ngawingk's Profile

估唔到喺九龍灣都有間性價比咁高嘅鐵板餐餐廳！全部大大份，想簡簡單單，但又想飽肚嘅可以一試🫶🏻⭐️鐵板瀑布芝士漢堡餐（跟無糖可樂）$98呢個係佢哋嘅新菜式，睇相已經好澎湃，原來實物都一樣！鐵板鋪滿芝士，上碟嘅時候仲係有火喺下面煮緊，漢堡包都足料，芝士係少少鹹香味，配埋漢堡包唔會太膩～ 另外仲有跟薯條，不過薯條就偏清淡，唔係好鹹～⭐️封門柳配帶子（2隻）（跟熱杏霜）$188封門柳大大塊，意粉都係巨多，今次封門柳要咗五成熟，超容易切開，食落都好腍身！同埋可能都落得比較多鬆肉粉，好彈牙🤣配埋蒜蓉汁，又係另一種風味！呢個餐仲要有蒜蓉包同埋餐湯，食到勁飽🤣⭐️黃金鹹蛋黃海鮮炒飯 （跟兒時紅豆冰）$86呢個價錢，呢個份量絕對係好抵食！呢個炒飯算係比較清淡，唔會好油膩，海鮮都幾足料，有蝦蜆，帶子等等，全部都算新鮮，鹹蛋黃粒都好多，幾有口感，鍾意食冇咁油嘅炒飯既人可以試吓😎📍金牌 (九龍灣)九龍灣牛頭角道77號淘大商場3期地下G266-270號舖…Read More

呢間食泰國菜嘅餐廳實在太抵食，知道佢喺筲箕灣開咗新店，試一試個水準先！⭐️牛魔和船麵套餐（$138）份量都幾多，而且非常足料！表面係滿滿既牛，除咗有牛肉仲有牛丸同埋炸豬皮，口感都幾豐富，湯底偏甜，但個人幾鍾意😚如果牛肉可以淋身啲就好啦～✨青木瓜沙律喺青木瓜絲、蘿蔔同車厘茄混合而成嘅前菜，酸酸哋辣辣地，清淡得來又幾開胃～✨珍多冰第一次飲珍多冰，佢係椰奶底，然後表面有啲斑斕絲同埋雜果肉，都幾新鮮嘅🤣+芒果糯米飯🍚 （$38）推！！！擺盤已經好有心機，兩邊糯米飯拼成個心形，糯米飯熱辣辣，相比之下紫米飯香啲同埋軟身啲，普通糯米飯就比較硬，不過配搭個汁，超出色！⭐️特盛海鮮冬陰湯金邊粉套餐（$103）又係好大碗，好多海鮮，仲有啲蘑菇，不過海鮮就冇調味，較清淡，至於冬陰功湯係偏酸嘅🤣如果平時鍾意食酸啲湯麵會比較適合～✨青木瓜沙律✨椰汁冰正常發揮～⭐️豬頸肉（$78）覺唔覺得佢哋嘅串燒烤物都幾出色，豬頸肉份量好多，厚薄適中，豬頸肉表面鋪咗啲炸蒜，好惹味，如果覺得滯嘅可以點隔離嘅醬汁，因為醬汁係有啲辣辣地酸酸地😚📍泰Grill (筲箕灣)筲箕灣筲箕灣東大街59-99號東威大廈地下11號舖#泰菜 #港島美食 #筲箕灣美食 #北角美食 #alwaysgugu #gugu #hungry #泰國餐廳 #美食 #香港美食 #food #hkfood #foodhk #foodie #foodiehk #hkfoodie #泰式料理 #打卡美食 #打卡餐廳 #打卡好去處 #香港打卡 #香港好去處 #船麵 #假期好去處 #情侶好去處 #打卡美食 #芒果糯米飯 #甜品 #食好西 #冬陰功…Read More

