試食者's Profile

朋友聚餐，選擇了食素菜，其中一位朋友生日，選菜單都由她作主，我哋選擇了一個二人套餐，前菜：沙律，小食：泰式小食併盤（蝦餅及春卷），主食：酸菜魚及泰北咖哩雞腿麵，及加了一個意粉；睇個菜名好似樣樣都有肉，酸菜魚味道豐富，魚片就用了薄切的雞肶菇，菇吸收了湯汁，份外好味，上菜時配上了黎麥飯確實唔錯；咖哩雞肶仔，用了腐皮包裹著雪條棒（當作雞骨），無論做型賣相都好，咖哩湯汁除了配本身麵食，用作配飯都很野味；再叫了兩款飲品（菠菜香蕉牛油沙冰/蘋果香蕉燕麥奶）作結。這一餐飯對於我非常滿足，無論視覺/味覺都得到享受。店員服務態度好。…Read More

與好友共進晚餐實在係一件樂事，朋友之前（1個多月前）提過想食潮州嘢，而且好想食螄蚶，當時已推介這間食店，因為不時會同家人到這裡食飯，我每次都會必食的就是醃螄蚶，這裡的係我食過的最好食，又乾淨，令我放心進食的，而且特別的鮮，喜歡食潮州嘢的朋友就要試試；今次食的鹵味（鮮鵝腸，豆腐，魷魚），份量足，味道合到好處，鵝腸爽脆，鵝腸有白膏，豆腐又滑，魷魚夠霖；另外叫了筍蝦，唧炆筍，以往在其他食店食的都會有一些怪味，但這裡完全食唔到，相信花了不少時間製作，而且好好味；再來一碟牙帶魚，這個做法似咸鮮，配碗白粥就一流；最後來了一個芋泥作收尾的甜點，我這個芋頭控實在不會錯過，細細碗，滿足我的為食鬼之餘又唔會太有罪惡感。朋友都贊這餐食得多開心，好推介。實在太多款美食，已約定下次再過來食其他菜式。…Read More

這間店以前細個爸爸會帶我來食，味道依然好味，喜歡上海菜的不防去試吓，舊式店舖，沒有華麗的裝飾，大枱只有一張（10-12人），其餘的都係2-6人枱，3/5知己共聚確實不錯。下午2點後人較少，叫了三個小菜（鹽酥炸田雞，客飯份量的炒鱔鰗及炸雲吞）配返杯啤酒，慢慢食，開心開心！…Read More

久違的12人飯聚，疫情以來都未有試過咁多人一起食飯聚會，冬至將近，就來一個聚會，一共9道菜及甜品生果1，先來自帶大蝦 - 白灼（廚師煮蝦的時間剛剛好）大蝦爽甜2，龍蝦伊麵 - 調味及汁料唔會太膩，好味3，乳豬，皮脆肉嫩，而且唔多肥肉（個人較喜歡）4，炸蟹鉗，味道剛好，不需要點酸甜醬都好食5，班件兩食 - 雲耳金蒜蒸班片/西芹炒班片（這個有少少咸，但餸飯一流）6，炸子雞 - 皮脆內嫩之如還配了大家都喜歡的炸蝦片，大家第一口先夾了久違的蝦片，才食雞。7，最後就係糯米飯及甜品生果總結，這餐飯滿足。…Read More

昨晚收工，想去食小炒，可以餸酒的菜式，在新蒲崗搜尋見到這間店舖，就入去一試，第一次來食，服務員態度好好，座下先叫了兩個餸，炸大腸及炸鯪魚球，兩個菜式外脆內軟，炸大腸的酸甜沾醬，唔太酸又唔太甜剛剛好，令以往唔喜歡酸甜醬的我都覺得好味；炸鯪魚球的魚肉調味一流，外皮加了炸過的米粉一起炸，鬆脆鮮香，之後想食乾炒牛河又點了，實在好味。用餐當中見到好多枱客人都點蠔餅，實在好想食，但又怕食唔晒，這個唯有留下一次食。…Read More

