manchichi211的個人專頁

蒸氣邊爐係香港一定食過，但一人一個細細的爐仔，好玩又好食🫶🏻今次我同朋友2個人每人叫左一個餐，分別係 “九品芝麻”、 “內務總管”Order 左超快就有成條海鮮船上菜🛳️2個餐都有大量的蜆，隻隻肥美，全部新鮮，鮮甜套餐加$1就可以有鮑魚，鮑魚廚房幫你界開左少少，簡單一推就已離殼，彈牙鮮甜，贊👍🏻蝦🦐都係果句，鮮甜朋友好鍾意食蟹🦀，佢個餐有半隻肉蟹，都係鮮味，有肉有膏至於肉丸、豚肉片、雞肉都係高質食材食到差唔多，餐廳會幫你整粥或者加魚湯煮麵，因為個蒸條鍋已保留左海鮮的精華再加上魚湯，粥或麵都極級鮮味，如果食麵再加上調味吧上的自加辣椒醬，真係令人回味無窮🫰🏻由於全部都係新鮮食材冇加任何味精，食完完全唔會口渴👏🏻…查看更多

放工同朋友行婚紗街，見到有間火鍋叫滾爺，見個名改得唔錯就去試。秋風剛起，湯底選左招牌椰子雞，足料半隻雞，最勁烈係店員係你面前倒入2個椰皇+2個椰青做湯底。大火滾起再焗5分鐘就食得，雞滑椰子味香濃。個椰子湯勁清甜。美國安格斯板眼，牛脂分佈均勻，厚薄適中，牛味香濃新鮮第一刀 (新鮮豬肉)，厚薄適中，鮮甜肉鮮嫩手包韭菜餃，手包鮮蝦雲吞，大大粒，足料新鮮好味彈牙手打墨魚滑，彈牙新鮮，食到粒粒墨魚香甜的湯底一定要加個蜂巢豆腐吸湯底，贊值得一贊係滾爺個菜真係比足一藍，同一般火鍋店不同…查看更多

中秋過後又係時侯補一補, 知道金巴利道滾爺火鍋有個出名滋潤嘅招牌椰子雞鍋. 咁就去打個邊爐.招牌椰子雞鍋 – 店員即開2個椰王, 2個椰青, 直接倒入放左半隻新鮮雞嘅鍋裡面滾. 大火滾左一陣, 聞到超級清香嘅椰水味. 配上肥大肉厚嘅雞件, 呢個招牌椰子雞鍋真係正. 頭啖湯, 清甜香味十足.美國安格斯板眼，濃郁嘅牛肉味濃, 脂肪分佈均勻，肉質鮮美. 新鮮第一刀 (新鮮豬肉)，非常柔嫩，肉質細緻香滑, 完全食到甜味和肉香.手包韭菜餃，手包鮮蝦雲吞，材料豐富, 粒粒都夠哂份量.彈牙手打墨魚滑，新鮮彈牙，墨魚味香濃, 入口重食到粒粒蟹籽, 卜卜聲蜂巢豆腐 – 吸收哂個椰子雞鍋香甜味, 豆腐爽滑細緻. 點左2款蔬菜, 油麥菜 + 唐生菜, 又係份量十足, 成左幾轉都未食完, 蔬菜重係超級新鮮.…查看更多

秋風起, 未食大閘蟹前, 先食個避風塘炒辣蟹, 同舊同事去左銅鑼灣謝斐道喜記避風塘炒辣蟹食隻炒辣蟹. 上湯浸白菜仔 - 白菜仔口感脆嫩，搭配上湯後，保持了鮮甜味, 菜品色澤清新，湯色透亮.招牌避風塘炒辣蟹 - 招牌避風塘炒辣蟹, 蟹肉, 蒜和辣椒一齊炒，外層微微焦香，增加了口感嘅酥脆感, 蟹肉鮮甜肉厚, 加上辛辣風味, 配送冰凍啤酒真係爽. 花膠雲吞雞煲 - 花膠味道清甜，膠質豐富，花膠吸收哂湯底嘅鮮香。雲吞嘅餡料豐富, 皮薄餡靚. 花膠嘅滑嫩、雞肉嫩滑. 椒鹽焗鮮魷 - 椒鹽焗鮮魷新鮮, 爽口彈牙, 有香脆嘅口感和獨特嘅椒鹽風味, 鮮魷經過焗烤後，外皮變得更香脆, 鮮魷Q彈.…查看更多