平時都好少喺香港去居酒屋食野，因為總係覺得質素麻麻🥹 但今次朋友介紹去呢間！好有驚喜！入到去氣氛已經好好，人流滿滿，員工亦好熱情招待～廚房仲要有透明玻璃窗，可以睇到廚師烹調過程😍熟成黑安格斯封門柳 （$68）有五大塊，封門柳底下鋪咗洋蔥解膩，個人覺得最完美嘅配搭係配旁邊嘅芥末醬加少少海鹽，美中不足係肉質有啲韌🤣特上厚切牛舌芯 （$68）高質！厚身得來又有口感，油脂豐富😍 三黃雞腿肉-4件（$68）表皮燒得香脆，雞肉都好入味，鍾意清爽啲可以配埋紫蘇葉食～日式唐揚豆腐-4件（$38）又係超高質！豆腐外脆內軟，仲要超多汁！食多幾舊都唔厭🩷自家製月見免治雞肉棒（$42）原來雞肉扒配埋醬油半熟蛋係咁夾！好似食緊壽喜燒咁不過就係雞肉底😆汁燒千層京蔥雞肉（$34）正常發揮！日本雞中翼（$34）表皮燒得香脆，亦係外脆內軟🫶🏻都幾入味！明太子翠肉瓜（$18）正常發揮～新鮮鳳梨（$18）正常發揮～本地活豬玻璃肉（$32）我第一次食玻璃豬！口感脆卜卜，油脂分泌均勻～一啖食晒好爽😆荔枝豚肉卷（$28）估唔到荔枝配豚肉咁fresh，荔枝嘅甜可以解到豚肉嘅膩🥰特濃花膠雞白湯烏冬（$38）本日MVP！個湯係極度濃郁！好濃稠～雖然冇花膠喺入面但係飲個湯都feel到係落足料！烏冬係扁身嘅烏冬，好掛湯～好想佢大碗啲，因為真係好好食 🤤日式燒飯團-明太子（$38）飯團燒得焦香，配埋明太子，鹹鹹香香～荔枝檸檬梳打（$35）青森県產 蘋果汁 （$35）📍鳥熟成 (銅鑼灣)銅鑼灣軒尼詩道525號澳門逸園中心10樓#居酒屋 #港島美食 #銅鑼灣美食 #sogo美食 #alwaysgugu #gugu #hungry #串燒 #美食 #香港美食 #food #hkfood #foodhk #foodie #foodiehk #hkfoodie #深宵食堂 #打卡美食 #打卡餐廳 #打卡好去處 #香港打卡 #香港好去處 #日本酒 #假期好去處 #情侶好去處 #打卡美食 #宵夜 #bbq #食好西 #omakase…Read More

今次試咗K11既分店，都算爆場，所以唔想等太耐記得預早book la~ ⭐️夕暮夜煙熏牛舌蛋包飯 （$128）一上碟，店員會幫手切開上面嘅蛋，蛋既熟度啱啱好，好滑！飯係用茄汁同甜醬整成，甜甜香香，至於牛吞有5大塊，都好厚身，牛吞有醃製過，有啲似臘鴨髀個種咸香 🤣 要配埋蛋包飯食先無咁鹹！⭐️屋台風蒜香大蜆意粉（$108）好多蜆呀！全部都啖啖肉，不過就無咩味🤣 相反意粉好出色！都算掛汁，好香蒜蓉同辣椒味（但唔算太辣）食落唔會好油膩，係偏濕身既意粉🫶🏻⭐️煙火祭章魚燒（$48）呢個章魚燒都整得幾耐🤣 偏貴，$48得4粒，表皮幾脹，但入面就都係麵粉味，不過每一粒都有章魚粒喺入面既😆📍喫茶ちょうぼ (尖沙咀)尖沙咀河內道18號K11購物藝術館1樓117-118號舖…Read More

