味小子's Profile

之前見到依度有outdoor 位置已經想黎試下😇😇黎親唔係outdoor 有人坐梗就係裝修中，今次終於有機會試到😋😋始終土瓜灣要搵個地方可以邊食野，邊飲野又可以呼吸既地方真係唔多😇😇餐廳啲裝飾幾得意，見到都想飲多两杯😂😂其實餐廳唔係好大間，我唸大概二十個坐位左右，不過坐位之間唔會太近同太迫👍👍講真，依度啲清酒真係真心抵飲🫶🏼🫶🏼🫶🏼一百幾至二百頭一支720ml ，真係超抵👍👍掛住飲掛住食都無咩點影野食相🫣🫣佢地啲串燒抵食得黎有驚喜👍👍豬腩肉同雞皮我地都嗌左两三次😋😋仲有雞心元都係依度特別推介🫶🏼🫶🏼同埋店員個個都好健談👍👍好食又好有人情味既小店❤️❤️…Read More

早前行過女人街，見到依間新開既中式小菜館😋同朋友入去試下新野先入到去見到餐廳裝修都幾雅緻簡潔👍🏻👍🏻有幾張卡位，坐得都幾舒服一睇餐牌就見到店主推介既足料燉湯我地依啲一日三餐都係街食既，平時真係無咩湯水滋潤下同老友即刻一人一盅補補先我地分別嗌左個響螺花膠燉雞同當歸燉雞两個湯都好足料，同朋友share 黎飲，两個湯都既香且濃之後仲有嗌左两三個小菜水準都好高，依個風沙骨夠香脆又夠鑊氣而且價錢相當親民貼地抵食…Read More

本來book左尖沙咀既空不過原來空星期一休息執董姐姐安排左我地去依度試食餐廳正在試業期間所以所有設施都好新淨留象最深刻既係電梯出口轉灣既自動門因為樓底夠高，顯得幾有氣派鮮果蕃茄非常鮮甜海膽豆腐配三文魚子最後果個係希靈魚籽相當特別真鯛輕輕燒過配上醬汁，別有一番風味石桓貝輕輕一拍，成隻貝即刻收縮入口滿滿既鮮味隔黎條友牛高馬大食生蠔怕肚痾我幫你手頂埋日本蠔一如既往既鮮甜爽脆，味道單純依個介乎中拖同大拖之間輕輕一燒，加上一個好特別既醬汁，完全配合到拖羅既油脂感吸物依個時候上岩岩好個湯小小辣，又酸酸地好醒胃，又解下酒白蝦寿司，清清地又好鮮甜作為第一件寿司非常稱職不得了，海膽滿滿的感覺超幸福禾牛燒入口輕微一咬就滿滿油香两條肥仔表示唔夠飽師父請我地食依個卷物入面有好多種魚留象最深刻既係入面有腦天係度我感覺依個卷物包涵左半個海洋今日我地食係1680既set下次試埋2280先…Read More

哥登堡餐廳，對上果次食己經係讀中學既時候果時班主任会請果個月生日既學生去哥登堡食午餐仲記得以前依度有個出名手瓜起𦟌既侍應哥哥，佢話拗手瓜贏到佢，就会請你食晏多年黎依個標誌性既門口依然無變😬😬餐廳比以前光猛左好多，仲記得以前食午餐果時都好似食緊燭光晚餐甘有情調一坐低，侍應哥哥就推介我食牛柳or T骨扒佢話牛柳出名好淋，好味喎🤗🤗一落左order，唔使一分鐘，餐飽同羅宋湯己經火速送到餐飽熱辣辣，羅宋湯好足料而且味道香濃熱辣辣既鐵板牛柳上枱啦😁😁叫五成熟無over cook 牛柳真係好淋，無咩渣，不過牛味唔太香濃:):)加左五蚊要埋個意粉撈埋鐵板既蒜蓉汁岩岩好食飽飽…Read More

真心未試過甘伏，寫左過百篇食評，食過甘多間餐廳，都未試過有一間甘難食垃圾中既垃圾首先，依個十八層海膽杯，食左两層都唔對路，同餐紙上面既都唔同既，小左幾層，食到一半問侍應先話有啲時令食材飛機貨黎唔到，所以俾小左，你唔問距都唔唸住講，sell你食果陣又提都唔提下有啲咩時令食材無左果喎，同呃人完全無分別蕃茄沙律，成個蕃茄出哂煙，熱辣辣甘上依個蟹又係經典，完全無味，仲衰過三百蚊位自助餐任食果啲依個牛油果生到完全食唔到，鐵匙羹都畢唔到少少肉出黎食跟住就無跟住啦，畢唔到個牛油果我已經嗌埋單，啲野都唔係俾人食既，伏到七彩，有小小良知都唔会出到啲甘既食物俾客人，仲要收甘既價錢，點解可以開到甘多耐又甘多正評…Read More

