為食大頭鴨's Profile

陶源 - 我個人第一次食大閘蟹之最差經驗. 推廣中的任食大閘蟹 $528 一位, 未計茶未加一. 我哋兩個大人一個小朋友總共𠄘為$1809. 即係大概$600 位. 我自己覺得今次大閘蟹嘅質素… 極差! 首先係味道: 如果做 blind tasting, 我唔知道自己食緊咩! 個人覺得啲蟹完全冇味. 蟹膏 - 會以為自己食緊啲蛋黃, 仲要係過熟嘅蛋黃… 其實係比蛋黃更差! 因為如果買到啲靚嘅日本蛋係會有蛋味, 我地食到嘅呢堆大閘蟹, 我地覺得係絲毫味道都沒有, 蟹肉亦都係無味的… 其次就係大細: 唔知每隻有幾重, 好似下面張相所影, 淨係蟹身就係大概, 紙巾嘅一半size 咁大. 最後就係主食: 主食都煮好攤晒響枱度, 冇遮冇掩冇蓋, 顧客自己走出去攞. 好多係灘凍左, 連包填鴨塊皮都唔熱的. 我用同一個價錢去九龍城買返屋企自己蒸, 可以買到6隻足六兩嘅蟹, 相比起今次呢餐, 自己覺得會滿足好多. 是次成為我個人人生第一次食大閘蟹最差嘅體驗 ^以上純屬個人意見^…Read More

過橋麵檔既車仔麵固然係好食, 佢既招牌菜竟然係雞呀, 真係估佢唔倒!所以我地就叫左 霸皇雞菜飯餐, 咸雞飯餐轉米粉, 車仔麵大雜餐.霸皇雞菜飯雞滑, 一大pet薑蔥, 啱晒鐘意薑蔥既朋友, 仲有炸蒜添, 正呀!不過, 我自己覺得唔係太夠味, 雞亦都冇乜雞味. d雞要點汁先好味...睇落好似好大碟, 但係其實係芽菜墊咗底既效果...d芽菜反而幾好味喎, 可能因為索晒d汁呀... 菜飯就一般, 冇咩特別, 唔會太油就好喇.咸雞米粉咸雞得喎, 雞都係滑既, 好味過霸皇雞呀, 有雞味, 又夠入味.亦係一大pet芽菜墊底, 呢碟芽菜冇霸皇雞果碟咁正, 因為冇索到d汁...個米粉既湯底亦都得, 所以即刻愛上咗呢個, 下似可以食呢個!大雜餐即係雜錦車仔麵, 有好多配料, 唔駛自己諗要咩餸, 佢咩都有d, 慳返唔駛嘥腦汁.我鍾意食呢到既車仔麵呀, 因為個湯底好味!配料亦都 okay, d 丸都彈牙, 豬皮又夠腍, 蘿蔔都冇渣... 所以我都滿意㗎!…Read More

誤打誤撞之下, 撞左入去呢間澳門九記.記得第一次入到去既時候, 見到牆上面浦滿晒相, 全部都係d名星黎幫趁既時候影低既,仲有簽名添, 心諗, 會唔會又係d名星效應既食肆, 好睇唔好食?! 結果第一次俾我既印象係: 嘩! d腩好淋呀, 湯好清, 蘿蔔好得, Positive 啦!黎過幾次之後, 都試過好多樣野, 最欣賞佢地既始終只係清湯腩同蘿蔔!可惜, 質素唔係太穏定, 因為有時d清湯腩好好好好好淋, 有時會食倒有渣...不過, d湯好味, 好清, 好正, 呢樣就keep得到!澳門九記同中環果間九記係唔同㗎, 我未食過中環果間九記, 呢間澳門九記就成日幫趁.除左清湯腩, 佢仲有其他野食, 魚蛋, 牛丸, 果d麵檔有既佢當然有, 之但係仲有海南雞, 泰式豬脾,咖哩... 等等... 而海南雞亦係招牌菜之一.... 澳門九記係以茶餐廳既形式運作, 而佢地既客流量亦都好高, 所以唔好諗住食野傾計呀,食完就好即閃喇! 亦唔好期望有好嘅服務態度... 因為真係成間茶餐廳咁㗎咋...揸車黎食既話, 泊架車响門口, 遇到抄牌, 會有人叫d司機小心囉...講返清湯腩先啦~ $28大多數時候都會食到真係好淋既清湯腩, 有小部份時間失手啦...當清湯腩好淋既時候, 配合埋佢個靚清湯底, 再加兩舊超正蘿蔔, 真係人生一大快事~我都有幸食過佢既牛爽腩... 每日十二點幾開始賣, 賣晒就冇...可能個人口味, 自己覺得唔係好特別爽囉, 反而清湯腩仲好食!至於蘿蔔, 真係正! 可以叫一碗淨蘿蔔 $15清甜嘅蘿蔔係食唔倒有根同埋冇渣㗎, 介乎淋同爽之間, 好清甜!澳門九記有避風塘三寶, 炸魚皮, 淨蘿蔔同油菜!淨蘿蔔係最好食㗎喇, 其他兩樣不過不失, 亦冇咩特別! …Read More

