LinkFu's Profile

今日同friend喺希慎行街，行到攰攰地，個friend話有啲肚餓，於是走咗落樓下food court食嘢，見到有一間有蠔食嘅餐廳"Cooley Oysters"!見到餐牌，百零蚊一個 dinner set,仲可以用40% off加購生蠔食， 似乎都幾抵喎!我哋叫咗兩個set:🌟招牌菜 - 加拿大龍蝦意式扁意粉 $189🌟新招牌菜 - 烤香草三黃雞(半隻)伴牛油新薯牛肝菌$180兩款主菜都好足料，而且味道唔錯!性價比都幾高!仲加左 4隻 Cooley Gold🦪，新鮮又夠鮮味!正!…Read More

喺蘭桂坊唔只得酒吧嘅，仲有打卡必到嘅火鍋界天花板重慶老字號「朝天門」！重慶火鍋係重慶市嘅非物質文化遺產之一，開到黎香港仲要加入埋廂房設計，不論三五知己定商務宴客都得！相信去過北上食野嘅朋友都享受貴賓般嘅招待，呢到傳承89年味道正宗嘅地道火鍋加上現代化嘅嘅裝潢加貼心服務，不得了呀。首先，坐低就送餐前小食，同每位碟上放好方包，問左先知方包原來用黎索重慶火鍋嘅辣油！我地揀左玉璽鴛鴦鍋，非物質文化遺產紅湯同胡椒豬肚雞。紅卜卜滾下滾下好刺激。仲揀左堆好啱食麻辣嘅配料，精選雪花肥牛，草原千層肚、鮮毛肚、冰鎮鵝腸、豬精品鬆板肉、八秒響鈴卷、鮮藕片、鮮木耳、船家苕粉、公仔麵！食物高質！邊食邊唱K，好玩又好食！啲歌仲幾新添！包廂消費：細廂房$5000，大廂房$10000！高質食品優秀服務加私隱玩樂空間好抵！…Read More

天氣凍凍地，又係打邊爐嘅好時間！上個星期同朋友去食左一間位於天后好出色嘅港式火鍋店！我地叫左個清潤嘅火鍋湯底- 清甜蘆薈椰子雞火鍋湯底用料十足，有滑雞片，椰子同蘆薈仲有雪耳，每啖湯都非常清甜，職員建議我哋要飲多幾啖湯先再打邊爐！火鍋配料都有好多選擇，海鮮、肉類、水餃，丸類同埋蔬菜都應有盡有，而且每款火鍋配料都好新鮮!最後埋單嘅時候，店員仲問我哋夠唔夠食，因為佢哋出名有個糯米飯，其實望到都覺得好吸引，真係好想試下！但今次已經食到好滿足啦，下次要再過嚟試吓！…Read More

上環地鐵站附近有一間勁高質素嘅意大利餐廳，位於新紀元廣場地下!餐廳設有室外室外嘅坐位，坐户外坐位，你會感受到一股非常休閒嘅感覺; 坐室內就會感到餐廳好有氣派嘅設計!今日同朋友嚟食Lunch,Waitress首先遞上新鮮嘅麵包。我地點咗一個前菜跟一個Main course 仲有一個甜品!- 獅魚和柑橘類水果肉片- 西班牙紅蝦意大利粉- 意大利芝士餅最後當然吾少得兩杯熱咖啡!整體食物質素唔錯，而且賣相仲十分之精緻，尤其是紅蝦意大利粉，醬汁濃郁，味道好，非常高質素!意大利芝士餅唔算好甜，但好creamy，朋友好鍾意!我同朋友食下傾下唔覺唔覺都食咗兩個幾鐘頭，真係一個好Chill舒服嘅餐廳!…Read More

灣仔內街有一間元祖雞白湯拉麵館，雖然位置有啲隱世，但去到門口見到大大個紅色燈籠，好容易就可以搵到!呢間拉麵館嘅湯底出名濃郁夠味!我同朋友就揀咗兩款拉麵🍜特盛雞白湯拉麵 $139- 雞肉真係非常嫩滑，我揀左捲曲麵,麵質好煙韌,又掛湯,每，配料都好豐富。🍜北海道產蝦味噌$108- 係獨特的蝦味噌湯底，湯底非常濃郁。而且大量櫻花蝦係湯面，令成碗湯充滿住海鮮嘅鮮味。小店雖然細細，但設計和式風味，係唔錯嘅拉麵館推介!…Read More