⭐️籠仔蒜蓉龍蝦飯 （$153）好大籠呀！超級熱辣辣，仲要好香蒜蓉味，原隻龍蝦🦞上，有用蒜蓉簡單調味，但係已經好足夠！肉質都OK既，唔會好霉，個飯本身就冇其他調味，要我哋自己落啲豉油落去撈勻食，本身以為會好單調，但點知簡簡單單嘅配搭又出奇地好食😂⭐️三色小籠包 （$35）賣相就好吸睛，因為有三隻色，佢哋分別係原味、川辣同埋黑松露，雖然都多汁嘅，但係三款口味嘅味道唔係好突出，普普通通🥹⭐️芝麻蝦多士 （$30）呢款有驚喜🤩炸得金黃香脆，表面鋪滿芝麻粒粒，就算放咗一陣咬落去都係卡卡聲！多士上面嘅蝦肉都幾多，鍾意可以點埋酸甜醬食，口感好豐富😍⭐️碧綠叉燒腸粉 （$28）Ummmm, 原來碧綠嘅意思係翠玉瓜（本人唔係好鍾意食翠玉瓜🤣）但撇除呢樣嘢佢個腸粉都算滑嘅，然後入面都多叉燒肉😛⭐️蟹籽燒賣 （$19）正常發揮🫶🏻⭐️奶黃流沙包 （$18）覺得呢個流沙包唔夠流心🥺少失望～⭐️蘆筍蝦餃 （$19）蝦餃算ok~ 蝦肉多既，如果蝦餃皮可以薄身少少就好啦～茶位 $10 / 位📍樂意點心 (尖沙咀)尖沙咀漢口道19-21號漢宜大廈地下C號舖#點心 #九龍美食 #尖沙咀美食 #尖東美食 #alwaysgugu #gugu #hungry #茶樓 #美食 #香港美食 #food #hkfood #foodhk #foodie #foodiehk #hkfoodie #飲早茶 #打卡美食 #打卡餐廳 #打卡好去處 #香港打卡 #香港好去處 #飲茶 #假期好去處 #情侶好去處 #打卡美食 # #dimsum #食好西 #早餐…Read More

呢間餐廳空間幾闊落，而且唔會趕你走，所以超適合傾偈🥰⭐️開心果刨冰（$138）加開心果淋醬（+$10）全日最期待就係呢個刨冰！心心眼😍佢份量都幾對得住呢個價錢，最上面係雲呢拿雪糕加開心果碎，然後下一層就係忌廉，之後先至係開心果刨冰，本身個刨冰都有淡淡嘅開心果味，但係淋埋個開心果醬之後，開心果味係極濃郁！💕最驚喜係刨冰入面仲會有啲豆腐花同埋餅乾碎，口感豐富，打卡一流💚⭐️黑松露雜菌雞肉長通粉 （$108）呢個長通粉用料非常大方，佢入面有好多舊雞肉，應該係煎過先加入去，食落唔會好柴同幾淋，醬汁亦都係好多，每一條長通粉都掛到汁，黑松露味同埋菇菌味好重！唔錯❤️⭐️青醬帆立貝蝦肉燉飯 （$128）我好似第一次食青醬，所以覺得佢隻味都幾青草🤣但呢個飯嘅汁醬都幾多，表面有兩大粒帆立貝，飯入面有好多菇菌，但係好似唔係好見到蝦肉？係幾creamy既～📍Times Coffee (觀塘)觀塘興業街18號美興工業大廈A座1樓C1室#cafe #九龍美食 #觀塘美食 #樓上鋪 #alwaysgugu #gugu #hungry #西餐 #美食 #香港美食 #food #hkfood #foodhk #foodie #foodiehk #hkfoodie #咖啡廳 #打卡美食 #打卡餐廳 #打卡好去處 #香港打卡 #香港好去處 #甜品 #假期好去處 #Happyfriday #打卡美食 #開心果 #意粉 #食好西 #刨冰…Read More

呢間係social media見到好耐，佢個鵝肝飯勁吸引我，所以今次經過旺角，見唔係好多人，就試吓😆⭐️老闆娘鵝肝煎蛋撈飯 $148賣相確實吸引，鵝肝有成三大嚿，厚度夠，表皮煎得OK香脆，撈埋半熟蛋同埋隔離嘅肉碎、蒜、香料醬汁，非常惹味，但留意係有少少辣嘅🌶️ 不過唔食得辣嘅我都覺得可以接受😇⭐️十三么 $74連煲上超級熱辣辣，一煲過已經有好多材料喺入面，有手撕雞、雞叉燒、半熟蛋、米粉、粉絲、椰菜、炸乾蔥同埋蔥花，湯底味道算濃郁，啲米粉同粉絲完全吸晒湯汁味，好滿足😌呢個價錢呢個份量，覺得性價比幾高！值得一提，入座嘅時候每台都會比一碗蝦片小食，解下口痕🤣📍十三姨 (旺角)旺角通菜街1M-1T號華發大廈地下C號舖…Read More

