Cheeseilub's Profile

呢間牛角包至K11 Musea開幕以來都超大名氣，次次黎親都排哂長龍。今日見條龍冇咁長終於的起心肝去排，排左15分鐘左右，同fd一路傾住一路排又唔覺排左好耐。原味：$24/pcs杏仁: $26/pcs我諗係出左爐一陣，唔係好熱好辣手，暖暖地咁，食落好香脆，有好多碎，好香牛油味。雖然有牛油香，但又唔會食到成咀油既感覺。比起杏仁味，我比較鐘意原味。感覺咸食會再夾D。$24呢個價錢我覺得物超所值，首先牛角包係真係唔易整架。要整到咁層層分明係要一定技術，唔係咁易整到，仲要工序繁複，真係識點整都未必想整。仲要整得好食，所以牛角包係值得比錢出去食。…Read More

LUNCH TIME 12點黎到，做第2枱客。坐左陣都陸續有客，12~1點呢個時段都算有6成滿。尖沙咀呢幢H8有好多餐廳，今次行過見呢間好似唔錯就決定試呢間。下次有機會仲想試下呢到其他餐廳。因為12點黎，LIFT都唔洗等。有同事試過1點黎就要排隊等LIFT，我地今次食完走果時都要等一陣。我諗呢到地理位置最大缺點就係要搭LIFT。LUNCH MENU除左呢張MENU，仲有張茶記快餐咁既MENU，60蚊一碟飯包野飲果種。果個真係普通茶記FEEL所以冇嗌到，嗌左呢個西餐。不敗既Carbonara如果卡幫尼都整得唔好食，真係唔好做西餐。呢到個汁同意粉都恰到好處，係一個合格既卡幫尼意粉。但缺點係汁同料都太多，食哂D粉都仲有半兜汁淨。是日餐湯係蠔湯。呢個湯真係不得了。首先要鐘意食蠔先岩食，如果你好憎蠔應該就飲唔落架喇。因為蠔味超重，每啖都好似食左一隻蠔咁，好似FEEL到一隻隻蠔係個口入面游水飲完個口好勁海水味YUM YUM。番黎睇番相先見到個MENU有寫包甜品....但我食果陣冇黎過甜品，我地亦都冇問。不過就算送埋我都食唔落，淨係湯同個粉都飽到上心口。同埋佢寫D 9折, 8折果D係要LIKE佢地先有。整體都覺得好食既服務態度又唔錯，都可以翻兜…Read More

中午LUNCH TIME搵食，本身想去果間FULL哂，咁就唯有搵新地方。呢到12點坐左一兩枱客，仲有好多位，所以就入左去試。呢到有湯麵有撈麵串燒果D今日天氣暖暖地就揀左撈麵佢大碗$48，細碗$12我其實都幾好奇細碗係有幾細我唔係咁理解塊豬皮係做咩，因為佢都幾硬又冇味，打邊爐可能岩ＤD芽菜係生既有D草青味，但有好多我喜愛既芫茜本身我以為撈麵係酸酸甜甜果Ｄ汁，但原來係似滷水汁撈麵。隻雞翼都係滷水雞翼，好入味，Ｄ肉一夾就離骨。整體都好食既，應該間中都會再食，不過就唔會好常去。…Read More

以前黎觀塘淨係識係APM搵食，原來工廠區果邊都有好多好西今次呢間雖然冇APM咁就腳，不過都係行多兩步就到，唔難搵。要搭LIFT先上到，一出就見到門口：費事影到其他客人，只影左D冇人既位。一入門口會見到好大幅壁畫，門口果邊D位就舒服D，所以一早FULL哂。行入D既位就係有少少懷舊FEEL既木枱木櫈。背景係廚房同出餐位出餐個位其實都幾可愛，有少少日本屋台既感覺。一疊疊碗，仲有Ｄ燈籠就算半OPEN KITCHEN都冇好大味大油煙。涼拌小黃瓜普通，勁細碟。$28應該唔會再食三寶牛肉麵呢個有少少辣，不過真係好微辣。小朋友就可能唔岩食喇，我本身唔食辣都接受到。牛筋好淋牛肉都唔會趙極唔爛，可以再食個炸雞皮真係不得之了！台式炸雞係鹽酥雞果種，個外皮好香口好好味，可惜雞脾肉就冇乜味。嫩滑稱唔上，不過都可接受既。成個便當有一半菜仲有半隻滷蛋滷豆干，超足料！我分左一半比人都食唔哂。唯一缺點係佢用紙盒裝，我都明佢SELL火車便當個CONCEPT，但係其實都可以用可再用既器皿...價錢算唔上好抵食，不過物有所值，可以再翻兜。…Read More

