kk317's Profile

雞煲火鍋周圍都有，喺旺角中心對面嘅二鍋頭一直都有回訪無非因為食物味道唔錯，價錢亦都非常合理，佢哋除咗有雞煲供應之外，仲有個鴛鴦鴨煲，一口價任飲任食。我哋今日兩個人揀咗雞煲小辣，先食雞煲，有用秘製醬料炒香，真係好惹味，又好食，2個人食完唔夠再加多煲先收手食完雞煲就可以轉湯底打邊爐，揀個比較特別嘅冬陰功湯底，酸酸地唔會好辣，零舍開胃。幾十款配料可以選擇，揀咗正路嘅肥牛、魚皮餃、雲吞、鮮魷魚、丸等等，全部都正常水準，海鮮都幾新鮮。另外仲有自助火鍋配料可以自己任揀，好多丸類、腸仔、蔬菜同菇類等等，都可以自己選擇。另有大量飲品提供連啤酒都係免費任飲，鍾意飲下啤酒、食下雞煲吹吓水一流，埋單計人頭都係2佰蚊左右，抵食又好食…Read More

每日lunch都特別煩惱，天氣熱，好似唔多想食飯類，我同個同事去左汝洲街嘅豐信餃子，覺得唔錯，可以推介一下，其實我都係睇lopenrice介紹架ja！！首先呢度嘅餃子有10幾款，例如白菜、韭菜、芫茜、雲耳椰菜，呢啲比較大路嘅款。另外都有麻辣、梅菜同新推出嘅紫甘藍tim~兩個人來就唔係話食到好多野，但都點左一份紫甘藍芫茜雙拼湯餃、麻辣白菜鮮肉餃、甜蜜蜜雞中翼同秘製汁雞腎~佢地個湯底寫到明係用椰子海帶豬骨煲成，飲落都唔會有味精感，濃郁而且潤口，淨係來飲啖湯都已經好滿足餃子皮薄餡多，大大隻夠哂份量，而且食落佢地用嘅豬肉都夠鮮味~紫甘藍果款食落好爽口，鐘意咬口必點麻辣白菜煎餃嘅麻味幾適中，唔會太搶，應該一般食得辣嘅都接受到，而且勁開胃，煎起夠香，我覺得好食雞中翼一份5隻，個樣就似豉油雞翼嘅，加左蜜糖整，都幾入味。最後點埋滷牛展，飽到dinner都食唔落！牛展入味、厚身，又唔會太硬，正~…Read More

知道而家有好多人都選擇留喺屋企居多，不過餐餐自己煮，都有少少悶，所以遇著兩個放假，都會出去食一餐半餐。今日喺附近超市買完野，就食埋飯先番去。呢間老媽拌麵係商場鋪，好評為主，我地都鐘意食台式野，可以試下餐廳面積都幾大，闊落光猛嘅，坐得算疏落，唔會同隔離太近。主打台式麵，分拌麵同湯麵，價位大概係50幾至80幾蚊碗，正常價錢囉。星期一至五點麵可以加錢升級茶飲或奶茶。麵質可以揀刀削麵或細麵，見到仲可以加麵底。小食價錢貴啲，有牛筋、牛腱、香香雞、雞排、花枝丸、台式腸等等。飲品除左茶，仲有珍奶、冬瓜檸檬呢啲。當日人手都有啲不足，又唔知係咪電子落單嘅問題，上菜時間頗長。應該係新推出嘅麻辣老鍋麵，一碗麵有齊牛肉、鴨血、響鈴、丸。簡單睇左餐牌我地就知道想食乜喇，手機點餐，揀左兩個麵，兩個小食。豆乳香香雞：雞件酥脆，即炸，熱辣辣唔算好厚粉，而且肉質食落仲嫩，有汁，不過價錢唔平。川味紅燒三寶牛肉麵：揀左幼麵，驟眼睇落都幾吸引，湯頭夠熱，清徹油份唔多，飲落香帶微辣，用左濃郁嘅牛骨湯頭熬製，so far飲左大半都未見好好好好口乾。三寶分別有牛腱、舞肚同牛筋。牛腱兩片，厚薄適中，佢唔係炆到好腍果種，食落有嚼勁，唔會太硬或者老。筋最好食，滿滿骨膠原感覺細麵軟硬適中，如果鐘意爽啲，索湯啲可以試下刀削麵。滷牛腱：因為我點果碗麻辣老鍋麵就得普通牛肉，咁我又想食牛腱，所以散叫嘅。如果鐘意食爽身，有咬口，唔係太肥嘅牛肉，應該幾鐘意。麻辣老鍋麵：睇番係荃灣同將軍澳店限定。呢碗揀左粗麵，刀削麵好夾呢個湯頭。湯底同其他牛肉麵唔同，麻辣度較高，但又唔會太嗆，幾過癮裡面有牛肉，份量不少，類似火鍋牛肉，冇乜特別。另外有兩粒幾彈牙嘅墨汁豬肉丸如果鐘意食重口味少少嘅麵，我推薦呢碗。鴨血爽口滑，但唔係嫩鴨血~冷泡茶簡單好飲。估唔到肥仔黑糖珍珠鮮奶唔錯，可能太耐冇飲，黑糖味唔係太重，甜度適合香港人。珍珠偏細粒，幾有咬口~…Read More

