FIREYAN:)'s Profile

我好耐已經無打食評，因為呢一間餐廳，嬲左我成晚，決定上黎打食評話說之前已經食過一次，果次都係食地獄海鮮拉麵，咁第一次黎果陣有個女WAITER就好細心提我地D辣醬會好辣，可以分開上 ... 咁呢個我都加左分，果次食間鋪無咩人，我同男友坐BAR 檯見個師傅好似好認真咁教煮拉麵，我都認為呢間鋪可以值得欣賞。至到前排有朋友介紹左個食既團購網比我，我見到佢有團購做緊，咁我覺得上次食得OK就買左去到，WAITER唔同左人，煮麵既除左師傅之外又唔同哂人$48 購買原價 $65 一碗地獄叉燒拉麵，而且個網中仲提及 "呢間鋪頭係可以分開辣醬，特顯店主細心"咁我地去到，佢就同我地講團購唔可以分開辣醬，我已經有D失望，咁照叫黎食 ... 我本身都食到辣果種人黎，但佢真係辣得有D過火，完全無豬骨味，辣到我頭有D暈 ...之後我問佢可唔可以加湯，佢話唔比，只可以俾杯滾水我 .... 熱茶同滾水已經夠激氣我再上返個團購網同果個女WAITER講 " 你地做團購果陣個網寫明可以架喎"女WAITER：但我地團購唔可以分開辣醬我：但你地個網咁寫明，同埋之前我未團購過既時候你地自己主動提我可以，會唔會有D過分？女WAITER：我問一問師傅師傅A：團購唔可以架我：我都係答返同一番說話到最後，果個所謂CHRIS既師傅話：團購係唔得架，你之前都係團購比分開架？我：我冇團購果陣你地係比咖囉，咁你做得團購個網咁寫，係咪應該都可以做到呢？CHRIS：佢寫緊係咁寫咖啦!　你食左啦碗野？我：未食又點會知咁？之後佢補多句：我俾返張野你你下次再黎過我分開俾你啦！我聽到呢句好失望，因為我上次食完覺得佢地係用心既小店你認為你地整左團購個網白紙黑字寫D咩上去都唔關你地事？點解因為一個 $20 而去無視客人既要求？而且同一碗麵，一碗原價，一碗團購就可以睇清楚你間鋪頭點樣去對客人？點解唔可以即場整多次一碗俾我？係咪驚我再講會影響你地？算吧，不會再去，或者怪自己貪小便宜，但用一個團購睇出食店既質素都唔算一個過失。之前推介過朋友去呢間食，但從此之後我唔會再去呢間所謂既拉麵鋪！！！！◎另外一提之前坐BAR檯，今次坐接檯，接檯個交叉位頂住隻腳，叫個客點樣坐？？…Read More

上次誤打誤撞去左呢間食拉麵，估唔到都有驚喜佢地選用日式風格既坐位，不設拎籌。等左大約半個鐘有得食了，一入到去好多我男友好鐘意既超金合公仔而且不斷播著日文歌，環境都還可以去到點左一個　地獄海鮮拉麵　　叉燒拉麵　沖繩餃子侍應會好細心問你辣醬洗唔洗分開，怕你太辣第一樣黎先就係地獄拉麵，首先未落辣時飲一飲淡湯頭都算pass，然後就再落少少辣，點知食落之後就越落越high，辣得好味而且最驚喜係海鮮竟然好新鮮，呢樣真係最滿意，而且估唔到而叉燒拉麵就反而一般，叉燒算入味同埋我比較鐘意就係呢到既麵係用蛋白同蛋黃麵另外沖繩餃子係比較薄身，幾特別！*最後，想讚揚下應該係老闆- chris？因為坐果個位望到入面整野，見到佢果份細心真係不得不讚而且睇得出佢地好有心去整每一樣野，會再黎咖…Read More

好耐冇寫OR , 但尋日食完呢一餐真係忍唔到.話說尋日大埔停煤氣，唯有同MAMI 出街食點知就中招了。之前黎過食過兩次, 可能係焗野, 大致上都OK今次嗌左個蕃茄烏冬（$55）同石頭飯（$65） ...一食落口... 咸到真係頂唔順（兩樣都係） 同在場人士反映, 只有一句：「係咩?」然後就走左去最嬲係.... 佢地可以係客面前到拎D 山竹黎Meet 然後係客面前 "lur" d 核出黎，仲大嗌「好甜呀呢粒」雖然我知你地唔係d 咩大餐廳, 高級地方但未至於要咁吧？？？？d 人食過d 碗呀碟呀放哂係我隔離都算煮錯野係我隔離同d staff 話：快d 加返d 蕃茄落去算啦$ 55 蚊都未至於要食鹽落肚吧？完全今晚係 - 過咸過甜過辣咸 - 係鳥冬甜 - 係熱檸蜜 （已嗌少甜）辣 - 係羅宋湯過辣完全唔掂 ，以後black list …Read More

