Evanserino's Profile

長文，所以總結寫係開頭蠔正常發揮，冇試十蚊蠔不過拼盤開眼界芒果牛油果大蝦沙律有驚喜收尾既蟹餅有少少失望會下次再黎試其他熱食====================收工前突然蠔癮發作，再加上日日返工經過都未有機會試，一直都想會一會佢，所以趁夜人少啲去止下癮。本身諗住10蚊蠔KO自己，點知咁岩撞正星期二三既Oyster Night，咁就唔好浪費難得既偶然。$199有七款不同國家既生蠔同一杯餐酒，加三十蚊加多隻Gillardau 0號，咁就梗係去馬啦！PS:我其實唔係好記得成個package, 我係憑張相去記返成件事，詳情請查詢餐廳🙏上枱好靚仔，隻隻都冇蠔殼碎，基本野係咪？店員為叫左呢個拼盤既都介紹返每隻蠔名同產地，亦都由美國岩蠔兩點鐘開始建議順時針食到尾。個人覺得係淡口系列，主打鮮甜。整體都係合格新鮮正既，所以唔逐一講lu。有驚喜既係日本宮城蠔，味道一啲都唔複雜，金屬味海水味都唔重，清甜嫩滑，放左係第二係因為口味而唔係質素，即刻放心繼續食。再講多一款係韓國統營蠔，小弟見識少，錯過左呢款蠔咁多年，真心唔差。最後有隻Gillardau零號收尾真係有啲跳級，不過應該冇更好既ending因為時間比較夜，所以打算淨係叫個沙律食點知原來最大既驚喜係佢！香芒牛油果大蝦沙律擺盤固然重要，不過最重要係上面既野冇一樣野係多餘既，個味道既平衡做得相當出色。酸味有好種唔同既層次，芒果，蛋黃醬，車厘茄同好好食既黑醋，一啖入面你食到哂每一種味道而又好夾。牛油果就好似水果界既和牛，夾埋唔同既酸味一齊食真係唔錯。大蝦幾乎冇調過味，不過係樓下咁複雜既味道，佢淨係食得返蝦本身既味道都唔係壞事。美中不足既係蛋黃醬太多or沙律菜太少，有醬多過菜既感覺。如果有猶豫唔知食乜沙律，味道真心推薦，不過佢真係好少沙律菜呢兩樣都係第一轉既order落既，本身諗住就咁埋單走人。不過食完一個咁高質既沙律，心諗莫非蠔站一直俾個店名埋沒左其他野食？令我十分好奇。礙於胃容量有限，所以淨係再叫左個蟹餅去試一試。點知...佢似係Maryland Style既Crab Cake, 即係蟹肉調好哂味再將個炸衣，即係bread crumbs雞蛋撈埋入去先去先煎。首先雖然佢唔係我鐘意既款一梭梭既蟹肉，而係碎得幾緊要果種，不過份量係冇扼秤既。同埋好彩撈蟹肉用既調味好輕身，如果唔係啲冇乜口感果種蟹肉加埋醬就會變左糊仔咁。至於最奇怪既地方就係塊“皮“度。冇錯...係皮...以我自己既認知呢款做法應該就係唔想好似吉列咁係外面上層衣，想一啖硬落去就係啖啖蟹肉，不過呢度既成品似乎係將兩種做法撈埋左一齊，有啲似乞兒雞咁，外面有一層較硬既皮，就咁將包住啲蟹肉係入面蒸熟左，一切開係有水蒸氣散出黎。感覺上外面果層係煎之前加上去而唔係撈好囉去煎。呢種皮還皮肉還肉既感覺唔係太好。…Read More

