一評人's Profile

本小姐都好耐冇寫文，今晚同個姊妹去明食咗好西，幾大就幾大，老虎蟹就老虎蟹，點都要出嚟介紹一下！今晚去咗 天后 一間餐廳叫 ROJO，係新派Fusion西班牙餐酒館。入到餐廳，睇到啲menu，五花八門，我又有選擇困難症，都唔知食乜好，就叫咗個二人餐試下啦。1) 油甘魚他他配牛油果，好精緻， 好有fine dining嘅feel，好好味，又食得又睇得。2) 蕃茄銀魚柳多士，睇落都好靚，味道好特別，對西班牙認識好少，淨係知道有球隊叫西班牙隊，我好少食西班牙嘢，感覺好新奇。3) 西班牙臘肉腸片，通常會食parma ham，但係西班牙腸就真係第一次食，感覺又唔似中國臘腸，又唔似泰國臘腸，但係有鹹鹹地又香，好特別。4) 炸西班牙青椒蒜頭粒，一講到炸青椒，第一時間我就諗起煎釀三寶嗰啲嘢，不過食落又唔係嗰啲味，好特別！原來青椒係甜，唔係辣嘅。5) 黑毛豬火腿+薯仔沙律+蛋黃醬， 成個組合好特別，食落好好味，我覺得黑毛豬火腿比parma ham仲好味。以上嘅5道菜係Tapas，然後就有主菜。西班牙海鮮飯，呢個我知呀，好出名嘅西班牙菜式！亞洲人都鍾意湊米氣，原來老外都鍾意湊米氣；呢個飯有好多材料，有虎蝦、蜆、青口、魷魚、豬腩肉，味道好香又好味又惹味，超級好食，仲好大盆。之後就有甜品，我哋就揀咗西班牙肉桂油條，真係冇諗過原來老外都有油炸鬼呢一樣嘢！不過味道就唔同，又鬆脆又香又甜，配合啲雪糕，好鬼好食。今餐超級超級滿意！…Read More

Friendship never ends, 今晚就同老同學一齊食餐飯 , 傾下啲那些年的事。我哋去佐「逸月軒」叫咗個「海鮮二人餐」。海鮮二人餐，菜色如下。燒鵝拼叉燒王，叉燒燒到好香口，又軟又淋，係半肥瘦好好味 ；燒鵝皮脆肉香，好嫩滑，比元朗啲街邊嗰啲燒味舖好味得多。蒜蓉炒菜心，蒜頭炒得好香，夠鑊氣菜，心鮮甜，夠油水。古法蒸龍躉斑件，龍躉皮好好食，龍躉肉又香又滑又夠嫩，有魚味，唔係太油膩，都唔係好多魚骨。蒜蓉粉絲蒸鮮元貝，元貝好新鮮，加埋蒜蓉粉絲，真係一流，好有鮮味。上湯焗波士頓龍蝦伊麵，賣相好見得人，龍蝦大大隻，又厚肉好有龍蝦味，上湯好正，夾埋個伊麵食，真係好豐富，豪華感爆燈。最後仲有兩個甜品送真係100分 友誼都是一百分！！…Read More

本小姐兩年來都冇出個post，今次出文當然就係有啲問題啦。話說農曆新年前冇耐行過SSP，見到間「卡邦尼餐廳」Wow好吸引人嘅餐廳名，正所謂一聽就嚇一跳，食落就得啖笑！做人呢原來真係唔使太認真。入到去餐廳，正因為個名叫卡邦尼，就諗住叫個卡邦尼意粉試下，點知佢話今日賣曬 ，咁就唯有選擇其他嘢啦。燴牛脷，係我嘅second choice。首先嚟嘅係一個紅湯，即係羅宋湯， Oh No！唔係呀化？！稀nel nel，完全好似係用茄汁開水 (有圖有真相呀)，然後掉啲蔬菜滾兩嘢咁樣，完全接受唔到。燴牛脷飯，個蒜蓉汁鹹到mummy都唔認得，而且個汁係行貨溝出嚟嘅，兩片牛脷，睇嚟係雪咗好耐，食得出仲有雪氣味，又唔夠淋，硬過柴皮，亦冇牛脷香，真係頹飯一碟。請我都唔會再嚟食！…Read More

綠林甜品，每次見都排曬長龍，出名芝麻糊，以前食過都算幾好味，不過好耐冇嚟食囉，今次經過就入去食一碗啦。滿有期望叫咗碗芝麻糊嚟食，食咗一啖，Oh No！味道大不如前，話人手炒又話乜嘢黃金比例，芝麻味好香 bla bla bla, 我又唔係好覺囉，我仲覺得係太甜，比例唔好，蓋過咗芝麻啲香，唔好食。Very disappointed 就係今次嘅經驗。經過今次之後，我覺得我唔會再嚟食。我衹係講出真實的一面，唔係打手，味屈我 ! !…Read More

