魚旦粥's Profile

經朋友介紹去左呢間位於太和嘅法國餐廳，門面比較神秘，整塊落地磨沙玻璃，外面望唔到入黎，內裡裝潢都幾Modern，樓底夠高，中央仲有一盞超大嘅水晶燈，別具氣派。價錢定位較高，係新界區賣呢個價錢，存在到咁多年，相信應該都有佢嘅價值。Bubble Bee （單點$82/ 跟餐+$38）：以橙味作主調嘅無酒精Mocktail，飲落有啲似Fruit Punch什果賓治，幾甜幾好飲，而且非常大杯，夠飲成晚。Vodka Lime（$90）：尤如其名，即以Vodka伏特加溝青檸，青檸微酸，Vodka味會較突出，呢杯野唔甜，感覺上糖份唔高，所以我比較Prefer so called無咁肥嘅Cocktail其中一款Set Dinner $788/位，包含前菜、湯、小食、主菜、甜品及咖啡茶：巴馬火腿果仁沙律：擺盤幾靚，乾果沙律感覺較健康低脂，捲花嘅巴馬火腿乾身，具咸香。頂級牛肝野菌忌廉濃湯：湯頭濃郁，牛肝菌味突出，食到唔少牛肝菌碎粒。自家製藍花蟹餅：外層酥脆，內裡軟滑，餡料含大量真蟹肉，味道鮮香，就如豪華版嘅可樂餅。鵝肝牛柳：鵝肝嫩滑多汁，食落唔會太油太膩。牛柳五成熟，內層肉質粉嫩幼細，而且富肉汁，牛味適中，擺碟都幾精美。比利時朱古力心太軟：外脆內軟，切下去完美呈現流心質感，朱古力味濃郁香甜。…Read More

平時夜收工好多時候都會去附近新城市廣場食飯，而設於三期嘅新加坡嘅天天海南雞我都幾鍾意去，一般揀個套餐都係大約$500/2位，商場黎講又無話特別貴。未食過嘅朋友都不妨試試。餐廳與四季芬芳（即中環蛇王芬）合作推出蛇羮套餐，雖然天氣轉熱，但商場冷氣夠大，食完個身都唔會太熱。套餐包括招牌花膠太史蛇羮(2份)、天天海南雞(中份)、雞油飯(1-2人)、海南雜菜煲，及四季養生飲品(2支)：花膠太史蛇羮: 蛇肉份量偏多，採用數款不同蛇肉，除粗幼不一外，蛇嘅肉質都唔一樣，因此食落口感非常豐富，有啲蛇肉軟嫩，亦有結實爽滑，但就真係每一啖都食到蛇肉，湯羮質感夠稠密，幾好食。天天海南雞(中份): 採用新加坡文昌雞，雞肉一個字：「滑」，肉質非常絲滑，加埋秘製雞油嘅濃郁雞香，原味食都覺得正。另外仲有配三色醬：薑蓉、酸辣醬及黑醬油，各有特色，幾惹味。雞油飯(1-2人): 招牌雞油飯亦唔係普通嘅黃薑飯，而係加入雞油製嘅飯，飯粒充滿雞油香，油而不膩，飯粒顆顆分明，非常好食，戒澱粉都要食嘅必點食品。海南雜菜煲: 湯底清甜，雜菜包括娃娃菜、菜芯、雞髀菇、粉絲、紅蘿蔔片等等。除養生飲品外叫左支天天啤酒，甜口，果香味較重。…Read More

