kurokuro's Profile

每次經過呢間餅店都好想試下, 趁屋企有人生日, 於是訂齊咁多款口味, 一次過試晒. 我地決定訂一個大蛋糕做主打, 其他味道就選細size既cake伴邊. 正當我地煩惱緊咩味做主打既時候, 店員推介熱情果芝士味, 果然無令我地失望, 味道好特別而且清新, 大家都讚好味. 至於其他味道, 個人認為咖啡味都唔錯, 但其餘既味道就偏淡. 又靚又好味既蛋糕, 生日既人收到一定會好開心!…Read More

朋友送咗盒蝴蝶酥, 初頭見到紫色鐵盒既packing以為係平平無奇一盒餅. 打開盒蓋亦無排列整齊既蝴蝶酥, 而係隨意散喺盒內. 不過放入口咬咗一啖即驚為天人, 每塊酥都好香脆鬆化, 令人忍唔住一塊接一塊停唔到口咁食. 食完之後重即刻睇下邊度有專門店, 忍唔住去買多盒…Read More

想食風味小菜, 於是老公帶咗我去東寶. 兩個人叫咗三個小菜, 食到好滿足離開.椒鹽墨魚嘴 - 份量比預期中多, 而且香脆可口薑葱生蠔煲 - 生蠔超大隻, 而且好新鮮. 美中不足係只得5隻.黑椒枝竹牛仔骨 - 味道唔錯, 份量亦唔少店員服務態度良好. 食完重有勁薑蕃薯糖水送. 今餐實在好飽, 下次再去要試下炸榴槤同炸豬手.…Read More

又去大坑覓食, 今次選擇食泰國嘢. 最開心見到我最愛既生蝦刺身, 而且只係$40, 勁抵食. 蝦都幾新鮮, 好想再叫多碟, 不過要留肚試其他..冬陰公湯 - 唔太辣, 份量有大約4碗, 有兩隻大蝦, 唔食得辣既人都飲得抄貴勻 - 味道都ok, 但份量較少海南雞飯 - 飯唔夠入味, 但雞肉都算嫩滑泰式拼盤 - 有三款小食各四件: 春巻 + 魚餅 + 蝦餅, 入口唔太油, 唔錯叫咁多嘢食埋單$300都唔使, 呢間一定會再嚟食…Read More

諗住去烏冬專門店食返碗又滑又彈牙既烏冬, 可惜只係一般水準. 韓式海鮮湯烏冬 - 配料都算ok, 湯底亦辣度適中, 可惜烏冬唔掂...獎門人烏冬 - 湯底好香鮮蝦味, 配料有蝦又有肉. 不過都係嗰句, 啲烏冬令人失望...不過如果幾十蚊一碗烏冬既價錢都ok既, 只係唔好對啲烏冬有咩期望囉.…Read More

難得有時間去嘆下午茶, 梗係揀個舒適既地方. 當日去到要求卡座, 可惜full晒, 但有客離枱服務員即安排轉位, 可以坐得舒服啲. 當日叫咗三個tea set 加一個甜品:彩虹pancake - 好味, 雪糕+水果+pancake三重享受小食拼盤: 試齊幾種唔同食品, 味道都幾特別, 可惜份量少, 唔飽肚四色pizza 及 日式抄烏冬 - pizza兩款有肉, 兩款係素, 餅底脆口而且幾多料. 烏冬一上枱已經聞到好香, 而且重好入味…Read More

又一行8人出動去食飯, 但好多出名既地方都話full booking, 最後揀咗呢間就腳既試下. 講真款式選擇唔算多, 不過各樣味道都中規中距, 以$178位既價錢嚟講都算幾ok. 飲品選擇都算多, 而且亦無咩漏單情況. 可惜因為限時段關係, 最後待應會不停催埋單同離座!…Read More

屋企人睇雜誌見到呢間話想試下, 即刻打去訂定位, 估唔到假日都有訂位服務. 坐位方面比較迫, 枱與枱之間好近, 所以都比較嘈. 當晚點咗以下食品:煄魚 - 肉厚味濃, 唔錯荷香污糟雞 - 以為咩咁特別, 原來只係荷葉蒸雞, 份量唔多, 雞肉尚算嫩滑紅燒獅子頭 - 味道一般小籠包 - 皮薄多汁, 食完忍唔住再encore一籠蜂巢芋盒 - 味道同酒樓芋角差唔多擔擔麵 - 好惹味, 值得一試以後又多一個食小籠包既好地方~…Read More

今年老公選咗呢度幫我慶祝生日, 因為覺得環境唔錯而且個名對我有特別意思. 當晚八成滿座, 不過左右啲枱都細聲傾計, 感覺幾清靜舒服. 晚餐選擇唔算多, 服務都ok, 但上菜真係好慢, 一餐飯食咗兩個幾鐘, 適合情侣慢慢傾計談心. 講返食物, 整體質素都幾好. 頭盤同湯就一般啦, 鵝肝好好味, 主菜既龍蝦同牛扒都好味呀. 不過甜品拼盤就唔太得, cheese cake都唔錯既, 但tiramisu好唔掂, 中間全部係水, 食到一半己經放棄咗. 總括嚟講, 呢餐都好滿意, 食得好開心. 呢度係慶祝紀念日唔錯既選擇…Read More

