woodychuma's Profile

爸爸生日，買左6人套餐，小籠包好食，片皮鴨OK, 份量足，服務雖然尚可，惟唔會再去幫襯因為地方細枱貼枱坐得唔舒服，樓底矮地方窄所以好嘈，男女洗手間各只得1格，人有三急排長龍，非常尷尬又唔方便。…Read More

本身無期望，咁先唔會太失望，但求間餐廳企理食餐lunch 就算小朋友點左肉醬意粉，差過大渣樂，我老公點左意大利飯，入餐凍既，原來我點嗰份先係極品，從未試過連碗湯粉都食唔落口，札肉比碗死咸怪味湯底攪到好難食，最後我份主餐成份無食過，所謂半自助餐。。。。預左選擇唔會多，一分錢一分貨，但我只飲左兩碗湯，一杯咖啡同一杯杯裝牛奶公司雪糕，其他嘢見到賣相都唔開胃蛋糕個樣嚇死你，冷凍前菜衰過菜樓碟前菜， 橙汁似溝淡左既藥水。 其實地點偏成咁，好心就做好啲餐飲幫補吓收入啦～ 難食成咁，可以好快入群組…Read More

星期日想同倆老食個lunch, 佢地日日飲茶都悶，孫囝又唔鍾意中餐，唔想去大商場，老人家行動不便由停車場遊花園去餐廳就唔方便，咁就上網搵吓，住東區去石澳揸車好近，大自然環境吸新鮮空氣。 間餐廳好休閒，寧靜，有小社區風情，食物好靚，價錢唔太貴，爸爸鍾意食青口，老闆娘特別做餐牌無既青口意粉比我,呢啲就係大集團唔會有既服務，唔好話特別幫你整餐牌上無既食物，叫佢走咩，加咩或者分開上都話唔得㗎！ 2客意粉，1客pizza, 1客蒜蓉多士，1客安格斯牛扒，1杯特飲同2客甜品，賣單14xx我覺得可以！…Read More