lovebonnie312's Profile

又落雨，拖著沈重的身體上班，沒有太多工作，決定早啲約埋同事收工，食餐好啲，大雨的街上，店鋪冷清清，我選擇咗一間情調很好，平時冇book枱基本上冇位嘅The Grill room, 而家醒目咗，識得上 sevenrooms book 枱，今晚就決定上去飲番杯，松一松。Book左8pm , 提早 7:30pm 上到去，居然已經 full house! 張枱未ready，經理 Mac 問我計唔計坐住 bar , 可以對住個廚房偷師，當然唔介意，成間店鋪都系靚仔靚女，呢個壯觀，證明呢間餐廳人氣好高！呢個颱風後大雨嘅天氣，居然仲有咁多人，冒著大雨上嚟食嘢，肯定好唔錯！令我充滿期待。二話不說先來一支白酒，呢個系經理 Mac 推介，三百幾蚊，非常好飲，有花香，順滑，果然冇介紹錯！不知不覺，菜都未點好，已經飲咗大半支！今日我同同事都好想食肉，而是一個叫牛、一個叫羊[害羞]。趁呢個時間，我哋又叫定一支紅酒，配襯紅肉。US Angus Sirloin $388燒美國安格斯西冷扒配黑松露薯蓉五成熟的安格斯西冷扒做得非常之到位，外脆內嫩既肉質，加上適當嘅脂肪，恰到好處！最鐘意佢嗰兩只唔同嘅醬汁，一個系燒汁，一個系青汁，兩個都各有所長。Braised Lamb Shank $268紅酒自家制燒烤汁燴羊膝配黑松露薯蓉充滿膠質嘅燴羊膝，諗起食咗之後塊面充滿膠原蛋白，就忍唔住食多兩啖，飲多兩杯。羊肉好嫩口，^_^！坐bar頭的另一個好處，就系見到唔同嘅美食，我問 Mac 呢個斧頭扒 menu 好似冇寫？佢話佢哋有啲特別菜式，按客人要求而做，太令人驚喜，我已經諗定下一次要食斧頭扒同埋青口! …Read More

營足四季，一聽就係計對後生市場的餐廳，後來實地打咭，先知係camping 露營的意思 :) 估計店主是個露營愛好者，將興趣成為餐廳主題，果然有創意！餐廳由門口、洗手間，到另一邊室外座位，都係絶妙的打咭位。尤其是不要放過這部露營車！飲品方面，十分喜歡這杯有蘋果汁做的沙冰，除了造型滿分，名字也非常可愛，叫阿婆的秘密 $48前菜方面，最令我印象深刻和驚喜的，就是這個自家製洋蔥圈 $68。用新鮮洋蔥切開，大大小小的尺寸，吃上來非常酥脆，後來店員解釋，他們用特製的做法，加了點啤酒去做醬， 讓每一位客人吃到洋蔥的鮮甜味，同時外皮口感非常鬆脆，難怪百吃不厭。配襯炸洋蔥圈的，有這杯愛爾蘭黑啤 $88, 淨係見到奶油般的泡沫，已經知道好嘢！今日其中兩个推介，法式香草檸檬牛油蜆配酸種麵包 $158由法國空運的酸種麵包，沾上檸檬牛油汁，好食到停唔到口，恨不得大啖大啖咁將牛油汁送入口！粒粒彈牙的大蜆，沾上檸檬牛油汁，鮮味活現！日本活性水飼養育豬腩肉 ($88)，肉質柔嫩，大有少少脂肪，燒後香脆而肉香四射，日本豬腩肉，果然唔同！甜品方面，叫了呢個阿華田瀑布蛋糕 ($108), 食前要攞開個膠套，阿華田濃醬，秒間如瀑布四散，建議拍片在社交媒體，一定十分吸睛！…Read More

