LMistaUri's Profile

我大佬話想食煲仔飯所以我地去左呢間嗱，講明先我覺得有啲咸😂佢個份量就真係大份既，鵝片拼盤我覺得幾抵食味道又唔差，其餘既話可以再諗試唔試😂😂煲仔飯既飯焦係出色既🙃不過如果要好味既呢間未必太推介但如果成班人想吹住水食野又想有啲氣氛呢間我覺得ok同埋想請呢到都幾多poly學生會黎食，一黎近同埋啲野都真係大大碟唔係hea大家，所以見到附近果啲客有啲都係後生仔，成班fd一齊黎慶祝。所以我諗如果當成班gathering應該呢到都ok。…Read More

呢間野平時見佢都有人排隊，難得我大佬話佢想食一定無問題啦😉，我自己就叫左個火灸叉燒醬油拉麵再加多件慢煮，我大佬食極上蟹白湯拉麵。先講個火灸叉燒醬油拉麵，比佢灸過既叉燒又真係好食啲堅香同埋個湯底(拉麵既靈魂)佢又真係做得出色，味道足唔係水咁無味重要係有味得黎唔係味精湯，係真係真材實料煲出黎❤️我大佬果個湯又係出色，飲完之後會好明白點解佢果個要加錢，好綿同鮮唔係化學野，基本上湯底出色已經贏左7成，所以已經無乜輸😂炸雞都係出色，最緊要一炸起就出，同埋佢應該自己都有醃過唔單單係現成野最後個魚乾，佢相對我地平時食開果啲厚身好多，唔係薄薄一層，重要佢呢隻魚香味都重值得一讚🙃…Read More

去到八文樓有乜可能唔黎糖水雄，佢同越式法包都係我一定會去幫襯既地方，其次就係籠仔點心😂😂，點心留返下次再講，自覺去到呢到唔幫襯呢3間既其中1間既話我覺得你不如唔好去八文樓😚，btw去到糖水雄平時就會叫腐竹白果沙冰，但當日去果陣......賣晒🥲無既我大佬之後就叫左個焦糖爆谷楊枝金露，價錢都唔平$50，但真心足料同好飲，有幾舊大芒果同埋個爆谷好那好食😂😂😂，未飲落去就覺得夠飲左就覺得值❤️不過下次我都係要飲左腐竹白果沙冰先🤪🤪…Read More

是日放工就去左牛池灣都知果邊2025年可能就會無，咁都知入面有幾檔叫隱世小店，其中一檔就係今日食既車仔麵，另外一檔係茶記咁重有一檔係酒樓，今日食左車仔麵先，因為見佢無落場時間同埋都易搵😂叫左2個分別4餸既車仔麵，埋單88蚊簡單講佢要炆既野真心可以叫，如：冬菇(真心推介)、牛腩、牛筋同牛肚，覺得有淋又入味，其實有機會想食埋佢個粉腸同豬腸🫠，今次蠢左無叫🙃，見到對面果個人食粉腸覺得好吸引😂，下次一定要試🫠…Read More

上次食過呢間野都有幾好既回憶，記得果次係食內臟，重好記得啲味都幾濃🙃不過點都好啦試一試佢先再算，話晒午餐同晚餐都好唔同啦🤪今次叫左個乾炒牛河，牛肉又多唔會太老火喉啱啱好又唔會太油，食牛河最驚係唔夠味又或者太油，今次呢個完全無呢樣野，少有叫牛河今次係愉快既經歷，呢間野啲炒野，鍋氣夠晒唔會覺得唔好食😉😉。不過唯一美中不足就係杯野飲，寧願唔叫好過😂😂😂堂食$52，呢個價呢個份量我滿足架啦😗…Read More