相信大部份人都同我一樣，冇特別事都盡量留喺屋企，唔會外出，口罩慳得就慳，不過好似我地呢啲仲要番工嘅人，邊有咁多時間去買餸煮飯，總有一餐半餐在外。通常喺屋企附近解決，象泰係個唔錯嘅選擇原本以為呢個商場會開始旺，不過眼見最多人就已經係泰國野了。menu選擇多，又有二人餐，價錢合理，有時lunch都喺度食算，懶得諗。今日點左半隻海南雞配油飯，半隻雞份量足，雞件大件，啖啖肉，肉質鮮嫩，有朋友唔食雞皮就由我一個人包辦，入口滑溜，又唔覺好油膩。配埋個有少少泰式feel嘅sauce，送飯一流墊底仲有幾條菜心，有菜有肉。跟住我地多數點條魚，明爐烏頭最穩陣，個個都啱食魚肉大條厚肉，等個爐滾起少少就食得。湯底係泰式風味，有香茅、蔥啊同啲肉碎，好多料明爐魚黎講都算滑溜，而且唔會好多骨，食得較放心。最底仲有粉絲，吸哂酸酸辣辣嘅汁，又唔會好淋！食泰國野好多時都會點泰式鳳爪，鐘意佢夠開胃，又可以食埋伴碟嘅沙律菜。…Read More

雖然好多朋友而家大多數都會留喺屋企，不過少不免總有兩餐在外，我地就唔去咁遠了，多數喺樓下茶記搞掂。樓下冰室係其中一個最經常幫襯嘅，鐘意呢度啲野啱食，價錢合理，位置都闊落，唔洗左逼右逼:)黎呢度我多數點招牌蕃茄通、瑞士雞翼、叉燒蛋飯，出品穩定。除左呢啲，仲有一般冰室餐點，例如焗飯、湯飯、炸物、小食等。茄牛通足料，茄湯比較稠身，唔係溝水果種，飲落都好濃茄味，冇乜味精感覺。通粉基本上都索哂湯，唔會煮到太腍身，本身跟左牛乳炒蛋，另加一餸，我揀左鮮牛肉。牛肉薄片，唔會過鬆，性價比高泡飯三款，分別有胡椒豬肚雞、蠔仔肉碎同蕃茄薯仔，天氣涼涼地就鐘意點胡椒豬肚雞暖身，飲落微微辣，惹味開胃。裡頭雞件不少，都算啖啖肉，而且豬肚都多，食落比較有咬口，配埋娃娃菜，有肉有菜有湯，好滿意通常我地會點多份瑞士雞翼，好高質架，我覺得好食過雞脾。雞翼三隻，輕輕用叉已經可以將佢分拆，可見煮得幾腍，瑞士汁完美融入雞翼，入味但唔會太鹹湯浸娃娃菜係因為呢期冇乜菜食所以點的，娃娃菜湯醇，裡頭仲有少量菇。鐘意呢度嘅華田脆脆，甜而不膩，口感豐富；菠蘿冰都有誠意，用鮮菠蘿肉架。…Read More

