NO.1's Profile

同一間餐廳有兩個名，川菜，火鍋，今次食川菜，但因有人唔食得辣， 所以衹點了應該唔會好辣的菜式。素鵝 -賣相靚，不過不失:)口水雞 - 汁醬比較杰身，所以咸咗D喇燈影牛肉 - 靚，透簿的牛肉，蓮藕，甜棘，有咬口， 啱送酒葱爆安格斯牛肉 - 葱多過牛肉，但都衹有輕微的葱香，牛肉是原味的，沒有加梳打粉醃製，做火鍋的牛肉靚係基本啦宮保蝦球茄子 - 大大個蝦球，炸醬外皮薄脆，帶點甜麻棘，炸茄子粒入口即溶， 口感特別 ，出色鍾水餃 - 全肉餡餃子， 醬汁有點普通 ，都幾飽肚擔擔麵 - 有點不同，係乾撈麻辣麵，麵質幾好，但汁醬唔夠，結成一糰裝修是內地風格，服務是港式的， 整體也滿意 ，下次聚餐多了一個選擇。…Read More

最近開心果撻非常之紅， 唔係特別鍾意都想試下啦 ，十分期待之下唔記得影相就食咗，😞 好失望呀 ！原來衹係面頭加咗啲開心果顏色甜味醬嘅蛋撻， 仲要大部分醬都留咗喺膠袋度。另外加購的蘋果批也普通啦，以前有的香草雞批，真心覺得全港最好食，又唔出！…Read More

同好多入去幫襯嘅人一樣 、原因就係見門口冇人排隊😄😄行入去睇吓啦、買個試吓啦、咁就買咗個冷門嘅 Almond Danish、因見食評冇人寫、連相都冇一張🤨咁我寫喇、 一向都鍾意食P字頭日式麵包店嘅杏仁丹麥酥、所以要試吓有咩唔同、 如果買咗返去食、就會覺得唔鬆脆似麵包多啲 、因為都唔係剛剛出爐嘛 、要用多士焗爐返熱再攤一陣先食、咁就有返鬆脆口感啦 、佢冇日式丹麥酥咁油膩 、咁甜、咁邪惡、 兩種唔同嘅味道 、都好味。…Read More

又中伏喇，見宣傳海報咁吸引，又飲過佢D鴛鴦都幾好，一心以為係鴛鴦再加埋有咖啡味嘅爆珠， 咁應該好好飲呀 ，滿心期待去買，都唔係間間有供應㗎 ，點知一飲 🤪咩嚟㗎？飲緊咩呀 ?再飲多啖 ，真係唔得喎，好甜 ，好甜 ， 有D奶精味，冇咖啡味，冇茶味，唔怪得收銀姐姐話唔可以減甜啦，原來係用粉開嘅，估唔到大家樂有真嘅鴛鴦賣，會整啲咁嘅嘢嚟賣 😔真係又失望，😡 又激氣 !…Read More

以為酒店餐廳會好易搵啦 ，點知從 k11musea ，分別問咗五個職員，(因各人指示方向都唔同)，最後去返地面先入到酒店，其實商場有餐廳入口的，但真係好隱蔽， 知點行,都未必知點講!😞 可能因為己訂咗點心下午茶， 所以剛坐低就即送來， 用小玻璃杯裝住的，月光白茶，再點埋跟餐的椰子服特加白牡丹茶，鳳凰蜜蘭熟香茶，侍應就離開，有D似去咗茶餐廳。疫情期間，餐廳冇準備放口罩用嘅 紙餐巾或消毒紙巾 ，咁當然先去洗手啦，先喝光枱上的月光白茶(微暖，茶味普通)再離坐，比較安心，但剛起身，餐茶又送到 ， 侍應生見到我哋離開座位 ，仍照放咗喺冇人坐嘅枱面由於唔係一壺上，係已泡好的大杯再自己倒入细杯咁飲， 直到我哋返嚟 ，茶當然凍咗喇 亦都飲得唔係好放心!影響心情下，所以跟著上的蝦餃，鲍魚燒賣，都唔記得影相就食咗，但就係全份餐最好味的。凉了的，椰子服特加白牡丹茶，椰味太濃唔係好接受，大杯茶飲完，侍應生會再幫你拿走去添茶，但唔係即泡，即飲，欠茶香!蝦多士好油，义燒酥普通好快又上埋甜品喇，加了燕窩，金箔的蛋撻味道一般。驢打滾，是糯米皮包豆沙，面有黃豆粉，太甜。楊枝甘露，也沒有驚喜，但這個價錢的下午茶，加埋環境，算抵食的了。…Read More