好耐都無寫過食評啦，早幾日去左一間好有水準既居酒屋點都要俾個讚距疫情影響，小不免都盡量唔出腳食飯果日老友表示太久沒見，甘我唯有捨命陪君子(可能係自已都餓得太耐)我遲小小到，一去到已經見到甘既陣勢一就坐既時候，侍應已經好快就帶上頭盤差啲餓死既我表示非常高興白蝦炸得爽脆得黎，味帶鮮甜完全保留到白蝦既鮮味，送酒一流來自宮崎既生蠔，非常新鮮，掂一掂生蠔群邊立即收縮味道啖身爽口，好鮮甜拖羅油脂豐富，幸福滿寫順帶一提，上菜前工作人員非常貼心地問我地啲刺身想一人一份甘上，可以衛生啲定想一盤過眾樂樂可以影相呃like由此可見服務訓練有素我地揀左獨樂樂，每份獨立上，真係有啲食梗omakase 既感覺而上菜既時候侍應都会耐心甘介紹下食物既做法同產地:):)基本上同平時食omakase差唔多依度都有好多創意菜色，依個拖羅蓉豆腐，亦配合得非常之好原隻天婦羅炸蝦，炸漿夠薄，做得最好既地方你会見到張相，下面張吸油紙係無咩油完全出到功架甜品方面，唔使多介紹，先上士多啤梨，唸住已經甜美，食完仲要黎多個超甜蜜瓜，完美滿足在場侍應非常健談，如果係愛酒之人，老闆都会親自過黎同你飲两杯，同大家分享下食材既做法同心德完美既居酒屋正正就應該係甘…Read More

好多時夜媽媽想食碗車仔麵，都会去囍記車仔麵，因為囍記收得比較夜:)以車仔麵店黎講，囍記門面既裝修都算幾靚:):)甘當然距既價錢亦都百份百對得住距既裝修啦其實以車仔麵黎講，我個人認為囍記車仔麵既食物選擇都唔算少:):)仲可以選擇其他小食我嗌左個五餸麵，豬頸肉，貢丸，韮菜，韮菜餃，墨魚卷麵係粗麵加腩汁個湯加腩汁加得唔係好夠，不過可以叫侍應姐姐追加:):)豬頸肉幾香口:):)韮菜餃皮幾薄，不過細粒左啲，有啲似迷理雲吞可能依排遊客少左，生意無甘好，依家食四餸加三蚊就有杯凍飲，以前飲品要分開計五餸麵加凍飲埋單六十幾蚊:):)…Read More

尖沙咀經常排長龍既水門雞飯，係隔黎打完泰拳，就梗係去食下泰國野啦試一試距同水門市場附近果两間雞飯有咩分別先水門雞飯既裝修保留左啲泰國風味，當然加左冷氣啦係香港無冷氣都幾大件事近門口處有啲拳套同腳pad做裝飾比起水門市場既海南雞飯，依度既餐牌食物選擇比較多，除左雞飯之外，仲有咖喱同泰式湯粉同泰式炒粉依碗湯真係同曼谷既如出一徹，一樣甘咸嗌左雞脾，要加十蚊下午茶份量比較少，男仔應該唔係幾夠食，油飯粒粒分明有油香，我認為做得比曼谷既好雞尚算嫩滑，不過個人認為無咩特別:):)下午茶雞脾飯要六十幾蚊，唔算非常好食，性價比唔太高，如果仲要排隊就更加要考慮下…Read More

係旺角砵蘭街入面既村上居酒屋，其實黎過好多次，覺得依度食野既氣氛幾好，啲野又幾好食，經理既服務好好又健談村上居酒屋門面既裝修都幾靚好有日式居酒屋既味道居酒屋燈光柔和，坐位間隔都有適當既距離，酒櫃裏面放滿各式各樣既清酒店員安排坐位方面都会盡量安排多啲私人空間俾顧客:)經驗所得，除非居酒屋無位，有位既話都会安排唔同既客人各據一區依個剌身拼盤有加拿大海膽，中拖羅，三文魚子，我最鐘意食既野都係哂度壽司飯既醋配得幾香壽司握得幾好，唔会夾就散依個魚湯好香，好濃，好有驚喜…Read More

唸反起真係差唔多有好幾年無食過味千拉麵，仲記得細個既時候去食味千拉麵係要排哂長龍先可以食到係新港中心food court 既味千拉麵，如果坐餐廳裏面好似要加一，坐外面大食代既坐位就唔使:):)嗌左豬軟骨拉麵，見到隻糖心蛋都知距好乾身味千拉麵既湯底係用濃縮湯汁加水煮成既，已經係眾所周知既秘密，唔会存有太大祈望豬軟骨淹幾夠味，不過咬到成口渣麵條煮得太淋，無咩咬口，平時自已係屋企煮反包裝既味千拉麵可能仲好食啲一碗依個質素既拉麵賣六十幾蚊下次再食可能又要隔多好幾年先会再試…Read More

