cheweating's Profile

人均$170享受威靈頓牛柳餐依間喺牛頭角站附近，鴻圖中心的Le Monde，見到佢做緊一個七折嘅假日午市套餐，而且地方座位超寬敞，約咗朋友慢慢食，慢慢嘆西餐🫶 🔶蟹肉沙律酥皮撻蟹肉鮮甜搭配蟹籽同迷迭香，輕盈得嚟又開胃😋🔶意式雜菜湯配麵包意式雜菜湯，蔬菜鮮甜同番茄的微酸，湯底濃郁卻不膩。奇亞籽麵包上枱嘅時候熱辣辣。🔶威靈頓牛柳主角威靈頓牛柳✨外裹香濃蘑菇醬與酥皮，外層酥脆。牛選了五成熟，切開時牛肉呈粉紅色，嫩滑多汁，牛味濃郁。🔶蒜香煙肉蘑菇意粉香蒜橄欖油炒香煙肉同蘑菇，加咗芝士食落creamy，簡單嘅意粉配搭，但食落好滿足。餐廳環境真係唔錯，餐枱隔得闊落，而且會有Live Band表演。約朋友食飯或者約會都係唔錯嘅餐廳選擇👌Beef Wellington Lunch Set for 2 (12:00-17:00, Sat, Sun and public holidays)原價$428 （2位）宜家 7折就 $300 （2位）+加一📍Le Monde (觀塘)觀塘巧明街94-96號鴻圖中心9樓A室…Read More

位於海旁的 Bistro La Baie，典雅法式裝修，座位寬敞舒適。今次來食晚餐，點了幾道主菜試下😋🔶 烤八爪魚、法式炸薯仔，茄子蓉，辣肉醬 ($258)八爪魚肉質非常彈牙🐙。配菜同樣出色，炸薯仔、茄子蓉和辣肉醬，一片片嘅薯仔外脆內嫩，帶有少許辣味🌶️，茄子蓉非常細滑🥄。🔶 油封鴨腿扁豆香腸 ($228)經典法式菜式，油封的鴨腿外皮脆口，味道豐富✨。另外搭配洋蔥和紅蘿蔔煮的扁豆及香腸，食得出豐富嘅肉香和香料味道🍖。🔶 香煎”三黃雞“、薏米飯，黑松露泡沫 ($218)三黃雞薄薄嘅雞皮金黃酥脆，肉質非常嫩滑，有迷迭香提升香味🌿。黑松露泡沫有淡淡的松露香，底下有薏米飯，層次口感豐富。🔶香蕉可麗餅（$88）法式甜品點少得可麗餅，餅皮充滿蛋香，加埋濃郁朱古力醬，十分滿足。#將軍澳美食 #香港美食 #將軍澳餐廳 #香港法國菜…Read More

餐廳喺尖沙咀已經開咗廿幾年，的確係價錢實惠又好味嘅韓國菜選擇，坐得舒服又唔會迫，啱哂同朋友聚會🙌🔶牛肉紫菜飯卷 $76傳統韓式飯卷味道，口感豐富，餡料好足。牛肉搭配唔同新鮮食材，包括菠菜紅蘿蔔絲蛋絲等等，食落有麻油香又唔會膩。🔶蜜糖蒜味炸雞7件 $79炸雞新鮮炸起，口感嫩滑，一啲都唔乾😀外層酥脆，蜜糖與蒜香味道好夾，甜中帶蒜香🙌真係好正🥢🔶韓式豬手 $168賣相吸引✨份量好足，肉質軟嫩，啖啖肉配埋韓式醬料，少少辣又惹味，搭配生菜食，唔會覺得油膩🥢豬皮仲爽彈添👌尖沙咀區以實惠價錢食到正宗韓式味道，係唔錯嘅選擇❣️餐廳仲做緊唔少特價優惠🥢…Read More

✨觀塘懷舊出色粵菜 鴻圖樓😋經常經過觀塘依間外觀有特色搶眼嘅中菜，今日同家人嚟晚飯。🔶金沙海皇豆腐煲 ($128)
金黃色豆腐煲，香口鹹蛋金沙包裹滑嫩豆腐，配爽脆新鮮嘅蝦仁，味道豐富，份量好足，配白飯食真係好正。🔶脆皮燒腩仔 ($128)
燒腩仔皮脆肉嫩，肥瘦比例適中，份量多，上枱嘅時候非常熱辣辣。🔶鮑汁雞腳 ($68)
鮑汁雞腳軟腍入味，醬汁微甜，份量又係好足。仲有好多款小菜或套餐可以揀，餐廳坐得舒服。#觀塘美食 #觀塘中菜…Read More