一向鐘情 tea buffet，知這間剛開始有，就立即來試，食物枱分散了四週，差點走漏眼。先來最吸引是炸魚薯條，因枱上見很多不同味道的調味鹽，和漿汁可加在薯條上好似好多選擇咁魚肉很滑，薯條洋蔥圈都有點硬，但應是新鲜薯仔做很少有鷄肶冇咩味，炆牛面肉就很夠味，夠淋碟上蛋糕全都好味，有水準朱古力噴泉已冇吸引力了，換成朱古力火煱就很唔同喇，很期待的，可惜朱古力質數問題未能有脆皮，只得出煙韌皮同埋冇咩朱古力味有D失望飲品位昰水吧形式，支裝汽水，咖啡茶，重有特飲，試了奶蓋烏龍茶，可惜茶冇味再加上淡忌廉，很怪炒牛河很好，但蔗蝦，春卷是急凍货，重有打開蒸籠有好香的馬拉糕味，見賣相不佳本來放棄，最後都試了，果然係傳統茶樓馬拉糕味首推tea buffet食物水準錯，雖然冇任何優惠都會想再去，好過優惠了又將貨就價啦。…Read More

每次要去花墟公園才會經過這處的、今次發現一間裝修格局似中、上環cafe的小店、門口見有唔貴下午茶、便入去試吓、點了黑松露野菌香煎帶子意粉、意粉軟硬適中、汁有点似罐頭湯的菇粒、但加了三色椒來炒、很香口、還有不少迷你版煎帶子、中上水準。另一份法式芝麻蝦多士配薯角、等了很久才上、賣相很精美、但用法包做蝦多士、硬了點、再食埋咸了點的薯角有點熱氣。…Read More

看了這店的食評後,就想試下D即煎牛肉漢堡飽,我都預算要等約10分鐘,點知我等了30分鐘才見到個飽,係非常激氣的等,那天我只是買1個芝士牛肉漢堡飽,我等了約15分鐘後,就見到遲我數分鐘購買套餐的那位先生已經取得外買走了,我詢問店員,回覆是那位先生的是炸豬扒飽,所以快D,那都合理,再等多一陣,有位小姐入來買芝士牛肉漢堡飽套餐,我才見那全店唯一一個廚師行去凍櫃取出2塊牛扒來煎,我行近煮食爐附近看,煎板上只有那2塊牛扒,沒有其他食物,就問那女店員,其中1塊牛扒是否做給我的,她只說不好意思,好快就有.我已等了20分鐘,忍不住問是否漏單或要等有其他ORDER才一併做,女店員和廚師不答我,我好激氣要求退錢不等了,女店員說我用AUTOPUS付錢就退不了,這時廚師有點慌地把其中1塊牛扒放入炸爐-可以快D熟,我說不會要炸的牛肉漢堡飽,他又取出炸爐的牛扒繼續煎,終於30分鐘後我和那位只等了10分鐘的小姐同時取得食物,激氣是他們沒有承認漏單,任我怎問就是不答我.不會再有下次.…Read More

通常去得東大街食饭都會去埋這間食甜品的,因選擇不多,座下看了MENU很久,沒想吃的傳統甜品,点了凍朱古力梳扶厘-意想不到的硬,老媽重特別推价,話: [好好食,入面好多嘢食] , 係話入面有D小粒棉花糖,好似三X即冲朱古力那種,味都好似,好油膩,吃不完,豆腐花-唔滑,汤丸-太多薑了。埋单時老媽重話;:啱食呀呵。當時沒答……Read More

以為好評多,以前去過都oK,便一家大细再去啦,怎知又差了很多呀 ! 先是招呼,訂位要分兩個時段,我訂的是八点半但早到了廿分鐘,見入面只有一枱客都唔比入去,我們有老人家所以想入去座下先,都要等那台客理單走才可。夠鐘了才有招呼,都知冇饮用水供應的了,但想要水喉水都話冇便為有叫飲品啦。点了什菓賨治,檸什....,都是颜色糖浆加梳打水::(。食物質数也沒什麼特別,出名的炭燒扒類只有炭味,其他的也只吃到醬汁味,沒有材料本身味道,应不是好貨色,這價錢似乎不太值。離開時見鄰舖有小炒食,有点後悔:(！…Read More

因為亞蘇介紹,所以要由MTR行十幾分鐘都走去買(丹麥包)但打開紙袋,一點香味都無,應該用大量牛油做的丹麥包,竟然一點牛油香味都無,個包幾鬆軟都唔合格啦,如果係因為牛油脹價,而轉用植物油做,…Read More

中午時段很大油煙味,招呼一般,前菜NUTS難食很浪費,但腸粉好味,有特價都會再去. …Read More