MiuKei's Profile

今日嚟到荃灣捐血站附近呢間西餐廳，唔細心留意真係比較難發現，望倒門口大餐牌嘅食物相片好吸引喎，價錢唔算太貴，決定入去試下。我地一行三人叫左三個套餐，平均每人七十蚊倒，有餐湯、主菜、飲品之餘，仲有salad buffet係free嘅好抵呀~【法式龍蝦湯】味道濃郁，顏色漂亮。【忌廉磨菇酥皮湯】酥皮酥脆，蘑菇湯香濃幼滑。【美國西冷牛扒】拼薯條配上胡椒汁，肉質鮮嫩，幼滑多汁， 有嚼口而不會刃，食落唔會有渣。【意式吉列羊架】配牛骨汁，完美配搭，外層脆卜卜，羊架一d酥味都冇，salad buffet嘅salad味道調配得好好，仲有甜品食添，最後仲飲埋【冰震奶茶】同【冰震朱古力】，好滿足呀！埋單二百蚊都唔洗，地點方便，地方乾淨，食物又有質素，選擇又多又豐富，下次一定要嚟食過。…Read More

十號風球過後，梗係要約朋友仔食餐飯傾下計啦，今日嚟到荃灣呢間咖啡灣，舖頭位置好就腳，千色滙側面，入到舖內裝修別緻，坐位舒適，地方又乾淨，仲有細路最愛嘅lego模型觀賞。打開餐牌，食物同飲品嘅相片都好吸引，而且價錢好合理，選擇亦好多。細路叫左個套餐，有餐湯，意粉同半價特飲，首先講下餐湯，【磨菇忌廉湯】忌廉味香濃加入好多磨菇碎，細路勁鍾意，【番茄醬蜆肉意大利粉】鮮甜蕃茄醬味，令人開胃，個女食左大半，【菠蘿藍蝶】杯底有小小啫喱，味道自然甘甜。跟手我地叫左【香辣蒜香大蝦意大利麵】、【U.F.O小食拼盤】、【綠茶牛奶】、【香蕉迷你兵拿鐵】、【黑魔王窩夫】，每樣食物嘅賣相，味道都令人十分滿意。【香辣蒜香大蝦意大利麵】不算太辣果種，但蒜蓉炸到脆卜卜好香口，大蝦啖啖肉。【U.F.O小食拼盤】內有紫薯波外層香脆內裡甜甜地，仲有炸蠔同炸魷魚，兩款不同口味嘅雞亦配厚薯條，份量不小。兩杯熱飲賣相已好吸引，【綠茶牛奶】香濃綠茶配滑牛奶，【香蕉迷你兵拿鐵】香蕉味嘅拿鐵感覺很新鮮，最後【黑魔王窩夫】大大份，絕對夠四個人食，大人細路見倒都好開心，唔算太甜。今次試過後一定推介朋友來食，順便要讚下店員有禮貌，又好笑容，又細心。…Read More

新開餐廳，連續幾日見禁多人排隊，今日即刻來試下，結果中伏。首先講一講坐位安排，門口唔多人排隊，搭枱係唔須要等，因為很多吉位，但經理同同事企左响門口傾計，傾左五分鐘都未安排坐位，仲要我去叫佢先安排比我，真係覺得莫名其妙，當然面口都唔係禁好啦…入到去地方環境都乾淨舒適，但餐單唔係太吸引，或者係單色原因，坐底叫左個早餐，炒蛋還可，五香肉丁硬嘅，個麵好生，有相為証，全個早餐最欣賞柸咖啡，香濃而不澀。最後埋單$34，價錢合理，但已經唔會想再去。…Read More

細路去鯨魚公園玩，晚餐响愉景新城解決，夢見屋第一次食，見倒舖外有大公仔，細路已衝住入去講要食呢間。食物選擇多，細路見倒兒童餐禁靚已講明一人點一個，個餐包括有餐包沙律、有炸物、飲品、意粉或飯，份量唔會太細，大人食都夠飽，仲好好味添~另外，大人叫左【番茄蜆肉意粉】、【咖哩牛肉飯】，先講【番茄蜆肉意粉】，番茄汁酸酸地咁令人好開胃，蜆肉亦好多，意粉軟硬適中。【咖哩牛肉飯】咖哩汁味道還可以，但飯同牛肉粒就有d硬，下次可以試下其他。…Read More

第一次嚟呢間新開嘅稻成食飯，地方闊落舒適，侍應有熱情禮貌。我地三個人食飯，叫左【炸饅頭】、【糖醋排骨】、【奶油津白】、【稻成小籠包】、【上海粗炒】、【雪耳燉津梨】......【炸饅頭】，炸到表層脆卜卜，大人細路都覺得好食，好香口。【甜酸排骨】，味道尚可，但有啲啲韌。【上海粗炒】顏色賣相都不錯，但不夠味。【奶油津白】，呢個係我最喜愛，奶油味很重，津白新鮮清甜。【稻成小龍包】，賣相飽滿，湯汁十分充沛，摺而且很清楚，挾起嚟包頂唔會穿，肉餡不會鬆散，比例亦不少。【雪耳燉津梨】，滋潤清甜，十分好食。埋單$446，價錢合理。…Read More

