sarahleepuisze's Profile

生日嘅時候朋友好好，book左間食pasta嘅餐廳慶生。呢間dough kitchen 坐落於大坑呢個較為隱世嘅美食區，所以未去已經抱有期望～餐廳舖位較細，配上柔和嘅燈光，有種温馨小館嘅感覺我地叫左三份pasta, 分別係signature海膽意粉、special menu嘅避風塘魷魚意粉同埋青檸蟹肉意粉先講意粉本身，佢每款都係自家手打意粉，比扁意粉厚身，食落更al dente~亦都因為佢係新鮮意粉果類，煮起上黎更加索汁同掛汁。而每款意粉除左配料上有分別之外，意粉本身都做返唔同嘅配搭，食起上嚟唔會覺得淨食pasta好悶咁海膽意粉 4/5係我地黎之前已經想食，佢食落好creamy，有海膽味但唔會腥，加上意粉本身口感好好，讚！不過淨係食呢個應該會少少膩同單調避風塘魷魚意粉 4/5估唔到港意fusion都幾好，好香口，同埋口感上幾有層次，有魷魚（定墨魚？）嘅彈牙，露荀嘅爽、避風塘嘅脆，仲有意粉嘅煙韌，彼此配搭得幾好。唯一係食耐左會覺得少少過咸同多油，不過避風塘本身就係咁嘅味青檸蟹肉意粉 5/5本人最喜愛呢道！個青檸醬汁好清新，帶少許東南亞風味，而且好多蟹肉，啖啖滿足，佢亦都解到前兩款嘅油膩感，我覺得黎呢度食可以叫埋呢道，會令成個dinning experience 會冇咁heavy~甜品叫左tiramisu, 都好好食唯一美中不足係冇水飲，焗住要飲茶，不過都唔太影響我對呢間餐廳嘅整體觀感～…Read More

餐廳較細但唔多枱，所以坐得幾舒服叫左個all day breakfast, 佢有齊要有嘅薯餅、滑蛋、茄汁豆、smoke salmon, 德國腸，炒菇同埋牛角包，勁豐富！佢仲有個水果杯係中間，唔錯仲叫左個smoke salmon and avocado bagel, 個bagel有烘底，外脆內軟，幾好食。smoke salmon新鮮帶油光，食落冇腥味，ok!仲要值得一提嘅係佢個沙律唔係就咁沙律菜，佢配左個酸甜醒胃嘅黃梅汁(好似係)，好清爽好夾～…Read More

等登入西貢試呢個，係冇令我失望嘅！個frozen yogurt base好滑，冇冰塊係中間，係個係frozen yogurt之基本但好多舖頭都未必做到，搞到好watery。但呢個唔會，佢係食到最後都仲好濃yogurt味果隻，夠足料！至於toppings，芒果同蜜糖幾夾，推介，matcha mochi都好食,chocolate brownies ok但得一舊，有少少sad。不過整體都好食，一定會回頭der!!!…Read More

最近log on cafe翻新左，兼且同藝術家合作將藝術觀賞融入餐飲，於是去試下餐廳環境明亮簡潔，放左好多色彩鮮豔嘅工筆畫，係充滿藝術氣息下食lunch都幾有feel叫左個set, 有個蘑菇濃湯，南瓜沙律，croffle，日式炸餃子，軟殼蟹意粉，同埋牛奶布丁。我另外再叫左杯matcha latte，結果份量太多食唔晒。先講個湯，佢係用好多蘑菇打磨而成，菇味濃郁而且口感豐富南瓜沙律係個set最清新嘅食物，食材配搭都幾好croffle係citysuper little mermaid嘅出品，好香牛油味，不過有dd韌炸餃子就太多蛋黃醬lu，同埋如果係煎嘅會更好，呢個價錢唔expect會係呢個質素個軟殻蟹意粉就真係幾好食，好creamy牛奶布丁都幾香甜奶滑，不過個人口味比較鍾意冇咁水嘅布丁最後要推介下個matcha latte，好似milkshake 咁，好濃厚嘅味道！整體上都幾好食，係貴左少少，但份量多，可以兩個人分另外要讚下d畫好高質，睇到畫家細膩豐富嘅畫風，不過個bgm就唔係太夾成個experience la, 建議細聲少少…Read More