話說今日返工收左工諗住落去買啲野，行下行下去左呢間鋪附近又覺得有啲餓好啦入去睇睇個價大部分包都係5-7蚊不等，我買3個7蚊包佢計我18蚊，有句說話叫做執輸行頭慘過敗家，咁2個都14比多4蚊有多個咁食多個囉，結果叫左2個奶皇包(菠蘿同雪山)重有個肉鬆包，我地都係將個討論放返係肉鬆包到，另外2款除非賣晒所有麵包，唔係真係唔好考慮我已經做左試伏器。肉鬆餅佢有足夠既肉鬆，唔係剩係表面果幾條毛仔配埋佢個包有少少沙律醬，其實係好食🙃不過果2個奶皇包原本諗住係我既重點黎，好彩佢有同我講18蚊3個唔係我應該邊食邊講粗口…Read More

良友快餐店，我旺角果陣成日食佢，以前好鍾意食佢個雜扒飯同啲炒飯(咸魚雞粒炒飯])重有個粟米雞粒羹果陣食覺得好正今日經過叫左個雜扒飯粟米汁，好老實要乾淨一定唔係食佢既，食野有時真係食返個風味同情懷😂😂，不過話佢難食唔係既，佢果個價錢合格架啦，幾十蚊野你想食到米芝蓮咩，不過都咁講呢間野都係間唔時食下就ok或者下午茶都可以叫佢，因為都係叫雞翼薯條果啲，叫呢啲餐廳都死極有限既，因為都係放入爐炸既姐，如果真係難食就食得屎🫠…Read More

呢間野係西灣河簡直應該係無人唔識，任何時間只要佢有開根本都係有人龍，好多野都係買返黎咁我諗都無乜得評價，呢間野既靈魂就梗係個汁啦，佢個汁我覺得好食既位係，唔係死咸果啲野，你係食到個香味，同埋我覺得佢個汁撈烏冬應該都一絕，下次應該要試下先。通常叫得呢間野一定要叫2個最吸汁既野食，齋同牛栢葉，配個汁簡直係完美，如果佢賣埋米線果啲應該都會好好生意，不過無既如果賣埋我諗條龍應該更加長，到時我更加唔駛食到呢間野😂…Read More

做完野直落灣仔，打算食個快既，有乜野飯快過呢啲餐，四季常餐就成日都聽過，次次見人食都係講沙嗲牛，但經過門口，見到雜扒飯配賣$55蚊(要轉咖哩汁+$10)咁樣都好難唔試喎，灣仔喎大佬，行過路過都唔好錯過，呢個價係其他地方都未必有啦。講講個飯，足料既，有火腿腸豬扒同炒蛋，味道呢啲加工食物大家都知會點，最少無雪味同埋唔係無肉味既，我已經覺得合格，量已經贏左如果飯多少少會更fit因為食晒啲飯得返啲餸😂😂，呢個飯好配合我個名🙃🙃唔知呢個優惠價$55做到幾時，總之要食就快。…Read More

呢間野我由幾歲開始已經食緊果陣鋪位係而家錢大媽果個位，記得果陣時佢最出名既係魚皮，每次等待既係佢個魚皮😂，近排知佢有其他youtuber介紹過。我大佬睇完都想去試，所以就去左試首先叫左個牛腩牛丸米，可能本身又生意唔差再加有youtuber介紹下，魚片果啲無晒🫠🫠，但佢牛腩其實真心唔錯，有牛味又唔痴牙有少少肥膏，一絕🥰之後叫左個叉燒炒蛋飯，可能係煎蛋飯我唔記得😂，如果炒蛋就點睇都唔似，正常野囉無特別小食叫左個雞翼，呢個真心有驚喜，勁入味啲雞翼又唔係細細隻，但如果麻麻濃味野既可以考慮叫唔叫，因為都真心幾濃味但我就覺得好食😗😗都係果句，一定會再返黎食😀😀下次要食魚皮！！！！！…Read More

