austin.sw's Profile

唔係好明漢堡包有咩好食，肉又無咩特別。Typical American burger, 包細料跌哂出嚟。70幾蚊，一個包， 隨便嗌多杯嘢飲又加幾十蚊，隨便嗌個薯條又多幾十蚊。同一個價錢買其他好食啲，分量多啲嘅嘢好過Most people get excited about shake shack, because it’s shake shack! But for the same price you can get something that’s a lot more and a lot better. …Read More

前排intern附近返工，每次都去呢度食個四十幾蚊餐。相比每次同其他朋友聚一聚又花百幾二百蚊，呢度真係比較優惠的不二之選。但要注意依家開始全日的抗疫套餐已經升咗做$50了（暫時下午茶仲係$45）。服務都算唔錯，問紙巾同埋熱水都會照比。個人平時都係食開雲吞麵、粗麵，比較推介墨魚丸（皮係炸出嚟，好有口感）。$50可以包哂麵，一個配菜，同一杯凍豆漿（個人比較喜歡食麵配豆漿，出面其他配豆漿都特別貴，暫時呢間都係比較抵食）…Read More

又一城食lunch其實好多選擇嘅， 我有時都鍾意去simplylife 去食個burger， 或者一個英式早餐。食物質素完全唔需要擔心，特別係個burger餐， 份burger 嘅漢堡肉扒好厚，超級好味。除此之外，我都好鍾意坐喺靠近窗邊、露台嗰邊，因為可以睇住溜冰場嘅人溜冰，舒緩一下返工緊張嘅心情不過啦同樣有個通病，一到午飯時間呢真係好多人㗎，如果想攞到位呢最好早過12點半黎，間中偷小小雞早啲離開Office應該都ok 嘅…Read More

作為一個芋圓控，雖然呢間甜品鋪自從新開之後呢一直都好想去，但係位置比較偏遠，係係港島嗰邊嘅， 終於抽倒時間順路去試食佢嘅芋圓。咁睇個樣呢咁我哋就當然要叫「仙草八寶」，材料好似非常豐富，除左仙草、芋圓之外，仲有地瓜圓、紅豆、薏米、珍珠、蓮子同埋西米等材料，而且呢我覺得個樣同我平時最鍾意嘅 康瑞差不多，所以都有少少期望㗎。不過可惜啊，芋圓有啲過硬，而且整體口感相比之下呢其實都係平平無奇。再加上價錢都唔平，如果經過都可以黎試吓嘅，不過唔係話十分好食…Read More

又一城早一、兩年開始進駐左譚仔係food court , 平時去食開譚仔啦都係喺譚仔間鋪頭嘅，而家轉左喺food court食，雖然就腳左好多不過都幾唔慣，因為無論係由order，去到用嘅餐具其實都好唔同。譬如係平時去譚仔嘅鋪頭呢係會有一個好大嘅湯羹俾你去食面、飲啲湯底，但係而家喺又一城food court就會係統一用佢個餐具package，即係得一個好細條嘅膠spoon嘅啫。雖然無論係平日定週末呢人流都一樣好多，通常都要等一陣，但係米線水準同其他分店差唔多，三哥酸辣嘅味道回味，都可以係lunch之選…Read More

以前成日去食茶木， 覺得佢啲紅燒牛肉麵啊、 同埋甜品譬如蜜糖磚塊嗰啲都好好味， 不過，近呢兩年我都少去咗，可能因為都有好多好嘅餐廳選擇， 而且茶木成日都大排長龍囉，對我黎講排隊就有啲辛苦。但係好彩係分店越來越多，九龍塘、樂富、旺角等好多就腳嘅地方都有得食，所以今日呢就嚟再試一試，揀咗一個經典嘅甜品，「草莓香草蜜糖磚塊」，味道基本上同以前一樣咁好味，不過睇返其實價錢係真係偏貴， 間唔中都可以食嘅，但係不至於係一個好高priority嘅選擇…Read More

黎沙田Ikea shopping, shopping行到咁攰，梗係要順便去小食部到食$10熱狗，仲有無限續杯嘅汽水。呢一個價錢嘅hotdog來講， 我覺得就不過不失嘅，熱狗嘅番茄同埋蛋黃醬，就係自助自己落，鍾意食都可以唔使慳。不過，汽水就好似放左好耐，竟然一啲氣都冇。不過今日特別肚餓，想食多啲野，所以另外仲叫咗一份瑞典肉丸，同埋一份素丸，好似每份都係＄10左右，同朋友share就一d都唔貴。weekend就比較多人，都幾難搵到半張枱放一放低啲嘢食，有啲辛苦…Read More

