r714540's Profile

我係經網上平台買套票，有10% discount。嗰日去到咁啱落雨，見到酒店用啲毛巾封住個門口，影響咗個外觀有少少失望。 我哋被安排坐喺近露台嘅二人枱。啲職員好殷勤，即刻過嚟問你飲咩茶，逐隻介紹好細心。佢哋應該係實習生，望落都好細個，但都笑容滿面，好樂意咁去解釋每一件產品，可見酒店應該培訓得非常好。等咗一陣，個職員就推咗架餐車過嚟。入面放咗8樣鹹點同8樣甜點。我哋啱啱好兩個人就要晒16樣share，每款試少少。普遍嚟講鹹點比較好食。我覺得最出色係個三文魚撻，但普遍味道偏清新為主。每樣食物都食得出加咗少少生果嘅元素。唔會話有嘢非常濃味搶咗個風頭。甜品方面，有少少遜色。主要都係打卡為主，味道有少少普通。 其實我唔介意佢少幾樣，或者整細份少少。咁樣每款都有兩件唔使每一件都自己切開一半，我覺得咁樣食會輕鬆啲 😂 始終價錢嚟講唔係平，其他酒店hightea有景又有三層架。呢度淨係有架餐車，我覺得性價比係偏低 🫢 …Read More

上網見到Ricky san 介紹呢間餐廳，係一個日本主廚嘅法式omakase 料理。頭盤係炸牛肚，個皮蛋芫荽醬好特別，但略嫌有少少乾。湯係本地南瓜蓉凍湯，超級濃郁，超級好味🫨🫨🫨 第二道菜要咗凍肉批，味道好香濃，但酥皮有少少硬。主菜叫咗本地牛柳配豆豉醬，味道有啲似鑊仔牛柳😂 最後甜品係紹興酒雪糕加朱古力brownie，可惜紹興酒味偏淡比朱古力味搶咗風頭。整體而言，味道真係冇得彈。醬汁同食材嘅味道配合得天衣無縫。PS: 有少少地方可以再做好啲。因為係開放式廚房，我哋有時見到有職員處理食材同工具嘅方法都比較唔衛生，尤其係處理生熟食材及清潔工具時可以更加仔細。可能多幾個步驟，但食客睇住個廚房乾淨企理衛生，相信食都食得開心啲 😉…Read More

鬼金棒牛骨湯拉麵係一間主打牛骨清湯湯底嘅拉麵，開正喺鬼金棒拉麵隔離。同鬼金棒一樣，湯底有普通同辣麻之分。我今日叫咗個味玉辣麻牛骨拉麵（中辣，小麻）。湯底好濃牛骨味，起初以為自己食緊台灣牛肉麵 😂 飲落好順口。除咗好特別嘅牛肉叉燒之外，拉麵亦都落咗好多洋蔥，香得來唔會搶咗湯底嘅牛骨香味。麵條偏幼身，掛湯一般。味玉有驚喜係流心蛋，而且用醬油醃製過。食完碗麵，我仲加咗碗白飯。放落剩返嘅湯變湯飯，啖啖牛骨鮮香，真係好正🤤 唯一可惜係我叫咗中辣，少少冚過咗湯底本身嘅味道。如果叫小辣，我相信牛骨味會再出啲，食得辣又鍾意牛骨湯嘅人可以試一試 😉…Read More

已經好耐冇去過別天神拉麵。一年前去嘅時候驚為天人，成日都要排隊。今日咁啱行過冇人所以入去試一試。同之前一樣，我叫咗佢哋嘅別天神套餐，爆一碗豚骨拉麵同一個沙律。拉麵湯底奶白色，好香濃嘅豬骨味。上次喺博多見到日本人會喺拉麵上面落酸薑，我又試一試，啲回憶即刻返晒嚟😊 湯底嘅油膩感俾酸薑減輕左，酸中帶少少微甜，碗麵即刻變到好開胃。小龍蝦沙律亦都好好味，加埋紫菜一齊食就冇得頂 😋可能嗰日去落雨，冇乜客。鋪面有啲污糟，而且牆身有跡。建議店長改善改善。別天神套餐 （豚骨拉麵+小龍蝦蟹籽沙律）$110。…Read More