鮨悠 Omakase 的廚師發板，給你不一樣的體驗。首先到房間，體驗江戶年代的抹茶文化，邊看、邊學、日本的喝茶歷史娓娓道來，茶喝完了，還捨不得離開房間呢！開始廚師發板，吃著漂亮的前菜。蟹肉啫喱印象最深。由於太喜歡壽司，我選擇了鮨 menu ($1480)先來一口伊佐木金目鯛，魚鮮無比，接著一口深海池魚，魚味更悠長，兩種白身魚肉，各有千秋。淺淺燒過的梭子魚，在外面較少吃到，比較有特色，燒過的魚皮帶煙香，忍不住喝多兩口啤酒。北海道北寄貝爽口彈牙，蜆肉的表表者。清新了口感，再來一客燒過的太刀魚，將口味再推高一層樓。池魚卷，很特別的吃法，此時已經吃過多種壽司，所以喝了兩口日本酒後，這款較多層次的魚鮮讓舌尖留有印象。燒蝦膏連牡丹蝦，不得不表揚燒過的蝦膏，香濃無比，平時牡丹蝦鮮味稱霸，今次香噴噴而濃郁的蝦膏，有encore 的衝動！淺漬拖羅，吃前將拖羅浸下醬汁，令其肉質光澤亮麗之餘，不需任何添加，便能吃出魚鮨。珍貴的黑睦，魚味如個性獨特的藝術家。香煎銀鱈魚食得多，野生銀鱈魚壽司你又試過未？熟食和生食的明顯分別，就是壽司的質感很有咀嚼的勁！北海道馬糞海膽，如忌廉般甜滑，無得彈！紫菜中拖羅卷 (吞那魚), 冷不防又來一個層次豐富嘅紫菜包拖羅蓉，吃完，無限滿足！不知不覺已接近尾聲，一碗香氣撲鼻的舞葺清湯，讓人大大滿足！柚子皮的香氣神秘地出現，如此和諧融洽，令每一滴湯汁，顯得更加珍貴！黑糖紅豆配蝶豆花啫喱作收尾，完美無瑕，而急不及待想推介俾朋友！…Read More

懶洋洋的週末早上，睡到自然醒，在家放空至肚子餓，換起便裝，搭着輕快的腳步，慰勞自己一下，去吃龍蝦早餐吧！Odelice 法式裝修，令人心情煥然一新！這二人Odelice 早午餐，豐盛得令人興奮，好吧，就來一客！煙三文魚，炒蛋，牛油果莎莎，多麼漂亮的顏色組合！這個龍蝦芝士蝴蝶粉是重頭戲，蝦頭充滿濃濃的蝦膏，蝦肉爽脆，大滿足！這個士多啤梨提拉米蘇，帶酸的士多啤梨汁，清爽地平衡被忌廉汁飽飽的肚子。早餐怎能缺少咖啡？這個椰香咖啡沙冰，充滿特色的選擇。如果有這樣一個懶洋洋的週末，不妨來一個豐盛的龍蝦 brunch ! …Read More

合十，光聽到這家新餐廳的名字已經夠吸引，到步一看像後花園的寫意和夢幻般的燈泡，把心情帶進仙景！今日頭盤選了炸物拼盤 ($148)來配啤酒，份量十分，脆口的洋蔥圈，意外地討好！還有三款醬汁配搭，細心致極！通風的格局，很有秋意，還是先來兩支啤酒吧！接著主食叫咗巴瑪火腿火箭菜pizza 和龍蝦汁意大利飯。巴瑪火腿火箭菜pizza 103元龍蝦汁意大利飯。粒粒皆被龍蝦汁包圍的飯粒，不用說，就是鮮香無比！加上大蝦、青口、扇貝等美味海鮮相容，越吃越有勁！光是環境、服務、性價比，<合> 已將成為官塘的明日之星！這家以西式輕食為主的打咭餐廳，不要錯過！…Read More

牛惣居酒屋, 看到店名已非常期待有些特色的牛料理。前菜，先來一個清爽的沙律吧。和風寸子蕃茄沙律 $38，帶有惹味的蒜香。刺身盛合(4點) $248去吃日本料理，刺身是靈魂。三文魚、油甘魚、帶子、牡丹蝦。牛惣的刺身都是厚切，讓人心滿意足！一向很喜歡沾蛋黃汁，免治牛肉棒 ($58)，是百吃不厭的美食。其實我都好中意食內臟，非常推薦的兩款內臟: 牛肝和牛筋。各種各樣的牛燒物，讓我無可抗拒，以下是我的推介牛肝 $34牛肝、牛脷是無敵的美食，今次選擇和大家介紹這個牛肝。燒過的牛肝，濃郁的牛肝香氣，送酒一流！牛筋 $36本身就好中意食牛筋，即係果啲去會成日叫牛筋河既朋友。所以我都好好奇，燒牛更會係咩滋味。結果真係非常驚喜，膠元的纏綿感十足！雞翼 $34雞翼是港人最愛。唔食唔得。燒飯團(2個) $76最後，來個醬油飯團，填補一下那僅有的空間，超滿足了！…Read More