聖誕日入園人山人海，周圍都逼滿哂人。但係好彩都係香港人多，排隊都排得好舒服。見到呢到聖誕MENU都唔係好貴，園內其他餐廳都係food court冇人serve，又一樣要排要等，咁就揀左呢到喇。係樂園入面其實都預左係貴，對食物都冇太大expectation。冇期望都冇失望。食物本身都幾好味，但係呢個價錢就唔多相稱喇。不過係樂園，預左。除左價錢，整體都唔錯，坐左係望到出面既位。睇住出面個"飄雪"食飯，係幾有聖誕feel架！頭盤牛扒鱸魚最好食係個薯蓉，好滑漏又香牛油味碟魚好似細細舊咁，都岩岩好夠飽DUFFY特飲，即係朱古力加D CREAM加張DUFFY樣既膠cocacola係樂園，裝修靚就一定。有D意外既係，所有餐具器皿都係膠...都唔係幾睇得出既，亦都冇咩影響唔係負面既。係有D估唔到…Read More

素來都鐘意食芋圓，又鐘意飲珍珠奶茶，自從發現左呢間鋪之後，由珍珠轉飲芋圓左：芋頭芋圓鮮奶右：伯爵茶豆奶加芋圓今次我飲右，朋友飲左。其實我都經常黎飲，所以除左芋頭鮮奶都想試其他野，今次就伯爵茶豆奶，vegan都岩飲。重點係芋圓！黎呢到一定要飲芋圓，同珍珠一樣煙煙韌韌但又冇珍珠咁難消化。（個人黎講）有時飲珍珠會勁滯，頂住頂住咁。呢到飲芋圓都會飽，不過就冇咁頂住。不過飲過咁多次之後，最最最好飲都係芋頭鮮奶。連朋友本身唔食芋頭都覺得好味。係會比其他茶甜少少，因為芋頭都帶甜。我自己就會叫微糖。芋頭同奶真係絕配！！有別於其他珍奶店，呢到有位坐，仲有得叉電！有時約左人又未夠鐘可以係到飲杯奶坐陣，禁電話都唔怕冇電。…Read More

今次一行６人，朋友係BOOK左位，未等齊人都比我地入去坐住等。唔知佢係咪大集團旗下啦，個人感覺就似係既。店內都整潔乾淨，坐得舒服。木瓜柚子沙律好清新好fresh，不過就唔好擺咁耐喇，等下等下越食佢越出水串燒併盤食東南亞菜最穩陣一定係串燒。如果串燒都難食，都應該做唔住架喇。呢到串燒都穩打穩陣皇牌：椰青焗飯理想與現實都相乎，真係好似幅相咁滿到瀉椰味超濃郁，仲可以刮埋椰青入面Ｄ椰肉食（按個人喜好）有DD泰式椰汁糯米飯既感覺（呢個唔係糯米），雖然係咸食但又有少少青甜椰香咖哩牛腩配薄餅牛筋好淋好好味，配一塊薄餅略嫌唔係好夠喉菠蘿炒飯不過不失, OK一分錢一分貨，未至於人間美食，但呢個價位呢個質素好滿意既。…Read More

晚餐時間7點左右去到已經排緊隊，等左兩張枱左右店內座位唔多，BAR枱單邊位4~5個，對坐位10~12個位，店內空間比較狹窄。如果住附近外賣番去可能仲好，唔洗等位又唔洗同人逼。當晚都見到不少人外賣拎走。餐牌友人點左: 蜜糖芥末菠蘿豬堡見佢一路食一路滴汁我點左：黑松露芝士牛堡都一樣勁多汁，即叫即整熱辣辣，牛味香濃不過食漢堡就係有D"呢HEA"，成手汁，個口又唔夠大跟餐再+$5轉蕃薯條，個人十分喜愛蕃薯佢呢個好食係好食，但又唔覺得佢特別驚喜。下次再食唔會加錢轉LU，薯條一樣咁好食。講到全晚最好食........炸。燒。賣！！！！小弟孤陋寡聞，真係冇諗過燒賣原來可以炸。炸燒賣個口感真係好特別好過癮，外面脆卜卜，內裡仲好軟糯，加埋沙律醬真係十個屋企自己都可以試下整呢到味道一流，貨真價實缺點係好多即棄餐具:(基本上所有器皿都係即棄....但係我都好明白紙盒成本係低過請個人洗碗…Read More

