BonnieNg1122's Profile

諗住初七人日開心吓買個格仔餅食，點知呢間店畀塊燶餅我，係咪想我燶年快樂。又話要等半個鐘，咁我咪去行吓先，我未夠半個鐘返到去，個餅已經放咗喺度一段時間，索哂水咁，都仲和暖嘅。之後，好彩我唔係一路行一路食，睇個面都見佢乜咁深色，返到屋企攤開睇入面直頭係全部格仔都黑色嘅！！！！！擺明呢塊餅就係整燶咗，仲要望住咁都繼續揸醬落去照出？真係好失望，新年流流$23買咗件燶餅🌚深色餅面黑色格仔😡近鏡欣賞吓🙄…Read More

年初六，亦係我新年假嘅最後一日，趁人少啲就去西貢曬吓太陽歎吓tea☕️由西貢碼頭行去WM酒店都好方便，慢慢行全平路10分鐘內行到。平日冇乜人大把位，座位闊落坐得好舒服！叫咗個 Weekday Afternoon Tea Set，有一碟雞翼薯條配5種醬、一個Pancake Combo (3件Soufflé Pancakes) & 2杯飲品。連加一$229。食物全部都好食，只係醬入面嘅芝士嚟到都已「琼」咗做固體。另外美中不足係佢一次過上哂全部食物，我哋為咗個 Soufflé 唔好扁哂，就食食吓薯條就趕咗食Soufflé 先。不過我哋最後食完薯條，有位比較高級嘅staff話幫我哋換過啲餐具食甜品…er…我哋已經食完喇喎😅 佢仲好似好surprised咁。其實係咪可以食哂鹹先上個甜品畀我哋呢？…Read More

正午12點，人不多，容易有位，唔需要搭枱。午餐點了豬頸肉船麵，味道、份量和價錢都ok，$50幾嘅lunch都好合理。唯獨想講吓佢啲餐具舊得幾嚇人，其實咁都會影響食物安全，最好換咗佢啦。…Read More

呢度之前係漁樂，剛轉咗新店。呢度勝在唔多人，唔使搭枱！呢度2-6pm有下午茶，今日食咗個下午茶米線餐。我覺得味道偏鹹，包括湯&豬扒。咁豬扒嘅孜然味係好出嘅。Overall都ok嘅，下次試第二樣。…Read More

我們大概下午五時到達，等了一陣先至有位。本來係想嚟食Tiramisu Bagel，可惜嚟到嘅時候已經賣晒。最後我哋叫咗Hot Dog Bagzel Bagel & Thai Milk Cheesecake。本來話Bagzel係Bagel & Pretzel嘅合體，估唔到其實係一個硬嘅腸仔包。Thai Millk cheesecake 好好食，奶茶味非常之香！👍🏻職員好細心咁幫我哋切開咗個Bagzel，不過可惜我嗰份嘅腸仔太短，我一拮起個包，條腸就跌走咗😢餐廳分為室內同埋室外兩部份，我本來以為只有室外會提供水煙，但原來室內都會有客人享用。對煙味敏感嘅朋友仔要留意喇。…Read More

買咗個M size嘅泡菜，我唔係好食得辣嘅，呢個辣度ok。泡菜入面有啲蘿蔔絲。味道偏鹹，空口食食唔到，要送白飯食就幾好味。舖頭空間比較狹窄，要快手揀完就去埋單，都冇位企定睇。下次再試另一樣😉…Read More

今日Lunch time去到，冇乜人，唔使等位。我叫咗個午餐嘅豬頸肉乾炒河，配埋熱檸茶。$65。好食呀！勁熱辣辣，豬頸肉夠爽亦入味。最驚喜嘅係個炒河有好多菜，實在要揾個多菜午餐都唔易。要讚吓！舖仔細細，招呼都唔錯嘅！…Read More

以前都有食過呢個位嘅鐵板燒，見新轉咗手就試多次。涼涼哋坐街邊食，感覺都ok。叫咗XXL豬頸肉 set lunch，個set仲有飯、青瓜絲同埋綠茶。件豬頸肉係厚切，味道唔錯，燒得香脆得來有肉汁。沾個甜甜哋嘅汁都幾好食。不過，竟然個飯好硬，似係reheat到乾哂。青瓜一般會醃酸，不過呢度係無添加...只有原味，所以我放咗喺啲汁度撈啲味。份量係比較細，男士應該唔夠飽。另外，呢度全部用即棄餐具，紙盒、紙杯+膠蓋、木叉，感覺上都幾浪費。如果要吸引我再幫襯，最少要煲好個飯🍚…Read More