清亭改左名叫做 [清亭 燕萍] 之後都未幫趁過, 好耐冇食越南菜喇, 所以特登約friend去探下清亭~本來清亭同燕萍係由兩兄弟分別做既越南菜, 以前仲成日掙客添呀!而家, 清亭同燕萍合拼左喎, 仲搬左去新既地址. 兩間舖二合為一, 唔知品質有冇變呢?!其實清亭係咁多間越南菜之中我最鍾意嘅其中一間, 因為佢價錢合理, 味道都ok!叫左個馬拉盞炒通菜 $52我覺得好食, 好惹味, 通菜都好爽, 冇"老", 朋友就嫌佢甜左d...牛油雞翼 $65 (有6隻)出晒名既雞翼, 炸到脆卜卜, 有淡淡既牛油味, 如果再重d牛油味應該會再正d!洒少少鹽同青檸汁, 好好味呀!!!跟住仲有串燒, 雞同牛, 各2串 $42串燒就普普通通啦, 冇咩特別, 佢既沙嗲花生醬亦都係不過不失.再黎咖喱雜菜煲, 配蒜蓉包 $70蒜蓉包亦係必吃嘅! 每次黎都叫㗎喇, 水準仲keep倒喎! 香噴噴既蒜蓉味, 麵包好脆, 用黎點咖哩汁食, so YummY!! 就咁食亦都好好味呀!!!火車頭湯河 $55有牛丸, 肥牛, 牛腩, 牛根, 牛柏葉. 湯底幾清甜, 軟腍腍既牛根同埋爽口既牛柏葉, 正呀!豬肉蝦檬卷 $38味道ok, 可惜隻醬同d檬卷唔夾, 我地自己倒左d魚露黎點, 即刻好味好多!酥炸軟殼蟹 $55新鮮炸出黎既軟殼蟹, 配埋酸甜醬, 都okay喎!有好多人都會話佢地既服務態度唔好, 我自己都有少少覺得...個問題係佢地想做多d生意, 所以上菜速度好快,咁樣d食客可以食快d, 然後佢地就會盡快執走d野,令到你又唔好意思食完野都繼續坐响到, 而做成好多人有 hard feeling....所以如果想坐耐d, 傾下計, 慢慢享受既話, 真係唔建議黎食呢間~但係如果接受到咁快既效率, 就可以黎試試,最多食完野, 去第二到再飲杯野慢慢坐囉!…Read More

最近响 Open Rice 好 hit 既餐廳, 2 間分店分別佔據咗餐廳排行榜最多好評兩個席位 -丼丼屋食堂. 睇完好多食評之後, 最終決定拜會佢既本店 - 丼丼屋!2010 年進駐 Elements 既丼丼屋, 開咗 1 年之後, 就開發咗"丼丼屋食堂"呢個idea.丼丼屋食堂既價錢平過丼丼屋, 所以有好多人捧場!"丼" (音: "當"), 係日式碗飯既意思. 一大碗飯, d 餸蒲响飯上面, 食既時候一啖飯一啖餸, 或者飯同餸撈埋一齊食都得. 所以對丼黎講, 飯既質素一定唔可以差!而丼丼屋所用既米, 係黎自日本新潟縣的秋田小町米, 配合埋新鮮既食材, 當然會係一碗超正既丼.經過慢長既等位, 45分鐘後終於有得入喇... (weekend dinner 無得訂位㗎, 記住早d去喇!)前菜: 日本蕃茄沙律 $55呢個我鍾意呀! d蕃茄好新鮮~ 配合埋d蒜蓉, 好fresh!前菜: 牛油果三文魚沙律 $58無錯, 係有牛油果既, 但係好少, 响晒個底到....雖然d菜新鮮, 三文魚亦不過不失... 但係牛油果太小!如果佢係三文魚沙律, then Ok, 但係如果牛油果都係主角之一, 咁就唔合格喇!前菜: 沙甸魚乾 $48好特別, 係丼丼屋推介既一道小食, 將好多條好細既沙甸魚壓扁做成魚乾.味道OK, 脆口, 無魚腥, 勝在特別....前菜: 燒玉子卷 $48好味, 有蛋味同帶小小甜, 蛋都彈牙, 唔係一pet野咁, 不過一定要趁熱食, Like!單點: 吉列廣島蠔、豬柳(黑豚) $158炸粉用既份量啱啱好, 亦都炸得啱啱好。 沙律菜新鮮, 配合埋個 dressing, okay!芝麻太少, 每件只可以點少少黎調味, 如果本身蠔同豬夠味都無所謂, 可惜, 蠔無蠔味,豬亦都無豬肉味... 蠔都尚可, 豬直頭無晒肉汁, 就算你幾多層, 無肉汁既豬肉係唔好食既!賣 $158, 唔 like, 個人認為, 都係叫返佢地既拿手野隱陣d....前菜: 鹽燒雞腎 $38好味, 咸味適中, d腎無韌, 爽口, 香, Like!主角終於出場喇..... 登登登凳特選海鮮丼 $168身為丼丼屋推介, 當然係龍頭大哥啦!淨係睇個埋相, 都有d唔捨得食呢...一d都無令我失望, 好味! 