sunmoonstar7的個人專頁

話說其實我一直都冇特別鍾意食雙餸飯，但係上年食過超人之後，就返唔到轉頭。。。 而家慢慢復常，雙餸飯係越嚟越少人揀嘅選擇，今次過嚟堂食好好回味下！今次嗌咗三餸飯，分別係辣子雞、牛仔骨同鮮蝦西蘭花。最最最impressive依然係辣子雞，夠辣，夠惹味，個汁係好出色。 不過同之前相比，啲餸凍咗少少，但overall Cp值都好高！…查看更多

lunch嚟食，十二點已經好多人，再遲幾分鐘就要等位。舖頭細細地，但係入面好光猛、裝修簡約，環境都不錯叫咗個lunch set柱侯牛筋腩撈麵，覺得好驚喜 個牛筋口感好煙韌，好好食。牛腩雖然未去到好滑但係一啲都唔鞋，恰到好處 仲有個白蘿蔔，真係值得一讚，好清甜，推介！…查看更多

有朋友大推呢度嘅沙嗲牛，就即管試下！嗌咗沙嗲肥牛配出前一丁，個人覺得肥牛因為薄啲，食落口比平時食啲牛塊更加索到沙嗲汁，好入味味道啱啱好，唔會太咸但又好夠味！星期六lunch hour食都唔會等太耐，食物都嚟得快！…查看更多

紅磡米線選擇唔多，竟然喺小街搵到呢一間唔錯嘅米線！嗌咗肥牛，生菜，麻辣小辣。好鍾意呢度嘅米線，好幼身好易入口。兩個餸就普通啦，始終我覺得米線最重要都係個湯底！個人比較鍾意濃湯，佢個湯底非常之濃郁，即刻為成件事加咗好多分✨…查看更多

我同兩個朋友lunch嗌咗個二人餐，再加一個單人SET，搭埋炸饅頭，最後飽到食唔晒✨二人餐lunch set A-口水雞: 唔算好特別，雞唔係好滑，汁都唔算香，算係咁多個小菜比較失色嘅一款-水煮魚片: 好好食！啲魚塊好滑，重點係唔腥！！同埋份量好夠，好足料-酸辣土豆絲: 呢個都係食得好回味，土豆絲好爽口！-螞蟻上樹: 呢個係跟佢招牌，估唔到咁好食，唔太食得辣嘅朋友表示仲辣過個水煮魚，我就覺得非常之惹味！個汁係重點！-炸饅頭: 應該係咁多樣嘢，最值得推介！雖然炸饅頭好common，周圍都係，但係佢真係做到外脆內軟67分，口感勁好，食落口覺得好幸福！…查看更多

✨豬頸肉撈檬豬頸肉係燒得幾好食，薄薄地又啲油香，但個檬底就真係冇乜特別..夾起嚟唔算好有驚喜，送一杯熱柑桔蜜，配越南菜都幾夾嘅✨馬拉盞炒通菜20幾蚊細細份菜，啱晒一個人又想食菜嘅朋友，但略嫌欠缺辣味，爭咁啲！總括嚟講唔算太驚喜，可能冇試到招牌，下次可以再try try!…查看更多

聽講係屯門名物，入到嚟當然要試試首先裝修好靚，好有feel，文青得嚟又chill chill地，冇諗到呢個咁中國風嘅名會係咁嘅環境。同友人嗌咗兩個餐。鯖魚超大份，有少少咸但overall味道都不錯，有沙律菜食到滯可以清清個口。到招牌白鱔煲仔飯！中間隻蛋係日本蛋，勁有蛋香，一撈埋飯就好和味！鱔又真係唔錯，鹽燒令佢完全冇腥味，但係就略嫌少咗啲鮮甜味，值得一試但係價錢真心貴咗少少！…查看更多

坦白講，我覺得成間嘢真係個冬菇豬肉燒賣最高質 而辣汁係加乘咗成件事，個人覺得冇辣汁就只係淡淡冬菇味，就冇咁特別，加埋個辣汁真係不得了！但係未必個個都受得住，起碼食到譚仔麻辣五小先頂到呢個辣度！大家量力而為啦！…查看更多