荔枝角地鐵站行出去幾分鐘就會見到餐廳，餐廳裝修充滿港式特色，都幾打卡-able，可惜有啲細同多人🤣⭐️花膠雞雪菜肉絲阿媽足料雞湯米線 $76好足料！好足料！好足料！重要嘅嘢真係要講多幾次！米線表面鋪滿仿魚翅絲，仲有兩大塊超厚超大塊嘅花膠，雞嘅份量都足夠，而且好滑，仲有娃娃菜，完全係營養滿滿❤️湯底偏清，用杞子、雞熬製而成，唔會好重味精味，米線亦都好滑身🤤🩷呢個價錢，呢個份量，絕對物超所值！⭐️追加手撕雞 $18就算係追加份量都唔求其！呢度餐廳話有35 gram蛋白質🤣味道就係正正常常嘅手撕雞，但係都好滑身同埋都多肉嘅～增肌朋友絕對要一試！⭐️城寨叉燒飯加頂帽 $65一大隻流心蛋鋪面，底下係滿滿嘅叉燒，叉燒好厚身，係我最鍾意嘅半肥瘦！食落超入味，唔係死甜，而且好腍身，撈埋成個飯食非常滿足❤️📍老荔冰室 (荔枝角)荔枝角青山道495號誠信中心地下1號舖#冰室 #九龍美食 #荔枝角美食 #深水埗美食 #alwaysgugu #gugu #hungry #港式茶餐廳 #美食 #香港美食 #food #hkfood #foodhk #foodie #foodiehk #hkfoodie #米線 #打卡美食 #打卡餐廳 #打卡好去處 #香港打卡 #香港好去處 #增肌 #假期好去處 #情侶好去處 #打卡美食 #增肌減脂 #蛋白質 #手撕雞 #叉燒飯…Read More

呢間cafe最近都火紅火紅，佢位於中環，如果地鐵站出都要行條長電梯同樓梯先到🤣當日下午茶時段到，都要等一等位～⭐️Crispy Gee Croffle ($145)一上碟係超大塊炸雞扒！未食已經聞到嚿炸雞嘅香味，炸雞上面有隻半熟蛋，下面就配咗窩夫，窩夫上面有牛油果，炸雞炸得好出色，啲皮係超脆，好似食緊薯片咁，甜甜酸酸，炸雞軟嫩多汁，配埋窩夫，好似食緊漢堡包咁，又幾夾喎！🩷⭐️Spicy Vodkatoni ($130)賣相好靚，呢款意粉係粗身長管形，食落偏硬身，好有嚼口，一入口就會有好濃郁嘅蕃茄、芝士同埋小小辣味，再食真啲有好輕微嘅苦味，應該就係vodka？！🤣意粉面頭仲會有啲脆脆，應該係煙肉，但食落去有浸鹹蛋黃味，係食食吓會上癮嘅意粉🥰⭐️Super Strawberry ($65)呢杯係smoothie，係士多啤梨、士多啤梨乳酪同埋香蕉嘅配搭，飲落去唔會好甜，都幾健康🩷杯邊仲有啲椰子碎，鍾意可以撈埋嚟一齊飲～⭐️Expresso Tonic ($52)賣相幾得意，同埋都幾大杯，味道就正正常常～📍COSHA (中環)中環伊利近街61號地舖#cafe #港島美食 #中環美食 #上環美食 #alwaysgugu #gugu #hungry #咖啡 #美食 #香港美食 #food #hkfood #foodhk #foodie #foodiehk #hkfoodie #coffee #打卡美食 #打卡餐廳 #打卡好去處 #香港打卡 #香港好去處 #意粉 #假期好去處 #閨密好去處 #打卡美食 #窩夫 #latte #食好西 #炸雞…Read More