御滿屋算係旺角區放題之中水準比較好ge一間tongue食物種類都幾多，無論刺身、壽司、炸物、串燒、料理等夾夾埋埋有成佰款，加埋自助沙律吧，中式湯水，仲有甜品、水果，連爆谷都有埋。飲品方面，清酒、熱維他奶同特飲，當然啤酒汽水任飲梗係唔少得啦，所以我都好滿意。先講刺身，成本問題，我自己唔會期望放題食到頂級水準ge刺身，只要夠新鮮我就已經收貨，呢到當然做到水準以上。另外壽司飯同刺身比例好好，唔會係咁比大舊飯塞飽你個肚，等你可以試多幾款，由以火炙種類最得我歡心。熟食方面，天婦羅炸蝦同蟹柳雖然係細路仔食物，但係我又好鍾意喎，貪佢熱辣辣又?得夠香脆。串燒同樣唔錯，雞肉串好似日式超市買返果種，有少少雞軟骨裏面幾，爽口又有口感，加埋醬汁燒好惹味，大人細路都應該鍾意食。本人最鍾意西京燒雪魚，足足order左三份一個人食晒，醬汁燒起魚皮脆脆地、甜甜地，魚肉雖然唔算好滑但係都有魚味，好好食。當然其他料理都唔錯，例如香蒜牛柳粒、牛舌、雞腎等，啱晒鍾意熟食ge朋友。 最後梗係要食埋個水果同甜品先走，水果我最鍾情係西瓜，夠甜、多水又起晒沙，自己都買唔到咁靚ge西瓜，所以食左好多塊，好舒暢！另外每人仲可以揀一款雪糕有Movenpick Haagen-Dazs同埋Dreyers，我就梗係揀返Haagen-Dazs喇，因為我係fans呀嘛。…Read More

唔係經常去大坑，但都知道果度有唔少好野食，長假期同另一半都冇乜心情，但臨完結前都搵左間睇落唔錯嘅日本料理試下。睿日本料理位於大坑安庶庇街，晚市除左有套餐，仲有廚師發辦。不過我地今日只係過來lunch餐廳位置唔多，如果想坐吧枱，記得訂位，眼見只有4個喔。另外有十多張餐桌，好日本風味，以淺木色為主嘅裝修，幾cozy。假期約有三枱客人，都幾熱鬧。午市價錢會比較好入手，一共15款，有例如雞串燒、天婦羅、鰻魚飯、壽喜燒、壽司定食、刺身等，價錢係88-198蚊，好似我地咁budget唔多，一於食lunch。特上壽司定食198一共有十款壽司，由師傳安排時令材料，跟餐除左有前菜、果物，仲跟埋山菜烏冬，非常豐富。以呢個價錢來講，當然係CP值高，去連鎖店或者D高級少少嘅日本料理都唔止壽司定食十貫，由淡味到濃味一次過上，店員上菜時都有細心、輕輕介紹番每件壽司係乜。我地先食白魚，海鯛、鰤魚啊深海池魚、油甘魚等等，魚生都幾厚切架，而且有少少配料搭配，不輸omakase質素。白魚味較淡，肉質好爽，完全無筋。池魚當然都好唔錯，另外好鐘意配上嘅柚子胡椒，有助提鮮赤貝比較普通D，雖然入口都好爽脆，食得到係新鮮，不過好似細件左少少。壽司飯酸度適中，一口size，夾起唔散，裡頭有少少芥末。軍艦好有誠意，紫菜香脆，日本海膽鮮甜滑溜；蔥吞拿魚腩軟腍三件火炙壽司分別係左口魚、吞拿魚同黑鯛(無記錯嘅話)，火炙過嘅魚肉魚油四溢，魚味較濃，尤其鐘意左口魚，好滿足啊食完壽司，仲可以食埋份山菜烏冬，烏冬熱辣辣，食落都唔會好腍，有少許嚼勁；湯頭帶少少鹹味，我飲埋。燒和牛飯168蚊，即刻燒起和牛肉，一路都已經聞到好香。配上雞蛋、紫菜絲、芝麻同大蔥，勁吸引。飯量不少，裡頭加左D燒汁，好好送飯主角和牛塊帶少少脂肪嘅部份，肉味濃郁，督開雞蛋，蛋汁爆出，令牛肉入口更滑溜，不過我覺得和牛略嫌過左火，有咬唔開嘅部份。呢份定食跟一碗湯，非常有誠意，唔係普通味噌湯，裡面有三隻大蜆架，肉肥鮮甜。最後店員送上水果，個零鐘頭，食左餐好滿足嘅lunch！…Read More

