MancyChoy's Profile

天氣有啲熱，一落馬鐵就好想飲台式飲品。行出馬鐵站見到另一間，又唔係好想飲嗰種檸檬茶，更加唔想求其喺便利店度買嘢飲就算。於是打開OpenRice睇吓附近有咩台式飲品店，發現咗呢間牛油果先生，喺聖安娜隔離，又未飲過。見到有牛油果同芒果呢個組合，之前喺另外一間台式飲品店飲過呢個組合都幾好飲，都幾啱自己口味，於是呢就買咗個牛芒大碰撞,呢個仲有奶蓋添。店員吩咐要攪勻先飲，但係我A仔就鍾意一層層咁樣飲，每一層都好好味喎。得到香港人甜品讚美之稱嘅唔係好甜。同埋佢有水晶珠，飲完一杯其實都幾飽。下次我想試吓佢哋堅果系列，睇下有冇另外一間出名堅果奶蓋嘅咁好飲～…Read More

可能因為新開又近港鐵站嘅關係，晚上九點半做好多人排隊買嘢飲。服務員話要等10至15分鐘，因為都好想試吓就照等。點知5分鐘左右就出到杯嘢飲俾我，所以我覺得都唔係等咗好耐都OK，好彩無放棄到啫 。喺門市嗰度見到個燈牌有一個叫做白柚麗雅，好想試，但係見到Menu冇，所以就揀咗另外一樣。我叫咗一杯金牌愛玉檸檬 半糖走冰返屋企飲 。 我自己好鍾意呢一個甜度，因為我自己都幾好甜，但係對於一啲唔鍾意甜嘅人嚟講，應該可以再少甜啲。但係因為有檸檬嘅關係再少甜調我覺得可能會酸冇咁好味。啲愛玉都好滑，唔會散開晒，幾鍾意呢個質感。下次再試埋佢其他嘢先。…Read More

之前經過幾次見到有人排隊，無機會食今日早放工，諗住去食點知大伏。下午六點左右去到即刻落左單，叫左2個蟹皇生煎包，4個小籠包，1份炸雞扒。過咗一陣侍應拎咗張單同豆漿黎，再過多咗一陣炸雞扒到左，食咗個味係完全冇味，好似冇醃過咁，只能夠形容佢係熟嘅脆嘅。再過多一陣，侍應同我講小籠包同蟹黃生煎包都冇，叫三樣嘢兩樣嘢都冇，咁我就轉左佢新出瀨尿蝦小籠包。第一啖個皮唔熟，放棄咗就食另一個，發現瀨尿蝦都係唔熟嘅。以為佢哋新品，係應該唔熟，忍唔住問侍應，即刻講唔好意思，同我換一份。之後一直喺度等，等咗起碼半個鐘，最後決定唔再等比錢走。走嘅時候見到起碼10個人等緊，真係好想同佢哋講，佢好多嘢都賣晒，啲嘢食仲要唔熟嘅。唯一優點係侍應有歉意不停咁講唔好意思。…Read More

星期日中午預約左12:30，限時90分鐘進餐時間，因為有預約所以唔洗等位。先黎一波可愛貓咪照片😺😺呢度店面唔大，但係都安排咗好多隻貓咪喺店舖入面，有部分貓喺貓架上面休息，有一部分就會係客人餐枱附近遊走，一啲都唔驚人同冇攻擊性，有時貓咪見到張枱或者凳吉咗就會跳上嚟任摸唔嬲。 不過店舖講到明 唔好抱貓咪，如果貓咪有唔鍾意表現，就唔好夾硬嚟。講番食物先，食物係意料之外地好食，我哋叫咗二人餐，最好食覺得係個小食拼盤入面嗰炸雞，熱辣辣一咬落去都有汁， 外脆內軟好味道沙律同湯就正常發揮朋友話佢最鍾意食意大利飯，其實我好怕呢個意大利飯咬到生米， 佢呢個啱啱熟唔會太生又唔會太冧粒粒分明都幾好❤呢個豬肋骨醬汁燶味咗少少， 可能配薯菜會好啲，因為配個闊條麵係重蒜煮嘅，所以覺得成個菜都濃味咗少少。 如果食開重口味嘅朋友應該會覺得好正❤飲品都係正常發揮，白色嗰杯係白桃沙冰，綠色嗰杯係哈密瓜沙冰，唔明點解哈密瓜沙冰會係綠色，味道係蜜瓜味，但成個menu係冇蜜瓜味沙冰，得哈密瓜味。 打完之後發現成段嘢有急囗令feel😂😂😂只係記得影套餐menu， 睇完menu do QR code落單…Read More