正!7 隻唔同既魚生, 蝦, 帶子, 三文魚同油甘魚都新鮮帶甜, 吞拿魚同象拔蚌就只算合格, 三文魚子都okay.當佢地配合埋秋田小町米, 日本醬油, wasabi, 揀直係 "Magic"!我鍾意首先將 Wasabi 撈勻落個飯到, 再倒少少醬油, 再撈勻... 飯同d魚生一齊食, 嘩! 夫復何求?!10 個 Like!燒安格斯牛扒丼 $118另一個丼丼屋既推介d醬汁好惹味, 可惜有少少攤凍咗先拎出黎, 所以影響咗個質素...牛扒有牛肉味, juicy, 嫩, 當然唔可以同和牛比, 但係個人覺得, 合格! Like!朋友直情覺得呢個好味過魚生丼添呀...北海道三色丼 $128蝦, 帶子 同埋三文魚子既組合, 都食得開心!店家亦都算公平, 俾呢個價錢, 俾返呢d質素, Like!但係相比特選海鮮丼, 我當然愛後者多d啦 順帶一提, 所有丼都可以加 $20 變定食㗎, 定食有前菜同麵豉湯.呢間? 我會再去食~…Read More

由米芝蓮星級名廚 Michael White 打理既意大利餐廳 － AL MOLO, 個名堂響噹噹!有機會去試, 就緊係去啦!同個好朋友興祝生日, 本來係想去 Pizza Express, 點知唔記得book位.... 當日打去既時候已經fully booked, 所以唯有揀其他... 好友於是打去 Al Molo 問, 仲有位 (竟然 ?! Sunday lunchhour 喎...), 結果就去左 Al Molo 試佢地既紐約式意大利菜喇~Weekend 同公眾假期, Al Molo 會推出 Brunch Set, 每位 $338, 如果加多 $128, 就可以任飲Sparkling Wine, Pinot Grigio 同埋 Montepulciano.Salad 同前菜再加上甜品係以 Buffet 形式供應既, 無限添加. 主菜方面有8款可以選擇, 周不時會改㗎. 每位可以點一款. 今期有 Risotto, Semolina pasta, Sausage, Polenta, Steak, Seabass,Roasted Hen, Pork Loin, 我地4個大人, 分別叫左 Risotto, Semolina Pasta, NY Strip Steak同埋 Pork Loin. 當然唔鍾意食呢d, 可以叫其他野食, 佢地既 lunch menu 都好多野揀.先講下 Salad 同前菜Salad 有5款, 全部都算新鮮, dressing 唔夠多, 不過大路既好似 Caesar 都有.至於前菜, 有 8 款, 例如露荀, 番茄水牛芝士, 燒矮瓜黃椒, Artichoke, 甜菜頭...燒矮瓜黃椒都好味, 露荀 ok, LIKE 仲有 3 款 Cold Cut, Salami, Parma Ham, Mortadella.Parma Ham 唔係太咸同埋唔係好香, 加埋蜜瓜一齊食, 都 okay 既....當然唔小得麵包同湯. 麵包新鮮, 所以好快就無晒, 但係 refill 得好慢囉...個南瓜湯既賣相真係好唔得, 但係食落都 okay, 小小南瓜味, 不過真係覺得佢杰左 d 呀... 我地食到差唔多, waiter 行埋黎問我地可以上得主菜未, 我地就話 ok...點知等左半個鐘都未見影, 於是叫左個 waitress 去 check... 一去無回頭...再問返同一個 waitress, 佢先話黎緊... 結果 45 分鐘, 先至可以見倒我地 d 主菜!黎到仲要無講過一句抱歉既說話.... 唉! Risotto, 意大利飯 呢個意大利飯配合埋野菌一齊食, 味道好夾, 雖然, 個人覺得d米硬左d, 但係真係好好食!野菌好香, 個汁亦都恰到好處, 值得推介! Semolina Pasta個 pasta 好彈牙, 有魷魚同蜆, 魷魚食落去, 感覺上似雪藏既. 個蜆... 