灣仔船街小酒館🍷 豐富多款西式fusion菜😋喺灣仔食晚飯，搵到船街嘅 Flagship，就喺合和商場落扶手電梯附近嘅地舖。試咗幾款別具特色嘅菜式：🔶21天熟成厚切豬扒($338)厚實豬扒入口即化，熟成令肉質濃郁又多汁，配自家微酸醬汁同烤蔬菜，酸香開胃，份量夠晒滿足！🥩🔶麻唔辣四川蜆 ($168) 蜆肉肥美新鮮，四川麻香醬汁微辣帶花椒刺激，Fusion風味新鮮惹味。🔶冬蔭功大蝦意粉($198)泰式fusion，冬蔭功味香濃，酸辣平衡不錯，大蝦爽口彈牙，意粉煙韌度適中。Flagship 嘅菜式創新有心思，環境幾有格調，特別鍾意氣氛舒服，座位寛闊。如果你鍾意西餐fusion菜、想約朋友chill住飲杯酒🍹食飯傾偈，呢間餐廳幾適合👌✨#灣仔美食 #灣仔西餐…Read More

🥢尖沙咀海鮮雞煲火鍋放題有驚喜✨抵食海鮮質素好👍🔸時令燉湯及惹味雞煲首先有湯飲🥄用金色茶壺上，夠哂儀式感又清甜。雞煲有好多口味揀，例如麻辣，泰式酸辣，芝士雞🥢今次就揀咗花膠雞煲，雞煲惹味得來唔會太鹹，亦都食到唔少花膠❣️補充下啲骨膠原🤭🔸日式刺身拼盤食完雞煲只要like and share餐廳社交平台就會送一盆日式刺身，有多款刺身，蝦大大隻又甜，仲有北寄貝都好味🙌🔸霸王海鮮拼盤之後就會上大大大盤嘅海鮮拼盤✨可以開始打邊爐喇🥢有大大隻嘅龍蝦，蟹，扇貝，海蝦同埋鮑魚。另外我哋仲加咗兩隻蠔。海鮮好新鮮，見到啲金黃色嘅膏都好吸引😍龍蝦真係好高質，海鮮食落啖啖肉又鮮甜，真係好滿足🤭🔸手切安格斯牛打邊爐又點少得食牛肉，首先會送上一碟手切安格斯牛，望落個樣已經好靚仔，食落軟嫩，而且牛味香濃。🔸多款火鍋配料呢個時候其實已經食得好滿足⋯但係仲有幾十款火鍋配料任叫✨叫咗招牌黑松露墨魚滑，食到黑松露味，但又唔會好搶味，同墨魚鮮味平衡得剛好，真係彈牙有驚喜喎🥢個人覺得必叫🙌除咗海鮮出色，竟然仲係用新鮮本地雞本地豬，好多內臟例如鮮雞紅鮮雞腸雞腎等都有得食🥢其他例如蔬菜乾淨新鮮，新鮮加上已經煮咗咗好多海鮮嘅湯底，食落更加有鮮味。最後食埋生果，滿足✨另外每人加$20可以任飲啤酒汽水。✨整體嚟講餐廳地點方便，放題抵食，優惠時段每位$298起，尤其海鮮質素好好，適合同家人朋友聚餐。…Read More

夏日炎炎☀️食返啲酸酸辣辣開胃泰菜都係唔錯嘅選擇🥢🔸泰式豬肉片豬肉丸船麵$98船麵份量好足，有豬肉片豬肉丸，仲有炸豬皮。👍船麵最緊要梗係湯底，好有泰式風味，濃郁而且甜甜辣辣。🔸鹹蛋魷魚$118邪惡之選🥢炸粉唔會太厚，每一件都均勻咁沾上鹹蛋黃。魷魚亦都好彈牙好味🤤🔸泰式辣椒香葉炒青口$118調味好啱口味，甜甜辣辣勁惹味開胃🥄青口大大隻，加埋唔同配料紅黃椒/菇等等🥢🔸泰式豬腩片粉絲蝦煲$188有大大隻嘅蝦，蝦肉爽口彈牙。粉絲吸晒啲精華，再加上有八角桂皮等調味，味道豐富。✨餐廳嘅菜式選擇多，喜歡每道菜都用咗好多泰式香料/材料。食得到層次好豐富，唔會只係好鹹/好辣，係有誠意嘅泰菜餐廳。餐廳以湖水綠色為主，有唔少泰式主題海報佈置，仲播住Thai Pop🎶環境泰有feel好chill，適合成班朋友食飯🍹…Read More

晚餐嚟咗試一試呢間泰菜，叫咗黃咖喱牛腩配蒜蓉包同埋泰式金邊粉。泰式金邊粉酸甜適中，唔算油膩，但蝦就唔係有好多隻。黃咖喱牛腩係偏重椰奶味嗰種，牛腩都唔少，幾香濃惹味，配大大件嘅蒜蓉包食，幾唔錯。餐廳座位坐得比較迫，會播住泰文歌。總括嚟講價錢唔算貴，味道都唔差，但未必適合坐好耐同朋友聚餐嗰種。…Read More