今次又跟朋友去食好嘢，係銅鑼灣嘅一間樓上居酒屋，地點非常方便，正正喺銅鑼灣地鐵站行吾洗兩分鐘。居酒屋座位寬敞，充滿住日式和風設計，店員由入門口開始，已經殷勤有禮👍🏻我哋叫咗一個2人餐"Premium"，個餐好豐富。刺身三點仲可以+$98升級 - 拖羅/金目鯛/赤蝦- 刺身肥美，而且仲好新鮮浜燒黃金大虎蝦(2隻)- 店員喺我同朋友面前即場燒烤大虎蝦，未食已經香味十足，非常吸引蒜蓉牛油馬刀貝+清酒帆立貝- 兩種食法都各有特色，清酒帆立貝特別可帶出海鮮嘅鮮味西京比目魚/燒魚餃 (二選一)- 我哋就揀咗比目魚，鍾意佢肉質夠滑，而且冇乜骨，可以啖啖肉發塔紙白蜆湯- 白蜆好清甜，份量啱啱好海鮮炒飯- 我地又+$98升級海膽炒飯，炒飯炒得好乾身，而且用料十足甜品(2份)- 椰子雪糕+朱古力窩夫成個餐非常豐富，如果你得一個人都想試吓，唔使擔心，因為一人前都只係$429， 有興趣嘅朋友快啲嚟試吓啦…Read More

今日天氣好好，忽然間有心情同朋友由中環7號碼頭搭船過尖沙咀，途中喺碼頭見到一間韓式炸雞店。覺得好得意，可以一路欣賞住中環海境，一路食韓國嘢，都係一個幾唔錯嘅選擇。首先叫咗醬油五花腩肉飯，腩肉好香，吾算太肥，米飯好有口感，幾好食!小食就配咗炸紫菜卷2串韓式炸雞腿肉(6件)套餐都唔錯，叫左韓國柑橘醬汁，就算酸甜甜好好味，而且炸雞唔乾身， 炸得好Juicy，再配2罐汽水，真係一流，估唔到中環碼頭都有間甘有水準嘅炸雞店!👍…Read More

Weekend約左朋友一齊去佐敦食飯，大家都想食海鮮，於是book左呢間位於佐敦嘅中餐館。餐館地點非常方便，地鐵站一出行3分鐘就到👍🏻我地見到做優惠醬燒琵琶鴨(半隻) 都只係$78，大大隻，吾肥，而且肉質好有鴨味，真係超抵食!再叫左豉椒炒勝旨煎米粉$268，米粉好爽口，份量又足冰鎮咕嚕肉$138，賣相夠靚之外，咕嚕肉冰鎮之後口感十足。再叫左個自選孖寶 $298 我地揀左沙巴龍斑+紅燒脆皮乳鴿，龍斑一啲都唔係欺埸，夠晒大條，魚肉夠新鮮；乳鴿上枱夠熱啖啖肉鮑汁燴滑豆腐$118 ，係店員特意推介，推介喺自家師傅製，出邊好少食到;豆腐真係好滑，真係忍唔住食多幾舊!最後我地仲叫原煲老火湯粉~葛鯪魚煲豬骨 $64湯味夠曬濃郁，見到啲料都到知道，真材實料👍🏻🎇海洋超級漁港 (深海龍躉專門店)🎇📍地址:佐敦佐敦道23-29號新寶廣場3樓📞: 2385 8863@oceansuperseafoodrestaurant#港式酒樓 #粵菜 #佐敦美食 #香港美食 #hk #hkig #hkiger #foodphotography #hkgirl #佐敦酒樓 #相機食先 #冰鎮咕嚕肉 #晚飯小菜 #生活隨手拍 #生活隨拍 #佐敦 #新鮮海鮮 #foodielife #hkboy#enjoyable #f4follow #lifequotes #linkfu #hkinfluencer #食好西 #好西分享 #美食家#foodblogger #foodielife…Read More

比較少接觸墨西哥菜嘅我，近排發現左尖沙咀天文臺道有一間勁chill, 打卡又夠靚嘅墨西哥餐廳。⭐Grilled Ox Tongue Nachos 烤牛脷墨西哥香脆玉米片 $158⭐Tostadas - Tuna & Avocado $108⭐Linguine Vongole 意式蜆肉扁意粉 $188☕️Earl Grey $66🍵Lemon & Ginger $66食物嘅賣相同質素都好有心思，充滿著墨西哥風情。餐廳整體環境好舒服，設計非常型格，而且座位都好舒服， 仲有半露天座位，我用餐嘅時候都見到好多人係度happy hour。絕對可以好chill係度度過一個下午既時間。…Read More