今日出到來九龍城，唔知食乜好，爸爸提議嚟呢間新三得食火鍋，我地一定舉腳贊成。一坐底叫左個【清湯牛腩火鍋湯底】先，唔洗等好耐就到，湯底味道十分清甜，鍋內落左好多洋蔥，牛腩燜得好淋身，很易入口，細路同老人家都讚勁好食。另外點左【三文魚刺身】，好新鮮，好肥美。【鹽燒一口牛】，味道一流，但肥肉多左小小，同燒得有啲啲韌。【手切安格斯肥牛】，牛味重，不過太切得大厚身了，但係好味嘅，另外再叫左d蔬菜同丸類等，都算新鮮。…Read More

下午茶時段，嚟到洪水橋嘅一間泰國餐廳，舖頭外招牌並不起眼，店內裝修亦唔係咩豪裝，但勝在嘢食，平！靚！正！好味！我地一行五人，有大人、有細路，叫左【蒜蓉包】、【生蝦刺身】、【冬陰功湯雞肉米線】、【乾炒雞河】、【豬手飯】、【香葉肉碎飯】、【青檸梳打】等，埋單都只係$338。【蒜蓉包】，十分香脆，面包厚身，但內裡好軟。【冬陰功湯雞米線】，平時第二度比d雞絲你就算啦，呢度大大件切雞比你食，仲要冬陰功湯味好濃郁，夠辣，米線大大碗。【豬手飯】，外表平平冇奇，估唔倒禁好食，豬手燜到好淋，一放入口已骨肉分離，入口即溶，仲有d汁已經完完全全滲透豬手肉裏面，冇得彈。【香葉肉碎飯】，豆角、辣椒、肉碎炒埋嘅汁拌飯一流。【生蝦刺身】啖啖肉，而家好新鮮，配合小小酸辣味嘅醬汁，格外惹味。…Read More

今日約左朋友去旺角呢間Mini Friday飯聚， 入到舖內裝修有d懷舊風格，座位很寬敞，侍應亦相當有禮貌，呢間多國菜餐廳選擇非常多，見倒好多食物都好想試，無奈我哋只有兩個肚。一坐底侍應拎左籃餐前小食嚟，係脆卜卜嘅【芝士脆片】配合香濃芝士醬，即時成個人好開胃。【炭燒西班牙黑毛豬柳】，肉味較濃，油潤甘香，肉嫩多汁，肉質也相當鬆化，口感遠遠勝於一般豬扒。【脆燒德國豬手】，即時淋油加燒，又睇得，又食得，外層極之脆卜卜，內裡亦很入味，份量仲唔少。【蟹膏帶子二重奏】，甘甜嘅蟹膏加肥美嘅帶子，配合最底係白飯，有d似拌飯，感覺幾新鮮。最後呢個【梳乎厘班戟】係我最欣賞嘅，班戟唔算太甜，另配上雪糕，內層又鬆又軟，極之好味。…Read More

第一次食米線陣，叫左【辣茄肥牛魚腐米線】同【清湯蘿蔔】，原本普普通通一餐午飯冇咩好寫，但食過後都算有小小驚喜，個米線番茄湯嘅湯底味道濃郁，而且蕃茄肉好多，辣味亦很足夠，辣湯不會好多油果種，魚腐米線一人份量啱啱，唯一唔好嘅係肥牛片太少了，又薄，又細片，另外，我仲叫左清湯白蘿蔔，白蘿蔔煲得好淋身，將清湯完完全全滲晒响舊白蘿蔔度，冇晒苦澀味，而且份量都算唔少㗎。見佢餐牌都好多其他選擇，下次可試其他嘢食。…Read More

朋友介紹元朗新開左間粥底火鍋放題，今日一家大細特登落嚟試下。舖頭門口及舖內裝修比較型格，地方亦很闊落，設有半自助餐區域，自助餐食物賣相相當靚，地方亦好乾淨，有壽司、熟食、炸物、湯、糖水、汽水、沙律、雪糕、軟雪糕、甜品任食。侍應好有禮貌，面對麻麻煩煩細路都親切對待，值得讚賞。我地叫左粥底火鍋自助餐，$228/位，第二位半價，價錢可以接受。落左單後，第一樣嚟嘅就係好新鮮嘅刺身拼盤，轉頭嚟左個粥底嘅火鍋同五款時令海鮮來，海鮮份量一d都唔細㗎，鮮味到極，另外個餐仲可以叫多六款肉類食，打完邊爐後，有侍應嚟幫我地响個火鍋度加左菜脯、蔥、同埋雞蛋攪拌左一陣，就完成左個好重海鮮味嘅粥喇，真係冇得彈。最後補充一句，唔係價錢可以接受禁簡單，直頭超值，最啱一家大細，朋友聚會晚餐嘅好地方。…Read More