叫咗兩款主食，包括烤牛肉蛋包飯同埋煎雞扒泡菜奶油燉飯，分別都加咗$45配飲品及焦糖布丁。見餐廳好似蛋包飯出名，但食落就一般般味道比較普通，而且份量唔太大。至於煎雞扒泡菜奶油燉飯有啲驚喜，煎雞扒熱辣辣亦都香脆，泡菜令到奶油燉飯冇咁膩，整體幾特別，但同樣地份量都唔係好大。飲品揀咗濟州綠茶牛奶以及白桃梳打，白桃梳打好飲啲，濟州綠茶牛奶只有奶味比較重，綠茶味普通。反而甜品焦糖布丁有驚喜，蛋味好香，食埋個焦糖布丁就夠飽。餐廳環境唔錯，以木系為主，偏韓式Cafe style，適合同朋友傾偈，不過留意繁忙時間限時90分鐘。…Read More

午市人氣都幾旺都要排一陣隊先有位，叫咗兩份午餐，包括招牌封門柳豬油撈飯，同拔度腩雞飯。本身餐廳係做火鍋為主，所以封門柳牛肉都有一定質素，牛味幾濃，幾好食。至於拔道腩嘅油飯好香，好重香料味，但雞肉本身唔算嫩滑，味道亦都一般般。餐廳會播廣東歌，幾有氣氛，但就稍為大聲咗少少，同朋友傾偈就有啲難度。總括嚟講午市套餐中規中矩。…Read More

位於新都城商場嘅角落頭，的確唔係咁易搵到。咁啱嗰排做緊優惠，第二碗會半價，所以就試一試。叫咗蝦湯拉麵$108，上菜賣相幾唔錯，睇落好豐富。蝦湯都做得幾鮮味濃郁，而且配料都幾足有多款海鮮，例如蜆，帆立貝，青口蝦等等，仲有一隻糖心蛋，蝦湯做得幾鮮，食完都唔會好口渴。店員服務都好好，拉麵會跟一杯熱菜。…Read More

位置稍遠離地鐵站，但相對朝早都易搵位啲。平日早茶好抵食，有一人孖寶$30起，想食飽啲仲有飽肚孖寶係可以揀蒸飯嘅$40。當日叫咗幾款孖寶其實味道唔錯，不過就份量唔太大，例如燒賣就比較細粒。但依個價錢嚟講加上茶位每位$6 ，其實都相當抵食。孖寶可以揀蝦餃燒賣真係唔錯，叫咗個鮮蝦芝士腐皮卷，其實好香脆，但就偏油咗啲。11:30前都可以叫早茶孖寶👍餐廳環境就係新式嘅點心舖，比較似冰室茶餐廳類型，裝修好彩色光猛。…Read More

海旁有好幾間靚餐廳，今次第一次嚟呢間地中海style嘅餐廳試，叫咗夏日Menu$298一位。首先有一個凍蔬菜湯，非常清新亦都飲到蔬果嘅鮮甜味，不過個人都係慣咗飲熱湯😂然後前菜揀咗焗生蠔同埋香煎魷魚配蒜片、辣椒碎及特級初榨橄欖油魷魚仔，兩款都好好食，尤其是焗生蠔個菠菜牛油汁好濃郁Creamy，至於魷魚仔係辣辣地嘅汁十分開胃惹味。主菜叫咗兩款牛扒，烤澳洲hanger steak同烤澳洲安格斯牛肋排，配薯條。其中hanger steak較為出色，比較嫩同牛味更出。最後甜品以紅莓雪糕芝士蛋糕作結，蛋糕份量一啲都唔細，食到好飽好滿足。餐廳裝修環境都好靚有地中海風情，而且服務都好友善。…Read More

依間小店由韓國人主理，嚟到呢度多數會叫拌飯，辣豬肉韓式拌飯份量好足，而且賣相都好好有足夠嘅蔬果，有翠玉瓜蘿蔔絲大豆芽鮮菇，仲有隻煎蛋配上辣豬肉，非常開胃，份量大到都食唔晒，價錢先係$58，又包埋紙包飲品。亦都試咗韓式炸雞，有甜辣或者蒜蓉醬油味，今次揀咗蒜味，炸雞就一般般，冇話十分脆口，但雞肉唔乾唔嚡。一份四件$45。食韓國嘢唔少得叫辣湯，今次叫咗牛肉辣湯，都係想像得到嘅韓式辣味，牛肉份量都唔少，但個人比較喜歡佢嘅拌飯多啲。…Read More

呢間係唔少打工仔嘅Comfort food，但最近都成為咗遊客嘅熱店。平時鍾意叫佢嘅豉油雞拼燒腩仔飯，燒腩仔脆口，其實都偏肥，但咁先好食⋯豉油雞好嫩滑，醬油甜甜地超好餸飯，另外通常都會加個老火湯，因為呢度啲湯都幾足料，幾好飲。一星期每一日都會有唔同嘅湯。…Read More