Riri107's Profile

叫左個tea set, 坐窗邊對住個海，呢度環境一流，食物幾好，但服務真係唔係好得。餐廳入面服務員都ok，但門口個四眼阿嬸真係好趕客，攞個位姐，句句都係度質問你咁，想點？坐低後，叫左個二人tea set前菜個火雞沙律同炸蝦多士幾好味。其他一般，有隻餃食完都唔知係咩，個味怪怪地。整體份量偏少，性價比算低。如果為左個景同打卡影相，可以一試。但預左冇乜服務同食物只算係合格。甚至見到門口個帶位阿嬸可能已經激到想調頭走。…Read More

頭盤好睇多過好食，象拔蚌冇乜味似急凍貨，天婦羅秋葵本身已經冇味，但連汁都冇得點。鰻魚冇味D醬掃左係底食左先見到。唯一係茶漬飯幾有蠔味。話就話九品但任食嘅生蠔佔左一格，一個蛋黃又佔左一格，實際上得7樣其他野食。生蠔，冇想像中咁甜，食嘅時候食到有碎冰，感覺似未完全解凍嘅急凍貨。鐵板燒蠔，燒得幾嫩，配埋佢果6款醬多D 變化，味道ok。鐵板燒帆立貝，新張期內可以任食埋帆立貝，試左兩隻，普普通通。食生蠔真係好易滯，飽到上心口，想飲杯熱茶都冇。以生蠔黎比，屋企附近買嘅室津蠔好似更甜更好味，性價比唔高，試過一次就算囉。…Read More

知道將軍澳開左間食浜燒0既餐廳，今日放工入去試下。 由地鐵站行左大約10-15 分鐘先到, 果度都幾偏僻。 去到，間舖冇客，冇訂都有房坐，獨立房0既環境都唔錯 (不過頭頂部冷氣機滴水 =.=) 叫左鮑魚，甲羅燒，蜆，聖子，刺身，魚生飯。講左咁耐食物方面，好一般。 鮑魚(一般)，唔覺係新鮮鮑魚，肉質好硬好實。之前係其他地方食過幾次浜燒，鮑魚生猛到仲識郁架。 蜆(一般) 細隻，冇鮮甜味。 甲羅燒，唔錯 (咁簡單都唔好味0既話就無言啦) 聖子，超級差，都未試過出街食聖子，連D 內臟都唔洗一齊上枱，燒完後雖然盡量清除內臟，但冇水洗根本唔清得乾淨，食落口”烚烚聲” 好似食沙咁。味道亦唔鮮甜，唔似生猛海鮮。 冇乜客，全程班侍應好得閒係度吹水，但都唔會幫手燒，又唔同你講燒幾耐，全無服務可言。 呢個價錢，野食唔新鮮，完全唔值，枉稱浜燒海鮮，唔會再黎。…Read More

一個月前訂位，黎到後餐廳話因為我地"遲book 枱"，所以塞左我地去 bar 枱，椅好高，冇椅背，坐得非常唔舒服，我地三個人咁樣坐係個bar 枱傾偈都好唔方便。你唔好話我地遲 book 枱，不如直接同我講你想做多d 生意，唔想俾4人枱我地嘥左個位所以塞我地去角落算啦，咁我會讓埋呢3個位俾其他客，我唔食啦。食物方面，選擇少，炒飯炒烏冬呢d 咁基本嘅野，都唔熱。唯一比較好味嘅係炒蘑菇。地方咁細咁窄，做自助餐非常唔適合，多一兩個人係出面拎野食已經冇位行。冇相可以 post 出黎，因為冇野值得影，食得咁唔舒服都冇心機影相，食完一次唔會再黎。雖然只係$108，價錢好似唔高，但以食物黎講，$108 都唔值。…Read More