mrs_yu's Profile

首先講嘢食，啲嘢食係好大碟嘅，尤其是六小碟，但係唔好食！陳皮胡椒焗龍蝦得黑椒味，冇龍蝦味，最好味就係個湯！其他嘢都無記憶點我地都想要水，佢地拎左兩支屈臣氏細礦泉水嚟，完全冇講收費，咁我地以為唔需要收錢，因為佢哋完全冇茶水供應，到最後買單30幾蚊一支，如果有講收費我地完全冇問題，因為正常茶樓都會收茶水錢可以理解，但佢完全冇提及，佢哋仲問我哋需唔需要攞多幾支俾我哋，最後收咗我哋三百幾蚊，大家小心收費！…Read More

想試遇見小面好耐，見到旺角新開左，懷住興奮嘅心情去試一下，一行入去同女職員講想叫外賣，粒聲唔出，淨係指住個qr code,到叫完外賣，我問返同一個女職員外賣等幾耐，佢用普通話同我講「你說什麼？」，um….其實唔識講都唔緊要，但連聽都有問題，而且態度非常之差我諗貴公司都要好好培訓吓啲國內員工食物方面：紅碗豌雜面+丸子，可能因拌麵既關係，食到有啲乾，有機會其實都想試吓其他野，但咁嘅服務質素絕對唔會有下次…Read More

想試好耐，今日終於外賣返屋企試下，叫左兩個熱狗，三個小食小食味道不過不失，始終外賣原因，所以炸野黎到已經唔脆，不過都係意料中事，熱狗比較出色，個人鐘意紐約辣味熱狗，夠哂惹味！總括黎講CP值高，有機會會再食…Read More