如果想遠離一下繁囂，可以揸車過嚟呢度搵好嘢食喔～⭐️高塔脆餅 $60脆餅捲成一個高塔，好打卡able（真係建議趁熱食，會易啲搣開）趁熱食脆卜卜，入面鋪滿糖漿同埋花生粒，好似食緊一個充滿花生醬嘅甜品，好味好味🤤⭐️沙嗲串燒 雞/牛/豬 $115串燒好大份，驟眼睇應該有四五串，我哋揀咗雞肉同牛肉，肉味濃但略嫌有啲嚡身，配醬食好啲！⭐️泰式炸蝦餅 $98每舊都大份，蝦餅炸得香脆但唔油膩，入面充滿蝦肉，唔使驚炸粉好多，yum yum 😋 ⭐️紅咖哩雞 $108出奇地唔會好辣，肉質都算嫩滑，送飯唔錯👍🏻⭐️馬拉盞炒通菜 $85又係好大碟，通菜正常發揮，唔會太油但又保持到鑊氣。⭐️香蕉煎餅 $52呢種同喺泰國街邊食嘅有啲唔同，佢係厚身啲，食落較軟糯，蛋香味極濃，中間仲有滿滿香蕉餡料，做飯後甜品一流🥰⭐️蒜蓉薄餅 $45本身都好鍾意食薄餅，配埋蒜蓉嘅薄餅就更加好食，係好香但又唔會太膩🫶🏻📍Green Basil (屯門)屯門青山公路 - 掃管笏段1號黃金海岸商場地下30-31號舖#thaifood #屯門美食 #黃金海岸 #屯門區美食 #alwaysgugu #gugu #hungry #泰國菜 #美食 #泰式美食 #food #hkfood #foodhk #foodie #foodiehk #hkfoodie #泰菜 #打卡美食 #打卡餐廳 #打卡好去處 #香港打卡 #香港好去處 #甜品 #假期好去處 #泰式奶茶 #打卡美食 #咖喱 #薄餅 #食好西 #串燒…Read More

我知道大家應該都已經聽過呢間嘢好耐，但因為次次經過都大排長龍，所以而家先食到🥹但真係驚艷到我🤤⭐️生滾花膠雲吞雞米線 $88超足料！雲吞好似拳頭咁大，仲要有成三大粒，每粒入面都有蝦同豬肉，皮薄餡靚，完全冇肥豬肉，唔係「揸流攤」，基本上食咗兩粒雲吞已經飽🤣花膠都俾得好大方，碗碗都有兩大塊～ 啲雞肉好淋好滑，就算係雞胸位都係好滑，份量都多！米線係幼身嘅，食落好滑，仲要非常掛汁。以為咁已經好高質，試埋個湯底先驚為天人，實在係太入味啦！一飲就知係真材實料，用咗好多隻雞同埋材料煮出嚟，鮮甜又唔會好重味精味，忍唔住係咁飲🤤仲加錢配咗枝無糖黑豆漿，真係完全唔甜，而且黑豆味濃郁。食完米線再飲返啖，你話唔正呀！🤣📍二撇雞 (觀塘)觀塘開源道60號駱駝漆大廈第三座4樓O室#米線 #九龍美食 #觀塘美食 #駱駝漆美食 #alwaysgugu #gugu #hungry #粉麵餐 #美食 #香港美食 #food #hkfood #foodhk #foodie #foodiehk #hkfoodie #花膠雞 #打卡美食 #打卡餐廳 #打卡好去處 #香港打卡 #香港好去處 #雲吞雞 #假期好去處 #情侶好去處 #打卡美食 #雞湯 #藥膳 #食好西 #小窩米線…Read More

今日跟朋友去澳門，食咗呢間正宗葡國菜，雖然位置係有啲偏遠，但水準高，好值得嚟試吓！⭐️廚師炒蜆 238Mop見到幾乎每台都有點，一上碟好大份！佢個汁超濃郁，超惹味（好重奶油味但又唔會膩），點包食超正！而且蜆嘅份量好多，無沙，每隻都掛到汁🤤⭐️燒全條牛肋骨伴薯條、沙律 330Mop份量又係超多！今次叫咗5成熟，食落牛味好濃郁，而且口感啱啱好，唔會好韌，雖然只係簡單調味，但已經好足夠！配埋伴碟啱啱出爐嘅薯條，一流！⭐️燒鱸魚 248Mop鱸魚大大條，表皮燒得香脆，肉質都算軟嫩，伴碟仲有好大舊嘅紅蘿蔔同埋薯仔😂一定飽！⭐️炸馬介休球 98mop我第一次食馬介休球😗原來佢係炸魚肉，好似食緊魚柳包嘅魚柳咁，幾香口，唔錯👍🏻📍美麗華餐廳 (黑沙海灘)黑沙海灘黑沙馬路…Read More