昨天下午叫了個咖哩叉燒蛋包飯。個飯好大份，不過得2片日式叉燒，又唔係好夠咖哩汁，咁我個lunch變咗主要係炒蛋白飯😅其實都好食嘅，如果多2片叉燒，多少少咖哩汁會好好多。午餐完全冇石鍋嘅選擇，以呢度用石鍋做店名，有點失望。希望會在午餐菜單加返一兩個石鍋嘅選擇。呢度服務好，好友善。我會再來，但希望會有改善啦！…Read More

午餐點了combo A，唔記得exact個名但我記得係「麻x雞」，我以為係麻油雞嗰種，嚟到原來係好似鹽酥雞咁嘅樣。我仲期待麻油味嘅時候，咬落去，等咗一陣，原來係麻痺個麻😅好似麻辣嗰種感覺但唔辣的！好特別，原全估佢唔到！魯肉飯同埋春卷小食味道ok！午餐時間不用等位，呢度坐得幾舒服！服務唔錯，好多人同我哋打招呼😆…Read More

小店在女人街近登打士街的一段。今天下午在這裡點了叉燒烏冬。烏冬好吃，但叉燒有點像是煎過的？所以連帶湯也有點油的味道，味道是Ok的。看到別人的蛋包飯好像好大好好吃，下次來要試一下。如菜單上加上素食的選擇會更好。熱檸茶有點洗潔精味...這是在茶記常會遇到的。通常用膠杯裝熱飲就好易有這情況，要留意一下！這裡的服務不錯，服務員都很有禮貌的。…Read More

同朋友今日去，每人叫咗個All-day-breakfast，一個regular，一個素的。素與regular的分別係，煙肉+腸仔 變咗 薯蓉+茄子波。Breakfast個樣真係好靚，不過成碟得個炒蛋有合理溫度，菇、茄子波、煙肉、腸仔都係室温(明明腸仔有金黃色...煎好咗幾耐？)，薯蓉直頭係冰凍的(亦都係淡而無味的)🤦🏻‍♀️。同職員講薯蓉冰凍，佢都好好，話另外整過畀我，但嚟到，都只係微室温。唉，可能呢間餐廳對食物温度嘅定義同我好大落差... 食環好似對食物温度都有要求，唔知咁係咪都合格呢？🤔我哋另外叫咗2壼茶，2壺茶就好夠熱喎！！！ 仲好大壺！如果要揾地方傾計做功課，都可以考慮嚟呢度，不過唔好expect食物滿足到你。(食完要自己執枱，仲要自己倒廚餘，自己分好餐具呀碟呀...咁嘅價錢我唔覺得要好似飯堂咁冇service。仲有，咁樣自助，店主你永遠唔知客人有乜食物食剩哂，有乜要改進。有誠意話你知嘅就只好放上嚟呢度了)…Read More

初四上山頂走走，嘩，好多遊客！想坐低抖抖，所以好就腳咁一入淩宵閣就見到呢間舖頭，坐低。差不多九成都係文化唔係好同嘅內地遊客，入到嚟真係要忍一忍。呢度好多食物都冇mark價錢，又或者我見唔到啦⋯⋯我叫咗個雪糕紅豆冰，$68，味道ok嘅，係甜咗少少，但冇畀匙羹好難𢳂雪糕。紅豆冰嘅冰好大粒，正式嘅紅豆冰啲冰應該係碎冰食到，但呢杯又多又大粒，完全係阻住我食啲紅豆。可以改善一下。店員如果密少少嚟收拾啲枱就好喇。…Read More

Deli and Wine終於開返，轉咗過隔離舖位，新裝修。食物選擇少咗好多。本來好欣賞呢度啲焗飯，點知得返焗豬扒飯。今日照叫返常餐，表面上只係湯意變湯通，但質素係下降咗。通粉好硬，叉燒都好硬。以前係好食嘅，但今日食真係麻麻哋。可幸滑蛋仍保持水準。餐包舊牛油大得有點誇張。希望今次只係個別例子⋯⋯第時嚟聽音樂會都仲要靠呢度開餐。…Read More

今天跟海外來的朋友見面，到酒樓飲茶感受香港文化。點心都很不錯！有好多動物造型的點心，很能逗孩子喜歡，味道也很好。唯一是燒鵝份量很少，也不太好吃。食物上菜時間都很合理。酒樓雖然裝修過，一切都很新。但是人手不足，服務所以還欠一點質素。我訂了12:30，他們的record寫了12:00。我前一天打電話去加一位，已再確定是12:30, 8位。但到了門口，他們的record還是12:00,7位。樓面的侍應也不夠，我們常常要自己去加水拿餐具。洗手間的地面也不整潔，希望他們能較頻密的去清理。…Read More