就黎中秋節啦,幾個好耐冇見既朋友都話想出黎聚聚慶祝下中秋節, 因為大家都係九龍返工既而大家都想食泰國菜, 所以就決定相約係熱鬧既佐敦食一間叫”泰灜”既泰國餐廳, 我地4個人叫左6道菜-麵包咖哩軟殼蟹 個咖哩汁係道菜既精粹有少少辣又帶少少椰香, 麵包吸曬D咖哩汁里面仲有好多舊軟殼蟹, 麵包加軟殼蟹咖哩汁真係完美既配答-小食拼盤 (細份 雞翼 蝦餅 春卷) 里面有我最愛食既雞翼煎得幾香口, 估唔到個蝦餅仲好食炸得勁酥脆重蝦味, 至於個春卷朋友話太好食 食曬啦-酸辣無骨鳳爪 酸酸同夠辣好開胃 而且鳳爪份量都幾多-鐵板蠔餅 蛋又夠香D蠔又夠大隻 而且仲有芽菜墊底 食起黎唔會油膩-通菜少少辣辣地夠惹味-黑胡椒虎蝦粉絲煲 蝦夠大隻同埋D粉絲又吸曬D蝦既味道 好正另外, 我飲左杯珍多冰 真係無得輸椰汁再加埋D班蘭味既粉條真係為尼餐劃上完美既句號#香港探店 #香港泰國菜探店#香港美食 #香港泰國菜 #泰國餐廳 #佐敦美食 #香港探店 #佐敦探店 #香港必食餐廳 #泰國菜…查看更多

收工出銅鑼灣打邊爐，朋友一早選左好近地鐵站C 出口的小魚兒，地鐵一出就見到，好方便。唔好以為小魚兒只有烤魚食，仲有雞煲今晚我地就選左雞煲，雞香滑好味，配上雞煲的醬汁，正👍🏻打邊爐配料，我地選左鴨血，牛丸拚墨丸，珊瑚蚌，黑毛豬腩片，紅薯粉，稻庭烏冬鴨血，滑，加入濃味的雞煲湯底，完全將精華吸入牛丸拚墨丸，冇雪味，爽口彈牙珊瑚蚌，一個字👉🏻爽，快滾一滾.黑毛豬腩片，唔係一般打邊爐的豬肉片，肥瘦均勻，爽口紅薯粉，雞煲湯底加入紅薯粉，非常入味，唔好睇少一份的份量，食完好飽😆稻庭烏冬，同紅薯粉一樣都係打邊爐的絕配仲有任飲放題…查看更多

尋晚又捱夜睇奧運自由式游泳決賽, 恭喜何詩蓓再攞銅牌. 為左賀一賀佢, 哽係要嘆個Good Morning 啦. 今日去左北角大小姐冰室食個靚早餐. 8點零鐘就已經要搭枱. 醒晨早餐正路有通粉, 沙爹牛麵, 三文冶D基本野. 話左賀一賀佢就食豪D, 叫左個全日扒餐, 有雞扒, 豬扒, 吉列魚柳, 牛扒可選, 配煙肉, 炒蛋, 雜菜, 蕃茄, 粟米粒, 薯餅, 多士. 加埋杯凍啡就爽了.呢個全日扒餐都幾重份量, 雞扒好大塊, 熱辣辣， 重好有肉汁, 煎到外脆內軟. 蕃茄爽甜多汁, 夠新鮮. 炒蛋好Cremy, 蛋味香濃, 炒得夠軟滑. 食完非常飽肚, 我估Lunch 都唔洗食了.…查看更多

朋友遠到而來, 又係帶佢食好西嘅時間, 喺灣仔返工時見到駱克道萬通保險大廈地下有間台北燒肉名店 Luigi電力公司. 主打性價比高嘅日本頂級A5和牛燒肉。晚餐有幾款, 我地就揀左牛, 雞, 豬, 海鮮都有嘅We will wagyu 和牛而立.招牌生牛肉佐魚子醬柏馬森起司 - 將柏馬森起司碎末灑在生牛肉表面,然後淋上適量的魚子醬, 非常開胃.日本頂級A5和牛刺身 - 和牛肉質非常細嫩多汁,肉質紋理細膩均勻,脂肪分布極為豐富。日本頂級A5和牛月見金磚 - 肉質軟嫩多汁以及脂肪嘅香甜醇厚。日本頂級A5和牛牛小排 - 牛小排部位極具嫩滑多汁嘅特點, 極其嫩滑, 口感豐富多層次美國醬漬封門柳 - 封門柳浸泡在調製好的醬汁中進行醬漬, 保留封門柳的風味, 醬汁的濃郁香甜.法式奶油生蠔 - 生蠔有獨特嘅海鮮香氣和濃郁嘅鮮甜味道, 加上奶油嘅濃郁, 造出一種非常鮮美的風味日本生藥及櫛瓜 - 日本生藥帶有一種清新淡雅的香氣, 櫛瓜的口感非常脆嫩,入口即化. 滷肉飯 - -肉質軟嫩多汁,醬汁濃郁鮮香,米飯鬆軟帶甜,整體口感滑順.松板豚 - 松板豚嘅肉質非常嫩滑,纖維細膩, 富含肉汁,十分嫩嫩的口感日本松板雞 - 松板雞嘅肉色呈現出柔和的雪白色,肌肉豐滿緊實, 人口爽口彈牙.…查看更多

