kyclky's Profile

一行四人打完邊爐之後想搵甜品食作個完滿結束,朋友提議去松記...GOOD!可以試下呢間我O係銅鑼灣做野幾年都冇試過既糖水之餘,亦可以散散步為飽到想嘔既肚皮運動運動!!近期因為成日食綿綿冰食到厭,但天口熱又想食好凍既野,於是叫左個香蕉冰,朋友們都另外叫左2個,但我唔記得咩名.....可以走奶同芒果汁,或者另上,想多奶或者芒果汁要加$5等左5分鐘度就有..3個冰既外觀都幾靚,不過一眼已經見到D冰刨得唔夠碎,咬到我D牙好淵味道幾好,唔太甜...其實最主要係佢個奶好正,好滑好香.....食到一半既時候,大家都發現中間有好大舊等佢溶都要幾粒鍾既大冰塊,跟本就食唔到,所以放棄左......另外又叫左個芝麻雷沙湯圓,皮夠薄,食入口一咬,D餡涌出黎,朋友們都紛紛讚好朋友話食完好似冇食咁!因為唔太好味唔盡興,所以又叫左個糖水,呢個就真係唔錯!D珠彈牙,加埋D奶,正!成碗野唔花巧反而幾好味!其實成餐都幾好,係俾D冰扣晒分,如果冇食冰應該會俾笑…Read More

近日於OPENRICE發現此餐廳好評甚高,於是相約友人一起來湊湊熱鬧....出發前先訂枱及半隻招牌燒乳豬;得悉狗隻可內進,即訂了戶外的枱(下午時還擔心因為下雨要取消呢~)7:30到達時,幸運地還有一個車位,泊好車就趕緊坐好點餐~一行三人點了冬陰公湯($88),紅咖哩牛肉($78),泰式串燒-豬肉及雞肉($78),薄餅($18),和預訂了的半隻燒乳豬($250),不用十分鐘已陸續上菜了!先喝冬陰公湯,眼看已見到數隻大蝦,用料頗足,味道酸多於辣,香料不會太重,不過不失!接著上場是燒乳豬,紅咖哩牛肉及薄餅,此時侍應順道過來替每人加飯,飯是免費任添,對於身為一個飯桶的我真是一件天大樂事!!不知是否先入為主還是期望太高,燒乳豬沒有想像中的美味....當然它仍是比坊間的優勝,但還不夠鬆化,皮肉分離,還要$250半隻實在有點貴,此時令人懷緬起法蘭度的燒乳豬.....紅咖哩牛肉的汁用來配飯跟薄餅都好吃,但沒有太大驚喜薄餅早已放涼,吃時感覺只能說是普通餅皮....最後泰式串燒-豬肉及雞肉上場,燒雞肉是整桌飯中最好吃的!夠滑夠香!燒豬也沒有燒得太乾,配沙嗲醬撈白飯一流!總括來說,個人認為這個價錢應該有更好質素....似乎..它不能令人留下深刻印象!…Read More

此甜品屋開張時,正值中學時期,故經常與同學到此小敍一番,至今已有數年沒有踏足此地...記憶中味道與坊間同類型店舖沒多大分別,當時來說可能只是款式新穎取勝,只有紫晴湯丸令人留下印象.....因家住大埔的同事們"吹雞"放工宵夜,終於有機會舊地重遊!甫坐下,已嗅到陣陣厠所傳來的氣味於是決定速戰速決!綠豆沙,小氣啫喱此類糖水與記憶中一樣,沒什麼好不好吃可言....而我的目的椰紫湯圓依然保持水準!主角紫晴湯丸依舊皮薄餡靚,湯丸皮嚐到丁點紫米味,奶黃與椰汁配搭味道清甜!我知道以後來Rainbow真的只是純粹為了湯丸!…Read More

兒時家中必有一罐咖央醬,天天放學回家都塗一塊麵包吃,但香港有供應咖央多的餐廳真是少之又少,一直只能回味.直到土司工坊的出現,終於可以重溫舊夢了!發現它時因為已經吃過飯,所以只單買了一客咖央鮮油多~麵包烤得夠脆;咖央充滿淡淡椰香味,入口綿延;略嫌鮮油過厚,咖央味道稍被掩蓋,而且吃後會有絲絲犯罪感呢~…Read More

近排愛上左食腸粉加車仔麵料,見到呢間有就同朋友入左去試....叫左一個腸粉+豬腸+豬紅+魚旦+燒賣($30),首先腸粉D皮厚到爆,唔知點解唔索汁;豬腸D蘇味比我之前食過既蘇十倍,蘇到臭!豬紅最正常...魚旦皮硬,但都算係咁....燒賣都冇野既,粉D同蒸過龍少少O者....朋友1號就叫左個三餸車仔麵(蘿蔔+豆卜+豬皮+粗麵)($21),蘿蔔中間生而且老;豬皮好似原塊冇切咁上,超大塊,又係硬既...好彩豆卜同個粗麵都正常朋友2號叫左擔擔麵(約$24)個阿姐落單既時候話有中辣,但食落一D都唔覺邊忽辣!個麵煮到OVER晒,好似一PAT野.....最後叫左三杯野飲(@+$5),其中一杯香芋珍珠奶茶,飲落糊口,好似D痰.....不過佢D珍珠值得一讚,彈牙有甜味,唔會太軟!…Read More

木糠布甸係我最愛既甜品,梗係要試下佢啦!同朋友食完晚飯仲有D空虛感,就去左呢間試下...朋友叫左牛奶綠茶綿綿冰清清地唔會太甜,入口化左陣風..之前已經試過幾間,無論賣相味道都係呢間最好!我就叫左個原味木糠布甸,好似木糠布甸味既雪糕,但雪得更實...都幾得意既....不過都係鍾意食輕軟D既口感…Read More

