兩父子坐低後，落單，等左二十分鐘先有嘢到，第一張單黎齊嘢已是35分鐘！之後嘅單，又要等20分鍾以上，枱上嘅刺身都唔捨得食晒，要慢慢細味！如是者，叫人追單已四，五次，追完，隔一陣就比一碟你，食完又要等，追到接近1.5小時，已成肚氣，我哋所有單都只係落一件，兩件，冇浪費，冇狂落單，以為好惜食，點知冇得你食！九點cut 單，我只係八點五十三分落左一碟花膠一碟豆苗，連同大約八點三十二分嘅一碟花膠，等到接近離坐嘅九點半，都未到，忍唔住又追，黎左花膠，又等到約四十分，職員提我夠晒鐘要埋單走，我同個黑恤衫男講：我都想食完走，但你啲嘢半小時有多仲未到！又等多五分鐘，起身走！女職員就好友善話：等埋食完先走啦，已冇趕你走，慢慢坐！我話：成餐飯，好似乞食咁，每張單都都追，等半粒鐘先齊，最後張單，四十分鐘仲未齊，已成肚氣，唔等了！嘢食係唔差，但每張單都要追，又比人趕走，到起身走，又大發慈悲叫慢慢等，食埋先，咁玩法，食到一肚氣！…Read More