我個好友食幾隻,幾隻都有沙既 (唔通意大利人整蜆唔駛吐沙既 ?! .... )至於個 sauce, Tomato sauce 帶小小 spicy, 都幾惹味!NY Strip Steak牛扒切開左4塊上, 配合埋水波蛋, 薯仔同荷蘭汁牛扒唔夠 juicy, 第一塊 okay, 跟住果d就有dd韌... 麻麻...Grilled US Pork loin豬亦都係麻麻地, 一樣既問題, 唔夠 juicy.反而, 配菜既 roasted mushroom, 有驚喜. 好味! 總括黎講, 主菜方面都係揀返佢地既拿手野穩陣d, 即係 pasta~牛同豬, 唔係話好差, 但係冇特別...到左甜品, 比較起 salad 同前菜, 甜品都有小小失色....種類相對地小啦, 7 款甜品加 1 碟雜菓. 至於味道都係好普通... 冇令我印象深刻....淨係黎食 pasta 都 okay, 希望其他既食物質素同 service 都會多加改善...如果唔係, 就會多左個見面不如聞名既例子... …Read More

久仰久仰 !一風堂, 响日本, 紐約, 新加坡同首爾都有分店. 响7月開張既香港分店, 一直人氣高企,身在香港既我地又點可以唔去試 ?!所以就同老公禮拜六殺過去新港中心.... 再响禮拜二同表妹殺多次....原來 weekend 同 weekday 既 menu 係唔同㗎....咦... 日本既拉麵店陸續殺出日本, 豚王, 山頭火, 博多一風堂... 等等都打入香港喇喎...唔知我既至愛一蘭妹, 幾時會到呢? 我地 weekend 同 weekday 都係12點至1點既時間到達, 大概都係等左2x分鐘, 就好順利咁入座喇! 坐喺到咁耐聽得最多既就係日文歡迎同日文多謝! 一有人入黎同一有人走, 呢兩句野就响我隻耳仔邊穿梭, 仲要係好大聲, 成班員工一齊嗌! 有時都會覺得係一種嘈音....無計啦, 日本既拉麵店就係咁喇... 不過, 人地好似無咁大聲㗎喎 ?另外就係店員落單, 响某d日本餐廳, 當人客點菜既時候, 無論你係咩國籍, 點員都會踎低身幫你落單, 响日本係好正常, 因為對日本人黎講係一種禮貌....經過2次幫趁香港一風堂既觀察, 佢地一樣會踎低身幫你落單, 但只限日本人 ?! 真係好奇怪...其實在於我黎講, 你踎唔踎低身, 我都覺得冇所謂, 招呼有禮貌就得啦, 但係俾我見倒店家咁樣分招待方式就令我心裡面唔舒服, 點解淨係對住日本人, 你先至會表示額外既禮貌呢? 不過呢d都只係題外話... 言歸正傳把啦 ! 响博多起家嘅一風堂, 1985年誕生. 店主河原成美先生開創既白丸元味同赤丸新味, 都係為左女顧客而改良到冇咁濃既, 於是就掀起左熱潮亦都極受歡迎!白丸元味 $68 叫麵既時候, 店員會問你要硬, 正常定軟... 個人口味囉, 我鐘意食軟既!好味! 熬出黎既猪骨湯底, 味道醇但係冇太濃, 如果想食好濃稠嘅湯底, 呢到就唔合格喇...麵條就幼細彈牙, 亦都做到我既要求, 軟!將匙羹畢滿一啖湯再放一撮麵落去, 一啖放晒落個口到.... 唔... 好滿足呢!叉燒遇著半肥瘦, 都 ok 軟身, 但係豬肉味就欠奉.... 蔥喺呢到既角色, 都有做到本份, 都香既!赤丸新味 $68 其實同白丸元味既湯底一樣, 只係加左辣醬, 如果嫌太辣, 可以畢走, 就唔辣㗎喇......本身唔好辣既我, 都覺得辣既好惹味! 如果有機會再食, 都會揀返赤丸!碗麵其實唔係大碗, 所以係一定要 order 其他野食㗎...又或者可以追加麵, 如果諗住追加, 就記得要留返多d湯喇, 因為追加麵係麵另上既, 冇湯跟㗎!半熟玉子 $10 隻 即係糖心蛋, 店員會問你需唔需要加落個湯到, 好細心呀!因為唔想俾d湯影響d蛋味, 所以就要求另上喇...蛋的而且確係滑, 蛋黃仲係流質既, 可惜並唔係 "嘩! 好有蛋味" 果隻囉...只要買返日本蛋, 都唔難做出呢仲糖心蛋, 所以唔好蛋既真係可以慳返, 但係對於我呢d對拉麵加糖心蛋有種情意結既, 都會照 order...一風堂叉燒角包 $28好多人推介既叉燒包, 沙律醬+叉燒+似饅頭但係好軟既包...