷及2)粟米斑塊。1)好香蝦醬味，有薑有韮黃，份量好夠食。2)粟米汁有旦白，魚塊多，脆不算厚。另加豉椒炒蟶子，係中size(一隻手指咁長), 有十隻以上才$62，很乾淨冇沙。很滿意，會encore.…Read More

(真正食評請跳去第4段開始)曾經, 我好鍾意晌OPENRICE寫食評...自從某一次寫左一篇好長下既食評, SAVE唔到仲要冇晒...!之後就改變諗法, 如果我覺得好食, 實際D去多次支持下仲好啦...反正而家咁多"打手", 都冇人知邊D真邊D假, 呢個話好得, 下一個話好唔得, 信邊個?對於大茶飯, 其實已儲落一批FANS既食評, 我呢D膚淺既食評, 實在少一個唔少, 多一個LIKE唔多...我屬於唔鍾意新事物的人, 唔鍾意冒險, 特別係食, 食開就係果幾間, 唔厭, 百幾二百蚊餐唔好食或者食唔飽, 我會好忟...今次令我支筆重新開封, 係因為友人大力推介, 難得佢兩公婆KEEP住去幫襯,我估唔會差得去邊, 佢地都好想寫一篇食評支持一下, 不過一個字, 懶.既然你地俾我食多左隻扇貝, 點都做DD野啦~對於小本良心生意, 多一個LIKE就係一個!(今次喪SAVE, UPLOAD幾幅相又SAVE, 寫一段又SAVE! 好驚又冇晒!)DEEP燒, 食串燒/燒物既, 位置確實唔起眼, 好在而家有OPENRICE + 智能手機, 實搵到!整條街都係細舖, 很嫡骰, DEEP燒間格算闊落, 光猛(個人討厭黑黯黯裝潢, 食左小強都唔知).沒有油立立的感覺, 當然也沒有油煙味~ 一入門口就見到廚房製作過程, 很安心~我的朋友忽然話要飲啤酒, 估佢地唔到, 就一齊淺嘗一下. (好飯腳, 啤酒不是涼茶, 不要自欺欺人, 想飲就飲啦~ XD)然後由熟客朋友發板, 主力海鮮(見附圖), 即叫即燒, 食好野係要比D耐性,不過我地啤住吹水, 環境算靜, 好爽!1. 先來燒貴花蚌(相片被錯手DELETE了), 蒜蓉牛油燒, 汁都飲埋.2. 再來大大隻蟶子, 真係多肉不得了, 要分2~3啖先食完, 蒜蓉+少少蔥花, 好新鮮呀呀呀!!! 好甜呀呀呀!!!3. 我點左2個丸, 墨丸同蟹籽丸, 食串燒有的話我一定叫, 加蜜糖燒真係好好味架! 未食過一定要試!4. 齋燒大隻虎蝦, 朋友夫婦至愛. 我鍾意佢剝左殼~5. 燒扇貝, 好大粒呀!!! 6. MAGGIE蒜蓉(牛油)雜菇, 面果層有少少MAGGIE味, 未食過, 幾特別, 份量多番D就好喇~7. 金菇肥牛卷, 唔係用CHEAP CHEAP肥多過瘦牛, 用心之作.8. 燒茄子, 點解一條茄子可以切到一塊MASK咁大塊?! 肥茄? 用左七味粉調味好香, 送酒一流~ (可以問佢攞刀叉切開小塊)9. 鵝肝多士, 塊多士係小象SHAPE!!! CUTE爆! $22/塊, 好味! 唯一一個我有睇價錢既ITEM.呢度冇飯/麵等飽肚野叫, 但我今晚食得飽喎!重點, 3個晌度做野既大男人, 日頭都有份朝9晚6既寫字樓工, 一放工又要撲出來自己落手落脚開舖, 收得夜一夜又要返對面海屋企, 日日瞓得2~3個鐘, 係咪痴線架HK人?! 我比10個叻你地! 加油啊! 總結, 其中有個靚仔, 單身的... 呵呵呵~~~…Read More

