Idelam's Profile

一如以往保持水準，任點都係高水準食物，最鍾意叫燒海鮮，鮮味又香口，鵝肝多士必食，燒羊架好食過好多高級西餐好多，時間夠可以預訂海鮮，今次訂咗鹽焗奄仔蟹，又係超水準之作💯…Read More

絕對唔推薦！根本唔係想做任食，坐低40分鐘都上唔到main course 點嘅牛扒，gelato 售罄，係一坐低餐牌就顯示售罄⋯⋯加108任食生蠔🦪真係唔需要加錢食，唔可惜，仲要每次只可order一人一隻，咁咪要係咁order囉，好攰，叫咗3轉都唔想再叫。最貴餐4個人會有龍蝦送，坐到尾都唔見有上枱，廚房都要收喇，問佢先話漏咗，即上返，原來隻龍蝦係冷盤，咁咩事一直都唔上枱⋯根本做唔切or唔想做任食，最嬲係一坐低4個人有3個人到咗，叫定嘢食，竟然話要坐低幾多個就叫幾多份餐🥲，第4位係計咗數喎，坐低加任食生蠔都係加4位喎⋯⋯仲有任食㗎麻，第4位到未有咩關係呀！Overall 所有熱食係正正常常味道。無Gelato 咁叫個雲妮拿雪糕啦，成晚最嬲就係上呢碗雪糕，唔出聲都唔得，一碗有兩個連碗一齊冰咗嘅硬實實嘅半球體，出聲之後先換返嘅正常可以用匙羹筆到嚟食嘅雪糕先⋯究竟我食緊啲咩任食，價錢唔算平計落要$890一位，仲要限呢樣限嗰樣，坐位唔舒適，唔算有空間，唔係可以舒舒服服傾計嘅位！…Read More

原本賣點係有兩款湯底，魚湯或者雲昋麵傳統大地魚湯，平時都會揀要大地魚湯底好味好多，但今日食已經話無大地魚湯底，真係失望，我覺得佢最有水準算係大雲吞麵湯底，點知已經無咗呢個賣點，算吧啦！…Read More

成碟豬腰得一塊係熟嘅食得落肚，其實都有成日食麥兆記，因為喜歡佢個湯同埋佢用滑河粉，點知呢排佢就一時有滑河粉一時就用啲唔滑嘅河粉！之前有食過下佢整嘅豬腰都試過有一兩嚿唔太熟，咁都會算數！今日直情成碟得一嚿係熟嘅食得落肚！究竟個師傅要有幾渣先做得到呢？…Read More

首先三個女仔被安排同另外三個女仔同枱，咁就同一個枱號就分咗01同02 ，我哋係02號枱～後尾先知嘅！咁一齊坐底就大家都劃餐紙點餐，大家都一齊點餐紙落單，係一個女侍應收餐紙嘅⋯⋯時間一分一秒咁過去，我哋各自都吹水唔抺咀！突然發現遲過我哋坐底嘅隔離枱都上晒鍋同餸，就緊係追追單啦⋯⋯因為唔覺唔覺都落咗單成半個鐘，追單途中有個侍應問我哋落咗單未，我哋話一早落咗，其妙地佢問我哋咩枱號？我哋只可以答唔知咩枱號！佢轉身走咗！轉個頭就另一個侍應拎兩張點餐紙嚟比我哋兩邊點餐話頭先嗰兩張唔見咗🙄咁就從頭點過😪我哋點招牌九宮格鍋，阿女侍應第一次收張點餐紙已經同我哋講，九格無意思咖！咁我哋就話招牌我哋係見到呢個先嚟食！到湯底到無九宮格，我哋話唔係呢個我哋點個係九宮格，阿女侍應話湯一樣咖，九格無意思咖！我哋呆晒，佢就話要九格就九格，拎返入去攪返就出嚟，我哋呢邊係要中辣嘅，另一邊女仔要少辣，湯底比咗我哋先話係中辣，咁放底煲到滾嘅時間就出另外嗰邊女仔嘅湯底放底又話中辣，咁人哋就話其實要少辣，阿女侍應二話不說就話咁調轉啦⋯⋯我話你頭先又話呢個係中辣先放底，佢話你個應該少啲辣椒就調轉兩個湯底！🙄咩料呀！咁告一段落就一路食啦！成間嘢冷氣又唔夠，抽氣又唔掂，開把風扇吹到啲蒸氣蒸晒面😒唔知想點！結果食完，另一邊女仔埋單先，咁諗住佢哋簽完單我哋順便叫埋單，佢一路都無人拎單比佢簽，跟住又有個侍應嚟問佢係咪埋單，佢就話你哋拎咗我張咭咖喇！再等咗幾分鐘佢覺得唔對路就三個行咗出去，我哋見咁亂就諗住直接出去比好過，就都出去收銀比錢！點知完來個女仔張咭比第二個客簽咗，好彩未走去拎得返張咭！咁我哋隨後就緊係比現金，唔玩簽咭啦⋯⋯湯底係OK食物係普通服務係九流環境係惡劣價錢係唔平～平均都食咗$500/人 三個人埋單都食咗14xx 如果樣樣都唔錯比呢個價係合理嘅！只此一次，絕無下次！…Read More

食品與相片不相乎～仲要難食！服務態度又唔好！絕對係伏！啲韓冰直情係欺騙觀眾，絕對違反商品說明條例～其仲個朱古力五重奏係難食到食咗兩三啖真係無辦法食落去～超差坐底叫單話韓冰要等二十分鐘，咁我哋好明白要整係要時間，就緊係無問題，我哋18分落單，一直等到47分都無得上枱，咪問下係咪漏咗單，咁佢就話入面一部機壞咗就得返一部，咁應該再等下就有！咁我咪問咁係咪整唔到要叫另一啲，可唔可以問下跟跟，轉頭就答三分鐘一定得！結果好好係三分鐘就有喇！但係味道就～嘔泡😖…Read More

咁啱行過就試下，有啲驚喜，蘿白又入味亦無渣，鷄尖入味又唔會太淋，豬紅亦係相當唔錯！中辣就唔係好夠味，但都好配合，個辣汁都幾香！:)唯一係杯凍檸茶唔夠凍，都偏甜，但係茶味係有嘅！…Read More

入店裝潢簡潔入門口後似走進日本地道料理店！是晚食餐全由師傅發板，刺生及生蠔全部鮮甜到極，上菜會講解你食緊咩，食嘅先後次序係點👍🏻細心！個A5和牛同燒魚係堅好味到～唔知點形容！其實塊和牛係好肥，但係師傅煎定炸到外面係香脆咬入口有油花跟住有啲䓤花中和反就變得無咁膩口👍🏻條魚又係又香又有口感👍🏻因為蝦子餅預先與店員聯絡慶祝小女子生日想要有個特式蛋糕切下，結果小店預備咗呢個極有心思嘅海膽魚生飯蛋糕，仲要突然熄燈點爉祝同全部人下齊唱生日歌，氣氛相當好仲好warm~溫馨小店的確令人讚賞！魚生飯仲絕無欺場係撈咗蟹籽嘅，本以為食唔晒⋯⋯點知太好味全部K.O.😋…Read More