pyloric's Profile

來到旺角想食返碗湯河，就見到呢間喺彌敦道625號雅蘭中心的越南餐廳La taste。坦白講，佢依度做嘅生牛肉河粉極度失望，雖然牛肉新鮮但是最基本的湯底淡而無味，又冇青檸或辣椒跟隨實在失敗。 湯底係依度菜嘅靈魂，但係食完之後好口喝，明顯味精作怪。我又叫咗杯菠蘿熱情果蘇打，調教糖水調得好好飲，但係一食到菠蘿肉就感受到生果已經差唔多變壞， 好嘔心。幸好其他兩樣都比較好食， 包括香芒軟殼蟹米紙捲和黑蟹籽蝦餅扎肉拼蝦片。坦白講我嚟嘅原因係因為想食湯河但係非常失敗，所以我應該唔會再來這間餐廳。…Read More

呢間係位於銅鑼灣蘭芳街既曼谷食堂。 佢哋嘅泰鴨湯底非常清甜， 佢哋喺碗湯分裏面嘅鹵水鴨肉唔會太老啱啱好， 但係溏心蛋就唔係太溏心了。 至於塊扎肉就一般沒有什麼特別。我最欣賞就係佢哋嘅蒜蓉炒椰菜苗，椰菜苗好新鮮，蒜蓉好香，有冇過熟，仲好有口感。 清脆嘅口感加埋蒜香同埋椰菜苗嘅鮮甜，真係一流。至於碟泰式辣汁燒豬頸肉， 有一點乾， 可以不食。佢哋杯凍曼谷奶茶亦都唔錯我一口氣都飲咗兩杯。大致上，我會再返嚟，因為品質唔錯。。。…Read More

其實呢一間在灣仔謝斐道的日本餐廳叫豊洲水產，我想去試想咗好耐，但係次次都要排隊，今日就一早去， 唔使排隊就可以食個午餐啦。明顯呢度食海鮮係非常新鮮但係沙律啲菜有啲黃， 叫咗個松葉蟹沙律都唔係太想食啲菜， 淨係食曬啲好少嘅松葉蟹肉。啲串燒佢嘅味道唔錯，尤其是係個牛脷連啲日本醬係有一種唔同嘅味道。 好香好惹味。至於烤魚鮫定食， 雖然燒得好香但係有點過熟，有點乾。 而我的海鮮飯定食佢加了柚子蓉，青瓜同埋淮山粒，味道清新，正。 但係個湯唔夠熱扣咗少少分。最有趣就係嗰個壽包和菓子真係好有賣相，味道都好好。如果食午餐可以再嚟食晚餐就未必啦， 如果要我排長龍食依啲就唔使啦。…Read More

今晚想食得清清地，行行下灣仔莊士敦道見到一間好耐冇入過去嘅海皇粥店， 突然間好想食返碗粥。 見到佢哋嘅新裝修我都嚇一嚇以為入錯舖。入到嚟叫咗一碗南瓜粟米肉碎粥， 有驚喜。 除咗佢哋正常綿粥底之外更有南瓜清甜嘅香味同埋粟米加肉碎嘅口感。 跟住又見到我嘅至愛蒸蘿蔔糕。 令我食返細路仔在新年時媽媽做的蒸蘿蔔糕嘅口味。可惜炸兩有一點失望，皮厚，油炸鬼不脆。幸好飲了杯超濃豆漿， 令到這一餐畫上完美的句號。估唔到依家連鎖店有這樣的品質，一定會再嚟。…Read More