個人覺得並唔係特別好食, 可能因為d叉燒唔夠 juicy, 而且$28一個都好貴.... 一風堂餃子 $38 五隻細細隻既餃子, 一啖一隻.餃子既皮好薄, 配埋蔥都好香... 可惜個味道好似寡左d... 冇特別!明太子雞翼 $32 兩隻雞翼好香口, 皮脆, 雞翼裡面釀左明太子味噌豆腐沙律 $48沙律菜到好新鮮, 配埋附加既沙律醬, 仲有冰凍既豆腐伴隨住d味噌一齊食, 好味!如果可以改良到d味噌唔係咁杰就仲正喇...芥末蟹肉牛油果怑脆餅 $68 呢隻真係要勁推介, Weekday Dinner menu 先有, weekend 就全日都有半隻牛油果, 裝住牛油果肉+蟹肉, 再用青芥末醬溝埋, 上面舖左蟹子.用隻木匙羹筆起一大pet, 放喺脆餅上面一齊食. 脆餅好脆, 好似蝦餅咁脆, 配埋呢個特別既味道, 有小小Wasabi, 小小蟹肉, 多多既牛油果肉, 好正!總結左2次味雷既經歷, 自己覺得並唔係傳說之中咁神級喎... 可能陣風吹得太勁,所以俾左可高既 expectation... 不過無庸置疑係好過好多香港既拉麵店!但係如果要我等2個鐘先有得食, 我就唔制喇.... …Read More

成日揸車路經呢到, 都俾佢吸引住...因為開喺元朗既 Oyster Bar 真係無見過....而佢既門面又好似幾睇得吓... 心裡面即刻盤算要黎試吓!! 訂咗檯, 去到等咗幾分鐘就俾店員帶咗入位喇.四圍望吓, 有d覺得自己似偵探...環境佈置尚算可以, 但係可能店家要用盡d地方, 所以坐得有d迫。。唔可以話係一個浪漫既地方, 再加上打開晒d門, 好多飛行物體, 好在佢樓底高,所以飛行物體都喺好高既地方.... 但係最好就改善吓啦! 無得食環境, 希望食到食物既 quality 啦! 打開餐排, 嘩! 有 seafood platter, 好掛住 Island Seafood 既 seafood platter,所以就想叫個... 問個店員, platter 裡面既 oyster 可唔可以換種類, 因為我唔鍾意太重金屬味...佢問都唔問吓, 就 reject 咗我, 仲要態度唔係咁好添... 好彩佢老細行過, 見我想 order seafood platter 但係有d隱憂, 所以就埋黎招呼我地喇!我話唔鍾意太重金屬味, platter 裡面重金屬味既 oyster 可唔可以換 d crispy d 既,佢即刻話 ok... 呢d先係做生意家麻! 咁緊係啦, 老細又點同打工㗎呢... 我地叫咗湯, 2 個前菜, 1 個 platter 同埋 1 個主菜先黎個湯 [黑松露菌蘑菇湯]配埋暖苙苙既麵包個湯好正! 好香既黑松露菌, 唔會太濃既蘑菇湯恰到好處, 值得推! 前菜 [三文魚子糖心醉蛋] $38好味, 好特別, 估唔到三文魚子既咸同糖心蛋再加少少酒香係咁夾㗎! 就係因為呢道菜, 我學整糖心醉蛋, 原來唔難整㗎呢~前菜, [日本芥末蜜糖海蝦球] $62呢個... 我有驚喜! 少少既 wasabi 加埋蜜糖做汁, 新鮮爽口再炸過既蝦, 好好味! $368有蠔, 鮑魚, 螺, 牡丹蝦, 仲有隻蟹我無 expect d quality 會好好, 所以食完都覺得 okay, 當然唔可以同 Island Seafood 果個比,但係呢個價錢, 算合格啦!所有分數都比晒 Oyster 到, 因為黎至澳洲既 Coffin Bay 確係正, 係我既 favor, 好爽口好新鮮!Fleur des Eaux 味道淡咗少少... 而 Gillardeau 有d 腥.... 店家所賣既生蠔款式唔多, 所以都冇好多選擇, 身在元朗而又有得食新鮮既蠔, 算係咁啦....唔可以唔試既主菜 [肝醬焗釀乳鴿] $98乳鴿熱辣辣焗出黎, 切開裡面, d 肝醬既香味撲埋黎, 皮脆肉嫩, 正, 可惜唔夠咸,自己洒咗d鹽落去, 即刻好味好多....(隻鹽係 Jamie Oliver 出既 Pink Himalayan Salt! 我決定要去買...)