charlie927's Profile

今次我是第二次專程幫襯這間Cafe，對我來說，地點雖然有些隔涉，位置不是在鬧市當中，但可讓我在放假時，成為其中的好去處。小屋Cafe以白色為主，佈置和擺設給人一種寧靜和舒服的感覺。吸引我再次回味的是杯Expresso Lime Tonic🍹👍🏻青檸微酸，配搭特濃咖啡和冰塊，特別在炎炎夏日，很有fresh感覺，如果唔想飲甜口味，可以向咖啡師提出以梳打水替代Tonic。朋友點了蕃茄汁海鮮意粉🍝：廚師煮出熱辣辣，意粉口感軟硬恰到好處。😋我點了千島醬芝士碎蛋蝦仁飛碟，好有驚喜的是餡料豐富和juice，吃著拉絲般的芝士，加上有千島醬汁、碎蛋、蝦仁的餡料，很有滿足感。🥪第二款令我為它而來的是「特濃朱古力蛋糕」，入口香濃幼滑，再配以咖啡，兩者是最佳拍擋。甜品是女士們的第二個胃，我們也再enocre兩款「焦糖燉蛋」，蛋香濃厚，廚師表示用原條雲呢拿煮，並非用香油，因此入口嚐到自然清香。「焙茶卷蛋」焙茶cream，焙茶香味，不會太甜，我有啲高要求的是，若果蛋糕皮再軟一啲，相信會很完美。廚師老闆主動詢問我們的意見，願意和客人交流，從食物中，感受到廚師是用心製作，對食物存著一份尊重，一點不懶散，咖啡師也nice。兩次都是坐順風車入來，問廚師資訊，由沙田站可以搭27A小巴，或大學站272A巴士，雲匯站下車，步行10分鐘左右便到。如果天氣涼一點，我想我會選擇坐戶外，相信也不錯。…Read More

同老公食生日早餐，去左間可以望海的餐廳，老公柯打左通粉併蛋牛治，而我叫左慢煎雞胸肉伴沙律，雞胸肉比想像中好食，肉質不會過韌，一邊嘆早餐，一邊望著開揚的海景，真是很好的享受。…Read More

朋友請食生日飯，我揀咗一間未試過既韓式炒雞肉放題，入坐起計1時30分鐘進食，我地揀左雙併炒雞（每位$158）包自助區生食物和任飲，雙併雞肉當中，揀了一款甜味、另一款辣味雞肉（有椰菜和年糕伴送）第一盤雞肉會加送韓國公仔麵一個、生雞蛋一隻。炒雞要預10-15分鐘時間，因此我地共花了20-25分鐘炒兩盤雞肉，剩下來時間，我地取了其他肉類燒烤，肉類選擇雖然不太豐富，但最好味的是牛仔骨，反而海鮮類-蝦、元貝是冇味的，有些失望，有汽水、果汁等任飲，又有雪糕機任載，連埋加一人均$180都可以接受，但時限上最好是2小時，便不會咁趕頭趕命食。…Read More

假日朝早去荃灣廣場逛超市，順便食個早餐，便試吓去老媽拌麵飯店，食店9點幾唔算多人，叫左份蛋餅早餐，包一杯豆漿，薄餅皮做第一層、第二層係蛋，其他餡料有肉鬆、少許火腿粒、芝士等等，蛋餅熱辣辣，芝士有絲，整體不錯，不妨一試。…Read More

經朋友推介，與家人前往下一試，我們柯打一份炸蠔漢堡、兩份double牛肉漢芝士漢堡 是套餐，是即叫即做，炸蠔有3隻，外脆內有肉汁，漢堡為手打，雖然口感較乾身，冇乜肥肉，但感覺還可接受，三個套餐分別選擇炸雞、薯條、沙律配汽水，都不過不失，環境聽著音樂，不錯的享受，如果收銀的年青人可加添友善態度，便提高整體質素。😉…Read More