真味鮮廚真係無改錯名，為會觀塘新開的火鍋放題，餐廳又大又新淨。大人$298一位，我個人認為是超值的。首先上來的刺身拼盤，每款都鮮味十足，有別於一般火鍋店食刺身質素，甚至乎比日式放題的刺身還要新鮮！這點非常驚喜！接着來的重慶雞煲，也是我強烈推薦必須encore的美食。餐廳選擇的雞件，肉質非常彈牙，就算雞胸的位置也非常嫩，唔使5分鐘食完， encore了一次！海鮮拼盤，據店員說每朝早五點新鮮入貨，怪不得鮮味十足，蜆肉還會動呢！何奇新鮮！特級安格斯肥牛，也是十足感動，不用多講，大家知到圖片也能想像其嫩滑和牛肉果十足！套餐還包括巨型水餃皇，愛吃水餃者必定大滿足，尺寸比正常水餃大兩倍！光是以上五個皇牌主打，已誠意十足，值回票價，接下來的自選項目，還有任飲酒水，連啤酒都有四款選擇，可見老闆非常用心。令人忍不住推介，下個月，一定要同屋企人坐來過！值得一讚，就是所有的服務員，都非常之有禮貌和熱情，感覺到他們重新研發的熱愛工作，整個體驗非常好！…Read More

銅鑼灣新開張的鮨逸，熟客很多，現在是沒有夜市，下午客人都坐得滿滿的，果然有號召力。Tiffany blue 的吊飾，令人眼前一亮。今天book 枱前，已提前要求品嚐晚市才有的25道的 omakase 廚師發板，享用最齊的品目。哈哈！先來一個八爪魚頭款！刺身是頭盤，鮨逸選取的季節刺身很特別，有真鯛、鱆紅魚、春魚、帶子裙邊、燒平貝。真鯛是很鮮美的魚肉，口感清淡，所以第一口先享受一下，再層層推進上鱆紅魚和春魚用竹枝穿著帶子裙邊的食法很特別，加上燒過的平貝，很驚喜！下一道更上一層樓的蟹肉豆腐，我最難忘那鮮得不能再鮮的蟹肉碎，豆腐的豆香自然被蓋過，但豆腐吃的是那綿綿的口感呢！金線鯛壽司和深海池魚壽司，配合壽司飯比刺身食法更令人滿足。再來就是給味蕾的深度刺激- 真蠔，牡丹蝦和安康魚肝！真蠔帶檸檬啫喱，不做添加任何汁料已鮮味十足！牡丹蝦已拆好蝦籽、蝦膏，每一部分都要你細味！安康魚肝是無法抗拒的逸品。好吧，看來要來一枝清酒爽下！店長說中意Dry 的，就嘗一嘗這支375ml 迷你版的大吟釀醉樂。快樂乾幾杯後，又來眼前一亮！北寄貝刺身爽脆，煮得入味的鮑魚，都是送酒良伴。三種非常有特色的石垣鯛壽司、鰤魚壽司、左口魚邊壽司，口味層層推進，太好了。以為已經差不多品嚐完，再來的象拔蚌壽司、吞拿魚壽司、拖羅壽司和海膽壽司，才令人忍不住尖叫！入口即溶的拖羅加甜到入心的海膽，怎會夠喉！今次真係要加許自己book 晚市既 Omakase , 食左呢set 翻唔到轉頭！…Read More