話哂香港人咁，係會食車仔麵，食車仔麵梗係去 葵涌廣場 「黃店」 孖寶車仔麵! 呢間「孖寶車仔麵」喺葵涌區享負盛名，不論男女老幼，黃絲或是警察，老闆或是工友，都總會嚟幫襯。魚皮餃拼豬皮-油麵 (招牌辣醬)，呢個招牌辣醬真係好味到冇得頂，又香又辣好有層次，豬皮煮得好入味，煙煙韌鋼又滑嘟嘟，魚皮餃實實淨淨又香口，真係好味。再叫埋個街知巷聞，出曬名嘅「油雞脾」浸到好入味，雞皮就係精髓，雞肉都同樣嫩滑入味，very good。…Read More

Home office，自由度多左，時間都多左，做完野，屋企得番我一個人，悶悶哋，就去Aeon行下，賣下日用品，行到去「中島水產」個一part，見到魚生壽司又平又靚，就買一盒 三文魚腩壽司 返屋企慢慢食。一盒三文魚腩壽司有五件，三文魚腩又厚身又大件! 唔係即叫即做嘅壽司，嘅質素大家做估到會係點，本來就唔會喺要求太高。不過呢個三文魚腩真係好肥美好香口，壽司飯都唔太差，好好味! 真係有啲 out of expectation，五件真係唔夠喉，早知買多幾盒。…Read More

我同個Sis都唔太食得辣，但係落車就見到呢一間出名嘅四川麵店，所以就膽粗粗入去試下，真係膽搏膽！呢間舖頭好hard sell，好標榜佢哋係用正宗四川煮法，我唔知因為我冇去過四川， so it doesn't really a matter to me, 對我嚟講最重要就係好味。麻辣狂牛麵 (小麻 & 微辣) 餸係牛腩、牛展、牛柏葉、肥牛、菜，飲一啖湯，嘩！都已經辣到好似啲火箭爆發咁， 我叫只係微辣，都咁嘅程度！真係勉強頂落去！ 我覺得個麵好淋，嗰啲牛腩、牛展、牛柏葉、肥牛嘅味道都係好一般，同一般車仔麵店嘅味道差唔多; 個麻味我都ok得，但係啲辣我就真係受唔住。蒜泥白肉，味道好咸，豬肉好乾柴，我唔算喜歡。麻辣土豆絲，味道唔算太過辣，我都頂得住，仲有啲酸酸地，反為喜歡呢一個。黃金皮蛋同，我平時食開嘅皮蛋味道有少少唔同，唔知點解喺金黃色，味道都ok啦。海帶絲，又都係麻麻辣辣咁樣嘅味道，口感唔錯，不過點解乜嘢食物都係麻麻辣辣嘅味道呢？ 搞到好似食乜嘢都一樣咁。菊花蜜，好甜好甜好甜，搞到要自己加水落去，調反淡來飲。四川冰粉，味道好特別，滑滑捋捋又透明，但係個味道係好甜。綜合我食過所有嘢，得出一個結論，就係我唔太鍾意食。 食完呢一餐之後，我成晚飲咗好多水。 睇嚟唔太適合我。…Read More

今日同個friend去咗 "黃店"食dinner, 發覺原來呢度有board game玩， 呢度好過癮，咩年齡階層嘅客人都有。間餐廳出曬名啲drinks正，食物就以西式/港式fusion食品為主。Hot Baby Toddy, 喺暖笠笠嘅麥茶裏面加入蜂蜜、肉桂、檸檬，味道甜甜蜜蜜又啲酸酸地，好飲又健康。黑椒手打牛肉芝士漢堡配薯條，好味又價錢平嘅burger唔係周圍都有，但係呢度就食到！呢個漢堡包，嗰個牛肉打得好好味，好夠肉味又juicy，黑椒汁好香又唔係太辣又夠惹味，個burger麵包又鬆軟， 加埋好味嘅芝士，真係超級好味嘅漢堡包。薯條炸香口又脆身又好有薯仔味，好好味。我朋友食嘅係紅酒燴牛脷飯，睇起上嚟都好好味，不過我同佢雖然friend，但係又未係friend到可以交換食物嗰隻，所以我唔知係咩味。#5percentcafe #mkcafe #cafe #hamburger #黑椒手打牛肉芝士漢堡 #黃色經濟圈 #黃店 #良心小店 #撐黃店…Read More

原本想入去食，不過見到好似冇乜位，所以都係買外賣飯盒返屋企食好。椒鹽豬扒配海鮮炒飯，得嗰兩隻蝦仔同丁點咁多嘅日式魚卷同仿蟹柳就話海鮮炒飯，真係 no eye see ; 但係原來個重點唔係炒飯！而係件椒鹽豬扒！呢個椒鹽豬扒就好香口，肥瘦均稱，肉又夠鬆軟，一啲都唔乾柴，仲有好多炸蒜頭之類咁樣嘅好香口惹味嘅配料！夠味得嚟又唔會太咸， 堅係大師傅手勢！好有以前大排檔風味，都真係好好食。外賣飯盒嘅返到去屋企食，都咁好味，如果堂食嘅話一定會更加好味！…Read More