同朋友係旺角唔知食咩，但大家都覺得天氣熱熱地想食啲日本野涼快啲~於是佢帶我黎呢間~一入到去正正常常do電話探熱，因為6點就去到無咩人，坐底之後開始慢慢人多。環境都乾淨，但唔係坐得舒服嘅凳之後睇下有咩食呢個可以自選要啲咩魚生嘅丼，可以揀唔要飯期間限定選擇唔太多金龍卷上菜果陣有火嫁!卷入面係炸鰻魚朋友揀左自選九公丼，入面有9種食材，不過包括埋壽司薑(無包青瓜同wasabi)整體都新鮮，海膽無怪味❤果日無牡丹蝦，可以選擇換甜蝦或者鮑魚起初見佢個碗細細以為唔夠飽，點知食完都飽，同埋都好滿足❤…Read More

大圍開咗新川菜，位置喺搵食市集。位置都幾方便一出大圍火車站過條馬路就到， 以前搵食市集有兩層，但之前上層搵食市集裝修，之後就開咗呢間十二味。一上樓梯嗰陣就聞到好香香辣味同花椒八角味，一路行一路期待可以嘗新。 大概六點半到，量完體溫之後就可以坐低唔使等位。 一坐低是侍應姐姐就話畀我知可以嘟QR code落單。主食有香鍋，分辣同唔辣可以配搭最少五款配菜， 我哋就揀咗蓮藕、雲耳、雞軟骨、魷魚同嫩牛肉。 除咗香鍋，仲有水煮魚、酸菜魚、辣子雞等等。味道方面，整體黎講因為唔食得辣，食黎食去都係麻同辣，比起麻辣派對差少少， 但係都好食嘅，下次會試下佢嘅酸菜魚。 最後附上cap圖菜單謝謝…Read More

係馬鞍山開左唔算好耐，一直無機會食因為成日排長龍。呢日有事放假走左去食個下午茶。一去到無人排隊，以為有得直入。點知都滿座都係要等一等，不過好快5分鐘左右就入得。叫左個常餐，有咖咉多士(甜甜地，又脆脆地都唔錯)，炒蛋(都滑，唔算好多油)，香茅骨美極麵(唔柴，得3舊，個麵比普通麵好食小小，但又無出前一丁好食，以為有美極鮮醬油嘅味，原來係無嘅!)，拉茶(夠甜夠奶，啲泡泡唔易爆，可以用羮筆入口)，+8元有參巴通菜(8元係抵嘅，又大碟，不過如果係炒應該會更香更惹味好食好多)…Read More

星期日一起身打算同家姐二人出去食下野。佢有個唔係好熟嘅朋友po ig介紹荃灣一間新開火鍋刺身店。於是即刻上網search一下，好似有讚無彈，諗住一於早小小去荃灣行下試下新店，之後去Donki行下再返屋企結束假期。於是打電話去book即日下午4-6兩小時放題$158另收加一。去到遲左小小，叫特別鍋要加錢，升級海鮮同牛小排都要加錢。我地2個慳慳地無加(後悔左)。因為我地叫左泡菜同豚骨鴛鴦鍋。2個湯底都無味，淡淡的。諗住點火鍋嘅豉油，點知都係淡淡的。不過呢個價錢食得飽都ok la。不過都有野讚嘅，冷氣夠大~還境都舒適嘅，員工都幾有禮貌。最後附上menu…Read More

坑口呢間店舖面唔算大，但係啲野幾好食。姐夫之前食過，介紹我黎試，本身都幾中2食鰻魚果日12點半左右去到，無咩人唔洗等位。Lucky~雙層鰻魚丼厚厚嘅鰻魚配微溫嘅日本珍珠米飯食唔到有骨，好味道鰻魚飯三食鰻魚唔會一夾就散，又唔會好韌泡湯加wasabi一齊食又好夾鰻魚玉子係熱辣辣甜甜地，又多汁嘅玉子 ❤❤❤❤炸雞都係熱辣辣，入面有肉汁，一口炸雞，方便唔洗咬骨，一無雪味，有肉香平日12點半黎唔洗等位，但坐底隔左一陣就好多人…Read More

點解可以每一樣野都好食嘅????星期一6點左右黎到唔洗等位，一黎到已經放好左調味料，不過其實啲野好食到唔洗點，已經好正叫左個蕃茄魚湯，湯底有啲娃娃菜，蕃茄薯仔，馬蹄，粟米。響鈴新鮮炸，可以即食，仲有個甜甜酸酸嘅醬點 好怕啲酒樓炸響鈴有油益味，呢間一啲都冇，可以放心食。金鼓魚刺身，配泰式醬汁好flesh，食完刺身仲可以將啲魚嘅骨做椒鹽，一魚兩食牛肉新鮮。蝦肉水餃粒粒飽滿。手打墨魚丸入面有墨魚顆粒，彈牙得黎有咬口。脆肉鯇腩又新鮮，醃得好入味，又夠爽。 貴妃蚌淥幾下就食得夠肥又夠靚總括黎講，個湯底靚，煮咩都好好食。…Read More

