maxtam29's Profile

係佢開左無耐，即刻去試一試佢個lunch 定量火鍋。揀左一個豬肉同一個牛肉set,大約90-120蚊一個人，包一碟肉，雖然得一碟大概8塊肉，但其實都好夠，因為佢出面有好多款式既台式小食，鹽水雞，滷肉飯，炸雞花枝丸，台灣腸，滷水得等，仲有丸類同蔬菜，可以任食，飲品有冷冷泡茶台式嘅紙包飲品可樂罐裝汽水等等。我自己都就一開波整左咗個鹽酥雞滷肉飯定食，仲有炸物拼盤，佢嘅熟食味道唔錯，而且大概$100就可以食到台式定食，同埋打埋邊路真係好幾抵。個火鍋就可以六啲肉同埋菜食。打邊爐嘅時間唔多因為佢嘅小食比較吸引但係,其實邊爐都不錯。…Read More

食過兩次，一次lunch 一次dinner, 發覺佢lunch 個餐牌食物係main menu 係無。而lunch menu既蜂蜜牛油蝦pizza 最好食，反而芝加哥pizza 麻麻地。可能係自己比較鐘情於薄脆既皮。另外佢既卡邦尼意粉同意大利飯都出期地好味，好濃厚既忌廉，同埋佢落左海帶，原來以為奇怪，但食落去又無違和感，而且增加左口感，同減小左油膩感。真係估佢唔到呢d韓式西餐都幾出色。但佢個韓式炸雞就有d失色，好乾，可能要食有甜辣醬既會比較好，今次食左芝士粉味。大家可以lunch去試佢既pizza 同意粉。炸雞可以試第二間。…Read More

第一次試呢個鹹蛋黃奶蓋，比芝士奶蓋多左陣咸香，但我都係比較鐘意佢既芝士奶蓋， 同個朱古力好濃，沙冰凍到上哂腦，所以下次人揀返佢既芝士蓋同非沙冰。即係芝士奶蓋四季春呀咁…Read More

有一段時間無黎食飯，疫情前黎親都排哂長龍咁，要等好耐，同埋太多人個水準又會差。前排係附近，又想食泰菜，就過左去，7點鐘即時入座，門口仲要有咪錶，等大概10分鐘就有位。佢d價錢真係好親民，40-50蚊都有一個餸或飯，就算兩個人黎食叫都唔洗就住就住，雖然字去再好大碟，但勝在可以食好多款式，如果4個人黎，通常都會放題咁叫。佢個芒果冰好高質，都係20蚊，好飲過出面d飲品鋪要成40蚊杯，夏天飲真係好爽。燒豬頸肉，芒果糯米飯都係必食！！…Read More

由以前20蚊有3餸，講緊十幾年前😂，食到依家要42蚊一碗，特別鐘意食佢既豬腸，豬皮，豬紅，雞翼，仲記得以前食果時水準會比較飄忽，因為d餸係當時係鋪頭到處理，有時會好入味，有時會唔夠味。而家開多咗分店，食物可以由中央工場預先處理好晒，反而啲豬腸做得好入味同好淋，水準能保持一致性。依家仲可以叫菜底，有時行過唔算太餓都以過下口癮。即使依家係尖沙咀返工都可食到永年，好似以前係元朗返學，lunch衝去排隊既感覺。…Read More

用openrice 叫外賣自取，諗住是但叫一間普普通通唔會難食既野，叫左個照燒雞扒拉麵同日式牛肉飯，完全無照燒味同日式味，個牛肉飯係中式洋蔥咁炒的，炒出黎仲要無味既，日式係要拎汁去煮，其實好簡單用返日式醬汁煮就得，好難會唔好食既野，但失望。拉麵黎講有拉麵，湯底好普通既湯，d粟米幾甜，有片魚旦，醬油湯有麻油味，係一碗唔好食既拉麵黎既，同一條街黎講仲有好多好選擇，食完你就分到邊間用心。…Read More