「抺茶千層蛋糕」非常濃厚嘅抺茶味，再加上蛋糕面撒上抹茶粉，大大增加視覺味覺感受「朱古力彩虹蛋糕」層次分明，有黑朱古力慕斯和牛奶朱古力慕斯相間，就好似一道朱古力色的彩虹「伯爵茶千層蛋糕」大愛！ 用法國出產伯爵茶做嘅忌廉，令整個蛋糕嘅伯爵茶香十足，而且蛋糕面仲撒上茶葉碎粒，精緻又好味「士多啤梨海綿蛋糕」經典士多啤梨蛋糕當然係必吃之選，蛋糕面除咗有忌廉之外，仲有一排新鮮士多啤梨，非常足料除咗蛋糕之外，配埋茶慢慢嘆簡直係人生一大享受，再加上用餐環境舒適，可以揀坐室外露天嘅位，或者室內。…Read More

The restaurant owner has a great passion on wines and present them with nice food . I especially like the appetiser which is really exquisite. For the wines, feel free to ask for advices from the owner. He will suggest some wines which can be paired with the food. …Read More

係九龍城食完lunch , 仲想食份甜品，周圍行左一陣，黎左呢一間“地茂館甜品”，係一間中式甜品鋪。成日都食西式甜品，轉下食d 中式嘢，好似幾滋補(年紀大, 開始養生😚😂😂😂😂) 鋪頭裝修同埋 d 碗碗碟碟都係比較中式，幾特別。叫左份熱既 芝麻糊湯丸，份量合量，芝麻味好濃厚，湯丸口感煙韌，整體唔錯 。朋友都幾鐘意食。平時比較少食熱或暖嘅糖水，不過呢碗都接受到之後我地間唔中都叫呢間外賣，因為覺得水準都還可以。…Read More

黎到大埔，如果只係想食普通平民嘢食，我會推介“郭仔記”嘅車仔麵，呢間鋪頭營運左好耐，早幾年好似仲有裝修過，食物好抵 ，水準一如以往。非繁忙時間，可以自己係餐廳搵位，梗係搵卡位坐最好，跟著自己拎台面張點菜紙圈低想食咩，再比侍應就得。除左車仔麵之外，其實仲有腸粉、和各類小食。我今日當下午茶食，所以就冇點成碗麵咁多，而係單點左2份豬紅(所謂的兩份，只係約份量乘2，並唔係真係有兩份不同的)，味道濃厚，再加上蘿蔔菜鋪好好味，一齊襯住食…Read More

星期六晚去左元朗，順便去左食b 仔涼粉，夜晚 9點幾黎到，門口已經好多人，即刻去左排隊，兩個人的話都仲有空位可以即刻坐底，不過我地三個人所以都排左一陣，五分鐘左右。用餐環境都還可以嘅，簡簡單單嘅佈局，而且點餐同上食物嘅速度好快。呢到一個must 點嘅就係雞翼尖 😚😎😎😎 ，我真係勁鐘意食，蒜蓉微辣味道十分突出，好味! 雖然一碟嘅份量唔少，但係好快唔覺唔覺就會食哂。另外，當然都有點糖水，優勢在於選擇多，基本上咩水果配搭嘅糖水都有，配涼粉、西米、黑珍珠等…Read More

係香港城市大學裡面ac3 一個間學生餐廳之前teatime 搵下午茶嘅時候，就黎左呢到睇睇menu , 個時負責 cafe 部個姨姨好熱情推介呢一份 忌廉多士加一球ice cream ，價錢超級平，但係味道同口感竟然同 出面茶木 (話說又一城都開左茶木) 嘅 磚塊，但平過出面賣貴差唔多三倍，抵，而且真係味道差唔多，好味！個個面可以揀咩口味嘅醬，好似有朱古力同士多啤梨醬味，而且個ice cream 仲要可以隨便揀咩口味都得，我就揀左曲奇餅味。…Read More

每次黎觀塘區返工，如果順路，我都會黎呢間食 lunch ，非常高質，菜單選擇好多而且d 餸用料好足，份量也夠。叫左肉餅、豆腐火腩，另外有跟飯同湯，同埋一個龍“等”飯。 以上嘅餐都有餐飲，同幾個同事一齊share ，好豐富，可幾開大餐。呢到食飯嘅好處係，我就比較唔太食得出有味精味，所以感覺好似食屋企飯咁，而且用料足之餘好特別，雖然唔會係平，但基本上，性價比係絕對值。用餐環境，即係座位都幾舒適，不過lunch 人多，要早d 黎拎位…Read More

除左觀塘、金鐘食lunch 時間會比較多人，相對難搵餐廳之外，炮台山其實都好多在職人士返工，今日早到少少，12點55分就落去搵餐廳食，一個人相對幾易搵位，但係見1點左右，門口就好多人等位。點餐方面，基本上都係3個選擇，分別係“特餐”、“常餐A”、“常餐B ”，因為比撈麵吸引左，所以揀左“常餐B ”，以為揀埋餐飲就得，原來仲要揀 炒蛋定煎蛋、多士定 蒜蓉包、 瑞士雞翼定豬扒，好貼心嘅options 。味道唔錯，而且上菜速度好快，lunchtime 好選擇！…Read More