今日又去到西九龍中心。之前食過番廚嘅海南雞飯，今次想試吓第二間就去咗良記。價錢冇乜分別，但食完之後就發覺味道好唔同。番廚嘅雞飯有三種飯（白飯，油飯，黃薑飯）俾你揀，良記就剩係得黃薑飯。不過佢啲雞同個湯就好出色。雞皮爽彈，肉質鮮嫩，有少少鹹味。食得出用鹽醃過，同埋有浸冰水。飯小鹹，南瓜湯勁足料，超級鮮甜，入邊啲雞殼有時仲有好多肉，可以送多一碗白飯。兩間咁嘅價錢，大家都應該知道唔會係新鮮雞。如果要比較，我個人覺得良記專一啲，淨係賣雞飯。番廚就多啲唔同嘅選擇。大家見仁見智，我覺得兩間都咁好食。海南雞飯$45…Read More

今日咁啱公司聚餐，老細揀咗呢一間酒店，因為佢有免費泊車。我哋一行16個人，都覺得回本位真係比較少。間餐廳好嘅地方係有嘢飲任飲，有咖啡，橙汁，菠蘿汁，蘋果汁。另外沙律同刺身都認真唔錯，兩樣嘢比較新鮮，但要留意番切嗰個人係邊個。我一開始係個阿姐喺度，切到碎晒😅跟住換咗個女廚師，即刻好睇咗好多😂😂😂 熟食嚟講，個燒羊架唔錯，唔騷而且嫩滑多汁。燒味方面有三樣嘢揀，分別係燒肉，豉油雞，同燒鴨。不過好似係限量供應，食到最尾都冇晒燒味變咗炸春卷。甜品方面真係算鬼數😅攞咗件Tiramisu蛋糕，點知食落餅底完全唔係嗰回事，似係啲麵包做餅底，而且冇咩咖啡香味🫠焦糖燉蛋亦都太甜。但好在佢甜品都有回本位-Häagen-Dazs雪條任食 🤤 我同事食咗四條，佢話其他都唔使食 🤣整體而言，我覺得冷盤同烤肉比較出色。其他嗰啲就見仁見智😬…Read More

其實呢間雪糕店我都真係食咗好多年，嗰時大學未畢業已經成日去西九龍中心幫襯佢。真心諗一諗，又平又好味嘅雪糕邊度搵 ，真係抵佢可以做咁耐😂 我每次去西九龍中心，一定會叫番杯五球自選。當然佢一定比唔上嗰啲連鎖雪糕品牌,但真係勝在夠平，而且某啲口味仲好有水準。食咗五年有多，我覺得佢嘅荔枝&咖啡雪糕最出色🍧荔枝雪糕絕對比得上出邊幾百蚊日本餐廳嗰啲雪糕甜品，甜得來帶清香味😋咖啡雪糕就好濃，好似真係飲緊杯咖啡咁☕️老闆要繼續努力，我會支持到你唔做為止 💪🏻💪🏻💪🏻五球雪糕自選-芒果，綠茶，荔枝，咖啡，芝麻 $15 …Read More

嗰日星期五同朋友食飯，叫咗個泰國烤煱。個煱本身跟一蝶牛豬拼盤，牛肉豬肉好正好有肉味，加埋泰色辣醬冇得頂！我個人覺得牛肉應該點綠色辣醬，豬肉就點紅色嗰隻😋 中間嗰隻啡色醬點咗有啲似牛骨湯，都好味，但冇其他兩隻咁出色🤣另外再加左一碟牛肉同雞肉都好正。熟食方面，嗌咗蝦多士，炸得好乾身唔油膩。即場仲有busking表演，唱得好好聽 🤩 首《難道喜歡處女座》超好聽，把聲勁似林家謙 😆 整體而言，餐飯食得好開心，係一個同朋友嚟食飯放鬆嘅好地方。泰國烤煱 $298，加埋其他嘢食嘢飲人均$400…Read More

今日遲咗出門口，又落大雨，2:30pm先去到太古城搵女朋友。女朋友特別推介北海丼下午茶餐。原來佢下午茶魚生飯有特價。入咗去楚之後，侍應好快俾咗杯茶，好有禮貌咁樣問我地食乜嘢。選擇唔多，最後我叫咗個火炙左口魚邊海鰻丼 $108。魚生飯細細碗，但勝在夠新鮮🐟左口魚邊火炙完勁多油，香噴噴，啲油慢慢流落碗飯度超正。除咗魚生之外，飯上面仲配有海帶沙律，生姜，同Wasabi，可以用來解下油膩感。海鰻本身亦都好大條，正常水準。特別一提個炸蝦卷幾好食🍤 但豉油略鹹，點沙律醬好食啲。另外沙律亦都好新鮮，啲菜非常之爽口，同芝麻醬好夾。整體而言，價錢正常，性價比太古城嚟講都算唔錯，加埋店裏面嘅裝修，我覺得已經好好☺️…Read More