因為家住粉嶺,燕雲莊成了我家飯堂,通常比較鍾意午市去,有豆漿/紫菜湯/酸辣湯送一家四口必點雞翼菜飯,雞全翼半煎炸,雞肉嫩滑,菜跟飯比例均勻酸辣湯絕對係重點推介,酸味同辣味唔會互搶風頭,入口濃烈而不涸,唔會水稀稀,湯料多,豬紅絲蛋絲彈牙,每次一定另點一鍋鯨舌先夠皮雞絲粉皮也不錯,但沒有太大驚喜小籠包晶瑩剔透,薄皮內包住熱辣辣既湯汁同豬肉....但一定要襯熱食!京蔥羊肉麵麵質爽滑,京蔥清甜,二者連湯入口,真係頂呱呱!好可惜羊肉令成碗麵錯晒!唔加好過加!唔講唔會有人知道佢係羊肉,完全冇味!!得閒去食下的確唔錯,價錢相宜可以食到好滿足!…Read More

黎王家沙食飯,個人認為四人以上更佳,主打必點:蒜泥白肉,賽螃蟹,松子桂魚,紅油抄手...:蒜泥白肉用豬肉片捲青瓜蘿蔔絲,清淡中有一點辣,作開胃菜不錯!賽螃蟹的蛋白嫩滑彈牙松子桂魚炸得乾爽香口,甜酸汁不會太濃,魚肉亦保持爽滑~紅油抄手有咬口,餡料剛好足夠不會太多,辣味適中亦有一些不過不失的菜式: 酸辣湯,三絲粉皮,蟹粉小龍包....但黃金蝦就不吃也擺!蝦殼炸得唔夠脆,唔可以連殼食,肉質炸到實左,唔夠鹹香!甜品一定要叫高力豆沙球,唔會太甜,非常鬆軟,豆沙味清香~…Read More

遊澳門一定要去法蘭度!!有特色,環境正,食物佳!未叫野食之前,侍應已經放底一籃熱辣辣豬仔包,外脆內軟,落少少牛油已經好香,但係唔好一次過食晒,一定要留番D....好戲在後頭~先黎一個熱情果汁,清甜既果味,鮮榨出黎唔會溝水溝糖,解渴!再黎一個必點既燒乳豬,O MY GOD!世上竟有如此好豬!!端來時,中間肥膏已烤至半溶,肉質一黠也不乾,味道甘香濃厚而不膩,乳豬皮前所未有既鬆化.......加少許檸檬汁食更清新~剩餘既豬仔包必有其作為........最後黎個咖哩蟹煲,蟹肉一般;加埋豬仔包落去點汁食,正!另外叫左一個炒蝦,個人認為不吃也沒有損失....…Read More

基本上市面既壽司店(羽,一,阪前,元氣,活,峍........)大致都試過,唯有和花亭一直保持水準而且能力壓群雄!魚生新鮮,大小厚度適中;壽司飯軟硬及酸度亦拿捏準確,不會一夾就散,外觀味道都屬一流!!必須推介鰻魚芝士卷($25),鰻魚夠甜夠軟,與芝士及牛油果一同放入口非常夾;另海老天婦羅壽司($25),蝦夠大隻,炸皮薄脆,不會蝦還蝦,皮還皮;咖哩甜蝦壽司($22)既蝦亦彈牙,咖哩咪濃郁之餘又唔會搶左蝦既鮮甜味,可見食材新鮮!!玉子壽司($10)更加係必食,大大件玉子中間夾住一口飯,玉子又熱又香,GOOD!!其他食物如: 海膽魷魚軍艦,燒牛肉壽司,帆立貝壽司,炸蠔壽司等都值得一試!可惜上水分店裝修後已取消半價優惠,如果正價食會建議去總店(尖沙咀海運);另旺角分店水準較上水遜色~觀塘分店只在開幕時食過兩三次,海老天婦羅壽司是眾分店中最好食~…Read More

放工已十點,一行三人唯有到人多擠迫既旺角搵食,此食肆環境於旺角區黎講已經算幾乾淨~食物種類及款式頗多:燒物,拉麵,天婦羅,壽司,剌身,前菜........:蕃薯天婦羅值得一讚,蕃薯夠清甜亦是新鮮炸,炸皮厚薄適中剌身選擇亦多,放題形式既食肆黎講算幾新鮮燒物就不過不失,有提供黑椒粉及三款醬汁吊味..飲品自助加添,利賓納,汽水.....大多數似溝稀左既糖水(同其他同類形食肆一樣)埋單前一人會有一杯雪糕作甜品~如果一班朋友想圍埋傾下計,食下野,呢度係一個唔錯既選擇(旺角區黎講),唔會太嘈又比較乾淨.但個人認為呢個價錢黎講,食物唔算太突出!…Read More

同朋友兩人去食晚餐,叫左一個栗米波菜意粉($34),一個龍蝦汁海鮮意粉($39),各包一個酥皮湯及一杯飲品.栗米波菜意粉: 栗米最正常,一般罐頭貨;波菜冇味;最攞命係個意粉!40蚊個餐都唔預佢有咩驚喜,但係個意粉都唔好好似未煮熟咁,係又乾又硬嫁囉!D汁又唔夠撈意粉.....另外個意粉亦一樣....酥皮湯: 酥皮OK;但係個湯煮既時候未搞勻,有好大既結塊...飲品: 凍檸茶渾濁,熱華田成杯奶水咁....稀到阿媽都唔認得!以上任何一樣大家樂或大快活都做得好過佢.....…Read More