一餐滿足既晚餐又點可以少咗甜品呢[心太軟伴雪糕] $46呢個就不過不失啦.....真正好食既生蠔, 係咩醬都唔駛落㗎, 檸檬汁都唔需要, 就咁食, 原汁原味先為之正!溫柔d, 將隻蠔撬出黎, 放入口慢慢咀嚼, 再細味一下d蠔既味道, 有d係咸咸既海水配合蠔既鮮味,有d重金屬到, 成個口腔都好似生咗繡... 有 d crispy, 有 d creamy 既... 所以生蠔係要好好 enjoy 㗎!見倒隔離檯個男人好粗暴咁對待果d生蠔, 一大 pet cocktail sauce, 再嘖晒成夠檸檬落去,然後"趙"幾"趙", 一野吞咗落肚.... 佢只係食咗有檸檬味既 Cocktail sauce 咋喎....真係戥d蠔死得冤枉.... …Read More

話說食過 Applegreen 幾次, 成日諗住寫佢嘅食評, 但係都唔記得....趁今日好得閒, 等我即刻補返先....星期六瞓醒, 就中去試試佢地既 Weekend Brunch Set.淨係 Saturday, Sunday 同 Public Holidays 先有㗎...Menu 上面講明係 serve American Size 㗎喎, 即係唔謊細碟... 我地叫咗個 Sesame Orange Chicken Salad, 加州棒棒雞沙律 (半份)好食! 薄脆同橙竟然可以咁夾, 估佢唔倒呀! 唔怪得叫自己做 "House of Salad" 啦, 果然惦!至於 Soup of the day, 係豆湯... 唔係太鐘意, 因為太濃...值得一提既係跟沙律既蛋糕, 要同店員要求先至會附上㗎, 唔出聲就無㗎喇... 跟住緊係主角出場啦!!!!!! 先黎個 (( EGGS BENEDICT ))就係因為食咗佢呢到既 Eggs Benedict, 覺得好好食, 所以自己上網學整...切開水波蛋, 漏出嚟既蛋汁配合埋煙肉同蘆筍, 加埋烘過既 Muffin.... 正呀!! 另一位主角 (( EGG IN THE HOLE ))仲係流質既蛋黃, 响個 muffin 中間, 向我地招手, 用蜜糖煎既火腿扒, 美味既香腸,當切開個 muffin 既時候, 鬆脆既 muffin 加埋漏出嚟既蛋汁, 嘩! 爽呀! Side dish 係佢新鮮炸既薯片, 可能驚太heavy, 所以佢附加一個鮮果杯! 等d食客 refresh 吓.... 好細心呀!!p.s. 好似最近 applegreen 除消咗 唔知 Eggs benedict 定係 Egg in the hole....所以志在食呢2款 brunch set 既, 記得打去問咗先喇....…Read More

聽個friend推介, 再睇埋咁多好食評, 一直都好想黎伊呂波食燒肉!終於揾倒個原因, 就係最多人接受既一個, [慶祝生日]!!! 訂咗19:30檯, 準時去到都係要等... 在場都有好多人等位, 等人埋單, 等執檯... 等等等...有d人鼓噪, 有d唔耐煩, 有d人開始問個經理點解訂咗檯都要等咁耐...大概20 分鐘倒, 終於有位喇, 限時 90 分鐘要交檯! 我地就拿拿聲落 order 啦....先黎個 [特上肉拼盤] $530有鹽燒和牛牛舌, 厚切胸外膜, 鹽燒西冷, 特選肉眼, 特選牛里脊肉個人覺得最好食係厚切胸外膜同鹽燒西冷...入口融化既感覺當然就冇响神戶食既神戶牛咁堅啦, 但係呢個都唔差㗎喇 同埋佢好 juicy 呢.... 然後就係 [日本和牛併盤] $300有和牛牛排肉, 牛排肉腩, 牛肋骨最好食係和牛牛排肉, 亦都有融化既感覺同埋 Juicy, 配合鹽黎食, 原汁原味, SO GOOD! 我地亦都有試 [海鮮併盤] $320有蝦, 松業蟹, 北寄貝, 三文魚, 魷魚, 帶子, 蜆仲叫咗隻 [伊勢龍蝦] $330龍蝦都可以試, 好多膏, 但係好蝦人燒呀, 要好有技巧, 如果唔係, 嘥咗d膏... 其他海鮮一句講晒, 下次尊注响肉類, 唔好嘥quota喇 由於大家一致認同, 所以再次 encore, 散叫 厚切胸外膜 (配柚子胡椒鹽) $190 鹽燒和牛西冷 $330 和牛牛排肉 $390 最後叫咗 d 菜, 沙律, 豆腐同海鮮煎餅...