位於觀塘嘅榮哥私房菜係其中一間我最愛嘅餐廳，食物高質，價錢唔貴，菜式及套餐價錢透明，仲可以上網及WhatsApp收發最新餐牌資料，夠方便，唔洗下下打去問。茶燻流心蛋伴黑魚子醬配厚切茄子，雙色墨魚仔，本地水耕沙律菜伴芝麻醬: 前菜絕對令人好驚喜，每一樣都好出色，令人非常期待之後既菜式。流心蛋既蛋黃非常完美，呈現出美妙的膏狀，加上香氣撲鼻既煙燻味，令人想食再食。茄子亦即場得到好高評價，茄子肉又腍又香甜，最鐘意個醬加入咗芫茜，令整體香氣提升！墨魚仔口感亦非常鮮嫩，一辣一唔辣，食落清爽又開胃。沙律菜有別於平時食既，因是水耕既原故，菜葉特別爽口且嫩。原盅燉川貝陳皮海底椰鱷魚肉湯: 非常足料，飲落肉香十足，而海底椰又增添咗一份清甜，非常滋補！蝦球水芺蓉: 水芙蓉其實係蒸水蛋，水蛋蒸得非常非常嫩，而蝦球亦蒸得非常出色，同蒸水蛋既口感一致，一樣咁嫩！嫩得黎爽口彈牙， 而且size都算大隻。遠年新會陳皮黑豚肉排骨: 香炸豬扒既外皮香脆，而肉質緊緻彈牙，一咬落去，陳皮既香氣馬上撲面而黎，非常有特色！荷香蟲草花牛肝菌蒸沙欄雞: 呢款雞亦非常推薦，雞肉嫩得黎鎖住肉汁，而肉汁非常香甜惹味，荷葉香氣加上些許酒香，令人如痴如醉。他鄉炒米絲 (二十四個月西班牙黑毛豬火腿配福建莆田米粉): 食到最尾雖然好飽，但係都好值得食埋呢個炒米粉，其實一上枱，已經聞到好香，鑊氣好夠，米粉好幼，出面好少見，口感亦比較特別。是日甜品 - 福元湯圓My favourite 湯圓！ 之前係北角本店食過，因其外皮口感比較煙韌，而芝麻非常香口，一直印象深刻，估唔到想到都有得食…Read More

餐廳係利奧坊對面，地理位置優越，餐廳裝修都幾好，而且有長枱，可以一次過坐6-7個人，叫成枱野食都唔會覺得逼，餐廳裡面似乎仲有間房，有時房門一開，就聽到有人唱k避風塘雞翼 $78總共有6隻雞翼和雞鎚，表面鋪滿炸蒜，香味撲鼻，食落外脆內嫩，而且辣辣地，非常惹味！牛油果意粉 $108+$38（加配辣蝦）牛油果迷應該會幾鐘意，將牛油果切塊加入意粉，每一口都食到大大塊嘅牛油果，加上忌廉汁嘅加持，更令牛油果增添一分香味，食起上黎更香滑，而扁意粉口感軟硬適中。付$38可加隻辣蝦，中間切邊，可供share黎食。烤8安士澳洲草飼M2西冷牛扒配薯菜 $368味道非常好，肉質濃味且有肉汁，南瓜蓉香滑，食落甜甜地，非常match，另外仲有煎過既西蘭花同椰菜花，都非常可口。…Read More

十分推介呢間餐廳俾大家聚餐，食物質素高、裝潢舒適高雅、地理位置方便、好適合打卡，一定有意外驚喜！呢個擺設好好睇，有不同名酒，吸引客人打卡拍照店內以紫色燈光環繞，很特別，但不會太暗。紙醉金梅 ($98): 採用Kokuryu Sake、梅酒、台灣高山茶調製，酒味不會太濃，酸酸甜甜，非常容易入口，mix埋高山茶，味道比較refreshing白滷水九孔鮑魚 ($238): 必點！此乃凍食，很美味的一道開胃前菜，鮑魚滷得很入味，肉質爽口嫩滑，而且切咗件，食落比較方便，亦方便share獅頭鵝-半隻 ($368): 真實好大碟，分量很足，鵝肉肉質鬆軟，滷得入味、具咸香，底下係豆腐鋪底，吸滿滷汁，食落非常嫩滑！燒香鳳梨芭樂安格斯牛小排 ($188): 牛小排煎得香口，肉質一啲都唔老，很有肉汁，最特別既係，跟埋燒鳳梨一齊食，都好夾，多了一分酸甜、鳳梨香，而個鳳梨非常出色，非常juicy, 我跌咗一塊鳳梨落枱面，都唔捨得放棄，照放入口，3秒定律🤤😛流心可可香蕉冰淇淋窩夫 ($102): 呢到除了食物同飲品都出色外，甜品亦十分出免！ 甜品大大份，好岩大家share。窩夫外面焗到好香脆，配上雪糕同cream, 簡直係人生一大享受！ 而香蕉配上脆口焦糖，亦係all time the best match! …Read More