早餐係每一日嘅開始，所以我好重視早餐，通常我自己會喺屋企自己煮早餐食，不過今日就去咗大家樂，但呢個早餐就大失望！花多眼亂唔知食乜嘢好，所以就叫咗呢個 魚柳炒蛋餐: 呢個牛乳炒、蛋魚柳，完全唔好食，炒蛋嘅溫度不足，但係睇下落去都知唔係即炒嘅，又薄又少又冇乜味; 炸魚柳啲炸粉好厚，咬落去好硬好乾，而且仲係冇乜魚味; 蘿蔔糕食落去冇乜蘿白味，粉多個乜，唯一好處就係煎得算係香。杯凍檸檬茶都好似正正常常，但就係好甜味道上好頹，大崩壞！大失望！…Read More

甚少去Coffee shop，因為自己本身唔係好鍾意飲咖啡，而我身邊嘅朋友除咗我老闆之外都冇人鍾意飲咖啡嘅，又或者係我根本覺得唔知去coffee shop個做乜。不過今日就特別唔同，因為約咗保險agent，傾一傾嘢，係佢嘅我喺呢間Pacific Coffee傾。唔係好鍾意飲咖啡，所以就買咗唔係咖啡嘅飲品嚟飲，而且見都幾特別。有機薑黃胡椒茶+蜜糖，見到咁特別於是就叫嚟試下，味道鹹鹹酸酸又有蜜糖嘅甜，有啲香味，味道的確係好奇怪，覺得味道唔係好平衡，自己就唔好接受得到。而且老實講，價錢都幾貴。…Read More

屋企人提議去 Euro go go 食西餐， 點知換來係一肚氣。食物係冇 Euro 味道，完全係港式味道，可能只比茶記稍好。芝士吞拿魚意粉套餐，套餐包括餐飲、沙律、意粉; 檸檬茶嘅茶底唔係好夠味，檸檬都唔係好夠味; 沙律係用油醋醬，蔬菜品質唔太靚，味道普普通通。吞拿魚芝士意粉，好細碟，分分鐘一般國中妹都唔一定夠飽，意粉未瀝乾水就撈汁上碟，意粉嘅質感又好淋bebe， 芝士白汁sauce嘅質地有啲水汪汪，味道都好一般，整體感覺同味道都好頹。…Read More

今日公司叫我去 Life@KCC 做啲嘢，提早完成就去食個下午茶。支持 #黃色經濟圈，當然去搵間 #黃店， 係呀！原來呢一間「南記冰室」係黃店呢！ 冰室嚟講裝修都唔錯，而且都幾好坐下，最起碼夠冷氣又唔會話太凍。我叫咗個福建炒飯， 雖然係下午茶，但係呢一碟福建炒飯都好大碟，睇嚟一般女仔就唔會食得曬，但係我呢個女漢子就另作別論福建炒飯，好足料，有蝦仁、火腿絲、肉絲、魷魚、仲有一啲雜菜豆，個芡汁嘅味道啱啱好，唔會好鹹，我覺得個廚師嘅炒功都唔錯。跟埋一杯餐飲熱檸檬茶，真係perfect。…Read More

雖然啱啱過咗五一黃金周，但仍然都係要支持黃店！ 大家都要努力支持黃色經濟圈！葵涌廣場，集合咗好多黃店，而有一間新開嘅就係「珍煮丹」。即刻買一杯嚟飲。十分芋芋鮮奶，好奇怪嘅名，但係係好好飲嘅飲品，我叫嘅係微糖少冰， 飲品依然夠味，鮮奶好香，加上台灣嘅芋頭 已經係冇得輸，講句老實話，台灣嘅芋頭真係好味過香港嘅芋頭同大陸嘅芋頭多多聲，呢個芋頭鮮奶飲落去又香醇又好味，感覺好健康。 通常去珍煮丹都會係飲黑糖珍珠鮮奶，不過有時換下口味都唔錯。…Read More

五一黃金週，適逢屋企有人生日開party，我哋當然會幫襯黃店，撐「黃色經濟圈」。 今次我哋就幫襯，出曬名黃店嘅「千之味」叫外送速遞過嚟，方便快捷又唔怕染 武漢肺炎。壽司拼盤、劍魚壽司、三文魚丼、鰻魚丼、雜錦壽司丼。各種壽司都做得好新鮮，魚有魚鮮味，壽司飯握得好柔軟又唔會散。鰻魚丼，鰻魚大大件又夠厚肉又小魚骨，鰻魚烤到好香，但係肉質又好鮮嫩，蒲燒汁夠香又甜甜哋又唔會好鹹。三文魚丼，好有特色！總共有三款同三文魚有關嘅，就係三文魚刺身片，火炙三文魚片、三文魚子，有鮮味又好味。壽司多多好好味，又好水準。…Read More