平時去開九龍灣成日見到大排長龍，今日去坑口呢間可以即場Walk in，太開心了🥳⭐️手撕豬仔骨漢堡（焦糖洋蔥、太陽蛋、沙律）配薯條 $128平時好少可以食到手撕豬肉漢堡，估唔到係咁好食！🥹首先佢嘅手撕豬肉份量好多，配埋佢自家製嘅醬汁，豬肉整體甜甜地肉質又淋，搞到我好想係咁食呀！⭐️黃金蟹肉意大利粉 $116賣相一流，原隻蟹殼入面裝住蟹膏、蟹肉同蛋黃，將佢哋撈勻落個意粉度，會食到濃濃嘅蟹膏味，不過如果蟹肉可以再多啲就好啦～但整體意粉都好掛汁，好Creamy🤤⭐️鐵板現烤棉花糖香蕉朱古力蛋糕 $64一個超邪惡嘅甜品🤤一上碟，鐵板仲係熱辣辣！上面嘅棉花糖就好似平時BBQ嘅口感一樣，外脆內軟，香蕉份量多，成個底都係軟綿綿嘅朱古力蛋糕，幾個朋友一齊share 就啱啱好啦～📍Beans Brekkie Room (將軍澳)將軍澳坑口重華路8號東港城1樓105號舖#cafe #新界美食 #坑口美食 #將軍澳美食 #alwaysgugu #gugu #hungry #西餐 #美食 #香港美食 #food #hkfood #foodhk #foodie #foodiehk #hkfoodie #burger #打卡美食 #打卡餐廳 #打卡好去處 #香港打卡 #香港好去處 #甜品 #假期好去處 #情侶好去處 #打卡美食 #蟹 #意粉 #食好西 #蟹黃…Read More

呢間雖然專食拉麵，但我覺得佢嘅石鍋飯先正～ 已經encore咗幾次🤣❤️好想分享俾大家⭐️蟹盛石鍋飯 $112一上碟熱辣辣，見到個石鍋飯表面鋪滿晒蟹膏、蟹柳同埋蟹籽，已經好吸引，仲要聞落有好香嘅蟹膏味🤤攪拌均勻後，每啖飯都有沾滿蟹膏，大滿足！蟹嘅用料份量算大方，不過飯量就爭少少（對於細食嘅女仔嚟講就好足夠🫶🏻）(其實佢個龍蝦汁海鮮石鍋飯都唔錯，不過我私心呢個蟹飯😌)⭐️日式煎餃子 $32表皮煎得香脆，不過不失，正常發揮。⭐️鐵板薄牛舌片 $52賣相唔錯，濃烈洋蔥香味～汁醬配合得幾好，不過略嫌有啲少😂📍Rakuraku 樂拉麵 (九龍灣)九龍灣宏照道38號企業廣場5期MegaBox 10樓9-10號舖…Read More

呢間餐廳由地鐵站行過去都有一段距離，但佢係被酒吧包圍，所以夜晚去都幾有feel～本身以為佢係普通西餐廳，但佢連日本菜都有，啱晒唔同口味嘅朋友一齊Happy Friday 🤣⭐️蟹肉龍蝦汁蛋餅 （$148）啱啱焗出嚟有好香蛋味同芝士味，切開入面有幾層，除咗有滿滿嘅蟹肉絲，仲有其他唔同嘅材料，有洋蔥、薯仔（個餅底）、火腿粒、腸仔等，伴碟仲有唔同嘅醬汁俾你撈埋嚟食，雖然份量多，但食落又唔會好膩🫶🏻⭐️串燒-泰式沙嗲雞/豬半打（$65）串燒肉質嫩滑，沙嗲味好夠～另外配埋醬汁仲惹味✌🏻⭐️香茅雞翼 （$65）呢款雞翼款係有埋雞翼尖嘅，雞翼脹卜卜，食落啖啖肉，除咗好香嘅香茅味，入面仲有滿滿嘅蟹子，唔錯喔～⭐️炸西班牙脆條•雪糕 （$68）西班牙脆條份量都幾多，可以撈勻隔離嘅朱古力糖，然後再點朱古力雪糕食，冰火組合😉 做飯後甜品一流！📍B’hood (尖沙咀)尖沙咀麼地道75號南洋中心地下32-35號舖#bar #九龍美食 #尖沙咀美食 #尖東美食 #alwaysgugu #gugu #hungry #酒吧 #美食 #香港美食 #food #hkfood #foodhk #foodie #foodiehk #hkfoodie #甜品 #打卡美食 #打卡餐廳 #打卡好去處 #香港打卡 #香港好去處 #dessert #夜生活 #情侶好去處 #打卡美食 #fridaynight #西餐 #食好西 #西餐廳…Read More