第一次黎食澳門咖喱王新鮮腩好多時行過都見到距門口寫住有好多得獎名菜，招牌菜，必食大廚推介，馳名咖喱......好似樣樣都唔食唔得甘餐廳牆上面既階磚裝飾令茶餐廳多左一種金碧輝煌既感覺，餐廳唔算好大，坐位間隔都唔算太闊落:)睇黎香港同澳門都無一幸免地面對地少人多既問題今次黎試下距依個獲獎川醬干炒牛河先干炒牛河加川醬炒，我印象中應該都係我第一次食，唔知有幾辣都係穩陣啲嗌bb辣先用既河粉係我鐘意既幼河粉成碟好夠鑊氣葱，洋葱，芽菜，蘿蔔絲依啲配料都幾多，令到軟滑既河粉多左一重爽脆既口感油既份量都岩岩好，唔会成碟都油淋淋，亦唔会乾爭爭:):)樣樣都幾好，不過有少少貴，但貴得黎好食:):)…Read More

唸起小籠家族剛剛開既時候，每日都排哂隊，爆哂棚可能依家佐敦附近開多左上海餐廳，競爭大左，人潮就相對無之前甘旺盛:)小籠家族個餐廳logo都幾得意:):)餐廳既裝修令人覺得幾舒服，柔和既燈光，可惜今次入到黎坐位下面既地下有一大撻黐立立既污積，食完走果時搞到隻鞋底都黐立立午市點心套餐58蚊，有一款主食加一款點心，送一杯豆漿添我揀左紅燒牛肉湯麵同小籠飽湯麵既湯味夠濃，濃頭唔会好杰，清清地又夠味:):)紅燒牛肉幾入味小籠包皮唔会好厚，包住入面既肉汁亦唔会都無穿，可以一啖過連埋啲肉汁擺入口:):)最後我都無要到杯豆漿，不過原來依度啲茶都幾香，唔飲甜野既飲茶都係幾好既選擇…Read More

下午行過佐敦道，午飯食得唔係幾夠飽，又有排都未到時間食晚飯甘就梗係整反個下午茶先路經彩風餐廳，係門口見到個下午茶餐牌，上面寫住[北韓深海潛艇]即刻好奇心大發，試一試距有啲咩黎自北韓甘架勢先餐廳裏面都係一般茶餐廳風格，側面有落地玻璃，有啲自然光会透射入黎:):)坐位距離都幾夠，唔会太迫:):)餐廳仲有電視播放足球賽事，啱哂想睇波又唔想去酒吧既朋友就係俾依個一号北韓深海潛艇吸引住左我:):)我order完問侍應姐姐其實係咩黎，姐姐笑笑口甘話，點解你唔知係咩都叫黎食甘得意黎既原來北韓深海潛艇其實就係魚柳飽先唔好理有啲咩係黎自北韓先，個飽幾鬆脆，魚柳外面脆得黎，入面啲魚肉都好滑整體黎講係好食既:):)埋單43蚊，有少少貴，不過可以接受:):)…Read More

今日黎食下好耐都未食過既不一樣•飯聚唸反起都好似有好幾年無食過不一樣•飯聚比較不一樣既地方係距成間餐廳裏面全部都係卡位，有两人卡位同四人卡位，雖然坐位唔係好多，但就坐得幾舒服地方亦都幾乾淨企理:):)餐廳食物主要都係港式茶餐廳方向，今日我就黎試下距地既牛扒依度既扒類價錢都相當大眾化唔係太貴今日既餐湯係忌廉粟米湯:):)無咩特別，但起碼唔会浠到好似忌廉水甘，都ok既:):)牛扒嗌左五成熟，扒餐会跟炒麵同煎蛋唔知點解我見到隻煎蛋係個鐵板上面覺得好似特別好食甘麵唔係意粉，有小小似台式拉麵:):)不過鐵板上啲麵有少少漿埋一舊，唔係好夾得散牛扒明顯地過熟左，但又唔覺太韌，有啲似用好多鬆肉粉嗱過舊肉牛味唔太出整體都ok既，始終幾十蚊一份鐵板扒餐，平民價錢，算係甘架啦:):):)…Read More

係新世紀moko既角落，有一間港式冰廳:):)經常行過都見距人山人海:):)據聞依度既菠蘿油，同黯然銷魂飯非常出名，不過我今日係朝頭早黎食早餐，試唔到個黯然銷魂飯有幾銷魂我覺得敏華冰廳個招牌logo設計得幾靚門口係cashier, 行入去先係餐廳坐位:)餐廳長期都好多人，可能係冰廳開正酒店門口，見到有好多外國人去幫襯open kitchen 見到煮食過程，感覺好似衛生啲太早黎既關係，只係得早餐供應炒蛋炒得香滑，蛋漿無太多既調味，反而食到更加多既蛋香味厚多士唔算好厚，但烘得香脆鬆軟忌廉火腿通粉，湯底有好香既忌廉味配埋杯凍齋啡三十八大元，如果比起去排長龍去食光速餐，我更加偏向選擇依度…Read More