本來想同班姊妹聚下舊，有人提議想試呢間cafe所以就去咗。我地幾個人叫咗一個南瓜湯，一份肉丸意粉，一份avocado crab meat spread & smoked salmon and poached egg with toast，一件blueberry cheesecake，一件mango cheesecake同幾杯飲品。南瓜湯同肉丸意粉都係好一般，感覺同屋村餐廳質素差唔多。Mango cheesecake 比較好食，Blueberry cheesecake 就好硬，味道奇怪，有少少似金幣朱古力既味道，我同友人食咗少少就放棄咗。Avocado crab meat spread & smoked salmon and poached egg with toast 既麵包唔算好食亦偏硬，沙津偏酸。本來去cafe就係想搵個地方一班人飲下野傾下計，後來有另一台客黎，店主非常無禮貌咁叫我地6個人擠埋2張台坐，又同我地講話人地係黎食野。最後佢開咗一張新台俾人地，我地清空左個張台就放係度冇人用，亦都冇俾我地用番張台。之後店主仲要黑面問我地你地都食完架啦，擺出一副你地阻住我做生意既姿態。我地都只係坐咗接近2個鐘亦都冇人等位，如果覺得d客坐得太耐就應該set定用餐時間。我地每個人都有消費但連基本尊重都無，做完我地生意就俾說話我地聽趕我地走，咁樣既cafe真係第一次見，完全貼錢買難受，一定唔會再去。…Read More