之前有機會分別去過佐敦，深水埗及大圍的分店，今晚公司飯聚再提議同事去試，都覺得海鮮（蟹，鮑魚，貝殼類等）新鮮美味，粥底經過加入海鮮肉類蔬菜煮熟的過程，最後再加入較濃調的白粥及配料（芫荽，豬油渣，頭菜粒等），份外美味，為這一餐劃上完美的句號。…Read More

與好友飯聚，餐廳位置方便，就近地鐵站，因已到訪幾次，裝修與以前有別，但感覺一樣舒適，絕對係與好友的聚會的好地方，在味覺及視覺上食物都保持水準，尤其今晚食的虎蝦墨汁意粉，好好味，服務員亦態度良好。不過在上餐方面可以調節一吓，能夠留意客人用餐進度才上餐，就能令食味的味道更出色。…Read More

第二次光顧這間火鍋店食晚餐，食材新鮮，店員有禮，價錢合理，食巿亦細心預備了煮食各類海鮮的所需時間清單，以免食客未能享受海鮮的最佳時間。值得一去再去的食店。因食材新鮮，當大家將各類海鮮肉類蔬菜食完，店員會細心將粥底的多餘食材盛起，加入已預備的白粥，冬菜，芫荽，豬油渣等在粥底，煮滖，就可以食到美味的粥。…Read More

2月24日,是我第四次到這間餐廳,仍然保持一樣好的水準,食物仍然好味.有幾度菜式每次去都會食:1.忌廉蘑菇配三角多士(是本人的致愛,因此亦在家嘗試過自己煮)2.牛肉他他配三角多士(他用的牛肉好滑,用來調配的汁料又好味,令本來唔食生牛肉的我一食再食)3.燒雞(我好喜愛食雞,他做這度菜又做得剛剛好,D雞好味又唔會太咸,再加上配菜的薯仔,真是好好味)另外還有其他的菜式都試過是幾好的:1.法式鴨腿焗煲仔飯(份量好足夠,有大煲(我們8個人食都有成10-11碗)/細煲,任君選擇)2.小食- 烤魚翅/烤雞泡魚乾配沙律醬3.意粉-試過幾款意粉唔記得名稱,不過試過都做得幾好,意粉軟硬式中朋友亦在這間餐廳食過生蠔,她話D蠔好生鮮,是款式小D,但是她好滿意.(想食生蠔要在訂位時同職員講)我們亦有叫了兩支好酒.我們結算大約$2,000.00左右,有幾會都會再來.…Read More

05年11月15日朋友生日，她又喜歡食日本菜，便到Openrice搜尋，找到了一門，因為見到有這麼多的好評，決定同朋友一試。我們點了以下菜式，結果如下：1. 香吞拿魚卷-6件- 好好味！2. 壽司拼盆-6件- 不錯3. 串燒- 鹽燒三文魚、牛舌及雞中翼- 加了少許七味粉，好味！4. 東洋卷- 3件- 好好味！外層是簿簿的Pan Cake皮，包裹牛油果、蟹子及鰻魚，口感一流，味覺亦非常好，令我一試難忘。5. 帶子薄餅- 不錯6. 什菌燒玉子- 加了配菜的白蘿蔔茸及日本醬油，是絕配，我一定會再去食。7. 玄米茶結賬是$615，每人只是$200左右，價錢合理。而店舖環境方面亦不錯，三五知己共聚的好地方。…Read More

05年9月2日，朋友推介下去一試，我們一行8人，點了以下的菜式：意式肉腸并盆、一個海鮮薄餅、一個辣肉腸芝士薄餅、一個茄汁肉醬千層麵、一個帶子香草意粉；一個細的Tiramisu、一個朱古力慕斯及一個咖啡布甸。每人一杯果汁、一支白酒。食物的味道不錯。另外一特色是餐廳會有源源不絕的麵包(皮脆心軟)(如你需要)，它有多種選擇，包括麥包、白包、果仁包、提子乾包等。餐廳亦送上每人一小杯的特色沙律。環境方面都幾好，餐廳的另一面是酒吧，如你喜歡食晚餐後飲酒談天確是唔錯選擇。而且餐廳有室外的地方以供人客舉辦活動(例如：試酒會)。唯一唔好的就是當晚的冷氣時冷時熱，令人有點不舒服。…Read More