老實講，個招牌我load左陣先load到係ocio😂好藝術今日一行4人，係OpenRice book左，唔洗等，不過要齊人先入得。座位唔多，我地用餐期間都keep住坐滿。點左兩個餐（豬肋骨配薯條，魷魚墨汁意粉）、蜜糖雞翼、伯爵茶pancake魷魚比較韌，雖然未至於咬唔開，不過有少少overcooked，可以做好啲。墨汁意粉不過不失，要注意既係同曖昧對象黎就唔好點呢個喇，個咀同牙黑蚊蚊就唔好睇啦。今次同幾個老友，大家個咁黑哂都唔緊要😹雞翼冇令人失望，好好食。但係5隻入面我食果隻有少少生☹️，雖然好好味但中間生生地果啲冇食到。豬肋骨係偏乾，都係有啲overcooked但係配菜既薯條就超好味！可惜份量有啲少，4個人每人幾條就冇。最後最最最好食既係甜品！伯爵茶香又唔會太死甜，啲醬熱辣辣再加雪糕，冰火感覺好好味呢個甜品4個人分，咋一聲就食哂。總結：呢到小食同甜品都超水準滿分，可惜主餐就麻麻地。重申：主餐係差少少不過都唔係難食，可接受。不過要黎食既話就食小食同甜品啦！…Read More

係尖沙咀區食晏真係閒閒地都要$50，呢到50蚊有找，份量仲要唔野少！真係打工仔喜訊講明先，我覺得呢到好唔係因為好味，只因一個字「抵」Lunch Menu $48包野飲，都係啲打邊爐料丸果啲照自己喜好揀湯底，3個送，麵個人喜好蕃茄湯，拉麵野飲真係超大杯，冇一次可以飲得哂，珍珠奶茶就試一次就不了啦湯係每鍋溝出黎，因為試過同事點一樣既湯，佢個勁濃，我個超淡每次食完都好口渴撇除健康考慮，呢到填得飽肚，大件抵食要考慮既係你lunch hour夠唔夠時間比你打邊爐等佢滾再攤凍佢食…Read More

呢間餐廳由我開始係呢區番工開始，每月lunch起碼食一次，同事都幫襯左十幾年，每個月都期待佢出既日替menu，同事過時過節既「造節」lunch都係佢，工作受左氣都靠佢釋放。附近既打工仔應該都識佢，尤其日本人。老實講，寫太多好評太多人黎食我冇位食點算😹不過都介紹下lunch黎食過好多次，每月都有唔同lunch日替menu，以下係lunch既相個人：比起刺身，呢到一定係熱食好味好多，網燒牛，燒魚，炸雞都係我至愛網燒牛肉，超香牛味！唔會un 吉列池魚，all-time favourite，缺點係份量太多又太好味，就算飽都想食哂佢，最後太熱氣個口會損😹日替lunch menu例Lunch食得多，晚市黎食都係第一次今日點左魚生飯，喜之次開邊燒，串燒拼盤，芝麻雞翼，再點埋酒個人好愛食魚，燒喜之次魚燒到皮脆脆地，肉仲超嫩，魚油慢慢滲出黎，感覺到每一啖魚油入面啲omega3衝緊入味蕾串燒-炭燒好香，又係要趁熱食今晚最最最好食係雞翼，熱辣辣脆卜卜好惹味，送酒一流個人推介熱食：燒魚、串燒、雞翼、炸池魚、炸雞、網燒牛等等，我本身唔太好刺身，刺身新鮮就好食，始終都係日本食新鮮啲。曾經有次日替有燒年糕，好食到真係仲念念不忘，可惜問過店員哥哥平時menu冇總結：其實hokahoka都唔算隱世，特別係日本人圈子，個人唔係希望佢變到好出名日日排長龍，開分店上市咁，只係想話比大家知尖沙咀呢間日本野雖然唔平，但物有所值，係我番工動力…Read More