市面上有唔少雞煲任食火鍋放題，但係好多時要用返雞煲嗰個煲底再加湯，感覺上會比較油膩，自己唔係太鍾意。但係我今日喺旺角食嘅一間火鍋店，喺旺角中心對面上2樓叫做二鍋頭。呢間提供雞煲同埋鴛鴦鴨煲再加任食火鍋，佢哋係會食完雞或鴨煲之後再俾你自選湯底，有成8款，有麻辣、沙爹、蕃茄薯仔同冬陰功等等。由於同行朋友本身唔食鴨，所以我地就要咗雞煲，雞煲滾起夠惹味，食落唔會太油，麻辣度剛好，好快食晒，店員詢問我地仲要唔要加雞煲，但由於想留肚食火鍋，以免眼寬肚窄，所以無再加。點咗蕃茄湯底，茄味都算幾濃郁。火鍋料都係任點任食肉類、魚類用order紙落單，蔬菜，丸類、菇菌同豆腐類就自己出去攞。我哋點咗滑牛肉，脆鯇魚腩，鮮魷同鵝腸等。另外攞咗小量丸、餃，㕑司腸，腐竹，篙筍同幾款疏菜鍾意佢呢度款式夠多，淨係菜都有六七款，好似我地咁，平時少食菜，樣樣都可以試少少。整體來講所有火鍋配料都好新鮮，響鈴同埋炸魚皮亦都夠晒香脆，百零蚊一位認真抵食。…Read More

雖然好多人都笑屯門有「牛」， 其實屯門唔塞車嘅時候都好可愛，住左三十年，都仲係好鐘意呢度。呢輪冇乜心機搵野食，都係近近地喺附近食街坊餐。最鐘意雲桂川，早餐下午茶勁抵食，大大件；晚市仲有秘製雞煲！今日三點零來到，鋪頭細細，都已經坐左8成人，全部同闆娘有講有笑，熟客生意為主。下午茶餐廿零蚊起，性價比高，除左多士、三文治、豬仔包、炸物、沙律、炒粉飯麵，仲有湯麵。呢度啲小菜都ok架，好有鍋氣。炸雞脾沙律配沙律，份量超大，雞脾即炸，新鮮熱辣，外層好香脆，唔會話成盤油，切開雞脾肉，非常juicy雞肉食落唔老都不特止，仲要幾滑沙律份量多！我就點左個湯麵，雞翼出前一丁，一份有三隻雞翼，下次我會叫另上，唔洗浸淋雞翼嘛。白菜炒牛肉因為今日遲起身，冇食早餐，又見餓，炒個菜食下。白菜嫩腍，牛肉有醃過，幾爽滑鐘意呢度嘅奶茶同咖啡，少甜啱啱好，前者茶香奶滑，咖啡都幾濃，又唔會太酸。…Read More

好多時食西餐都會諗起連鎖野，其實都有好多其他餐廳選擇，喺尖沙咀搵到呢間shine，超多好評，訂左位試試。餐廳位於北京道，面積都幾大，一出電梯已經有職員招待。番地訂左位，好快可以入座，好開心可以坐到卡位，因為我地拎住一袋二袋，卡位夠哂闊落！而且望出窗外，冇咁壓逼。拿拿臨睇左叫乜食，呢度主要食西餐，salad，前菜，小食，主菜，甜品都有，不過就全部單點嘅。我地決定叫兩份主食、一份小食share脆炸魚柳條配他他：魚柳條好似都有6大件，外層沾上薄薄炸粉，咬落真係好脆，完全唔油魚肉仲幾juicy，不過我自己鐘意熟少少，唧少少檸檬汁，減低飽滯感。跟住點左一份意粉，我揀左蕃茄大蝦闊條麵，份量唔係講笑，真係幾多喎，雖然單價比較高，但裡面有成1隻大虎蝦，8隻大蝦仁，收貨啦大蝦切開左，方便去殼，蝦肉爽口仲有鮮味，當然同蝦仁有分別啦，多謝朋友讓左俾我。闊條麵量多，茄汁唔會太杰身，味道濃郁，唔會太酸，加左少少香草咁嘅味，好食呢！幾期待呢個秘製醬烤春雞，一上枱，擺盤幾特別喎，首先伴碟嘅蔬菜我地一樣都認唔到，哈哈，講笑，有薯仔、露筍、蕃茄仔，另外有兩條真係認唔到，食落好爽脆春雞已經一開二，最主要嘅骨已經去左，超方便懶人，唔洗用手食。雞肉有用醬同孜然醃製，好鬼惹味雞脾肉嫩滑juciy，雞胸肉都唔差，唔老唔會韌，如果唔鐘意成日食牛排或者豬排，不妨試下春雞！香蕉朱古力奶昔好邪惡，但好美味！…Read More