某一晚與家人買了花竹蝦和魚，往這酒家煮，魚是清蒸、蝦則是鼓油皇煮法，還點了滷水豬手小食、什菜煲，豬手入味好食，什菜煲份量夠大。反而我們帶來的花竹蝦出現奇怪情況，由於同海鮮檔老閭相熟，她替我們揀左12隻較大隻的花竹蝦，當傳菜姐姐推車上菜時，看到有兩碟鼓油皇蝦，size差不多有大有細，我枱的鼓油皇蝦卻有幾隻明顯較細並且蝦背是橫𠝹開，大隻蝦頭和肉質比彈口，細隻蝦則較淋，我們懷疑廚房會否將幾張單同類餸一同煮，然後分開兩碟，我們向侍應反映，她回應是做左10多年，吾會有這樣問題，雖然我們堅持，但後來另一位侍應過來重覆一番回應，而且態度欠禮貌，我們都不會再有下次來。:(…Read More

和一班同事食飯，去了這間，我們order了炸雞，前後共三張，分別為蜜糖蒜香雞（1隻）、鼓油炸雞（1隻）蔥炸雞（半隻）、芝士炸雞（半隻），雞件沒有厚漿皮包著，所以不會感太油膩，個人感最好味的是蜜糖蒜香味、芝士粉味、鼓油味，因為太好味，我們一群7變了食肉獸⋯另外點了燒腩肉，雖不是燒味那種皮脆，但卻也有另一番口味，有肥有瘦的層次，食落不會過靱；我們也點了泡菜餅，餡料充足，餅底薄，很快也掃清光，後來再order海鮮餅，反而沒有泡茶餅好味，因為餅底粉漿略厚。此外還點了炸薯條、芝士蛋卷、沙律，這些也好味。要補充的是，所有炸雞是有少許辣。…Read More

昨晚和老公打算去食韓舍，之前吃過感抵食，誰知入座後發現轉了日式放題，不緊要吧！除了甜品沒有變之外，其他均是重新面貌，大部份食物是要寫紙的，我們首先order了刺身，三文魚、帆立貝粒、甜蝦算新鮮，接著，吃了壽司，最正的是米的部份不會太多，不會塞飽個肚，而炸物方面，吉到蝦、蠔夠脆口，不會太油膩，但有點失準的是天婦羅炸蝦，因為凍左、「淋」左一點。燒物方面，鹽燒雞翼熱辣辣、牛肉粒也香口、一口手卷的紫菜即叫即製，但欠脆。此間餐廳最有特式有DIY部份，可自己整，包括有懷舊棉花糖、紅豆餡的魚仔餅、軟雪糕（好香好滑），昨日7點左右再推出是日甜品推介「榴槤大福餅」，餡料是榴槤和朱古力蛋糕，好好味啊！最後飲品也是自助，這餐廳供廳道地罐裝「冬瓜茶」和「黑糖薑茶」，冬瓜茶好好味（像有些麥茶的香味），而黑糖薑茶則軟少甜，但薑味較濃。整體這餐廳的食物質素是不錯的，雖然款式不是太太豐富，但勝在職員態度友善，而且夠積極進取，經理表示因為同區太多韓式燒烤食品，所以他們亦轉了經營方式。…Read More

      一直聽聞佐敦有一間由長者做侍應的法國餐廳, 所以已聞名已久, 大多數是讚賞食物質素高, 但知道價錢較高檔, 所以等待團購推廣, 終於在6月尾看到......從團購看到有推出尚館的晚餐套餐, 共有3種價錢選擇, $98(Set A) $148(Set B),及$198(Set C) 每Set有沙律/均有不同質素的肉類(主菜)/湯揀, 而我所購買的是2份Set B, 因為本人喜愛別鱈魚, 而Set A的是龍利柳,到了當天, 與侍應落單時, 本人選擇鱈魚.  我們所揀的頭盤...鴨胸什菜沙律, 上枱了, 份量是一人, 鴨胸味道不錯, 什菜沙律也OK, 過了一會, 便上主菜...我揀了鱈魚, 我朋友揀了牛仔骨, 我朋友的牛仔骨賣相不錯, 份量很大份, 牛仔骨味道也不錯, 而侍應上了龍利柳給我, 我感到有點奇怪, 當時我提出:「我所點的是鱈魚, 而不是龍利柳!!」當時那位女侍應立即回應我: 「廚房師傅話冇鱈魚, 只有龍利柳。」她便轉身走了, 當時我心裡感不悅, 本想再與她理論, 但感到食物已煮好,  我看到碟上食物算是熱的, 心在想...「自己不想浪費食材,最後選擇無奈照食。」但心裡感不悅, 龍利柳味道是不錯的, 有汁淋上面, 使魚肉的味道豐富了, 而碟上有少許蔬菜和脆薯格, 唯一要讚的是脆薯格, 因為炸得脆口, 口感不錯, 最後, 我們跟餐order熱飲, 餐廳廚師的烹飪技巧是不錯, 食物質素也美味。…Read More