夜晚10點幾，晚飯都未食，勁肚餓，行過有間雲南黑羊湯鍋米線，乜都唔理衝左入去。內部裝修平民化一d，不過勝在地方闊落，坐得都算舒服。一睇倒個餐牌，牛羊米線？真係好想試下，大碗大個個洗面盤，我地梗係叫細碗啦～仲有$38去邊度揾？一人叫左個米線，我要【牛羊雙拼米線】，朋友仔叫 【牛腩清湯米線】、加左【避風塘麻辣雞翼】。【牛羊米線雙拼米線】，羊肉味唔會有陣騷味，食落感覺同牛肉分別不大，麻辣湯夠惹味，不過辣度唔太夠。【避風塘雞翼】，原本以為係好多炸蒜頭果隻，誤會了，食落好似煎雞翼咁。【牛腩清湯米線】，牛腩食落好淋，清湯味道一流。埋單$108，十分超值。…Read More

入住廸士尼酒店，必去嘅食肆，一定係【晶荷軒】，因為有小朋友最鍾意嘅就係公仔形狀嘅點心或者菜色。因為我地第一嚟呢間食肆，唔知道所有公仔點心要48小時前預訂，原本侍應姐姐話係冇得叫㗎，但係侍應姐姐好好，見到小朋友好想食，即刻入去廚房睇下有冇預多左，有嘅留就比我地，好好啊，服務一流。我地叫左【Duffy & ShellieMay甜包】，靚到唔捨得食。【綠色小人菜肉包】，個樣都好可愛，味道同一般菜肉包差唔多。【荔蓉天鵝酥】外層脆卜卜，好似食緊正宗天 婦羅咁，裡面荔蓉甜而可口。另外，我地仲叫左個一人三百幾嘅套餐，飽到嘔出門口，埋單$940。…Read More

今日去左中環大館參觀，晚飯就決定帶小朋友去蘇杭街揾食，嚟到呢一間拉麵店前，見倒裡幾乎坐滿人，感覺應該信得過。入到去我地都即刻點左拉麵，因為小朋友大人都好肚餓喇。拉麵嚴格來講有八款選擇，每款都都可以自選粗幼度，麵嘅軟硬度，叉燒都有三款選擇，【梅頭瘦叉燒】、【火焰肥叉燒】同【角切叉燒粒】，去到嘅時候【角切叉燒臘】已經賣晒，唯有下次機會再試。我叫左【赤熊拉麵】，湯底濃郁，辣味非常夠，肥美叉燒勁滋味。老公叫左【元祖魚介豬骨熊拉麵】，豬骨湯底十分香濃。女兒叫左【招牌拉麵】，湯底比較清，佢話叉燒d肉好淋，好好食，好想食多塊喎。…Read More

探訪親友嚟到屯門卓爾居，入去試下呢度嘅台式肉燥飯，平時搭車見倒已經好想試下。下午3-4點時間，人客唔算太多。我點左【很讚紅燒牛肉燥底飯】（香辣），飲品【蜂蜜紅茶】。很讚紅燒牛肉味道濃郁，牛肉煮得很淋身，肥瘦適中，汁料亦配合得好好。燥底飯辣味適中，能吊起你胃口，肉燥份量亦好多。另外加左個肉燥扒菜同蜂蜜紅茶都…Read More

今日囡囡想晚餐食Pizza，一於嚟呢度試下。店舖外面全粉紅色，門口左邊係奶樽公仔，右邊係BB踩單車公仔，一眼望埋去已經睇倒，容易揾。內部裝修簡單得嚟有創意，無論係餐牌牆身都係人手繪畫，多左份親切感，小朋友一定鍾意。打開餐牌好精美，食物名都別出心裁，不得不讚。我們點左Pizza【熱帶洲】、意大利飯【當菇菇遇上果果粒】、【韓式芝士炸雞】、飲品【柚子茶】、【日出時份】、【海洋世界】。【熱帶洲】pizza，餡料包括芝士、火腿、波蘿，餅皮好薄，但好脆卜卜，不似一般pizza皮又厚又唔好食，芝士好多，好juicy。【當菇菇遇上果果粒】，淨係聽個名都覺得好得意，飯唔會太濕，黑松露好多，忌廉汁混合一齊味道很好。【韓式芝士炸雞】，屯門冇乜邊間韓式炸雞好食，呢間真係一流，食過返尋味。【日出時份】、【海洋世界】飲品用奶樽上，重搭BB感覺，睇見都開心，味道當然好飲，外觀仲好靚添。…Read More