Burger Neko's Profile

一直都想試下呢間日本料理，因為同區可以堂食嘅日本野選擇不多，終於有一日來試。呢間野價錢都唔平，一個拉麵set $80，一個魚生飯$100左右，仲有加一。我叫左一個壽司便當$108，冇飲品都要加一，內容有刺身三款、壽司5件、三文魚蓉飯同冷烏冬。睇落都幾豐富同價錢合理係咪?點知一上枱就出事! 果三款刺身，係三文魚、玉子同蟹柳!係!!!!!!你冇睇錯! 係玉子同蟹柳!邊有人刺身係比玉子同蟹柳?????????你收我$108 ，個刺身比玉子同蟹柳?????????可能有人會話，D壽司係咪比高級料呀?錯呀! D壽司係比一件三文魚、一件熟蝦同三件加州卷呀!你問我加州卷入面有D咩野? 係玉子同蟹柳呀!!!!!!!!!我唔係唔鍾意食玉子同蟹柳，但係你收我呢個價，比呢D野我，我覺得唔應該比蛋同蟹柳呢啲平價野囉，同埋呢啲真係唔係一般人認知嘅刺身。三文魚蓉飯同冷烏冬份量少，但個味道不差的。如果個刺身同壽司比返正常少少的款式，或者個set係$60，咁我都會比正評，但而家咁樣，真係忍唔住要比個負評啦....希望餐廳會改善/有人睇到我呢個評論會可以避免中伏啦...…Read More

一開始講左要三餸少飯個阿姐都覆左我一次三餸少飯，問我要咩餸但佢就拎左一盒預先裝好嘅飯，冇減返啲飯落去個兜，平時其他阿姐或者其他鋪頭都會減返啲飯，我真係唔想浪費食物！叫佢減返啲飯我食唔曬，佢又唔肯，態度又差但佢冇減到仲喺到催我揀餸。本身呢間野啲餸份量都OK今次唔知做咩比勁少餸。塊肉餅同菜嘅份量都係平時嘅一半，平時肉餅有手掌大，今次得半隻手掌都冇！！！！好失望。永久blacklist!以後都不會再幫襯！！！…Read More

家賀屋刺身寿司專門店的壽司真是讓人回味無窮。我最喜歡的是店家的招牌菜"家賀壽司"，由甜蝦、海膽和吞拿魚組成，味道和口感都非常搭配。我喜歡海膽的鮮味和吞拿魚的柔軟口感，並同時能讓我賞到甜蝦的鮮味。壽司飯的顏色帶有啡色，略帶醋香，十分夠味、不用沾醬油。此外，三文魚西京燒也是店裡的特色美食，值得一試，比起一般店家的銀鱈魚西京燒多肉質和OMEGA-3魚油香。不過，店裡的冷盤份量較少，而且炸物的味道也不是很好。整體來說，價格較貴，不太適合預算較緊的消費者。但如果你喜歡品嚐高質量的壽司，家賀屋刺身寿司專門店絕對是一個值得一試的好地方。…Read More

今日有事做嚟開黃大仙，唔知食咩，就去左個food court咁嘅樣嘅快餐店食飯。以為係大家樂嚟。朋友講先知係富臨。富臨集團啲餐廳真係好易中伏😓叫左個焗豬扒飯。又話雙重芝士，完全冇芝士味，舊豬扒勁臭，而D肉又好鞋，咬十世先咬得完一細舊肉，個扒個皮又冇好似大家樂咁炸香，個汁就得個咸字，茄汁加鹽，唔似大快活用鮮茄。配料冇菜冇西蘭花，美心MX都好過佢。同返同類型快餐比完全係劣食，不建議食。態度方面，收銀同水吧都串到乜咁，態度極差！衛生方面就有烏蠅，不過座位叫舒服。永久blacklist!…Read More

成日聽人講哩間士多D蛋包飯好好食，但我次次去去佢都冇開=_=後尾聽人講佢只做星期一至五午市，主要做學生生意。唔怪得之我成日摸門釘=_= 星期六日應該最多食客佢都唔開，真係好串，唔休做咁今日得閒一於試下佢真功夫!去到見佢MENU得3個ITEM，分別係芝士咖哩蛋包飯、咖哩蛋包飯同台式滷肉飯。因為唔知滷肉飯有冇蛋包，所以叫左芝士咖哩蛋包飯，$45有野飲，外賣加$2。可能我11點左右比較早、避左D學生人潮，排左一兩個就到我啦，收銀態度幾好佢D炒飯同汁就一早煮好嘅，你落order佢就不出嚟，隻蛋就即整。成個飯好熱，返到去屋企都仲係辣口蛋真係好滑好好食，但係個炒飯就咸左少少，炒飯入面D雞肉都有D老，咖哩味都不重。但整體成個飯係食得舒服嘅，性價比不錯! 不過可能期望太大，有D名過於實嘅感覺，但係好食嘅，所以照比正評!…Read More

赤柱海邊小店，可以望住海景chill住食野!😎環境一流!店員服務態度好好，招呼熱情。叫左以下食物:Fried Onion Bacon Beef Burger $78Mango Slush $48漢堡size正常，醬料夠香、脆洋蔥同煙肉好野味，包身偏軟，漢堡肉雖然沒有筋但味道有點似中式牛肉球😅沙冰非常夠凍! 解熱一流!而且食到芒果，應該有落芒果而唔係就咁落芒果糖漿!!!夏天/行完一日飲沙冰超爽!價錢有少少貴但係赤柱嚟講算係性價比高，高過大街D餐廳咁囉~…Read More

見外賣APP有堂食優惠，所以就去試下呢間小店。點知去到話做唔到外賣APP個優惠，都唔係第一次，外賣APP堂食優惠次次D餐廳都話唔知/冇，奉勸各位盡早cut左外賣APP佢!講返正題，間小店好好人，佢做唔到外賣APP個優惠都肯比返個全單9折我，而且有禮貌，服務可以比100分。我叫左個Whiskey Wagyu Beef Burger同Nachos.Nachos好有驚喜，有牛油果醬喺面，唔係就咁比D乾珍珍嘅粟米片。牛油果醬味道都好濃，好抵食。Burger好特別，入面有支滴管喺度比你喞D酒落去嘅!本身以為Whiskey係講緊個醬，點知係比個滴管你打卡，好有創意!包身係脆嘅，漢堡肉有肉香亦唔會有咬唔到嘅筋、有少少肉汁唔會太亁，唔知係咪錯覺，喞左酒附近嘅肉寧捨柔軟香滑!…Read More