原本約朋友Happy hour 喝一杯才吃飯，他卻向我推薦長阪燒，除了可以吃到刺身、日本串燒，還有超值的生蠔套餐！Oyster set $268，包一打韓國生蠔和一支白酒，如此超值，喜出望外。韓國生蠔非常新鮮，海水味濃，encore 了兩次！芥辣八爪魚 $38送酒的餐前小吃，包括有我最愛的芥辣八爪魚 ，芥辣醒神，八爪魚又可以慢慢嚼，配白酒很配搭。燒鱈魚干 $38也是大人小孩喜愛的小食之一。温泉蛋沙律 $38兩人份量剛剛好！牛舌 $38開始進入濃口系列。牛舌是我吃串燒必叫的美食，很愛那彈牙爽口的咀嚼感。日本雞心 $27⼀口雞心，很窩心。燒三文魚飯糰 $28最後來一客三文魚飯團，把胃裡僅有的空間填滿。長阪燒性價比很高，如果想同時享用歡樂時光和晚餐，首推長版燒！…Read More

銅鑼灣食肆林立，給我印象最好的一間日本餐廳，非屬蟹慶不可。蟹慶提高最新鮮的日本活蟹，還有多種品質極高的日本清酒配套，美食配佳餚，天生就是一對。今晚把菜單翻了一遍，發現有後多久違了的美食，決定不叫套餐，隨着心情order。時令新鮮的五點刺身 298元真的太久沒有出來吃飯，刺身怎能少得？三文魚，鯛，海胆，牡丹蝦，帶子，每款都是人氣之選。銀鱈魚西京燒 188元細滑銀鱈魚配帶甜的西京燒，令人不禁想叫碗白飯相配。燒牛舌牛味香濃，招牌之作，必試！松葉蟹甲羅燒 216元/2位蟹膏本來就令人垂涎三尺，混上鵪鶉蛋，多一陣香滑，每一匙羹，都滋味入心。白金豚豬腩到庭烏冬 188元最後，還是要吃點蔬菜和主食，白金豚肉香，加上大量的蔬菜，蘑菇，營養均衡以健康，烏冬彈牙，甜點，為晚餐畫上完美句號。…Read More

今晚來到上海弄堂，嘆真正的上海菜。先看店內充滿古色古香的傳統中國韻味，很討人喜歡。怪不得在餐廳內，有很多外國遊客慕名而來。今晚我叫得很簡單，就是試了兩款辣辣的菜色，分別叫回鍋肉炒年糕 HK 89和醉雞擔擔麵HK78元。回鍋肉炒年糕 HK 89炒得香辣的回鍋肉，配上上海小菜不能忽視的年糕，兩者都非常合襯，而且非常開胃。上海菜必吃菜式！醉雞擔擔麵HK 78元醉雞，也是上海菜的招牌，所以二話不說就選擇了。既然在上海餐廳吃醉雞，當然感覺非常正宗，微辣的醬汁，很喜歡。加上擔擔麵，一冷一熱的美妙嘅組合。順便一提，這裏的服務非常好！…Read More

台灣藥膳火鍋大行其道，牛膳新開張又近港鐵，再加上9月內女仕任何時間半價，怎能錯過！ 新淨裝修，平日已爆場，利害！有半價，當然吃最貴既嚴選澳州和牛 398元。有和牛、刺身、美國牛肩、龍脷、黑毛豬、藥膳湯底，再加上四十幾種火鍋配料，飲品清酒任飲，雪糕任食，才二百蚊位，簡直系我近期食過，性價比最高嘅一餐！養生茶有四款選擇！白美人湯底，美容為上！仲有手打丸海蝦非常新鮮，必食！清酒飲到醉為止！芝麻糊、花生糊、雪糕任食！食到個肚漲漲，每人220！…Read More