點知都係唔夠喉....再叫多一個秘製壺浸牛排骨肉 $220 同埋黑豬豬排肉 (因為當時已經食到好 high, 所以唔記得影相... )下次都會食秘製壺浸牛排骨肉, 因為醬汁個味道啱啱好, 所以好好味!最最最最後... 以袖子雪糕同埋綠茶雪糕作終結綠茶雪糕好重奶, 袖子雪糕就偏酸.....食到咁, 終於滿足喇......... 菏包就... hmmm.... (好彩有朋友既 VIP 卡, 20% off )無論去邊間餐廳, 都係食返人地尊既野就好隱陣 ^^呢間? 唔駛講, 牛啦!…Read More

應該好多香港人都幫趁過翠華, 我自己就不下數十次, 起碼一個月一次 係一間新派既高級茶餐廳~ 先黎個前菜... (((特脆奶油豬)))麥製豬仔包烘到脆扑扑, 嘩! 脆呀! 入口鬆脆但係包裡面就軟既, 熱辣辣配合埋甜甜地既煉奶同埋搽得好均衡既牛油...點解唔將佢做成香港既手信呢? 再黎就係主菜... (((豬軟骨米線)))魚湯底, 本身好鐘意魚湯, 所以覺得好好味! 豬軟骨炆到好腍呀~ 輕輕咬已經可以咬斷，d汁又濃郁，配合埋個米線同清清地既魚湯, 一個字: 正!最後就係 Dessert... 哈哈哈 (((瑞士雞翼)))d 瑞士汁炆到 d 雞翼好好味呀!雞翼又唔會因為炆得太耐而冇晒咬口, d 瑞士汁又唔會過甜, 真係啱啱好! 呢個"甜"品, "Sweet" Sauce 真係爽!…Read More

因為電視節目既推介, 所以 plan 咗個 short trip, 入黎屏山行吓順便黎呢到食個Lunch, 歇一歇...本來諗住係食 Lunch, 點知變咗食 Tea...正如好多位既食評所講, 佢既服務同態度真係... 令人刮目相看!大概1:15去到門口, 由於佢上晝1:00收爐, 職工用膳, 所以下晝要2:00先開, 店員阿姐叫我地 2:30先好返黎, 因為朝早果輪唔會咁準時走, 驚執唔切檯, 於是我地响附近行下d古蹟, 差唔多2:00鐘倒, 返去等佢開門....返到去已經有一班人响到等緊, 嘩! 咁多人, 睇佢裡面既環境, 無可能坐得晒㗎喎... 咁物要等第二輪?!無計啦, 一場黎到, 唔通唔食就咁走咗去.... 點知, 原來前面果班人係一齊黎㗎... 可能係 local tour... 即係話, 佢地無可能逐d食完逐d走, 一定係等埋一齊, 一次過走...所以我地要等三十幾個人食完然後走, 我地先有得食.... OMG! 到咗 3:00, 嘩! 奇景出現... 有個人响條村到拎住將四方檯行埋黎, 同d阿姐交待幾句, 話係邊個邊個既仔, 然後响個空位到放低將檯, 攞埋凳, 叫咗5大1細埋去坐... 呢5大1細絲絲然咁坐埋去, 完全莫視我地呢班等緊位既人.... 店員亦都對排緊隊既人視若無睹! 果然係勁! 唔通下次要自己帶檯同凳黎食野??? (如果有下次嘅話...)排緊隊既人當然氣憤啦, 但係又可以點? 跟住仲正, 十幾分鐘之後, 又有一男一女行埋黎, 揾倒個相熟肥阿姐傾幾句, 咁啱有一檯4個人走, 個肥阿姐就叫佢地坐埋去喇! 我地即刻同佢理論, 阿姐話呢2個人等咗好耐, 一早就黎咗㗎喇....咁既大話都講得出, 果然係另一個勁! 等到 3:30, 終於等倒果班人走喇, 我地既 Lunch 有著落喇....我地叫咗招牌菠蘿包, 招牌咸牛肉蛋多士, 蕃茄湯底豬扒麵, 檸多, 凍檸檬茶[檸多, 凍檸檬茶]檸多 = 檸檬加益力多: 普普通通凍檸檬茶: 好! 茶有茶香, 檸檬又無苦澀味, ok 正 [招牌菠蘿包]菠蘿包夠鬆軟, 皮脆, 裡面夾住牛油, 蕃茄同埋煎蛋...個人口味啦... 覺得菠蘿包同蕃茄唔夾呀... 所以唔鐘意!反而, 如果走蕃茄應該好味![招牌芝士咸牛肉蛋多士]因為賣晒朱仔包, 所以轉多士... 呢個好味, 正! 蛋唔係10成熟, 仲有少少蛋黃流出黎, 配合埋咸牛肉, 正呀! [蕃茄湯底豬扒麵]雞翼賣晒, 所以只係叫咗豬扒...個蕃茄湯底並唔係傳說中咁好食喎... 雖然有大量既蕃茄, 但係個味道調教得麻麻...豬扒亦都唔係煎得好出色... 雖然華嫂份人好 nice, 但係如果要我尊登黎等個半鐘食呢幾樣野, 以呢個水準, 我自己就唔會再有下次...一試係無防, 但係最好唔好揀假日黎試囉... 因為如果d村民, 阿邊個邊個個仔, 店員d親戚或者朋友, 都揀正假日黎幫趁... 我地呢d村外人就有排等喇! …Read More

