大食食食's Profile

今早（星期六）幾個人悠悠閒閒在花園街近家樂坊搵地方食老早，見呢間有西式又有粥，可以各適其適，便進店試試。坐低無幾耐，我地仲睇緊餐牌，就聽到隔嚟有女聲（甲）高聲話:「呢個價錢無蝦米腸，呢個至有」另一女（乙）回答道:「咁即係唔係45蚊而係42蚊啦！」甲：「咁…你係咪要改蝦米腸？係…我就幫你改單。」乙無回答，估計係用其他方法決定了。甲然後對另一人（丙）斥責道:「我寫張單俾你，你睇清楚先至入機啦！唔記得就睇餐牌，我唔記得就會睇餐牌。」似乎係甲店長同乙顧客溝通出現問題，及後就斥責丙店員。事件本來平常不過，但星期六放假日的輕鬆悠然嘅心情就被店長破壞了。點餐後，自然就係等上餐。到上餐就真係GG喇。首先係份炸魚煎蛋厚多士……炸魚嘅時間一啲都無偷工，塊魚被炸到變咗深啡色。朋友話啲粉漿應該重過啲魚肉，而塊厚多士頂多就係75折厚嘅麵包。真係想問可否投訴商品說明條例。另一邊就係我嘅碎牛粥+炒麵。粥係用煲仔盛住上，幾有style，我仲未將啲蔥攪渾就食咗一啖。OMG！味如嚼蠟！！粥底無味，肉無味，成碗嘢都無味。如果我領過COVID，可能懷疑自己有長新官。最後加了鹽、白胡椒再攪啲蔥味道，才有點蔥味。還好，炒麵穩定地無出錯。但全桌最無失誤嘅就係三文治嘅麵包同埋炒麵嘅辣醬。餘下時間填飽肚嘅過程中，不斷聽到店長吟吟噚噚，所以大家決定盡快食飽走人。此外……物以類聚真係無錯。有這樣的店長就有這樣的伙記。廚房係開住門對住樓面，裡面幾位大嬸嘅高談闊論，全部可以清楚地傳到每位顧客耳中。呢個世界真係無秘密。最後透過打探得知，「店長」原來唔係店長。佢只係「晌呢度做得耐啲」。驚駭了！做得耐啲都這麼霸氣。唔知真店長同大老闆係點樣嘅一個人！？無論從整體角度或者單角度嚟講，這店真係乏善足陳。睇完評論，自己決定罷。…Read More

忽然想食蛋撻，想去搵番啲「原味道」，所以走咗去豪華。點解會話要「原味道」？大家有無覺得依家買到嘅蛋撻味道都係得少甜，甜同太甜三種。質地就分太膠，膠，適中，同埋水。吓！乜蛋撻唔係應該食到蛋味同聞到蛋香嘅咩？！無錯，好似已經忘記咗蛋撻嘅蛋香同蛋味，即使曾經以蛋撻馳名嘅聖X娜，今日嘅蛋撻都無咗蛋香同蛋味。真係有啲懷念檀島。所以專程開車去豪華買蛋撻，尋找一下原味道。買了三個牛油皮、三個酥皮蛋撻。馬上就在車上吃。上咗車，打開個盒。噢！唔妥！三個人都聞唔到蛋香，但係個蛋撻係暖嘅啵。一人拎住一個，咬落口。嗯~~少甜，少甜，甜。跟住……無喇。無蛋味。食埋另一款，評價一樣。牛油皮同酥皮就打高分。真係OMG！現代人飲食追求健康，又怕肥，少甜係正常嘅，但連蛋味都無埋就真係…………真係連老字號都係咁。查實問題應該係依家啲蛋無味道。巧婦難為無米之炊。大師傅都無辦法。真正好香、好味嘅蛋撻，以後可能要在大陸先至有得食喇。最後都係要講句公道話嘅。同原味道比較就無得比嘎喇。同行家比，豪華依然係名列前茅嘅。依然給它5星。按：不少雞蛋產品都無咗蛋味，包括燉蛋，屋企嘅炒蛋。唉！…Read More

今日去樂富分店食lunch。人不多，基本保持到6個街磚，所以食得安心。主菜個意粉合格，好食嘅，性價比之下值五星（人家做得好就五星）。可惜失分晌啲周邊上面。扣分一：沙律同主菜一齊到，但就被放在旁邊扣分二：凍咖啡無飲管、攪拌棒，糖膠沉杯底扣分三：意粉只跟餐叉，無跟餐匙，點食？［一］係基本知識。［二、三］慳過龍。要客人自己要求至有。減少客人同員工接觸次數可減低傳染機會。客人亦感覺好啲。另外，樓面人數少，一個頂幾個，我明白。但客人self service都係想幫忙，唔使一句「我幫你拎！坐低！」命令客人坐低掛？！當時餐廳得13個客人左右，約一半有嘢食緊，又無人排緊隊下單。唔會係太忙一時「控制唔住」掛。…Read More

最近愛好發掘麵包店。某日路過黃大仙，傳來一陣麵包的香味，原來三井有麵包剛出爐。買了最傳統的菠蘿包、雞尾包和大食媽最愛的瑞士卷。雞尾包啲料足，味道、口感、餡料嘅量各自打分都值得打滿分。價錢是標準底價3.5，價錢亦滿分，性價比超高。菠蘿包也很好，整體有9分（10分滿分）。至於標題提及嘅瑞士卷，夠鬆軟、奶油夠香和軟滑。不過奇怪就係……每條瑞士卷都附送雞蛋殼。我前後買過4次，每次都中。真係唔明白。…Read More

6月25日。諗住帶埋老婆同兩個細路去試吓"紙上燒"，點知失望而囘。1/ 限時（8：00PM）預約。一大班人在門口等座位分配。好混亂！預先分配了V1枱，到入場時又改。2/ 地方狠少，好迫！3/ 由於大家同時8：00-8：15進場，salad bar，味增湯不夠分，連碟都不夠。4/ 飲品只由太甜的菊花蜜。湯又凍。5/ 食物乏善足陳。6/ 4個人連加一，差不多$800。明白尖沙咀，旺區，但是實在不值。…Read More