今日來到一間喺上環食西餐嘅餐廳叫做Green Orange。大致上呢度嘅食品係中等， 柚子煙三文魚沙律有驚喜，味道不太酸非常香。 忌廉蘑菇湯嘅蘑菇味好清香， 但係湯底比較清。焗蟹肉盒係一個必食的食品。 值得返食! 但係佢哋嘅青口煮得比較過熟有點靭。佢哋主菜可以加88蚊就可以升級為晚餐包括一個蘑菇湯， 柚子三文魚沙律，甜品同埋咖啡茶。但係佢哋嘅主菜就係一般。 羊扒的肉質一般但係煮出嚟係ok。 黑毛豬豬扒有點燒燶同埋乾。 個Carbonara意粉偏甜但係味到夠濃，可惜煙肉味不夠。 而個燒豬仔骨實在唔係燒，完全唔似。好似煲熟之後放落焗爐焗一陣間， 再到一pat汁上去。味到好一般， 仲有好多肥膏係入面。坦白講個甜品好乾。算吧。如果有其他選擇我下次會去其他選擇先。。。食物 6/10環境 7/10服務 6/10人均消費 港幣四百元…Read More

今日去到尖沙咀諾士佛臺食晚飯, 這間餐廳叫Oyster Snack & Oyster Bar... 呢度最出名嘅就係食蠔同埋牛扒啦。首先我哋食咗個沙律做頭盤 用料十足，菜好新鮮並且有好多配料包括anchovy，好味...我最欣賞就係佢嗰件牛柳。 牛柳本身有1.5吋厚，我點了medium rare， 出嚟嘅效果確實很好。 中間鮮紅色並且仲有血水流出嚟，實在惹味。至於塊黑毛豬豬扒， 入口嫩滑多汁，亦都係非常好味。今日我哋選擇唔食生蠔食熟蠔。 黑松露醬汁焗蠔比較濃， 可惜黑松露味可以增強返一點點。而菠菜焗蠔味道啱啱好。仲有煙肉焗蠔很有口感。三只蠔都非常好味，值得一試。至於甜品份量比較精緻。Apple Crumble 配朱古力碎片雪糕亦都好味。食完飯飲杯咖啡，估唔到佢用咗花花瓷器杯上。真係好有風格!好欣賞佢可以食完飯，坐低慢慢飲野傾計嘅空間。 好舒服，一定會再嚟。…Read More

今日行到佐敦廟街，入咗一間食面的餐廳叫做潤潤麵。坦白講我好欣賞佢個無味精豬潤湯底， 配香茅雞扒同埋煎雙蛋加生菜係好味。 仲有佢嗰杯細路仔鴛鴦， 即係好立克加阿華田， 味道都幾得意呀。但係我最唔欣賞嘅就係佢哋嘅服務態度。 明明炸到啲春捲焦曬同埋爆曬口佢地都係話正常。 仲要畀個藉口我話因為春捲皮薄所以炸到咁深色!當然味道好差，我食咗半條就放棄。除咗有燒焦嘅味道之外， 餡料又冇味道淨係靠嗰個酸辣醬，完全失敗! 仲要話係自己做所以係推銷物品。這樣對食物冇要求嘅餐廳真係唔應該再去， 唔通 一百蚊都唔使嘅一餐， 就真係唔需要對食物有要求， 好心傷😥😥😥…Read More

今日下午行到銅鑼灣，入咗去一個剛剛重新裝修嘅廣場搵嘢食。呢個廣場叫做翡翠明珠廣場。大家樂集團好厲害, 一包包起成層一樓開咗六間舖頭。 我今日揀咗一間食上海菜嘅餐廳叫做上海姥姥試食。雖然話係大家樂集團經營但係佢真係似一間普通 食上海嘢嘅餐廳而唔係似快餐店。 裝修好舒服，仲好光猛，有時代感。講到啲食物， 比較值得一提的就係蟹粉伴素鵝。 雖然蟹粉做得有啲傑撻撻，但係估唔到蟹粉同素鵝的味道係咁夾。碗排骨面比了我有兩個唔同嘅感受。 啲拉面非常彈牙，湯又好清甜，實在好味。 但係排骨一開始嚟到的時候又凍又硬非常難食。 和他們的經理反應後重做一份排骨就有唔同嘅感覺。 肉質比較鮮嫩，有肉汁。但係醃製得時間唔夠長，肉未入味。只係靠其外面的咖哩炸粉調味。 真係對碗拉面唔公平。蟹粉小籠包皮薄餡靚，如果多點蟹粉和蟹膏就會更加好。這間食上海嘢嘅餐廳也算中等，可以再嚟。有時食一個快嘅午餐，一流!…Read More