同朋友慶生黎試呢間西班牙菜，佢同the Optimist係同Group但主打嘅菜色同餐廳風格都幾唔同。Calle Ocho比The Optimist多少少歐洲鄉村風情，價錢都感覺親民少少先試個croquettes, 我地叫左火腿味，食落去等下啖覺得幾好，但下一秒勾起左我嘅童年回憶：係細個西餅店嘅雞批！一講完幾個朋友都即刻relate 到，笑死我！都好食嘅其實～tapas仲叫左個虎蝦，份量ok，味道就正常，不過不失主食呢度有the Optimist冇嘅seafood paella, 都幾好食，算唔錯！肉我地叫左seabass同埋牛，個seabass普通但個牛都算好食整體份量偏少所以我地再叫左個薯仔蛋餅，普通甜品就冇得點揀，一係cheesecake一係chocolate moose, 我地叫晒兩個，都係普通由此可見，食物質素就正正常常冇乜特別，不過勝在氣氛ok同埋冇time limit, 生日亦有唱歌影相慶祝留念，啱同朋友吹水慶生…Read More

係灣仔鬧市中揾到呢間樓上鋪黎個偽野餐，幾得意。餐廳走野餐風，有露營凳同coffee table, 不過腿長嘅友人就坐很唔係好舒服😅叫左個煙三文魚牛油果bagel, 仲有tiramisubagel烘熱左有好香嘅洋蔥味，同牛油果煙三文魚都幾夾。Tiramisu就甜左少少，lady finger都偏濕，可以更好。價錢就中間偏貴，個bagel對得住個價錢，好食；但tiramisu 要5x蚊就expect high quality 少少。可以再黎食個bagel～…Read More

位於威尼斯人裏面嘅中菜廳，係我最近食過最好食嘅中菜同點心嘅地方。先講吓餐廳環境，個樓底非常之高，好有空間感。裏面嘅裝潢設計都別具匠心，淨係個環境都非常滿意。我哋係嚟呢間餐廳飲茶，查我哋揀咗人蔘蟲蛹茶（希望我冇聽錯），幾特別同回甘，唔錯。餐前送咗個開胃小吃，佢係一個浸咗紅火龍果汁同酸梅汁嘅雪梨粒，上面有少少好似係燕窩絲，食落非常之清甜開胃，絕妙！我哋叫咗幾款特色嘅點心，每款都匠心獨運，非常精緻。<老虎斑金魚餃>必食程度：5/5魚嘅香，水晶皮嘅煙韌，配合粟米汁，食出鮮味，推介推介！<帶子芋泥盒>必食程度:4/5表面炸得非常酥脆而唔覺油膩，唔錯<一口黑椒和牛酥>必食程度:3/5酥皮做得很好，但黑椒味略嫌過重，食唔出和牛嘅香味<龍蝦春卷紅米腸>必食程度：5/5又係煙靭軟糯嘅腸粉皮，再加上春卷嘅薄脆，仲有龍蝦嘅爽口同彈牙，口感同味道都係滿分！<麻辣流心鵪鶉蛋燒賣>必食程度：4.5/5佢個鵪鶉蛋，係釀咗喺個燒賣入邊，但仍然可以整到流心/唐心，完全彰顯到點心師傅嘅功架。雖然自己唔食辣，但都覺得佢整得非常出色！最後我哋仲叫咗個菜汁炒飯，裏面有合桃松子仁同埋藜麥，加上佢炒得好乾身少油，好食又比較一般炒飯健康。當日送上嘅甜品有兩款，一款係奶黃大福，一款係柚子泡芙，個人覺得泡芙比較好食。整體來講，每一款食物都非常有心思，而且整得好好食，環境又舒服乾淨，真係值得再黎！…Read More

位於灣仔鬧市中嘅酒店，佢既冇靚景，個位置又唔係特別優越，但係度食晚餐都係一個唔錯嘅體驗先講餐前嘅bread basket, 種類都多，又夠熱，呢點已經對餐廳嘅第一印象不錯朋友叫左個set dinner, 頭盤有生蠔同帶子，生蠔ok，帶子有濃郁嘅煙燻香，口感亦好好👍🏻主菜叫左個三文魚，煎得非常之好，個汁都唔錯甜品係雪糕，好滑而甜度適中我自己想食tiramisu 所以單點左個皇帝蟹意粉同tiramisu 個皇帝蟹意粉有驚喜，好多蟹肉而且鮮味十足！意粉掛個微辣嘅汁好開胃，好好食！tiramisu 咖啡同酒味比例好好，口感亦非常之厚實軟滑，好好食！！整體黎講，餐廳氣氛好好，服務非常到位，食物質素好而份量好多，所以食得開心…Read More

