ricall's Profile

今日行過尖沙咀，想食糖水又唔想成日食鮮芋仙，見到呢間咪打算試下，點知係惡夢既開始⋯我哋22:10 左右到，排左15分鐘左右坐低，叫左一個熱荳花一個冰，點知22:55先第一個荳花到⋯個荳花係常溫，d配料全部都係凍（但佢個menu 話係暖心系列wor)...如果係凍既，請問你點解要等成半個鐘？係咪洗唔切碗？23:05都未見到個冰🥱 思疑佢完全無人手做堂食，只係出哂d外賣⋯邊個時間太多就記得黎呢度打發下啦🙄🙄🙄我自己就無下次啦…Read More

今日經過葵芳，雖然Dinner time 但未算太肚餓，見到呢間新店叫「雞翼山」光光猛猛，於是就試下啦☺️ 見到個menu 有十隻味，隻隻都想試下咁，選擇困難症上身⋯老細好好人，見我地無乜idea 就介紹幾隻味。我地兩個人叫左個$118餐，包12隻雞翼+一杯飲品，仲可以揀三隻味。最後決定左：03 黑松露蒜香武士、04 港式避風塘同08港呢d友情萬歲檸茶。Counter 有溫馨提示係即叫即炸，所以都expect 要等一陣。比想像中快喎，幾分鐘就有得食啦～一試個檸茶味，嘩～ 真係好好味到好感覺😭 個雞翼好Juicy, 個檸茶味，真係好似茶餐廳個茶底⋯唔知點形容個種真香港味道，加上即叫即煮，好夠熱，好正，推薦👍🥰第二款係港式避風塘，個人覺得夠辣（因爲我唔多食辣）老細解釋店員好有耐性去炒d 辣椒籽，所以個味好出👍 夠辣但我都食到，係幾香口😌我唔食松露，老細好窩心咁轉左兩隻原味俾我☺️ Compare with 麥記既脆香雞翼，都要成$9蚊隻，我就覺得$118/12隻既雞翼山熱辣辣鮮炸雞翼勝價比高好多喇！食完$118有d唔夠喉，試埋個01 文青風玫瑰，睇食評都係盛讚既。等多幾分鐘又有得食，果然無令人失望，個玫瑰味幾清，又唔會太甜，男女都啱食🤤🤤🤤總括來講，喜歡食雞翼既各位，雞翼山係唔會令你失望! 見到個menu 有d味係期間限定，我一定會再番去試勻哂所有味🥰…Read More