今日唔想行太遠，所以喺屋企附近嘅成和道去咗一間個名叫做Sing Woo Rd 嘅餐廳食西餐。個Cob沙律實在太大， 食咗一半就要打包。 如果你想食得清啲，衹叫依個沙律就夠你一個晚餐。 個沙律入面好多料， 有燒牛肉，藍芝士，牛油果， 雞蛋，仲有好多唔同類型嘅菜等等。 唔怪得之佢哋叫依個係佢哋嘅招牌沙律。 好新鮮好好味。個蒜蓉蝦相反就比較有點失色， 蝦的蒜蓉味唔夠但係個多士就好好味。 其實係咪應該叫做多士配茄醬蝦，哈哈。個五成熟牛柳燒得啱啱好，又香口又有肉汁。 我最欣賞就係佢哋嘅蒜蓉蘑菇， 做配菜去配牛扒一流。食完一個豐富嘅晚餐點可以冇甜品， 今日我想食返佢哋嗰個傳統朱古力新地雪糕。Brownie條好煙靭配朱古力雪糕， 個口感又硬又軟又熱又凍真係好難形容。有時間喺度慢慢食下嘢，飲下嘢，真係一個人生嘅樂事。 一定會再來。…Read More

今日我同朋友去咗尖沙咀食飯， 依間日本菜用料都比較新鮮。 重點係呢度所有魚生同埋壽司(星期一至四)半價!其實佢開頭的牛脷小食唔錯， 日本蕃茄好甜， 日本Toro依個價真係可以食多幾件。我哋忍住唔食個蝦頭，留返來煲湯，加埋竹笙真係鮮甜到痺。而家係食秋刀魚嘅季節，秋刀魚刺身好好味，肉質鮮甜可口。見到餐牌寫咗日式炸雞， 忍唔住叫咗碟，並且要咗杯日本生Beer，真係絶配。最後我更叫咗碟日式炸鰈魚， 肉質好有口感， 最好食嘅就係佢炸到卜卜脆嘅魚翅部位，送啤酒真係好滋味!呢度係一間好好嘅選擇，食晚飯一流。可以再嚟! …Read More

今日嚟到金鐘搵嘢食去咗一間喺太古廣場嘅泰國餐廳叫Thai Basil。好奇怪呢間餐廳係冇椰青飲的但係佢會用椰水做甜品。 話雖如此佢哋杯香茅特飲亦都唔錯， 可以一試。佢哋嘅泰國串燒，菠蘿和帶子好味。 菠蘿好甜，帶子新鮮。但係其他就一般尤其係隻大蝦可以唔食。佢哋個菠蘿炒飯雖然唔係原隻菠蘿上但係味道非常好味。 用嘅米係粗米好有噍口，加上有我最喜愛嘅串燒菠蘿，正!個田雞沙律就有點失望啦! 雖然田雞肉質還算好但係啲醬汁太過酸了。炸蝦餅口感唔錯但係欠缺蝦味。。最有驚喜嘅就係佢地的泰式燒鱔， 不但皮脆肉嫩，仲係彈口嘅。 我食完仲想再點多一碟。但係怕食唔曬所以冇。 下次過嚟一定要再食，必食!至於個甜品可以唔使食! 佢哋嘅香蕉糕真係好韌同埋佢哋嘅椰汁糕好似食大菜糕冇乜特別。大致上嚟講呢間係值得再嚟食嘅地方， 地點又方便一出地鐵站就見到啦，值得再嚟。…Read More