這一篇真實分享, 是我的姐夫提供，他希望透過這平台，向大家分享這次難忘體驗......      星期六隨緣入了位於大埔墟街市熟食中心，見到了伍仔記 較為多人，於是迎難而上，就選取伍仔記坐下，餸菜令人喜出望外。      最令人食指大動的就是那半隻雞，雖外表平凡，像無任何醬汁，但入口令人驚喜，因為雞味十足，不需任何薑蓉，也令人欣賞不已。      然而，最令我印象深刻是員工誠實態度。在我晚飯後，遺漏了一部Samsung手機在枱上，大約在一小時後才發覺，於是立即致伍仔記，我獲得了最佳的答案："幫你keep起，嚟攞番啦！" 因為任何失主聽到這回應，除了感激和讚賞之外，再想不到任何言詞。手機價值數千元事小，內藏資料事大。謝謝伍仔記所有員工、謝謝老闆，謝謝伍仔記。撇開我這次經歷，就算以食物質素而言，伍仔記也是值得一去再去的食肆。認真！…Read More

        因為媽媽係素食者, 所以在中秋預了13位的晚宴在這素食館, 館內地方雖不算寬敞, 但總算光線十足,服務員的態度亦可接受,                 當晚我們入座後, 在枱上只得一張四款套餐的餐單, 價錢最低為$1690起, 服務員表示星期日沒有散叫食物, 只得套餐, 我們唯有先叫住兩碟小食, 分別係細既齋魯味及點心, 後來人齊後, 便決定order最平的套餐$1690(加一另計), 在落單時, 服務員見我們手持的餐單, 便向我們說該餐單派錯左, 轉頭比另一張餐單給我們, 我們看了該張餐單的內容, 與之前(放錯枱上的)菜單內款式一樣, 唯一不同的是價錢竟然貴了$500-(即是$2190), 當我們與服務員理論時, 他們說$1690個張是平日一至五, 而星期六及日是貴些, 唉, 最後, 只有繼續吃下去, 因為聽人講這餐廳的質素不錯......        餸菜不用等得太耐, 均一碟碟上來, 起初品嚐也感到質素OK, 但吃到第三道菜時, 開始感到餸菜很濃味和口渴, 而我的80多歲媽媽, 不禁也表示素翅很鹹, 最後, 大家都勉強吃下去, 最後的甜品為紅荳沙, 都十分甜, 後來埋單找數時, 再一次驚訝, 因為總數是$2710, 這餐是我們吃素來說, 最貴的一餐.       如果吃開濃味的朋友, 應該感到沒有問題, 但對於一向吃得一般, 或淡味朋友來說, 必定感到味精落得過多, 因為吃完幾道餸後, 真的很口渴, 最吾開心的是, 當晚我回家做了45分鐘step運動, 第二天起身, 上磅竟是重了1磅多, 我都不敢再光顧了.    …Read More

本人每星期都去幾次這餐廳食野, 雖然有些食物味道都OK, 但以下有兩點則需要改善,1) 入座都冇侍應帶位, 好多時都係自己去搵位座, 入了座, 觀察到D侍應反應較慢, 有時舉了手, 都看不到, 要大聲叫才會來.2) 逢下午茶餐, 最後DOUBLE CHECK 單, 因為呢間餐廳有個甜品都幾好食, 就係OREA阿華田芝士餅、檸檬芝士餅, 雖然好細件, 味道都幾好食, 散叫就 $10一件, 如果在下午茶時段, 就有個餐, 就係$15(包一杯熱飲), 我有兩次去食, 一次就係我自己一人去食, 第二次就係同我老公去食, 本身兩次叫都係ORDER茶餐, 另外散叫檸檬芝士餅, 每次交張單來, 就看到, 叫親檸檬芝士餅, 就計一份茶餐, 雖然比多$5, 但我發現D侍應唔會 問你飲品飲乜, 本身都冇諗住一個人食兩份茶餐, 所以咪同番D侍應講, 但D侍應回應: 因為呢個係一個茶餐, 我就立即回應, 我並非要檸檬芝士 餅茶餐, 而係只要散叫芝士餅, 個侍應有D無奈地返回電腦處, 總之, 日後最好要CHECK 單.…Read More