之前係尖沙咀附近翻工，平日lunch嘅時候都會時不時黎呢度食下冒菜，由佢開係天星大廈就一直有幫襯開，有時都會約朋友黎食烤魚，呢度野食都幾啱我胃口，所以一直都想試埋呢度嘅火鍋，於是就約埋朋友黎~重慶牛油麻辣火鍋但我本身唔係好食得辣，所以覺得呢個湯底都好辣下，不過配埋個油碟，香得黎又解辣，呢餐辣得好過癮。雪花肥牛肥牛素質唔錯， 即是湯底咁辣，都依然不掩蓋佢嘅牛肉香，好夠牛味。鮮淮山片、蓮藕雙拼淮山同埋蓮藕都係我火鍋必備，蓮藕爽脆，淮山片唔可以煮太耐，口感脆得黎又有黏黏嘅細絲，對於中意食秋葵嘅我都同樣好中意淮山個口感。四川寬粉食火鍋落寬粉最正，可以吸收香辣嘅湯底至於，又襟煮，煮耐左都依然好彈牙。皇帝菜皇帝菜大大份，爽口無渣，清甜鮮嫩，獨特嘅清香同麻辣湯底相映成彰。紅糖糍粑外表煎到金黃香脆，內裡香糯，配上香甜嘅紅糖漿，食完辣野果然要食翻甜品先完美。…Read More

有friend好中意打邊爐，次次約親我都喺去火鍋店，本來都冇點期待，結果呢間酒鍋都幾俾到驚喜我，環境舒服，食物有gimmick得黎素質都唔錯。《酒火入鍋》次次揀火鍋湯底都有選擇困難，而呢個鍋有5個口味，包括左番茄波士頓龍蝦鍋、潮州沙嗲鍋、四川麻辣鍋、清湯蘿蔔牛腩同埋木瓜鍋，一次過試曬唔同口味。除左木瓜鍋，其餘4個湯底都幾好味，木瓜鍋主要喺用黎做噴火gimmick用的，店員會喺木瓜鍋上澆酒，然後用火點燃，製造火焰升騰嘅視覺效果，但因為呢個湯底有酒味，我就冇用黎涮食物。番茄同沙嗲湯底夠惹味，可以提升食物嘅鮮味，麻辣湯底辣度適中，清湯就好鮮甜，四個口味都不相伯仲，各有優點。《黑毛豬豚腩肉玫瑰花拼盤》呢個拼盤大大份，豚肉肥瘦適中，又夠油香，而且肉片夠厚肉，食落真喺啖啖肉，最為配沙嗲湯底，食落最香甜惹味。《開心小企鵝》呢個喺企鵝形狀嘅墨魚丸，造型可愛，而且煮完都keep到個樣，企鵝嘴係枸杞黎，整體口感彈爽。《什菌拼盤、蔬菜拼盤》食材新鮮，處理得好乾淨，以為望落唔算多，但其實好大份，三個人都好夠食。《黑松露蝦蟹餃、韭菜餃》兩款餃子都皮薄肉餡多，黑松露味好突出，配合蝦蟹肉餡味道香甜，而韭菜餃亦都鮮美多汁，大大隻好抵食。…Read More

阿來泰式口碑一向都唔錯，於是約左朋友喺度小聚，店仔細細，我地去度嘅時候已經差唔多full曬。泰皇咖喱火山軟殼蟹法包成個軟殼蟹法包既賣相非常吸引，香濃既黃咖哩淋係法包上面，麵包變到軟熟容咬開，再包裹住炸到鬆脆惹味既軟殼蟹，每一啖既口感都好豐富，不過就法包既份量太足，兩個人都食唔完。泰式肉碎生菜包呢款都幾啱我口味，唔會太辣，肉碎嘅調味比較重口味，但喺配埋爽脆多汁嘅生菜中和下，鹹淡都啱啱好，肉碎肥瘦適宜，而且肉碎份量好多，所以食到最後都唔夠生菜包肉碎。椰青食泰國菜就當然要嗌翻個椰青，一如既往地清甜可口，而且椰青都大大隻，飲極都仲有咁。奶茶泰式奶茶既味道都算非常正宗，茶味濃郁而奶味份量適宜，飲落去感覺啱啱好，唔會太甜亦唔會太漏，啱曬食完重口味泰國菜之後飲番啖中和下。…Read More

香港人鍾意食泰菜，有不少泰式餐廳林立，我自己都真係十分鍾意，但唔係間間好食，但今次係屋企附近食到間，質素非常好，價格相宜，餐廳亦嘟嘟為主題，非常有特色，食得我心花怒放炭燒豬頸肉食落非常香口，表面焦香，份量算多，而且仲有個炭爐保持住溫度，而個泰式酸辣汁非常過癮，可一解豬頸肉的油膩。泰式明爐花甲鍋花甲大大隻，非常鮮甜，食落好juicy! 而且湯亦好清甜，連埋個粉絲被食清得一乾二淨，非常推薦！馬拉盞西蘭花炒蓮藕用馬拉盞炒西蘭花，鹹香味重又帶香辣，令西蘭花變得惹味，而蓮藕又脆又清甜，加上炸蒜片，令整道菜香口不少印度薄餅雖然無叫到咖哩，但又唔想叫白飯，於是叫客naan食都唔錯，就咁食都好香口，飽肚之餘又可以過下口癮芒果芝士沙冰沙冰飲落綿密，而且飲到有芒果肉， 酸酸甜甜，並且淋上奶蓋，增色不少，奶蓋亦整得好出色，又滑又充滿奶香，推薦！…Read More