有人話一分錢一分貨， 其實呢佢話又真係好有道理。 我今日去咗跑馬地一間高尚的雲吞麵舖叫正斗。我地食咗碗鮑魚雞絲粥， 及第粥，鮮豆漿，炸兩，牛腩麵，淨雲吞同埋雲吞撈麵。 價錢當然比出面貴一至兩倍但係其用料真係非常新鮮。 我最欣賞就係粥地非常棉，用料好鮮。 而雲吞用的蝦也這非常新鮮又彈口又有鮮味。 之後我仲食咗碗桑寄生蛋茶， 但係坦白嚟講佢哋嘅甜品唔係佢哋嘅專項可以唔食。如果想明白一分錢一分貨嘅理念，這一間真係個好好嘅選擇，我會再來。…Read More

今日同朋友去咗一間茶餐廳食午餐。搵到一間新開喺觀塘鯉魚門道嘅瑞士咖啡室試食。最值得提嘅就係佢哋嘅筋肉奶茶。 其實是正常冰鎮奶茶的一種， 茶味濃同好香， 但係奶唔夠滑， 有點失色。 我最欣賞嘅就係佢自己呢間餐廳用錢去做一個筋肉人樣嘅奶茶樽並且稱為筋肉奶茶。 好似仲有個女人嘅身體造型嘅奶茶樽，不過今日冇貨睇唔到。至於食品方面，佢個營養餐，分量十足只係40幾蚊，好飽。 營養餐包括一隻烚蛋，沙律一份，厚切腿 蛋治，再加一碗大嘅羅宋湯通心粉加火腿同飲品。而佢最出名嘅瑞士汁撈公仔麵亦都係一絕， 加多隻瑞士汁雞脾真係好好味。呢度係值得食下午茶或者快餐嘅好地方。 裝修亦都好有特色，用麻雀砌出佢哋嘅公司名稱。…Read More

今日又返嚟我平時好鍾意去嘅一間餐廳食午餐。 是在跑馬地電車總站旁的feather and bone。這間餐廳前舖是佢哋嘅超市有新鮮進口肉，蔬果同飲品加酒。 後舖就係佢哋嘅餐廳，你可以即時喺前舖選你鍾意食嘅牛扒，豬扒，或任何肉，再即叫即刻係後舖餐廳煮嚟食。真係好好味又新鮮! 重點係以佢哋嘅品質可以比得上其他五星級酒店， 但係價錢就平得多。今日午餐我叫咗一件1.5寸厚嘅澳洲牛柳五成熟。 佢配埋個紅酒醬同埋即叫即焗嘅薯仔真係好新鮮好好味。我差不多每一至兩個星期都來這餐廳食，因為呢度啲肉質真係非常之好! 重點係我食完又可以去前舖再買啲高品質嘅肉返屋企煮，自己開餐， 超級嘅享受!…Read More

今日去咗銅鑼灣食午餐，來到一間新開嘅西餐廳Brick Lane。 叫咗一杯非常好飲嘅凍飲，我竟然可以飲咗三杯。。。 佢叫做薰衣草梳打特飲。 不但有清香薰衣草嘅味道，甜度又啱啱好。在炎熱嘅今日，非常解渴。Egg Benedict是我食的第一道菜。 坦白講佢上菜嘅速度真係嚇到我。 落咗單唔使五分鐘已經有嘢食， 最搞笑就係我連電話都未放低就已經開始食啦。 這道菜做得非常之好，流心蛋係完美的! 佢嘅 醬汁都係啱啱好，不會太酸。麵包非常鬆脆，是一個完美嘅配合!嗰兩塊鱸魚煎得啱啱好亦都冇過熟， 但係嗰碟Peri Peri Chicken 就有點失望。 醬汁醃得未夠入味所以雞沒有味道。 相反太多醬汁在雞的上面抹殺咗這道菜真正嘅風味。但係我一定要特意嘉許呢間餐廳嘅服務態度。 佢哋畀到我一個非常舒服和開心嘅感覺。 由佢哋真摯嘅笑容到留意我對每一道菜的需要， 也是非常體貼。 加上佢哋有善嘅對話，實在令到我一定要再返嚟。總體如果想食個快嘅午餐呢個係一個非常好嘅選擇， 我期待下次去試佢哋嘅晚餐， 因為有啲主菜要下午兩點半後才有得食。…Read More