同朋友友預祝聖誕節呢間餐廳好好feel會有樂隊到場唱歌今日主要唱台灣普通話歌同埋廣東歌❤到於食物，呢間一直都唔錯芝士蜜糖包，要襯熱食，好正芝士蜜糖無得輸，個包又夠脆雞翼好大隻，唔柴，一咬落去有汁❤慢煮保濕豬鞍好嫩好滑兩個意粉都一般，唔係唔好食，又唔係好好食墨西哥餸好好食，個牛油果醬好夾黑松露薯條又係招牌夠熱，又香，每次黎必叫mocktail-Happy幾清新唔太甜幾好飲甜品 - 原本叫液態氮雪糕 但係因為今日冇曬液態氮食普通雪糕，感覺普通左甜品 - 法式焦糖燉蛋好重奶味好…Read More

今日自己一個人去到坑口，諗唔到食咩食返上次食過幾好味就再食多次。上次4個人可以叫唔同款式，今次一個人又凍凍地想食湯麵，本身又中2食海南雞，於是就叫左Tea set餐牌上面嘅海南雞喇沙。本身唔食得辣，佢個喇沙無咩辣果幾岩我海南雞係雞肶，出面食要加錢先有雞肶❤唔記得影個汁，唔係太濃味，唔會太影響本身個雞味。可惜嘅係佢個泰式奶茶唔係好泰式，唔知係落錯左普通凍奶茶定原本就唔泰式💔但侍應哥哥同茶水部真係有同我少甜少冰❤星期四下午2點左右去到，唔洗等位…Read More

佢地址石門京瑞廣場，點解話佢係隱世嘅美味呢?因為唔係喺商場入面，喺商場地下嘅背面， 而且個門面唔會有打橫老土招牌，門面係好日本風格嘅木趟門。一坐底就叫野食鰻魚壽司肉身都算厚牡丹蝦壽司蝦味濃海膽軍艦新鮮唔會有腥臭芥辣八爪魚軍艦唔算好芥辣我幾中2佢個酸薑，唔會好酸同太辣左口魚配海膽壽司幾爽口又有油脂帆立貝壽司size有小小細，強迫症嘅我夾起中間斷開左，心傷左一下😂牛舌串燒切得厚，燒得岩岩好，好正!雞翼串燒都唔會燒得老左，唔會柴蟹子沙律唔會太多沙律醬，但係我中2食青瓜，青瓜可以多少少甜蛋唔會好甜，我中2食軟身小小，呢個有啲硬同有小小老早去到唔洗等位，坐得都舒服…Read More

同家姐去屋企附近食晚餐，呢間原來好受歡迎。6點15分去到滿左三分一，但5分鐘後全場滿左，幾好彩。2個人食原本諗住食小菜，去到見到人地食好似好正咁，叫左1個烤魚，口痕嘅我哋仲想叫多一樣野食，家姐話不如食椒鹽九肚魚，咁就揀好餸了。落單果陣仲比叔叔講笑串:兩樣都係魚呀～因為我唔食得辣叫左微辣，但都覺得好辣，家姐話有譚仔嘅小辣。我平時食譚仔食清湯嫁咋。雖然辣，但係都好食。魚炸過，入面啲肉唔會過老。個鍋入面仲有芽菜，芫荽，豆卜，雲耳，枝竹。2個人其實一個餸都夠九肚魚夠厚身，上枱熱辣辣，如果個皮再脆多小小就更好…Read More

為食肥妹第一次寫食評，寫得唔好請多多包涵。茶聊裝潢好靚，唔會好有壓迫感，環境好舒服，特別中意佢嘅雲石紋枱❤窗邊有落地bar枱，都幾岩剩係食完飯，又想唔走住上黎飲啲野我地一行六個人，為左傾功課，諗住隨便搵間cafe, 一去到餐廳工作哥哥，好細心咁同我地講六人就比張八人台我地，可以比我地放下野。之後就介紹返要自行出去買野食同講枱號。我地下午6點15分到，原本話用餐時間90分鐘，但因為我地傾功課傾到11點都無趕我地走，實在太好人了。就係呢個原因我想寫食評，因為覺得佢地真係幾好，最緊要係野食好味。因為食嘅野重複，所以為無為每一碟拍照…Read More