太子花園街，有一間隱世居酒屋。居酒屋位於一條長長嘅內街小巷，走到小巷嘅中間，就會見到啦!居酒屋係今年年頭先啟業，由於地方唔大，座位唔算多，所以建議各位最好訂咗位先!居酒屋有好多廚師特製嘅串燒，好似 煙熏芝士、士多啤梨豬肉串、鱈魚棒 呢三款串燒喺出邊都冇食過。另外有雞肉棒、雞肝、雞心喉管、雞腎、牛脷、燒雞翼、明太子雞肉串都燒得時間啱啱好，夠味又吾乾身至於鹽燒豬肋條同自家製嘅炸餃子(5隻)，廚師都介紹煮法，真係落足心機。最後就係伊比利亞豬鞍，每片肉都又薄又滑，真係一間好驚喜嘅居酒屋!…Read More

喺中環食lunch, 成日都食西餐，真係食到有啲悶。真係好想食中菜，見到有間新開叫"六如"嘅中菜館，有好多款午餐選擇，都幾好吸引。經店員推介我叫左佢地最出名嘅🔹私房黑蒜蒸龍躉件$98再加配左兩個小食，包括有黑磚豆腐同煙熏糖心蛋龍躉件非常新鮮，肉質勁滑，真係好有驚喜，店員話龍係廚師日日都新鮮處理，確保品質，所以好多客人都好鐘意食!而且小食都有心思，黑磚豆腐都係即叫即整，豆腐心仲係熱辣辣，外層有夠爽口，非常好食!最後我仲食埋佢地自家製嘅甜品:士多啤梨芝士軟糕，味道都算唔錯!店員仲話而家中菜館做緊優惠只要提早1日訂枱，全日仲有八折!我可以同我屋企人一齊上嚟食晚飯都係一個幾好嘅選擇!…Read More

跟住個喺銅鑼灣返工嘅朋友去搵食，佢帶咗我嚟呢間喺亨利中心 12 樓嘅 Sushi N 食 Omakase. Sushi N 嘅裝潢好有日本壽司店嘅 feel，好似去咗日本一樣咁，開揚嘅open space 可以睇到師傅預備食物。今晚嘅廚師發辦，我哋叫咗 Sushi N Omakase set （$1080）包括咗: 先付三品- 豆腐配南瓜汁- 黑梅背大根- 蕃茄配柚子啫喱 入味，蕃茄配咗柚子汁酸酸味味好開胃旬の牡蠣- 岩手縣大船渡真蠔蠔夠新鮮夠Creamy, 充滿海水嘅味道但又唔會藝蓋肻咗蠔嘅鮮味, 加入少少青檸汁吊一吊味就夠了旬のお造り三品- 岩鹽柚子皮魚子甜蝦他他配鱈魚片淡淡嘅柚子香同岩鹽搭上甜蝦他他，甜蝦做他他黏黏口感不錯，脆脆的鱈魚片味道比較濃，配搭令口感有層次感- 石垣鯛配柚子胡椒沙甸魚配三星漬銀ダラ燻製のお刺身- 間八魚配黑松露酸汁- 煙燻銀鱈魚刺身- 劍魚腩、醬油蛋黃漬、炸葱間八魚配黑松露酸汁配上紫色食用花一起食。間八魚本身味道唔太濃，黑松露酸汁嘅味道配上間八嘅口感就做到各自發揮所長。煙燻銀鱈魚刺身: 充滿儀式感嘅一道菜，師傅先放刺身於杯內，再點火閂蓋將煙困在杯內做到煙燻效果，食前將蓋打開，濃濃嘅煙味隨即四散，而銀鱈魚刺身則充滿咗煙燻味!劍魚腩、醬油蛋黃漬、炸葱: 劍魚腩 點落蛋黃漬食就 ok。醬油蛋黃漬好出色,蛋味好出加上醬油嘅鹹味配上炸葱同劍魚腩又唔會搶走劍魚腩嘅淡淡嘅味道。和牛の塩焼き- A4和牛配芥末籽、岩鹽上咗3 件壽司後的熱食，外表煎香，內裡粉嫩嘅牛扒唔會太油膩。酒肴Snacks旬の握り寿司四貫- 石垣鯛配柚子胡椒- 羽太魚- 梳子魚 （火炙)- 沙甸魚配三星漬四種壽司都各自有佢嘅特色，當中以沙甸魚配三星漬最特別，滑滑嘅沙甸魚入口即溶トロ大拖羅壽司, Oishi!ホタテと雲丹- 帆立貝紫海膽，配岩鹽個人嘅最愛，本身都鍾意食帆立貝同海膽、兩種食材嘅鮮味都好出，但放埋一齊又無違和感雲丹手巻き- 海膽手巻海膽滿滿嘅迷你手巻要趁新鮮食，唔係嘅話紫菜會好快淋吸物- 鯛魚湯配菇、蘿蔔、豆腐魚味好濃，配料都好夾デザート (甜品)- 開心果雪糕…Read More