花多眼亂，這是晚飯時段身處九龍城的感覺。就算上OPENRICE先做資料搜集, 到頭來不是因為人多, 就是因為行得太耐, 好熱, 求其一間吧.. 九龍城話大唔大話細唔細,一行錯再行都幾係野!好明顯我攪錯舖頭, 我想搵果間係食泰式湯粉, 最後忘了名字,卻走到這兒, 見有粉絲力撐, 才敢入去...全店的牆都花錄錄黐滿漫畫及雜誌廣告,阿姐都有禮貌, 回應快.打開MENU都冇湯粉及海南雞飯, 心情DOWN左一半...唯有試其出名的招牌菜, 如果咁都唔好食, 就真係冇下次~都唔知叫緊泰定越, 是旦啦...老闆炒飯~$50, 有驚喜, 淡淡咸魚味越嗒越開胃~ 青豆粒的口感和味道很配合呢個飯, 有辣椒粒及薑絲, 但剔走晒會冇左陣味~馬拉盞通菜~$48, 菜甜, 唔太咸, 但不覺有馬拉盞味~蝦膏醬爆蝦丸~$70/4粒乒乓球咁大既蝦丸, 外層同普通炸蝦餅一樣, 咬開(好彩)冇爆漿, 應該係新鮮蝦膏但偏咸, 一口啪左半粒, 似炸蟹鉗!越南拼盤~ $80, 春卷2條, 超熱氣, 附生菜, 但個膠兜有漬所以都冇食到; 炸蝦餅一份斬4件, 正常味; 檬粉蝦粉卷2條, 點酸汁食, 還可以, 但食唔到蝦味, 只有生韮王味; 冬菇豬肉粉包, 好味道! 有別一般食開的, 加左冬菇好香呀!一切都好滿意, 唯獨係貴左DD... 都唔敢叫野飲, 成廿蚊杯...…Read More

本來同男友好肚餓正行緊去志記, 途經砵蘭街一段路發現好多食肆~平時晌地底行去志記, 所以從來冇留意, 既然7/5晚會食三記,就決定唔食志記, 改左飲茶...因為由地下望上樓覺得間野幾大間, 應該信得過,上到去又唔係話好大間, 亦非常唔full, 有點擔心...點心紙每行都有晒價錢唔洗靠估,茶就冇得揀, 得一隻(我唔知係咩味), 會成日自動過黎加茶.叫左7樣點心, 見圖, 樣樣都average,除左最貴既鮮魷份量少有2舊豆卜, 又唔太好食...牛柏葉有粉漿,xo醬腸粉小辣,個粥有料唔係碎濕濕.靜龜龜食完就走, 亦應該唔會再來.…Read More

如果唔係<<街X廚神>>介紹, 我係唔會留意到有間咁既小店, 搬左黎咁多年都唔知!夏天要我坐街邊冇可能! 幸一入去都有吉檯.既然講到佢D巴西豬扒咁好食, 梗係叫豬扒啦!豬扒飯粟米汁- 得一塊豬扒略嫌冇送, 很腍, 很入味, 但好大舊骨.. 汁唔夠撈飯.豬扒上海湯粗麵- 同上, 湯冇咩味, 要雪菜, 比埋個炸菜我, 肉絲很碎幾乎食唔出.凍華田- 正常.食完... 好似冇食過咁, 味唔算濃所似冇漏既感覺, 豬扒得一塊又到喉唔到肺, 所以2點食完, 7點未夠就食晚飯...下次要試下豬扒飽, 塊豬扒乾身應該會好食D~…Read More

好食的東西通常都是不健康的...逢星期一二休息, 幸好週末都可以食個LUNCH或EARLY DINNER.假日晚上是超級多人(因為地方不大, 只是露天摺檯膠椅), 人手不多, 廚房2個, 落單收碗3個, 所以遲來的不要期望有什麼五星服務!小店的沒落, 失去的除了美食外, 還有大集團吃不到的人情味.昨晚7點未夠就坐低(因為個LUNCH太"LIGHT"!),哥仔仲有心情同你吹吹水, 街坊生意正正是這些小節令我假日都留守這區~沒漏單, 快上, 特別要求也做到了~ 才百二蚊埋單, 仲想點?凍檸樂- 大支玻璃樽可樂+一杯檸檬+冰<==因為冇冷氣的夏天, 必叫!庶蝦半份(4粒)- 配甜酸醬, 細細粒, 正常庶蝦味~豬扒飯多汁多蔥X2- 個人喜好鞋瘦肉, 一碟飯有2大塊, 入味, 配新鮮蔥及乾蔥撈熟油, 啖啖肉, 很肥, 但大滿足!馬拉盞炒通菜- 好大粒蝦乾, 唔會太咸, 唔辣, 都幾大碟~…Read More