Burgeroom嘅漢堡都好出名下，朋友食過都話推介，今日終於都約埋朋友黎試一試，發現果然名不虛傳。大烤菇芝士牛肉漢堡我地嗌左2個漢堡share食，而呢個漢堡超正，個包底有烤過，所以表面香脆，牛肉有香濃嘅牛味，加埋融化嘅芝士，雙倍香濃，而且牛肉肉汁豐富，配埋個大烤菇、番茄同生菜嘅汁水，成個漢堡勁juicy，邊食邊滴汁，食完超滿足。軟殼蟹漢堡呢個漢堡都唔錯，軟殼蟹都好大隻下，所以都啖啖蟹肉，唔會一啖咬落全部都係炸粉同蟹殼，炸物加沙律醬係絕配，配埋蔬菜嘅汁水，亦都唔覺得乾，整體都啱啱好。蜜桃冰茶&菠蘿冰茶呢兩杯野飲有淡淡果香，都幾解渴，不過都係覺得漢堡要配可樂先爽，但飲果茶就感覺健康輕盈d，減少食漢堡嘅罪惡感。…Read More

同屋企人食生日飯，於是預約左大公館，環境都有d古色古香嘅感覺，侍應服務態度都幾好。清香柚子凍鮑魚一上台成張台都被白霧籠罩，而且效果都維持左陣，手機擺係台都搵唔到，呢道菜唔單之好睇亦都好好味，鮑魚彈爽鮮美，都幾高汁。龍井煙熏黃花魚魚肉滑嫩，煙熏香味加上龍井嘅清香，中和魚肉油香，令人食完一件接一件。話梅鐵棍淮山呢道前菜幾特別，爽脆淮山配上酸酸甜甜嘅醬汁，食落有陣梅子嘅清香，都幾開胃。招牌黑毛豬叉燒叉燒肉質軟嫩，表面微焦，麥芽嘅甜焦香同埋豬肉油香係口中迸發，而且食得出豬肉新鮮，整體肥美可口。黃金沙律汁蝦球蝦大大隻，鮮甜爽脆，底下嘅茄子外皮炸到鬆脆，咬落外脆內多汁，配埋香甜嘅沙律醬，啖啖滿足。脆米蒜香雞雞皮加上脆米，焦脆香口，而雞肉又非常滑嫩，一脆一嫩，口感相當好，而且咬落有雞油爆開，多汁香甜。西班牙火腿琥珀米黃浸時蔬鹹香嘅火腿配上清甜嘅津白，相配得宜，米湯濃稠而且有桃膠係入面，口感特別。金瑤櫻花蝦蛋白炒飯呢個炒飯好有鍋氣，米飯粒粒分明，菜心嘅鮮甜配合蝦乾嘅香味，恰到好處，成個炒飯唔會太油，而且分量好大，食完超飽。狀元山楂糕酸酸甜甜嘅甜品，食完炒飯可以消下滯。…Read More

而家搬咗黎大角咀住，住落覺得好便利，基本上好多野食呢一區都有，收工想食下泰菜，一出地鐵站，行幾步路就搵到呢間，就係奧海城三期地下，我係地鐵站一出經過奧海城地下既m記，出去一過馬路就可以見到奧海城三期，沿住路邊有幾間餐廳，向住果邊行就可以搵到。可揀室內或室外坐。札肉撈檬粉札肉大概有4塊，而魚露甜酸汁唔係好辣，面頭有花生碎、炸乾蔥、生菜同紅蘿蔔絲，撈完食落無比平時食既濃味，比較涼浸浸同清爽。冬蔭公海鮮湯河 入面大約有2-3隻大頭蝦、2隻青口同埋墨魚，而呢個湯亦都唔會太酸或太辣，椰奶味比較重，比較適合香港人口味。泰式串燒 （3串豬肉 3串牛肉）串燒被燒至有點焦香，肉質嫩滑，唔會燒到肉質鞋曬，串燒跟沙嗲永遠是絕配，點一點沙嗲，食起身更香口。個人覺得串燒牛肉會更惹味啲…Read More