今日做完gym都2:30pm，見APM周圍都係咁多人，咁啱cuppling room竟然有位，即刻入去食晏。入到去先發現原來佢Menu update左。我叫咗一份午市套餐$168-燒春雞配薯菜（+$24），包前菜同一杯嘢飲total $215。前菜係南瓜湯，普普通通。反而燒春雞真係好大隻，完全唔似春雞😂 隻雞本身已經好香迷迭香味，點埋個醬辣辣地，起正。其他配菜都好好味，薯條香脆可口。最特別係個蘑菇煮到乾身，菇味香濃，帶小小忌廉。整體而言，扺食夾大件，cafe美食來講性價比極高 😇…Read More

今日咁難得去到西灣河，當然要入去太安摟食好嘢啦！入到去我就一枝箭就衝咗去真。章魚無雙🐙 我之前食過佢嘅章魚燒，勝在外層鬆軟，入邊章魚大大粒，質感爽得來好過癮。我叫咗份明太子x 柚子章魚燒 （六粒）$37。勁大粒章魚😋 明太子真係超正，可以話係招牌中嘅招牌。柚子醬係平時飲開嗰隻柚子蜜，再喺上面加日本柚子胡椒，味道酸酸甜甜，好清新。加埋上面嘅木魚碎，同埋兩中場一齊食，真係好好味🤭 可惜當日冇蟹膏，如果唔係一定會試 😤 …Read More

啱啱喺銅鑼灣睇完戲，又未到食晚飯嘅時間。之前食過Via Tokyo覺得佢出品唔錯，見佢裝修完所以決定去幫襯吓😋 叫左兩杯宇治抹茶+宇治焙茶雪糕 (白玉$55，黃豆粉$62) 。抹茶味好濃，可能因為加左北海道牛奶，雪糕質感好軟滑 🍦 個人覺得抹茶雪糕都係加紅豆泥最正最好食 😂 反而焙茶味真係食唔到，而且我發現裝修之後價錢多咗唔少。啲員工用雪糕機嘅技術亦都冇以前咁好，嚟到個雪糕又肥又矮咁⋯⋯味道係好嘅，但價錢同外貌真係有待改進 😅…Read More

今日同同事打完波，見都已經8:30pm又唔想行太遠就去咗稻香打邊爐。我哋叫咗個$1 紅燒魚頭煲，另外再加湯打邊爐。去到先知8:30pm後火煱料6折😯嗌咗勁多嘢，最後都係係人均$90埋單🤓個魚頭煲味道好濃，好大塊但略嫌多骨。之後再加湯打邊爐，叫咗一碟肥牛，加啲菜同丸。我覺得稻香最好食嘅牛肉就係$98肥牛，再食貴啲都係嘥錢 🫢 另外再加咗一碟雞肉，一碟豬肉同一點羊肉，但都係肥牛最好食 😂 整體而言，市面上有好多更加好嘅打邊爐餐廳，但呢個價錢真係冇得再講，高質頹邊爐你去邊度搵😏 …Read More

呢間刀削麵，我食咗好耐。基本上每次嚟都係叫同一樣嘢：牛𦟌拼牛肚刀削麵。刀削麵湯底清甜，飲完唔口渴。牛𦟌燘到好腍，大大塊，好入味。牛肚份量超多，食極都食唔完。配埋杯豆漿真係冇得頂！牛𦟌拼牛肚刀削麵 $55…Read More

食得出係俾心機之作，喇沙湯底好濃香料同椰奶味，飲完亦都唔口渴，冇味精真材實料。醉雞捲偏甜，有杞子紅棗同當歸，好養生☺️ 羅漢果茶夠清甜，飲落好舒服。整體用餐體驗非常好，店入面個姐姐同老闆亦都好親切，幫我抹乾淨晒張枱，又時不時同熟客傾偈。咁啱聽日打風，個老闆仲好風趣咁同啲客人講朝早買菜幾咁辛苦，好難先搶到😂 唯一唔好處係嗰日舖頭有陣怪味，可能通風唔好，老闆要留意吓。肥牛新加坡喇沙湯麵 + 醉雞卷 + 羅漢果茶 $85…Read More