大家都知細龜已結業, 我唯一會食乾炒河的地方, 人生只食過2次, 沒了...某日因北上工作而早起, 亦因此攞左一份好多阿婆會搶既"地鐵免費報", 剛巧就在我出發過馬交前幾天...有筆者介紹鑊氣十足的炒麵, 不只細龜, 還"可以一試"荷蘭園公仔記.酒店CHECK OUT後, 在花旗骰檯上很快輸掉$300, 很傷心耶...心息過後想話快脆撘的士去食第一餐, 的士司機唔識崗陵街, 更唔識公仔記(仲以為好出名), 最後佢晌荷蘭園掉低我們.不妙, 首先地圖上只有三盞燈, 不見荷蘭園崗陵街, 眼前的"荷蘭園"就好似一條無盡頭既彌敦道!更正, 是小貓三四隻, 冇乜舖頭開既冷清清馬路... 找個人都難, 別說找一間未去過的舖頭...幸好遇見一名交警, 得佢指示先知崗陵街應該向左走而不是向右走!佢仲話, "離呢度好遠喎!" 真.大.學...唔錯都錯左, 唔黎都黎左, 幾大就幾大, 向住應該有的目標前進吧...落斜上斜落斜...條街終於旺番少少, 已經流緊大汗!(果日SUPPOSE有點涼, 我著左件軍褸)再遇貴人, 係一間青少年中心既職員(妹妹仔), 佢唔識崗陵街, 但識公仔記, 仲有, "麻麻地咋喎", 心都淡埋...好喇, 搵到條街喇終於, 但只係另一條冷清既住宅大廈街巷, 公仔記呢?又逼住再問人, "花檔再轉入去!"嘩, 上埋樓丫笨...真係終於終於終於搵到喇, 救命, 我要食晏呀!厚切西多, 糖膠, 好味!炒齋麵$14, 係"地鐵免費報"筆者推介之一, 好似我地粥品店既炒麵, 當然... 公仔記好好食呀!有陣鑊燶味, 但絕冇炒燶麵/食材, 麵好爽, 彈, 乾身, 冇乜油剩晌碟.檸茶, 唔夠凍... 唔夠飲...奶茶, 朋友話唔合格, 都係飲汽水啦!魷魚河(十幾蚊), 好多舊魷魚(相入面已經食左幾舊) , 係水魷魚, 問佢要辣椒油, 佢比左D咖哩辣油, 朋友話都幾好味~豬手河(十幾蚊, 冇影相), 係南乳炆, OK好味.因為好肚餓, 決定試埋佢既公司炒麵(類似招牌菜咁), 原來即係炒齋麵加魷魚, 牛肉, 豬肉, 咁就DOUBLE價錢了! $28期間我地2個公司炒麵嚴重漏單, 人地食完我地都未有... 追左幾次, 最後都有得食...仲叫左支可樂, 埋單有5毫子零頭真係唔知佢點計, ANYWAY, 4個人每人$40有找, 飽飽.運另一條路走, 頂... 過條天橋行7分鐘就係議事亭囉! 這麼遠原來其實那麼近!可能真係又攰又好餓, 覺得特別好食, 下次識黎再試乾炒牛河, 應該唔差得去邊!…Read More

附近返工真係冇咩平價選擇, 連呢間本身唔係平既烏冬, 又加2蚊了...lunch(特選)套餐由來已$42 -> $44, 加一, lunch9折.叫左炸雞扒櫻花蝦烏冬, 熱檸水.份量冇少到, 炸物同烏冬分上.但雞扒肉少炸粉多, 好彩都算好味.配菜(沙律菜)很肉酸,黃黃爛爛, 見到唔想食, 不如慳番唔好落...烏冬一般, 清湯冇蟹柳果隻咁漏,平時要攞飛等5~10分鐘,今日晏左好多先落去食飯, 都唔洗等位,2蚊就試到你班人喇!…Read More