食咗觀塘工業區成業街嘅發哥粥底火鍋，一個價錢包龍蝦，仲有幾款海鮮加自選配料，汽水或竹庶水任飲。附上兩個開胃小食同燉湯，好足料，真材實料，唔係味精湯，對於我哋少飲湯水嘅人就啱晒。每位仲有冰鎮鮑魚一隻及蒜蓉泰醬焗青二隻，唔使煮即刻有得食，鮑魚又好味又諗，青口即焗熱辣辣，正上粥底後先灼海鮮，當然係喺龍蝦打頭陣，龍蝦肉質爽口，新鮮，都幾大隻，有羔而肉都唔少另外仲有海蝦，貴妃蚌，聖子，大蜆同多寶魚，聖子同蚌都好爽口，証明新鮮無誤，其他海鮮食完已經有七八成飽。其他配料有，每台指定嘅安格斯牛肩肉，肉夠諗身，有牛味食咗咁多海鮮同肉，所以自選配料就食素啲，揀左墨魚滑，自家製蝦丸，雞髀菇，自家製雲吞，鮮冬菇同兩款菜等等，都相當有水準，要食晒真係飽到上心口最後加入粥膽煮成海鮮粥，鮮味非常濃郁，自己再加入芫茜，香蔥，榨菜等，真停停唔到口，我食咗兩碗已經飽到頂唔順，投降。整體來講呢度嘅食物選料新鮮，水準唔錯，地方亦光猛闊落，招呼服務週到，人均大約三幾，值得回頭…Read More

呢輪好多商鋪都收得好早，連超市同街市亦然，我地約朋友食飯，都要預先打來餐廳確認有開門先出發。今晚食粥底火鍋，揀左呢間位於九龍灣嘅發哥粥底火鍋。呢度都幾大，估唔到平日都有唔少人，位置偏少少並冇影響佢嘅受歡迎程度。可能因為佢地日頭係茶記，夜晚做粥底，都有一班固定客人套餐形式，分4款：麻辣雞煲火鍋、龍蝦/海蟹/大胃王粥底鍋，價錢分別係238/278/428蚊，醬油每位15蚊。以我地揀嘅海蟹餐為例，每位可以有2款開胃涼菜、燉湯1盅、蒜蓉焗青口2隻。海鮮有鮑魚、海蝦、海蟹半隻、蟶子、貴妃蚌、黃金蜆、時令貝、多寶魚，仲有安格斯牛肩肉、每枱8款自選火鍋配料，最後仲包埋粥底同竹蔗水/汽水任飲。自選火鍋配料可以喺58款入面揀8款，按人頭份量提供，基本火鍋料都有齊，例如黑豚肉、滑牛肉、魚片頭、各款丸類、脆鯇、蔬茶、菇同麵食。如果唔熟悉海鮮類要煮幾耐，每枱都有張紙寫哂時間可以參考，方便起見，亦有提供計時器。青瓜辣辣地，幾爽口。泡椒雞腳幾過癮，未有野食可以妹下先。每位有一盅燉湯，熱辣辣，好足料，勁多瘦肉，仲有雞腳，清潤每位兩隻蒜蓉焗青口，超大隻，肉飽滿，質素唔錯上左鍋底就會陸續上火鍋配料，因為呢度冇特別限時，可以慢慢食，唔會好似其他粥底鍋咁急趕。首先上哂海鮮，擺放得幾靚仔，驟眼睇落都好新鮮。每人半隻蟹，水蟹咁，肉多而且實淨，又幾有滿足感海蝦爽彈，新鮮嘅。鮑魚大概5分鐘食得，完全唔會韌。貴妃蚌都好大隻，肉肥美。蜆同沙白都唔錯，首先隻隻都開到口，而且冇沙，令粥底幾甜嘅。蟶子離殼基本上就食得，好大隻呢至於多寶魚就唔係我杯茶，因為我自己幾怕腥安格斯牛肩肉ok啦，唔會好肥或者好韌，每枱都有，又唔計落配料度，都幾有誠意。至於自選配料我地揀左黑豚肉，口感幾爽脆喎。墨魚丸幾彈牙，每人2粒。仲有即炸脆卜卜嘅油炸鬼，送粥一流蝦滑就少啲，但幾彈牙。因為我鐘意食沙白，所以都揀左沙白，又幾抵點呢豬紅好一般，唔推薦最後係生菜、萵筍。食到咁上下店員會上埋南瓜、芋頭、粟米粒，最後最後會有個粥膽，份量都幾多，我地真係食唔哂。粥底都幾好食，味道幾鮮飲料有竹蔗水同汽水，全部任飲，呢個價錢有咁多野食，抵到爆啦。…Read More