必試二人套餐同朋友喺附近買完野，又想食泰菜，喺麗閣商場見到喜泰味生意都唔錯，就決定一試，環境都算闊落舒服，侍應姐姐人好nice。我地一左落去，侍應就送左份免費嘅蝦片，唔知係咪因為肚餓，覺得好好味，香脆酥化，一上枱已經俾我地清曬。二人套餐 - 馬拉盞炒通菜，同埋泰式海南雞(半份)我地見二人套餐好似幾抵，於是就揀左份馬拉盞炒通菜，同埋泰式海南雞(半份)，菜式雖然簡單，但又幾好味喎。馬拉盞炒通菜都幾有鑊氣，食落好惹味，鹹香濃郁，送飯一流，適當嘅香辣味更加喺點睛之筆。泰式海南雞意外地唔錯，雞皮爽滑，雞肉都算滑嫩，唔會柴，食得出有雞香味，配埋辣椒醬更加滋味，令人胃口大開，而且二人套餐黎講都足分量，食得好飽。菠蘿沙冰加左11蚊飲呢杯沙冰，菠蘿味都好重，果味好香好新鮮，飲落覺得好fresh好解渴。泰式芒椰西米🥭朋友仔就order左一杯泰式芒椰西米，香濃既椰汁配合香甜可口既芒果，再加上粒粒彈牙既西米，每一啖都好有滿足感。椰汁西米糕最後送左份糕點，清甜冰涼，都幾爽口，下次可以order翻份。…Read More

聽人講18樓雞煲cp值高，平得來又幾好食，於是就同朋友去試下。去到餐廳，裝潢都幾港式，以neon light做signage, 又有香港風格的塗鴉墻，環境幾舒服。我地揀左A餐，一開始就係食雞煲先，要左小辣，調味比較重口味，所以雞都好入味下。 KO左一半雞之後，我地就即刻落湯轉邊爐，火鍋配菜選擇都唔少，而且每一份都細細份，咁就可以試多幾樣，試到中意嘅先嗌多啲，咁就唔驚會浪費啦，最驚就喺嗌左唔中意嘅配料要硬食。真心要讚賞肉類！豬牛雞羊都有，食得出係新鮮嘅，牛肉同豬肉放落邊爐煮完後，唔會被湯底搶味，依然好重肉香，肥瘦啱啱好，肉類素質幾唔錯，所以呢個價錢任食認真抵！海鮮嘅選擇雖然唔多，但啲蝦都算大隻，淥完都無大縮水，食落亦無冰鮮味；雖然其他配菜嘅選擇唔算好多，但佢真係正在食材新鮮，試左炸魚皮、淮山、蓮藕、豆腐、豬紅等等配料，水準都唔錯！不過呢間都喺主攻食肉類。野飲方面，都幾多選擇，酒都可以order，不過見到有我最喜歡嘅冬瓜茶，梗係要試啦！果然無令我失望，因爲我真係好驚冬瓜茶會好甜，好似落左糖漿咁，但呢個嘅甜度我覺得係ok！食辣辣地嘅野，有冬瓜茶中和下，啱啱好！飯後甜品有軟雪糕，我就試左綠茶味。又ok wor, 食到嘅香濃茶味，又唔會好甜，如果唔係因爲太飽一定會再食多杯！…Read More

位於大角咀街市附近，離遠已經可以spot到，白色既招牌同簡潔既裝潢，非常亮眼鋪仔細細，大約可以坐3枱客，當日鋪頭便有3個人打理間鋪頭，所以野食上枱既速度很快。川式麻辣醬堡 $68價錢非常實惠，如果出尖沙咀或旺區的話，可能已經要收$128，呢個漢堡相信係鋪頭既signature, 食落辣度適中，食多幾啖已經可以適應呢個辣度，唔會越食越辣，當中仲有研碎咗胡椒粒，很有口感，而塊扒又煎到非常焦香，另外鋪了生菜, 青瓜同蕃茄，食落香而不膩，加上飽亦好香軟，人生少有地自己清咗成個漢堡！薯條薯條係粗薯條黎，好香脆，有薯仔味，不錯！血橙梳打＋$18Aranciata Rossa 血橙梳打係意大利著名品牌， Santa Vittoria 係梳打系列之中最受歡迎的飲品之一，以 12% 果汁配合天然香料製成，不含防腐劑，一定要加呢款飲野，好好飲！唔會太酸，但好refreshing…Read More