靖。師傅發板的無限滋味，近來很想推介的一家店。食過靖1200元一位的師傅發板，才知道什麼是真滋味！Omakase 食過十多日，第一次感到如此物超所值。由新鮮無比的食材、藝術般擺設，無微不至的體貼服務，到變化多端的季前旨味。令人感動。光是前菜，已打響頭炮。食材有柿、豆腐、蜆和芋。迷你的素食小宇宙。再來甜脆的日本粟米，開胃清新之作！刺身是少有的砂鰈魚。白肉、清晰而透切性的魚肉，沾上醋汁，活鮮活味。深海池魚也是神來之筆。爽脆的魚肉，咬下再慢慢感受到其鮮味的樂趣。再來一款醋汁打底的兵庫県生蠔，教人愛得不捨入肚。厚身蠔肉帶來質感和味蕾的双重快感，實在難得。美食當前，日本清酒是最好拍擋。秋刀魚雖然未到最肥美的季節，但已急不及待展示其美妙的魚脂和魚香。手卷吃了兩款，包括拖羅手卷和燒帶子手卷。厚切拖羅原鮮原味，加了脆脆紫菜的手卷食法則香而有層次，各有千秋，無得彈！毛蟹肉壽司也是我的推介。師傅在面前忙碌地拆蟹，每口蟹肉都是心機之作。 赤貝壽司除魚獲外，貝殼類都是一絶。厚切，爽脆，新鮮就係唔同！最後是口味層層推進的壽司七件。燒金目鯛壽司，用火灸把魚油逼出，更香口。燒拖羅壽司，也是同一概念，魚油各有千秋！海膽壽司，富山縣白蝦壽司都係滋味之作。把最濃口的左口魚邊壽司作完結篇，令人從心底裡泛起濃濃幸福感。…Read More

第一次聽到MokuMoku 呢個餐廳名， 覺得好可愛，名字的由來，原來係模仿豬嘅叫聲。呢一間餐廳，就係以豬為主打，夠特別。除咗以豬為主打，呢度都仲有各式各樣嘅海鮮，牛肉，刺身，烏冬同拉麵等等。mokumoku 沙律84元先嘗試佢哋嘅招牌 MokuMoku 沙律，以豚肉為主料，加新鮮雜菜同蒟蒻，好健康。灑上自家製醋汁，夠開胃。刺身盛五款298元黎到食日本野，我哋都慣左叫刺身作頭盤。唔好以為呢度淨係食豬肉，新鮮嘅刺身一樣有！呢個刺身見到咁開心。厚砌又新鮮。最鍾意牡丹蝦同厚肉帶子，超新鮮！當然海膽都係我的至愛！Ibérico 火腿 98元冷盤既黑毛豬風乾火腿食得多，呢度嘅火腿上碟前，再燒一下，令油份更香口，絶！味噌煮豬軟骨 52元豬軟骨，又係白食不厭嘅菜式。軟骨已經煮得入味，而且充滿膠質！百十郎黑面純米大吟釀82元一杯係時候嘆下清酒。呢度嘅清酒選擇非常之多，由一支到一杯都有。我哋經店員介紹，飲咗呢支清甜而特別既百十郎，好正！燒魚580元如果冇記錯，呢條係大條喜之次，原條細細隻燒食得多，呢條充滿魚肉嘅大條喜知次，真係第一次食到甘厚肉，充分魚油既鮮甜！唔係成日有，今晚可以食到真好彩！食左好多唔同嘅串燒，為左方便 share , 仲有呢個可愛既工具幫手，超讚！我推薦以下三款:年糕豬肉卷48元年糕燒後煙煙勒勒，好有彈性。加上醬汁和紫菜，味濃而層次豐富。露筍豬肉卷32元清新標準之作。有露筍，吃上來清爽可口。豬腰子28元第一次食燒豬腰。。。。感覺係。。。真係好豬腰呵！爽、脆、厚！豬腰味濃，好豬腰哦！最後來的小奶凍。呢渡食飯，氣氛好，服務好。會再黎！…Read More

去佐敦地鐵站對面既平昌食韓燒真係好方便。 呢度晚晚爆場，今晚特登訂左六點食燒肉放題，做第一個準時到既客人。地方大，冷氣足，夏天食燒肉都無問題！平昌支持環保，所有 order 都係寫落張過膠咭紙上，無浪費紙張，讚！叫左貴少少既 luxury package ，取其可以食到靚肉類！套餐每人都包左海鮮拼盤同雜肉拼，叫人唔洗三心兩意，食左頭 round 先再 encore !食韓燒最中意就係一大堆素菜為主既菜。泡菜好夠味之餘，芽菜都唔錯！總括黎講，平昌既場甘爆，同食物質素、服務同價錢都攞到一個靚價位。店員非常友善，常主動替我地換鐵鍋，一晚兩小時，換左四五個，呢種工作態度好讚！燒酒、啤酒、汽水、無酒精飲品，雪條等，全部都係外面嘅雪櫃飲揀包你吃到超滿足！…Read More