近來香港太熱，熱到個人都冇乜胃口，成日都唔知想食乜。準備係係佐敦坐地鐵返屋企，見到地鐵站對面有一間日式外賣專門店，黃色招牌非常搶眼，於是就諗可以買外賣返屋企食！外賣店雖然地方細細，但見到有好多種類嘅日式食品，有手圈、刺身、壽司、便當、小食、和食飯類同飲品等等。。。都算夠多選擇！我就揀左- 海膽吞拿魚刺身飯 $98 - 照燒雞扒便當$68(可配小食兩款)我就配左炸餃子(3件)+芝士年糕- 燒三文魚頭$40雞扒便當同三文魚頭拎到返屋企仲係熱嘅，便當份量好夠；而且三文魚頭，D魚肉又好滑！整體三款食品好味，性價比好高！喺平靚正嘅日式外賣店推介！…Read More

今晚同朋友嚟到蘭桂芳 chill 下。蘭桂芳而家都靜靜哋，但估唔到呢間喺榮華里嘅酒吧都幾多人，我哋衝咗入去試下點解咁受歡迎。一坐低好快就有職員介紹同推介飲品嘢食比我哋。我哋叫咗：Mango Sticky RiceVolcano 呢杯以vodka 作 base 嘅飲品喺上菜時店員會點著杯飲品，名乎其實係一個火山！除咗賣相特別外，呢杯飲品都幾易入口，薄荷加上熱情果香，最啱夏天飲Spanish Tomato Bread $58切粒蕃茄配上麵包，香口微酸，清新開胃Spanish Blue Mussles with Chilli Sauce (Coconut) $258呢個藍青口配辣椒椰漿醬汁嘅青口一定要試! 藍青口除咗入口肥美之外，果陣有濃濃嘅椰香同微辣味唔會掩蓋咗原本藍青口嘅鮮味。個汁仲好香口而唔太辣，呢份青口包括咗麵包，唔洗浪費咗個咁好味嘅醬汁Seared Spring Chicken with Mixed Vegetables $288春雞配Pimientos de Padrón迷你青椒、薯仔。好食！春雞入口嫩滑，淡淡嘅鹽味加上迷你青椒薯仔都先係微微炸過，令到呢一度主食幾香口唔會太單調…Read More

今晚我地一行四人齊晒腳去中環喺蘭桂芳《朝天門》食正宗傳統重慶火鍋。一聽個名就覺得霸氣，入到裡面收入眼簾係迎官接聖的牌匾,品牌榮譽的資質牌,帶有重慶元素嘅裝飾，覺得自己頓成九五至尊！餐廳設計非常金碧輝煌，由座位佈置食具擺設，調味醬料都極具心思！首先店員殷勤奉上餐前小食: 有合川桃片 、怪味蠶豆 、麻花，全部都係我地第一次食到嘅重慶小食。再嚟就係招牌菜嘅火鍋湯底，有非物質文化遺產紅湯、新疆日乾蕃茄湯同鮮味雲南雜菌湯，每啖湯都鮮甜好味，真係忍唔要飲多幾碗，正宗又好味！火鍋配料更加極盡心思，刀功非常精湛，好似豬黃喉(心臟主動脈血管)，完全無肥膏，入口勁爽脆； 雪花肥牛更加出色，啖啖牛肉味功濃；毛肚同鵝腸建議碌大約15秒，確保肉身爽口，真係有非常驚喜嘅食材！仲有發元地水八塊 、牛大肚、 牛肉 、大皮牛肉、 牛提筋 (建議碌2-3分鐘)，呢啲食材從來冇喺外邊食過，朋友都讚口不絕！仲有不得不讚野菌併盤: 有竹笙、 球菌、 雞菌、 金耳、 珊瑚菌 、牛肝菌，除咗係香港稀有嘅食材，而且味道非常鮮味，冇諗過連野都可以咁好食。而且店員仲介紹我地，餐廳有大細不同的VIP房間，內置茶具和卡拉OK,可以適合唔同既宴會，我地下次可以約埋一班朋友包房一齊玩過夠！而且餐廳仲有午餐推介，每人平衡都只係200幾蚊，已喺中環蘭桂坊路段嚟講，絕對係性價比好高嘅餐廳!…Read More