牛角我諗就唔駛多介紹，咁啱今日同大佬諗唔到食乜又想食放題，牛角見佢又無乜人排隊(果陣3點左右)，咁就殺入去啦，第1次係香港食牛角buffet(叫左ss2)我諗都無乜懸念牛角飯for sure ，我大佬重見到個好怪既現像，所有男士入到牛角第1時間做既就係整牛角飯😂，唔好諗食左碗先再做其他野(利申:我都係)，牛角飯就係呢到既重點，不過真心除左牛角飯，其他就試試就算(咖哩果啲)，味道麻麻我同我大佬其次欣賞係佢個雪糕，吉士x朱古力好夾呢2隻味，又唔會太甜，抵讚！！…Read More

有陣時啲時間好kick，食太多又驚夜晚食唔到飯，食太少又不如唔好食，結果前排見到袋鼠自取重有平果陣，叫左呢間個煎餅就係芋泥流沙奶黃煎餅再加麻糬，因為我同我大佬都唔好香蕉呢樣野😂，佢個芋泥好香，個味重出個奶黃，加埋麻糬既口感，會覺得個煎餅好過癮，佢煎得又夠香脆，呢啲野食唔即食就會過左氣😂，所以即時食先可以食出佢正既位❤️，不過老實講如果1個人食會幾飽😂同埋食呢個野，記得唔好配甜野飲，如果唔係會無味😂…Read More

我人生都幾鍾情於上海野，但係香港好食同抵食既真心唔多，最難搵既就係好食既小籠包($38/4粒)，今日呢間我覺得都可以係數1數2😂😂😂 最緊要係乜野，係皮薄！重要勁多湯汁，成個湯包咁，一食落去果下真係覺得痴線😂之後叫左個水晶餚似($60)，以呢個價呢個量其實都無乜好話，有肉味唔係無乜味又唔係有雪味，絕對合格配埋個醋咁食，正。之後重有回鍋肉菜飯($66)同排骨擔擔麵($62)，兩個都配豆漿，唔駛再加錢，呢到啲野食我發覺唔好太濃味，呢2樣野睇上去以為會好咸，sorry絕對唔係😂，個擔擔麵花生味好出其實係好食，佢呢隻調味我大佬食完都唔覺得辛苦，個排骨都炸得啱啱好，又唔覺得佢油，btw雖然佢唔濃味但都絕對唔係無味，所以真心大推呢邊啲野食，差啲唔記得講回鍋肉，肉唔會無味佢呢隻調味係令我食到回鍋肉既肉味，唔係定個調味料既味咁食法埋單只係$222，出面一定食唔到下次會再返黎食......炸銀絲卷同雷沙湯丸😃😃…Read More

我最鍾意食既炒飯之一咸魚雞粒炒飯，但又唔係間間都好食，今次介紹呢間真心幾好，個炒飯超乾身粒粒分明，講真呢啲係炒野既基本野，即係鍋氣！一開盒重有份香味❤️唯獨係揀咸魚果陣如果唔係近骨位會更加滿分😂，不過食呢個炒飯其實都經常會有機會食到骨/突然會太咸，想避免既可能要食返西炒飯😂盒飯大大盒連凍飲51蚊真心推介❤️❤️如果大家堂食其實呢間野都ok之前唔覺眼有呢間野，由見到佢有肉絲炒麵果陣就不定時去食佢(因為佢係炸麵底)😚😚…Read More

呢間野係片皮鴨關注組都會有人提及過佢，原因只有一個係因為抵食，78蚊片皮鴨(1食)佢無2食，加10蚊可以拎走鴨殼講明先其實我覺得佢批出黎一定唔係比晒成隻你，我眼見佢批我諗用左半隻掛最盡，so far我食幾次未拎走過隻鴨，諗諗下下次試下加10蚊拎走先，不過係咪真係比返批鴨肉果隻比我就應該另一回事🙃味道78蚊無得講架啦絕對合理，唯一覺得可以再好啲既就係個皮，呢塊就咁睇其實好頹，有啲似春卷皮拎去蒸熟佢咁最後，如果純過口癮，78蚊未計加一同茶錢其實都算唔錯架啦，下次再搵下啲經濟片皮鴨食下先😚😚😚…Read More