屋企人話想食即開生蠔, 咁啱見到報紙做緊promote, 於是就去試下. 環境方面都唔錯, 有註場歌手唱英文歌攪氣氛, 仲可以點唱. 至於食物就一般水準. 鵝肝牛柳餐 - 頭盤龍蝦湯唔錯, 幾濃味. 主菜既鵝肝唔好食, 牛柳還可以啦. 甜品係心太軟, 呢個係全餐最滿意既, 成家人都話好味!羊鞍晚餐 - 我本身唔食羊, 所以無試, 不過家人話都ok. 特價生蠔 - 當晚其中一款美國蠔做緊pormote, $10一隻, 叫咗半打試下. 唔太鮮甜.正價生蠔 - 另外有幾款生蠔$32至$38一隻, 我地選咗6款, 每款2隻. 叫滿一打有支白酒送. 各款生蠔都算新鮮, 不過全部味道都偏鹹. 服務方面就唔多得, 啲待應好似唔想理你咁. 好似啲生蠔上枱我問邊款打邊款, 等我知邊隻好味可以再order. 但其中一個待應好敷衍兼好快速地講完啲名就走開, 但無人聽到佢講咩囉. 於是我地問另一個等應攞返張生蠔既menu嚟睇, 佢就求其攞咗張lunch既menu過嚟, 上面得幾款特價蠔, 都唔係我地點嗰啲.如果我會再嚟呢間餐廳食, 只會係為咗個心太軟, 絕對唔會係為咗其他嘢囉...…Read More

揾地方同老公慶祝生日, 見呢間咁多好評就決定一試. 唔知係咪我期望過高呢, 最後大失所望.首先打去訂位, 接聽既待應話無任何生日優惠. 我問有無泊車優惠, 佢話送兩小時免費泊車. 我再問自己泊入停車場定係代客泊車, 佢好負氣咁答"我唔清楚喎!". 去到酒店既時候, 門口既保安話"無位喇喎!", 原來只有酒店入口幾個車位可以泊, 結果要泊去附近既停車場, 所以要去食飯既朋友唔好期望有免費泊車!上到去點好餐首先試下啲頭盤, 款式都算多, 值得推介係青口, 好新鮮. 坐咗好耐見無人理我地, 於是問下幾時上主菜, 但回應係要等多陣. 我地已經坐咗個幾鐘喇喎, 仲要等?? 唔知係唔係唔夠石板, 要等第二枱食完先有呢?! 之後我醒起睇過啲食評話蒜茸包好味, 但係我坐咗個幾鐘都未見上枱喎, 於是問個經理, 佢先話"係喎, 唔記得咗", 真係火都嚟埋!! 而且啲包上枱又硬又凍, 一啲都唔好食!講返個主菜, 叫咗個西冷拼鮑魚同埋牛柳拼大蝦, 都唔錯既, 但係隻蝦就唔太新鮮. 雖然價錢算係抵食, 不過咁既服務我唔會再去多次囉!…Read More

好耐無去過soho東, 見有間日本嘢就入去試下. 餐牌上有兩款刺身拼盤, 一款$280, 另一款$550. 問下老闆娘有咩分別, 原來要視乎當日有咩材料, 但係貴啲嗰款會多兩三款貴價啲既刺身. 最後選擇咗平啲嗰款試下:刺身拼盤 - 上枱見份量唔多, 覺得咁既價錢好似唔多值, 不過入口就覺得都ok喎, 因為件件都好新鮮, 唔係一般貨色咖喱生蠔定食 - 生蠔炸得香脆, 預期中既水準樽裝橙汁 - 同粒粒橙汁差唔多味總括嚟講都ok, 不過以裝修嚟講價錢就好似略高, 同區可能有更好既選擇. 但係值得一讚係刺身確實新鮮好味, 值得一試!…Read More

之前去過呢間幾次食下午茶, 因為坐得舒服啲嘢又好食. 今次去食晚飯就有啲失水準:炸軟瞉蟹 - 太多粉, 唔夠香脆冬蔭公蝦金邊粉 - 以前食過好正, 不過今次啲湯好淡又無蝦味泰式濕抄河 - 夠入味又多汁, 正!椰青沙冰 - ok唔知係咪晚飯時間比較忙所以食物失水準呢?! 下次都係下午茶時間先去食…Read More

呢間一年前食過一次覺得都唔錯, 可惜今次就大失所望, 食品款式少咗好多, 味道亦好一般. 冷盤得幾款選擇,而且長腳蟹每次只放幾隻, 好似要搶先有得食. 熱盤既菜式亦唔吸引, 食完第一輪己經停晒手. 甜品亦無驚喜, 而且movenpick雪糕要由待應分配, 無得自己裝, 但就有好多toppings可以自己加喺雪糕面.鵝肝每位客人只有一份. 要數全晚最好味既就係刺身同埋6款生蠔. 環境方面都算坐得幾舒服, 不過以食物質素嚟講, 二百幾蚊似乎唔值(75折後). 我寧願比貴少少, 去第二間任食鵝肝好過!…Read More

朋友話呢間餐廳好多人食過讚好, 於是一試. 冷盤方面都唔錯, 龍蝦幾鮮甜而且多膏. 刺身得三款選擇, 不過好彩夠新鮮. 生蠔只得兩款選擇, 但係燒生蠔就可以自已揀唔同汁料叫師傅即場燒. 其實熱盤無咩點食過, 因為嚟嚟去去都係差唔多款式, 提唔起我既興趣. 頭盤方面有四款選攞, 我揀咗鮑魚同虎蝦, 味道唔錯. 另外每人可以order一客梳乎厘. 值得推介係鵝肝, 好好味, 一定要試. 甜品方面雖然選擇唔多, 但係啲朱古力甜品好正, 喜好朱古力人仕啱晒(顧客仲可以喺櫃台另外購買朱古力回家享用). 另外我最鍾意食既士多啤梨又甜又多汁, 令我食唔停口. 個人認為食物質素值回票價, 值得一試. …Read More