平日收工，一個人買完少少野之後搵地方醫肚，天氣熱好自然就會搵壽司食，所以就去左自然屋...爛係門口睇餐牌已經邀請我入去，當時八點左右人唔多，有兩台日本人客。我本身一心瞄準左吧台，不過佢帶左我去二人枱，我就冇特別要求了。正題，我一個人叫左個壽司盛-松 首先黎左個前菜蟹柳小卷沙律蟹柳小卷上有蛋黃醬同蟹籽，旁邊係栗米粒基本上蛋黃醬味道蓋過一切，食唔到蟹柳同飯，入口會覺得食緊軟殼蟹手卷(因為醬)主菜整體：一共十件，魚同飯既比例岩，不過比日本正常見到既按比例放大左，應該係配合香港人，飯尚算札實且有少少既餘溫，至少唔係凍，唔會一夾就散油甘魚(腩？)-魚新鮮，油脂夠，冇筋三文魚腩：有花原本以為花巧野，不過個人覺得因為左花，大件既三文魚順住切紋可以成件貼住舊飯，同樣魚新鮮同油脂適中，冇筋帆立貝：未算十分新鮮清甜，不過厚切，口感份量十足，厚肉質感囉返啲分數赤貝：係活赤貝不過唔係即叫即殺，有少少瓦色左，不過仍然爽口鮮甜，不過一定唔算上品赤身：同樣厚切夠份量，要三四口先咬哂全部魚肉，魚肉未係最新鮮，有少少解凍水係碟，不過仍然算上品，食完仍然有回甘(本人十分鐘意食赤身)鯛魚：本人少食白肉魚，未必中肯，不過冇乜味，冇乜口感，路過既感覺...牡蝦：膠質重，唔算好甜，普通貨色中拖：絕對係重點之一，有入口即溶感，魚脂分布平均，肉身厚簿適中，油豐而不膩，好食!海膽軍艦：同樣份量十足，入口夠哂creamy感，冇一般人唔鐘意所謂既異味(其實係因為品種)，不過亦都冇日本新鮮海膽鮮甜味，所以再次都係以量取勝。敗筆係紫菜，已經得過份，已經同隔離既三文魚子黐到密不可分，最後要用手分開。口感扣分三文魚子：我最後用三文魚子收官，因為望落飽滿發亮，顏色偏深，估計應該有醬油漬既三文魚子，食落果然冇左平時魚油既重口味多返一重厚實溫和既醬油香。讚不過同上，紫菜既問題扣左分值得一提既係，盤邊既芥末係有兩舊，有一舊係生磨既芥末，正！等等...原來唔係好夠飽，記起有期間限定所以同場追加一份鰻魚豆腐唐揚豆腐滑而有豆香，中間夾住一小塊鰻魚，上面有蔥花同辣蘿蔔茸，重點係紫菜！竟然又係紫菜，不過今次既紫菜係有上薄粉炸過，香脆咁包住上面既一切，再伴上濃既鰹魚湯(汁?)，成件事無論口感同味道都好好，樣樣野都好夾，呢味菜既紫菜成為重點，令我有啲懷疑上面壽司既敗筆可能係我唔識食...鰻魚？唔記得左有(笑)總括而言，合格有餘！高分就未算…Read More

同老婆兩個人一個快食晚餐。枱細不過收碟快，不過隔離有單落錯枱。整體食物同服務都合格。點餐：蝦餃 ($28/4粒)@3/5一口size，不過皮薄餡多，不過真係太細粒燒賣皇 ($28/4粒)@3/5一口size，肥瘦適中，唔算juicy鳳爪 ($29/6隻)@2.5/5唔會太冧身，都骨肉分離，汁偏淡馬拉糕 ($16/手心size)@3.5/5鬆軟，海棉感十足，甜度岩岩好牛肉球 ($18/3粒)@3/5唔算彈牙，不過牛肉味夠鮮蝦腸粉 ($26/3條)@3.5/5腸粉夠滑，餡料十足糯米雞 ($28/男人級手size)@3.5/5糯米飯軟硬同分量岩岩好，偏甜口味，餡料十足入味，有豬肉片，雞塊，冬菇，仲有個人必須讚既潤腸，雖然只有一節手指既size, 不過比起臘腸，潤腸既甜味夾返哂成件事。…Read More