是日去踩單車... 話說果日真係超級熱 + 曬 ..架單車又重 . 踩到氣都就斷 , 早餐又淨係食左個飽踩到大美督急不及待要搵忠誠.期待左兩年 不過因為好熱既關係 ...胃口都唔係話好好點左個冬蔭公肥牛金邊粉明明話戒口, 次次都忍唔住嗌左牛黎食而且個人好鐘意係金邊粉, 比河粉幼身而且較彈口一上到 木台; 肥牛仍然係半生熟, 浸左一陣巳經熟哂 ..飲一飲淡湯 .. 偏酸，不過我朋友話算係比較正宗。都可以接受；我都差唔多像哂成碗湯...而且肥牛唔un，好大碗添，食完滿足哂..再加 $4 凍檸賓（佢話係青檸但個檸檬係黃色的-_-）唔太甜都可以接受 ... 酸酸地還可以 下一次我一定會黎試其他野食咖 !食完繼續遊樂大美督 ：)*環境比較嘈，但服務都唔會因為多人而對你差...對每個人都服務得好好，值得一讚...一定有下次咖 ~ …Read More

一向好中意食芒果今次屋企人俾我話事食咩喎, 緊係試下呢個流心芒果蛋糕啦想試好耐咖啦多謝阿哥！一打開黎睇，唔算大個不過$ 145 黎講價錢都算合理 返到屋企急不及待切開佢。睇住d 芒果流出黎好澎湃即刻切佢黎食 ... 佢係慕絲 , 海綿蛋糕 , 慕絲咁夾住唔會太漏, 而且味道唔太甜，最得我心歡喜（因為其實個人唔太喜愛甜點朱古力除外.haha）食左兩日都未食完呢個蛋糕...不過以平民價蛋糕黎講，我對東海堂一向有信心咖：)…Read More

朋友好耐冇出黎聚舊，順便慶祝一下生日巳經想試呢間京笹好耐，企次朋友帶左我黎呢去到仲係好小人，好有日本格局feel 既居酒屋.價錢有小小偏貴，但主理係日本人我相信會物有所值既兩個人點左：三文魚刺身好肥美，三文魚油香一直係個口都徘徊...係出面好小食到既水準。而且好新鮮添三文魚茶飯知道日本人好中意食呢d 茶漬飯 ~清清地根好味試下加d wasani落去又幾好味，加多左一份辣辣地既芥辣甜。推介呢個：)日本冷麵呢個反而比較冇咁驚喜...普普通通；お好み焼好好味，食返係日本食既味道 ...不過食完好飽 ... haha ~兩個食左 $ 244 , 唔算貴而且值得咖, 環境好舒服添 , 服務都好好添 下次有機會試下其他野食先…Read More

小妹生日，屋企人任我揀...我想食泰國菜而且想試一下荔枝山以外既泰國菜就揀呢間啦今次點左：青咖哩雞睇到OR D人大多都話黃咖哩唔太好食，所以我揀左青咖哩呢到青咖哩偏辣；而且出現同樣情況就係咖哩好稀 ... 好水用薄餅點唔到黎食-_-有少少失色...而且咖哩唔太香海鮮冬蔭公湯又係偏辣，辣到有小小搶喉...而且飲完超級口渴．返屋企飲左三杯水-_-唔知係香料太勁定係味精啦。辣膏炒青口今次呢餐比較好既，好惹味媽咪反而用薄餅黎點呢個汁，詰辣辣地而且夠杰身青口亦都好有肉地呢咸魚抄通菜不過不失，炒幾都算爽口既。薄餅即叫即整返熱佢，熱辣辣一份有三塊 ...幾好食!菠蘿炒飯呢個餐最滿意既一樣野...粉得飯粒好乾身而且好好味，其次自己好鐘意食菠蘿，好好味加埋Ｄ肉鬆係面甜詛地，唔錯...推介主理應該係正宗泰國人, 好好禮貌每次點完野野都會講一句 " Thanks you"好Nice價錢唔貴可以一試，但比預期中有小小失望下次都係去返荔枝山 / 忠誠比較好嚕 ~* 要食要早dd黎, 7點半後都開始多人黎食飯啦…Read More

記得細個黎親旺角就會跟mami黎食通達。今日返學之前自己一個行左陣就返黎呢到食下野回味下啦油渣麵 $20 一望落去，感覺同以前既一樣...有火腿絲，冬菇，菜甫，冬菜等等...將d 菜甫撈一撈佢先, 個麵變左辣辣地都還可以。其他配料都不過不失 ...但一食d豬肉就失事啦...好大陣雪藏味 食左一淡即刻lur返出黎.陣味完全接受唔到 ...好似變壞左咁 ...最後食哂除左豬肉之外既野就走人嚕.但油渣麵其實... 個”渣”先係靈魂吧？但我唔會再選擇第二次。環境一向都好迫 , 好難行不過食物價錢還可以接受 : )…Read More