我和同事一心諗住想品嚐太興既迷你盆菜, 所以去了富榮花園的太興餐廳, 見到迷你盆菜 $98, 另加$15便有白飯+例湯, 該位職員話個盆菜二人會夠食,所以便叫了一份迷你盆菜和 $15的白飯例湯, 我地唔知不能夠再叫多份 $15的白飯例湯,當再叫時, 該位職員便說: 冇得咁叫, 後來我再問, 如果白飯, 例湯散叫是幾多錢,她便露出不太耐煩的表情, 便說白飯$7, 例湯$15, 我地聽後便說咁就要啦, 她無啦啦說, 咁你地即係想點呀? 當時, 她的態度和表情都不耐煩, 我再向她說清楚, 她轉頭就走了, 當時感到有點無奈和氣憤, 她的態度不好, 我見該位職員的名牌叫:羅x 慈, 我們一邊食盆菜, 一邊望到她對其他客都參差, 男的客是有些禮貌, 都見到她叫人做野, 不知是否leader, 反而其他職員的態度都OK.至於個盆菜, 就一麻麻, 燒肉唔夠淋, 食物唔夠入味, 唔知是否因有點不高興而影響了味覺! 份量勉強夠二人食.例湯, 都OK!Total: $135(本來想叫多個乳豬例牌, 但最後都冇叫)…Read More

收工約9:45pm食晚飯, 兩人叫了幾樣餸, 1) 雲吞雞+梅菜扣肉伴蒿麥飽2) 餃子(做緊另一款 $28, 唔記得個名)3)蟹粉小竉飽第一樣上的是蟹粉小竉飽, 都OK, (雖然蟹粉少D), 勝在夠熱.餃子雖然較油, 但都算脆.雲吞雞不錯, 蒿麥飽幾香(有D紅糖/黑糖味?)夠熱和軟熟, 不過扣肉不夠淋, 梅菜較清, 但總括來說, 我都會再下次惠顧的.最後叫了個鮮肉鍋貼外賣比老公食.老公話皮邊較硬. …Read More

本人已惠顧第三次, 第一次在8月尾, 當時是一些會員介紹, 所以之後就去試食, 雖然所賣的點心種類不算多, 而大部份的食物質素很好, 可惜每次去都忘記拍下照片分享......1)叉燒飽: 好味 !! 味道不會過濃, 多肉, 冇乜肥肉.2)少林腸:每次都會點, 因為腸粉內包住網紋春卷, 口感好好味, 脆和暖 !!3)蝦餃:雖然皮不是很薄, 但內裡的蝦肉夠爽, 好味.4)燒賣: 相信是d師傳用刀 "啄", 因為食倒一粒粒肉, 好味 !!5)腐皮卷:多左油.6)凍青瓜: 雖然夠凍, 但味道一般, 都係灼菜心好味d !!7)真係波蘿飽: 內裡係碎粒波蘿, 幾好味!!8)小寵飽: 有汁, 味道不錯 !!9)芋頭西米露:　不會太甜, 芋頭入口溶化, 好好味 !!10)桂花奶凍:超＂好＂＂好＂＂好＂味，　入口軟滑, 甜度適中, 而且仲有雪耳碎, 好有新鮮 感, 但可惜限量供應, 希望快d再推出 !!11)雞飯:　d飯軟硬適中, 飯有口感, 不會太淋 !!12)炒麵:　不會太油, 味道OK !!13)流沙奶皇飽:不算多奶皇流出來, 有待改善 !!至於服務態度要讚:有位總廚十分健談, 有禮貌, 其他侍應也很有禮貌, 會經常主動添茶 !!不過度玻璃門係幾重 !!係值得推介同埋再惠顧 !!…Read More