自從睇完少年食神既推介之後, 就2-3個禮拜緊會想黎食一次...門口有告示話調整咗價錢... 即係加咗價啦.... 但係門口仍然係好多人排隊, 禮拜六禮拜日實係多人既...結果又係等咗半粒鐘倒先至有位!叫咗個醉雞米同一塊豬扒, 仲有一支菊花茶 [醉雞米] 首先倒d醉雞汁落個米粉到, 令到個米粉都可以吸收倒醉雞汁既精華, 咁樣既米粉連湯, 一啖一啖咁食, 實在係爽! 原來個醉雞汁先至係成碗粉既精髓! 醉雞本身都 okay, 即叫即斬所以你可以指定要脾, 翼或者胸都得㗎, 無需加錢!我自己唔鐘意食胸, 試過脾同翼, 個人認為都係脾最好食! 雞肉嫩滑, 雞皮爽, 仲有幾舊雞腎附加添. 係咪新鮮雞我就食唔出, 因為佢都ok重味, 食完係會好口喝㗎.... [豬扒]都一樣可以要求肥, 瘦或者半肥瘦... 唔駛講緊係半肥瘦好味d啦~煎得好出色既豬扒, 好夠味, 又唔會太乾, 又唔會韌, 恰到好處! 爽爽既菊花茶亦都好多人叫㗎! 佢少甜, 但係又唔係好覺有菊花味...不過响你食完個醉雞, 勁口喝既時候飲返杯少甜既冰凍菊花茶, 又係爽喎! 32蚊1碗醉雞粉, 18蚊1塊豬扒, 120蚊半隻醉雞, 算唔算貴? 就真係要睇吓佢啱唔啱你既口味囉...…Read More

同個好朋友去食自助餐, 好多海鮮, 好滿足!加上有 Open Rice 優惠, 自助晚餐75折, 原價 每人$448 㗎喎... 抵!呢個價錢配合ok既質素, 呢餐係滿意㗎! 環境ok, 都闊落, 仲有噴水池添呀, 再加埋有live music, live 彈琴唱歌, 都浪漫㗎!就俾我地見倒有個男人預備咗花, 食食吓既時候, 個經理親自攞出黎俾佢送俾佢個女朋友, 個女仔都好霖呀... 我地仲以為佢會跪响到求埋婚呢... 一開始緊係食冷盤先啦~龍蝦仔, 蟹, 煙三文魚, 蝦, 長腳蟹, 青口...冷盤都係一般貨色, 長腳蟹都 OK 喎!當然唔少得沙律啦, 好多款菜, 好啱我呀!魚生吧亦都值得推介... 因為一般酒店既 Buffet 都係得3-4款, 呢到有7款!!仲竟然有 Toro 添!! 咁緊係唔會話好味到嘩嘩聲啦, 不過對Buffet黎講都ok啦!佢仲有個好特別既火炙壽司, 即叫即燒, 都可以一試㗎!熱葷方面都有好多選擇, 大部分以海鮮為主, 其他嘅好似菜呀咁囉!特別推介焗蟹飯同埋椒鹽瀨尿蝦都可以一試... 最鍾意都係呢個 noodle bar, 又係有海鮮俾你選擇, 5隻唔同海鮮添!有蜆, 花甲, 帶子, 蟹, 螺... 湯有2仲可以揀, Laksa 同魚湯.我 repeat 咗幾次都係魚湯, 每次都係淨餸, 每次都係淨海鮮, 超正!你點完要咩餸, 店員會俾個Number牌你, 可以5-10分鐘後返黎囉,咁就唔駛企响到呆等啦! 好細心呀... 另一個我最鍾意既係 Grill Bar, 佢即燒㗎d野, 我係咁食燒蝦呀, 覺得唔夠味咩,佢仲有埋椒鹽俾你自己落, 同埋沙嗲醬... 緊係有其他野燒啦, 好似雞,豬,牛,粟米,紅腸,羊... 等等..... 仲有即叫即煮既 pasta, 4 種 pasta, 配料自己揀.另外每人一隻蒸鮑魚, 好味!當然唔少得 Buffet 必有既燒牛肉啦~ 最後點可以放過甜品部, 雪糕竟然係 Häagen-Dazs 呀!!! 爽! 如果想飲汽水或者果汁, 可以加$30, 就可以無限添飲㗎喇~仲有即整 pancake, 配埋水果同 Häagen-Dazs 雪糕, 呢個世界真係美好呀!! …Read More