平日經過見人龍長得誇張，但尋日見冇人排就沖入去試下。餐廳環境乾淨但冇景睇，氣氛似日本家庭式cafe咁叫左兩個蛋包飯：鰻魚蛋包飯同埋咖喱牛舌蛋包飯。鰻魚蛋包飯 $248 好食程度3.5/5條鰻魚好有膠質但有d韌蛋煮得好但冇乜蛋味個飯係茄底，普通啦整體ok嘅，但唔expect呢個價錢食呢個質素咖哩牛舌蛋包飯 $238 好食程度3.75/5牛舌煮得好䭃，咖哩standard甘口咖哩但個蛋包飯同鰻魚果個唔同，係咖哩炒飯底我同朋友都覺得呢個好食d甜品叫左焙茶雪糕窩夫，個窩夫外脆內軟熱辣辣， OK嘅，但個雪糕都係唔好抱有期望，佢偏甜同水d,麻麻地成餐飯如果價錢係$138個主食嘅話，我覺得都OK嘅，但呢個價錢，真係唔會再食…Read More

之前同事介紹過呢間餐廳話個梳乎厘pancake好好食，雖然自己本身對呢款食物冇乜興趣，但都諗住試下，果然冇失望！叫左一個期間限定嘅士多啤梨味，同埋一個tiramisu 味嘅蛋糕，仲有一個和風帶子意粉先講主食啦，都幾好食，個意粉係al dente嘅質感，帶子十分厚肉，鮮味十足而且調味得好好。佢冇醬汁但上面有紫菜同蛋黃醬，本來覺得會好怪但turns out係幾好食然後tiramisu 係有層mascarpone 奶蓋流落黎，ok嘅但個人認為咖啡味可以再多啲就好重點好食嘅就係個士多啤梨味梳乎厘pancake,佢嘅pancake 切落去果下好實在但食落去果下好鬆軟，係口中溶化，一啲都唔watery,係好高質嘅梳乎厘pancake！然後個士多啤梨醬酸甜適中，好香士多啤梨味。仲有佢嘅士多啤梨係好濃好香，唔係hea嘅士多啤梨，高質！！價錢黎講佢係cafe價，唔會好平，但我覺得性價比黎講係高嘅，推薦！餐廳係後巷入嘅工廈樓上舖，有d難揾但超級多人去，長期排長龍！不過我覺得佢冇用餐時間limit係幾好，冇人催～…Read More

屋企人同我都非常鍾意食西班牙菜，鍾意佢有好多唔同菜式，好啱唔食得牛嘅人~先講環境，佢係比較modern urban d 嘅風格，而樓底係極高嘅，熱鬧得黎唔會侷促TapasHam Croquettes 必試程度：3.5/5外脆內creamy, 有火腿嘅咸香但唔會太鹹Salmon Bikini 必試程度：2.5/5正常發揮啦，呢個價位就唔會expect三文魚係好新鮮啦，填飽肚用Gambas Ajillo必試程度：4/5性價比最高係佢，啲蝦唔係頹嘅雪藏蝦，佢係爽口而帶蝦味嘅，佢個蝦油都係好香～Octopus Potato 必試程度：3.5/5八爪魚係偏淋果款，未必個個鍾意，我就覺得ok.薯仔就普通啦，味道okMainSucking Pig必試程度：4.5/5個人最鍾意呢樣，乳豬皮好薄好脆，下面嘅肉好嫩好香好好味，好想食多份！Surf n Turf Paella 必試程度：2.5/5有少少腥，但可接受，呢個價錢黎講我覺得okDessertCatalan Foam必試程度：4/5口感好特別，好輕盈，好滑，好少見呢款甜品，推介推介！Torrija必試程度：3/5姐係french toast加咖啡雪糕，一熱一凍，又唔會過甜，好食cheesecake 必試程度：2.5/5佢有啲臊，不過好似話係特色黎，而個撻皮ok總而言之，呢間西班牙菜未至於好食到令人驚豔，但大多數都有水準，而個價錢係平過灣仔果間好多，質素更好，所以絕對會回頭～…Read More