又係放題嘅時間，今晚嘅地點係瓊華中心，地方頗大，食物款式多。刺身，壽司，料理，串燒，炸物，鍋物等等，生果甜品，任攞任食，當然唔少得啤酒汽水任食，仲有埋清酒添呢度嘅刺身同埋壽司正常放題水準，唔至於太驚喜，但係絕對算係新鮮唔錯，可能年紀大唔識得太多點咗一兩round就夠壽司都係正常發揮。熟食款式頗多，串燒、料理、天婦羅全部都有，自己最鍾意天婦羅炸蝦、西京比目魚，鹽燒青魚、燒牛舌、雞翼同埋牛柳粒惹味得嚟就算就咁食都唔會太咸太濃味點咗個炒芥蘭苗居然唔錯，熱辣辣又唔老，難得。另外仲有花膠，女仕最啱。飲品好多款式。最後梗係食埋個甜品Häagen-Dazs雪糕，出邊買都要成$30一杯，食完感覺上好抵呀…Read More

曾經有一段時間好鬼鐘意食雞煲，一星期總要食幾次，不過自從辭左職後，就少見左呢班朋友，今日久違了來一次雞煲聚會。講荃灣，又要講任食嘅雞煲，又要抵食性價比高，我首選18樓。講緊嘅係大鴻輝中心18樓嘅18樓雞煲火鍋專門店，無論平日定星期六日都一樣好多人，電話響過不停，如果walk in就要早少少先有位了，否則都係訂位穩陣餐廳面積頗大，位置以卡座為主，非常闊落，而且每枱仲有茶几仔放配料，基本上坐得好舒服。入座時店員就會詢問雞煲辣度，提高效率。雞煲即製，約等十分鐘，呢個時候可以點定單。餐牌選擇充分，肥牛、豚腩、羊肉、蝦、花膠、豬內臟、多款丸類、腸仔、餐肉、粉麵、蔬菜、菇菌、炸魚皮等超過70款全部任食。醬料等左一陣雞煲就上枱，炒一炒就可以食，我地點左中辣，醬炒雞煲沾滿惹味嘅醬汁，辣度唔算好高，但又幾過癮。雞件數量不少，雖然唔係啖啖肉，但好入味食完雞煲之後就可以加湯，為左方便，每枱都已經有一壼湯。配料我地都點左好多，上菜速度迅速，特級肥牛同雪花肥牛都唔錯，唔會太肥，又幾軟腍。蝦同蜆丸類、腸仔蔬菜新鮮，放喺食物櫃自取。最後仲有乳酪可以食，又清涼又酸酸地，特別正飲品都有好多選擇。…Read More

旺中真係多左多小店仔，呢個位好多時都有唔少人，而且行過又聞到幾香，川辣野係幾吸引嘅。今日一場黎到，原本見到個價錢應該調頭走啦，37蚊3餸1麵，老實講，我搵間米線又好，麵店又好，食碗麵都係咁嘅價錢，我做乜要屈喺旺中，仲要店門口一張企喺度嘅高枱，食完仲要自己執野。anyway，人類總是重覆犯錯，總之我最後都係落左單。一路都好好生意，仲有唔少人外賣。揀左魚蛋、豬紅、娃娃菜粉絲，麻辣中辣，湯底以辣為主，只有少少麻，根本唔係果回事…拿我食呢啲野預左係味精，但真係太鹹，食完口渴到飛起。豬紅四件，娃娃菜少量、手打魚蛋非常難食，好腥。…Read More