1021，友人生日快樂。今日朝早太早買唔到蛋糕 sorry 呢.放工就俾友人話事決定試下呢間甘味。鋪位好細，好彩有出面露天睇下 ...都幾有 feel ：P自從第一次去完日本之後，對於巑岐烏冬都有份執著...果份清甜同彈牙真係令人食完返尋味咖， HAHA兩個人叫左：滑蛋蟹籽巨形蟹柳烏冬湯底好咸 而且食唔太出邊到有滑蛋囉？巨形蟹柳＝同普通蟹柳味道冇分別... 只係知道好咸烏冬唔夠彈牙, 扣哂分 ...大盛烏冬 (友人的)湯底反而淡口小小，我比較中意呢種湯底...不過都係偏咸 , 而且比我果碗彈牙小小 ( 唔公平 ..-_- hahahahah )如果係鰹魚湯底就好啦墨魚餅凍冰冰, 感覺淨係食緊一塊軟淋淋既野.雞軟骨餃子呢個算係最滿意，咬落去滿口雞軟骨...但都係凍凍地 ... 究竟係咪放左好耐咖啦？炸BB池魚呢碟，我都唔知點形容好了... 唉 -_-食緊一碟淋既炸物咁，又冇味...又唔脆同朋友係咁加d 七味粉先叫做有d 味 .. anyway , 呢間野唔pass!waiter 服務一d都唔好 , 而且又冇d禮貌 ... 多謝一聲都冇比錯野我地淨係係咁拎走放低就算（但我地反而係咁唔該佢呢）不過價錢唔貴，將貨就價都okay既。…Read More

今日陪朋友出去放狗，順便傾下計 ...之後唔想狗女太辛苦, 行出大埔墟食野算 ~ 好耐冇黎糖黐豆, 記得甜品都還可以.但今晚肚餓既關係，叫左咸食-照燒雞扒拉麵 $33 -一黎到巳經知係港式拉麵，有雪藏粟米，紫菜，蟹柳同青豆...雞扒係幾滑，但好似唔太熟既感覺 ...拉麵更加有陣味 ... 食完有d想嘔既感覺而且朋友叫左杯凍檸茶 $ 17好呃錢, 好細杯 , 而且叫左少甜都仲係好甜 ...食完好後悔，寧願搵甜品填肚算啦...下次都係專一d，去糖水鋪都係食糖水好啦!食完再拖返狗女去消化一下.. …Read More

黎左呢間公司兩年多，我阿HEAD每年差唔多生日都會帶我地去食最愛既打邊爐.今年亦都唔例外，因為佢老婆早到既關係 ... 揀左呢間 （但落車果陣個心巳經飄左去對面既正冬啦 hahahahha )上到去果陣，感覺好似街坊酒樓...而且樓面寫既野亦都好搞笑，例如 "騎呢火鍋配料"，"夠大獲豬骨煲"湯底方面揀左鴛鴦湯底，沙嗲湯底方面竟然有芋頭 ??而且唔太香 ... 扣左小小分 ~-生蠔x2-好大隻 , 而且好新鮮 , 一碟有五隻 ~最抵係呢樣-本地手切肥牛 ($180)-都幾大碟 ~ 有牛味, 但有小小 un , 可能因為佢俾牛較瘦既地方我地啦-鯇魚片x2 -好新鮮同好甜 !! 嗌左兩碟 , 連唔鐘意食魚既友人都讚好 ! hahaha-水餃-普通 ... 不過預左唔會有驚喜既一款食物-金菇菜-我既最愛，嘻，吸收埋d湯食好正!而且好大碟 ...-皇帝菜-好新鮮，平時係屋企我唔會食呢種菜因為嫌佢有陣味 ... 但出奇地打邊爐我會食d平時唔食既菜好甜 ~~ 而且又係好大碟 ~-烏冬-$20 兩個好似...有d貴 , 仲要只係一包包果d烏冬不過恰埋牛肉一次食又好滋味 令我諗起吉野家, hahhaha-雞子-無食，因為覺得好核突...不過朋友話好大陣雞味，應該好新鮮但係雞子何奇大粒! 望住佢...我仍然唔敢放落口 ：P-四寶丸-淨係食左一款，都幾爽口，唔會好糊...不過不失啦 ~其他食物都係 $20 一碟，無論係豆腐又好 ... 雞又好 ~不過都唔算話好細碟，抵唔抵食就見仁見智 ..食物都算新鮮, 環境呢D地方冇得計較咁多 ...服務就全部都叔叔伯伯咁, 粗聲粗氣就一定有...仲有隻好可愛既貓仔添 : )五個人食都係五百幾蚊唔算太貴，而且每人送一支BLUE GIRL不過我地冇飲到。anyway, thanks you kim!下年就算唔係呢間公司都要再見…Read More

