ChloeCheng0.0的個人專頁

拉麵的味道實在令人失望，整體上有一種極大浸鹼水的味道，讓人感覺食材的鮮味幾乎全無。而上面的餸料完全是剛從雪櫃裡拿出來的，吃上去凍冰冰，感覺非常冇誠意，根本就沒有經過加熱處理。整碗拉麵的溫度都不夠，吃起來完全沒有熱乎乎的感覺，實在讓人費解，為何會有這麼多好評，讓我感到困惑，似乎與我實際的體驗大相逕庭。 另外，雞白湯的味道也相當濃烈，吃完之後口腔感覺乾渴得厲害，不得不喝好多水來解渴。這種情況讓我對這家店的好評產生了質疑，難道大家都習慣這樣的味道嗎？這次的用餐體驗實在不佳，畢竟在美食的世界裡，我們都希望能品嚐到真正美味的佳餚。 除了職員送餐和結帳，幾乎都睇唔到其他人。整體來講，這次的用餐經歷讓我覺得相當失望。…查看更多

前一日係Openrice book咗枱食飯， 餐廳都有打嚟confirm Booking。當日book咗8:30pm， 8:15pm已經去到，店員話要等多陣就嚟有人埋單。ok唔緊要，橫掂係我哋早到。點知一等就等到9pm，都 仲 未 有 枱！其間我哋都有問過有枱未，佢同我哋講話執緊枱等多陣，但係我哋都見唔到有人走。 9pm 左右，又有店員行出嚟問係咪人齊，話執緊枱，其實我哋一早齊晒人！都已經唔想再入去，因為真係仲未見到有吉枱，同埋餐廳閂10pm，要趕頭趕命食完，基本上都無得同朋友傾偈，所以我哋就唔再等。雖然無入去食，評唔到佢食物質素，但整體個體驗同服務態度已經負曬分…查看更多

開左個account好幾年都未寫過一篇食評，就係食完呢間火鍋店，佢地既服務驅使我一定要上黎寫！而且我地亦唔會再幫襯呢間野！.上星期我地一行四人去打邊爐，一坐底會有啲前菜比我地食，有一人一隻無味既鮑魚、一碗蟲草花雞湯同刺身，個湯就好鹹，而個刺身唔係新鮮果隻，又無咩味。.講下個雞煲，其實味道係不錯，可以再追加（追加是免費的，但要小心食唔落之後既火鍋）。食完雞煲，佢會幫你轉過個煲正式打邊爐既，火鍋配料其實都係普通貨，無咩特別。.當晚個場唔full，仲有成個後場都未有坐人，但係就偏偏搵個侍應落單都要等好耐。而當幾乎全程都係一個貌似女經理既人招呼（唔知係咪咪經理，但佢套衫係唔同d既，又會指點其他人做野）。就係呢個經理態度好差，當我地食完野叫佢上甜品時，佢就問「你地比現金定用支付寶？」，我地即刻R曬頭心諗「吓，我地話上糖水，唔係叫埋單喎」。但其實我地完全唔知呢間野係只收現金唔收咭。跟住佢見我地有疑惑就講「如果你地比現金就食椰汁xx，比支付寶就食xx糕」，xx係因為佢隔好遠咁同我地講，我地真係聽唔清楚有咩食，不過食咩都唔緊要，只係諗緊大家身上有無足夠既現金比，但無都唔緊要，因為我地無人有支付寶，所以就算果刻唔夠現金比，都一定要落樓搵ATM禁錢。所以我地就答佢「比現金」。 .糖水來了，原來係碗超重椰汁味既「燕窩」（因為唔肯定d透明一舊舊既野係唔係），難食到暈，啖啖椰漿咁既味，得個甜字。.之後，我地發現唔夠現金，咁有朋友就立刻download支付寶試下玩，然後再叫佢過嚟埋單既時候問佢可唔可以比支付寶，然後佢即刻起槓話：「吓，你地頭先話比現金㗎喎，依家糖水都食埋啦喎！」呢個疑似經理既態度十分惡劣，好似我地呃左佢糖水食咁！？.到最後朋友落左去禁錢上黎，走果陣我地諗，應該係佢地覺得比現金多啲錢，所以碗糖水會「高級啲」，用支付寶比既就會「遜色啲」。而事實上作為一個顧客，根本就唔會知道呢兩碗糖水嘅價值係幾多，佢地根本冇同顧客解釋過就咁樣發惡，莫名其妙，總括黎講，經驗十分差，不值再去！…查看更多