呢間野開左起碼廿年，廿年前曾經風光，獎門人啲獎品實有佢份。宜家同獎門人一樣都已成歷史喇。細細個屋企人都帶過我慕名而來，當時對小學生黎講都覺得好食。宜家家人年長了，記憶仲停留係以前，縱使一早聽聞呢間野風光不再，但有咩緊要得過家人，家人話想懷緬下咁就做孝子啦。訂左位，所以黎到帶左我地十幾人入後街。OMG.....真係一行到後面街已經嚇到食唔落環境非常惡劣，完完全全係「後欄」，你行過就望到哂個廚房環境，你企番陣就可以睇到碟刺身點誕生。後欄加啲燈飾就可以變「日本街」，留番比大媽慢慢影啦後欄門口一行十三人，嗌左啲壽司，炒烏冬炒飯，老人家拍板。都係啲老少咸宜既野食質素⋯⋯我只可以話係茶餐廳扮日本菜比咁既價錢我點解唔食好啲？老實講，如果佢平番一半我都可以順氣啲比個OK咁既價咁既衛生環境…Read More

地點方面，唔熟悉呢區既係有少許難搵既係城市花園酒店對面既小商場門口餐廳內環境個人覺得算係文青風，再配live band表演，由搵位到拎餐執枱都係全自助。食幾耐睇live band坐幾耐都冇壓力。點餐counter旁邊仲有蛋糕，每日唔同花茶，仲有live band schedule話比你知幾時有咩performers 好喇，重點喇西西里汁吞拿魚意粉，今日餐湯係菠菜忌廉湯味道不過不失，10分我比7分，可以有進步空間但係$60個餐我覺得非常不錯卡邦尼意粉個人真係好like呢個，味道真係好味既，9分啦，1分進步空間但係同我認知既卡邦尼有少少出入，佢係冇芝士，蛋都唔係撈落個汁煮係烚蛋。可能係佢既style啦，都好好食。不過叫煙肉蘑菇白汁意粉+烚蛋會貼切啲啲囉。兩個意粉缺點都係汁多左少少，睇張相都見到個卡邦尼好似湯浸咁，個汁可以再杰啲咁就perfect池喇。（不過卡邦尼個汁真係好好味😽，令人好矛盾）本來都想試下蛋糕，個樣真係幾吸引，但係食完正餐已經好飽。要下次再黎先試到喇。Tea time可以黎試下蛋糕set整體黎講，$60個餐絕對物有所值，個人最愛個卡邦尼意粉，個白汁真係飽都令人想食哂佢，仲有得聽歌扮下文青題外話：本來以為呢啲地方係年青人先會去，意外地今晚一家大細又有，銀髮族都有，唔一定文青先去得…Read More

想打邊爐，個人唔食辣，所以bye bye隔離個雞煲試下呢間夜晚6:15左右到，已經有3-4枱食緊。坐低店員哥哥就問我地係咪第一次幫襯，之後好耐心介紹個menu同推介哥哥仔服務真係好好！基本上都跟佢推介既黎叫，湯底揀牛骨湯根據店員介紹，湯底係工場每日淆製飲落都清甜唔覺好味精死咸，每煲都咁大舊骨，我相信都真係用好多骨淆出黎實在分左太多部位，我完全唔識分，總之就跟店員哥哥推介既黎叫，我都唔知究竟食緊咩位，總之就好食話入口即溶就太誇張既，不過柔軟嫩滑，未係即溶不過都feel到有少少溶呢個雪花樣既好好食好多人打邊爐要配啤酒汽水，呢到都有不過要強力推薦呢個聲稱自家工場製造既菊花茶，另外仲有酸梅湯，共3款自家工場造既飲品。呢個菊花茶係清甜，解邊爐既熱氣一流另外，友善親切服務一流既店員哥哥6點半左右收左工，之後開始人多，我諗之後就冇咁好service。7:15 前埋單88折食到肚都爆…Read More

今次同客戶食飯，揀左4星酒店，價錢唔算太貴又大方得體。因為同客食，都冇影太多相。食物質素都拍得上6星酒店，我諗4星同6星既分別就係服務，其實呢到服務都無可挑剔，就一般西餐廳咁。人手唔係太多，全場見到3-4個waiter（目測冇細心留意）。我諗6星酒店應該係會有更多貼心既服務。Lunch係semi buffet前菜係buffet，選擇都幾多，芝士配蜜糖真係好好味👍🏻👍🏻👍🏻👍🏻主菜可以揀，今日主菜有risotto, 燒春雞，羊架同魚，我揀左魚睇落份量唔算多，好似好細份但係極之飽（女士）其實係隻碟好大魚皮香脆魚肉嫩滑，薯蓉好creamy味道洽到好處加百幾蚊full set有埋甜品今日係香蕉朱古力蛋糕個人就麻麻地香蕉朱古力，不過唔太漏份量岩岩好…Read More