去完 OP 同D鬼玩完之後，加上落雨勁攰, 而且好肚餓，拿拿臨玩完衝返落旺角食野.朋友成日行經呢頭，但次次都未開 ...所以決定試一試呢間先。果陣都夜晚十一點幾，但都幾多人。坐低睇定即刻嗌野食!-沙嗲肥牛金邊粉-朋友既, 試左佢一舊肥牛, 唔0鞋口, 幾好味 ~-香茅豬扒金邊粉-意外地驚喜豬扒唔硬，而且好香 ...想夾多件黎食 hahahhahah.-豬頸肉金邊粉 + 冬蔭公湯底 (+$5)我自己既，諗住未試過冬蔭公決定嗌黎試下...黎果陣飲下淡湯先，比較偏酸 .. 但好好味 ~唔太咸 ... 不過飽得滯, 如果唔係成碗一定飲哂不過朋友咁岩去完泰國黎, 話如泰國果d簡直兩個世界好想試 hahha-串燒x6-佢雖然果到寫住只係豬，牛，雞但都俾我地每樣一條試下... 而且仲好細心幫我地拆埋串剪埋條司華力腸添咁樣我地三個就食得方便好多 : )牛同豬好硬,唔得 ~ 雞贀都好雞... 分唔出呢三種既分別 ,反而雞好滑 , 燒得好好味 , 司華力腸不過不失啦 ~ 環境雖然細，但唔會話好迫行唔到 ...淨係食完碗麵佢地好快收野（有小小想趕你走既感覺 -_- )搞到無左對筷子去食串燒不過食完好飽 ! 好滿足既一餐，不過唔貴，都抵咖 ~雖然今日去 OP 落雨, 但食完之後精神都返哂黎多謝朋友既呢一餐。…Read More

放工與返學之間口癮，同友人周圍覓食先記得之前經過地下有個燈牌好型格 ~見到鋪面, LCD + 音樂好吸引人注意(我真係一路等一路睇..... 而且裝修令人覺得好有型)期間佢地仲會俾人試飲既添 ... 叫左杯珍珠奶茶 (奶香) $ 12 , 好大杯 !不過個杯身真係軟左小小。如果插飲管落去果陣會比較易擠壓到D奶茶出黎飲落口好滑, 雖然叫左奶香 ... 但仍然不失茶香味比起三樓茶研更出色，值得一讚...而且店員好細心問你意見添 ... 態度亦都好好.好 ... 有野飲，緊係要去下一個地方搵小食啦不過 ... 淨係地下 - 3/F , 台式飲品巳經多不勝數 …Read More

最近台灣飲品真係風魔到唔小人 今日係返學之前黎食小小野咁野飲一定唔小得 ...所以去左之前葵涌廣場熱潮之一：麼麼茶其實魔魔茶都飲過三次，三次分別都唔同但覺得隻味次次都一樣咁，HAHA同埋唔太喜歡香港既台式奶茶真係好甜好甜今次叫左胚芽QQ珍珠奶茶（細珠）($10 @big size)好多珍珠，好好咬口。但茶味就欠缺啦叫左少甜就係甜左D (可能我個人麻喜愛甜野啦）奶味都還可以，不過不失 ...另外叫左個雞軟骨串 ( $6 @1)好味，d雞軟骨好脆口，同埋會整返熱俾我地呢個抵讚加小小七味粉辣辣地仲好食。不過下次 ...想試下茶研 70'C 呢.我會繼續風魔台式飲品。…Read More

買完小小野同媽咪諗住搵食，咁佢又想食日本野...又未食過呢間, 所以黎試下（早知上左OR睇左先）坐低，野食同日式餐廳既差唔多...但睇到佢D翻譯就知有D唔對路咩野 咸菜，前菜，沙律 ....日本有咸菜？（可能我唔識啦=_=）之後叫左個泡菜豚肉拉麵（媽咪既 - $ 49 ）一上菜，同個圖差10尺遠！淨係睇個樣巳經唔想食。個美巳經唔係到，個味字更加唔洗講，差！咖哩牛肉烏冬（我既 - $ 59）一上到黎見到我又係覺得唔對路，勁稀既咖哩飲一飲個湯底，好咸!!!!係超咸!!!!!!!!!!!!!!!!!!!!!!!!!!!!!!!都唔知佢落左幾多鹽落去...........烏冬還可以，但唔係正宗既稻庭烏冬! 又唔彈牙 ...D牛肉又UN, 完全唔合格!!!我上次自己係屋企煮既都比佢好食，唉佢D野食完全唔值咁既價錢!!!! 完全冇好食可言，不過服務都算係咁。但一定冇下次！…Read More