店舖幾有泰式風情，有好多明星同顧客嘅即影即有。但座位有啲逼，店員仲有少少西面😂 不過lunch hour都理解嘅。食物方面我嗌咗個招牌A9豬肉船金邊粉，個人覺得味道就還好，未去到招牌咁出色，個湯底其實ok，但食材(肉片、肉丸、豬肚）好似冇乜味道咁。另外想讚吓呢度大部份嘅麵飯都有得揀size，細食嘅朋友就可以揀個細份喇另外出示full time學生證，可以以$4嗌指定飲品，算係小小嘅學生優惠…查看更多

幫襯過旺角、灣仔店，估唔到最後嘅佐敦店到做埋今個月就執:(搵日即刻嚟咗幫襯。椒鹽豬扒大分夾抵食，仲有私心之選帶子炒蛋。。蛋好滑好有家嘅味道飯方面，都係鹹蛋黃醬蔥油好味啲，豬油渣飯略嫌唔係好夠味。良心小店最後的歲月，大家都多多支持啦…查看更多

嚟到其中一個美食沙漠青衣，估唔到誤打誤撞都食到好嘢 今次喺lunch hour 嚟到呢度，原本以為呢個裝修食物價錢都唔平，但係點知睇一睇個餐牌又OK！叫咗個椰香青咖喱雞扒飯，個咖喱甜甜地，啱晒啲想食辣，但係又唔係好食得辣嘅朋友，椰香味亦都好正。個雞扒都好above average, 大大份，個皮脆脆地幾香口，成個餐都好夾仲要價錢相宜，Cp值幾高！…查看更多

大角咀絕對係同朋友食飯嘅好地方，離旺角只係10分鐘嘅步程，但係就已經多咗好多唔同種類嘅好嘢食！絕對推介，喺呢度覓食今次嚟到大角咀名店之一，試吓呢一個超級出名嘅牛don 我同朋友都係叫咗慢煮肉眼牛don，一個小盛一個大盛，睇圖就見到份量嘅分別。個人覺得對於女仔來講，小盛已經足夠，佢個餐仲有前菜同埋湯，如果唔夠飽就搭多個甜品。 慢煮肉眼牛丼標榜肉汁油香比較重，但係食開濃味我就覺得可以再油啲漏啲 🤣🤣 今次用咗OpenRice Pay俾錢，仲可以慳咗$10，迎新優惠仲平多$20 ，所以非常抵玩！…查看更多

朋友介紹咗好耐呢度嘅刀削麵，因為我自己本身唔係好鍾意食刀削麵，所以就一直都冇幫襯，後來發現原來佢可以轉米線，就即刻過咗嚟試！佢個醉雞唔使加錢都有雞髀，仲要大大份，肉質仲要好滑，好食！不過要挑剔嘅話，就係佢啲酒味可以再濃啲，而家略嫌有啲淡。另外如果個蛋係流心蛋就更加好。星期六中午去食，都幾多人排隊，不過都係等咗10分鐘左右，效率算好高！…查看更多

太耐冇食過仙草芋圓，一直都心心念念好想食 嚟到鮮芋仙，每次都嗌佢呢一個招牌仙草芋圓，貪佢大分夾抵食，仲可以當埋正餐 個人覺得芋圓嘅份量少咗啲，不過夾埋冰沙同埋仙草都好夠飽，個小奶油係錦上添花！…查看更多

雖然好鍾意食米線，但係好少嚟到屯門，見到雲川喺一個民選米線排行榜排名第一，都決定要來朝一朝聖嗌咗個招牌豬頸肉米線，超級好食，同一般豬頸肉唔同，佢切到好幼，同埋燒得好香 真係好好食 我個湯底係麻辣小辣，辣度同譚仔五小差唔多，可以再辣啲！另外嗌咗個炸大腸，本身唔係好鍾意食內臟都覺得好甜好香好好食 但係略嫌有少少凍，如果熱辣辣個皮脆嘅話就更加好 …查看更多