之前經過呢間coffee shop就俾佢柔和嘅燈光同高質木系傢俬吸引住，再加上見到佢主打北歐食品我就決定一定要黎一次！先講環境，佢鋪位唔算細但只有幾枱，有兩枱梳化位，一枱coffee table， 一枱高身bar枱，同埋入面有一張私隱度高嘅大飯枱。成個格局就好似外國大屋嘅living room同dining room, 配埋偏橙嘅燈光，真係好cozy好家居嘅感覺。(hjem means home)臨近聖誕黎仲好有節日氣氛！食物黎講北歐比較多食rye bread toast同肉桂卷，呢度都有，我就試左肉桂卷同norwegian waffles，然後加左個自己鐘意食嘅egg Benedict with blueberry cured salmon。飲品就要左杯flat white, hot chocolate, gingerbread latte 同 honey golden latte肉桂卷必試程度：4/5佢雖然唔係我最鍾意嘅cinnamon bun, 但佢都非常好食！肉桂味好夠同埋有少少脆身，好快俾我清左！Norwegian waffle必試程度：5/5呢種waffle 特別之處係佢唔係Belgium waffle 咁厚身嘅蛋糕texture，又唔係holland waffle咁薄咁餅乾嘅texture,係mix of the two. 佢配埋brown cheese同jam果下真係覺得好地道！好好食！egg benedict with blueberry cured salmon 必試程度：1/5個三文魚好腥，好唔新鮮，破壞晒成件事，不了不了～飲品就唔逐個講，正常啦，係個honey golden latte 真係好重薑黃味，未必個個啱總結，呢間個氣氛好好，食物推介waffle同cinnamon bun～…Read More

聽聞呢度午市食燒肉性價比高，非常同意呀！先講環境，居酒屋嘅格局，但非常闊落，四個人坐都好鬆動～佢仲會落簾，私隱度幾高之後就直接入正題，叫左兩個set, 一個係五色和牛set，一個係和牛肉眼同牛舌set。和牛嘅油脂分布完美，每一口都係牛油嘅香！牛肉入口即溶又冇筋，肉味又好濃厚，超讚呀！前菜呀，湯呀，日本飯呀，飲品果啲正常地高質，我就唔着墨於此啦，始於黎食一定係為個和牛架啦！唔太識形容個和牛有幾好食，總之就十分推介啦！雖然都要差不多$400一餐，但絕對會回頭！…Read More

有日行太子大廈經過見到呢間古典味極濃嘅coffee shop就即刻plan好weekend黎食個brunch相信揾得呢間嘅人大概知道佢係Ralph Lauren嘅coffee shop品牌，佢呢間coffee shop同樣行氣派典雅路線，以桃木同金線條做主tone,同品牌嘅深綠色好夾，好喜歡呢度個環境食物方面，碎蛋三文治個包好鬆軟，唔錯，芝士火腿牛角包就咸左少少，咖啡正常。最好食係個chocolate cake, 好濃好滑嘅朱古力，加上好實在，唔乾身嘅蛋糕，一流！價錢其實都好相宜，係一般coffee shop嘅price range,所以其實性價比高如果黎呢間，我會推介個cake,其他可試可不試…Read More

同朋友慶祝，揀左呢間西班牙餐廳食lunch。餐廳位於中環M88 20樓，景觀非常開揚，裝修風格比較現代輕奢風，比人感覺優雅而時尚呢間餐廳只有brunch set俾你揀，冇a la carte。brunch set有五款tapas, 兩個二選一嘅main courses，同埋三款甜品我地另外叫左兩杯cocktail, sangria blanco用brandy做底，甜啲嘅，而berrylini其實係cava加原粒莓果，普通咗d<Tapas>Spanish Cold Cuts好香，份量好夠Fresh Burrata Salad正常Scallop Ceviche 帶子新鮮，配炸蒜同青菜蓉好特別，幾好食Truffle n Cheese Bikini 其實姐係芝士多士入面加左蘑菇醬，不過個人覺得幾個tapas入面佢最好飯，香脆又拉芝Broken Eggs with Chorizo and Crispy Potato姐係温泉蛋肉醬薯條，普通啦<Main Course>Lobster Thermidor龍蝦好鮮，幾好，係有水準嘅Roasted Suckling Pig外皮好脆，味道唔會過鹹，不過油咗少少King Pasta Crab Linguini蟹肉鮮甜嘅，不過不失啦Seafood Paella 呢個高質，味道豐富而唔覺得鹹，海鮮新鮮，飯煮得啱啱好，欣賞<Dessert>Churros 油左啲Burnt Cheesecake 正常Vanilla ice cream 太甜Pistachio ice cream 好濃開心果味因為佢係set冇得散叫，我就以成餐飯黎講啦，tapas不及灣仔有間西班牙菜好食，其主菜中規中矩，靠食材新鮮取勝，甜品亦談不上講究，只能話食物質素OK，都對得住個價錢。不過就餐廳嘅景觀黎講就為餐飯加唔少分，同埋俾你食足三個鐘完全冇趕客嘅服務態度令我地食得開心。必試程度:3/5…Read More