早幾日病左要戒口日日都食到好清淡, 依家病好左突然好想食D濃味食物, 放工行經銅鑼灣鵝頸橋見到間食川菜既餐廳幾吸引, 於是就約friend去食我地4個人嗌左6道菜金湯酸菜魚 – 份量豐富, 魚肉大塊, 又夠鮮甜嫩滑, 湯底夠酸辣仲配左好多蒿筍, 又有薯粉吸曬D湯既精華 好正呀脆皮豬手 – 炸到脆卜卜, 個皮又夠脆肉又夠juicy, 食左一啖feel到勁多骨膠原, 外面仲有少少辣辣地既孜然粉, 味道好難忘油渣手撕包菜 – 用豬油渣炒菜加埋少少辣椒, 辣辣地炒得夠香夠惹味水晶粉 – 有陣陣既香茅味 水間粉既下面仲有炒蛋同菜好香紅袍辣子雞 – 好多雞肉 雞肉都炸得好香口, 加埋D辣椒乾, 花椒真係吸曬味, 夠辣 好正手拍蒜香青瓜 – 青瓜好清甜爽脆加埋D蒜 好開胃好解膩一邊食辣 一邊飲杯凍冰冰既藍妹 真係好正呀!!!…查看更多

今日中午準備出去食飯，個天黑晒又超大雨。 近近地行去金鐘廊附近睇吓有咩食。全部餐廳都好多人，同事建議去力寶軒飲茶。力寶軒本身係一間潮州菜館，我哋就叫咗幾個點心，加一份滷水鵝肝。一間好嘅潮州菜館，就一定要試吓滷水菜式。呢度嘅滷水鵝肝好嫩滑，唔係出邊餐廳嘅粉肝，滷水味唔會死鹹。點心我哋叫咗蝦餃皇、燒賣、蘿蔔糕、小籠包同翡翠帶子餃。蝦餃皇一籠有四大粒，粒粒都好飽滿，蝦肉彈牙，每件入邊有超過一隻大蝦。 小籠包皮薄湯汁多，肉餡有少少肥，但配上黑醋中和油膩，味道剛剛好。翡翠帶子餃賣相幾好，帶子鮮甜，重大粒過入面嘅蝦肉。最後叫咗個芒果布甸做甜品，芒果肉好多，加埋花奶係絕配。依家中午有個龍蝦伊麵加一款小菜，好抵食，兩個人平平哋食呢個套餐都一定夠飽。環境唔錯，又有落地玻璃，所以都好多人幫襯。…查看更多

又係食好野嘅時間, 今日去左近灣仔鵝頸橋附近冠景樓1樓火鍋隨意門打邊爐.火鍋隨意門有好多特色湯底, 例如招牌花膠雞湯鍋, 黑胡椒卜卜蜆雞湯鍋等等. 我地今晚就叫左胡椒豬筒骨濃湯鍋胡椒豬筒骨濃湯鍋 - 胡椒味十分清香, 辣度剛剛好, 可以驅走濕熱悶氣. 加上大量豬筒骨, 入口有口感, 肥瘦適中.蘋果木煙燻手切牛頸脊(細) - 鮮紅柔嫩的牛肉, 分佈雪白的油花，口感肥嫩而有彈性, 肉質鮮嫩爽滑，肉味濃郁餃子拼盤 – 大大隻餃子, 不同材料, 不同味道, 每一款都係對味蕾嘅享受. 有蟹皇豚肉餃, 蟹味完全豐富口腔, 材料十足, 皮薄餡靚.豐盛蔬菜拼盤 – 火鍋隨意門真係唔會食唔飽, 一個蔬菜拼盤, 菜量十足, 真係食菜都飽, 加上蔬菜新鮮, 又有唔同款式, 利害.鹹蛋黃炒響鈴, 鹹蛋黃炒炸魚皮, 2款超邪惡小食, 香脆, 咬落口, 完全粉碎, 無油益味, 鹹蛋黃香濃. 竹蔗茅根 – 冰凍竹蔗茅根, 打邊爐最愛飲, 唔太甜, 口感清新…查看更多

尼排工作有D忙心情有D緊張, 朋友話銅鑼灣有間幾chill 既泰國餐廳叫泰簡單介紹我去食個飯relax下, 於是約左幾位朋友去試下尼間餐廳, 一入去環境真係令我感覺輕鬆, 我地4個人嗌左6道菜泰式黃咖哩雞加薄餅- 咖哩好香加埋個煙煙韌韌嘅薄餅 好夾馬拉盞炒通菜 – 通菜少少辣辣地 幾夠鑊氣 夠曬野味蟹肉炒飯 同 蟹肉米粉生菜包 啖啖蟹肉 生菜包既生菜又夠新鮮 好fresh 好正冬陰公湯 – 酸酸辣辣好開胃 同埋里面既蝦都幾大隻下 好飲呀豬頸肉 – 我最鐘意食既 燒得好香 加埋D特製醬汁 好夾 黃金夢 用新鮮菠蘿同芒果整既 兩種都係我鐘意既水果 估唔到兩種水果整成杯野飲係甘完美既配搭甘正既另外朋友叫左杯心有靈犀既野飲杯野飲紅紅地色睇落幾開胃用雜果整既 聽佢講好好飲 我決定下次再約朋友黎食就叫尼杯野飲 食完尼餐飯又真係relax左 真係要多D約朋友黎食飯…查看更多

Happy Friday 同同事食個生日飯嘆美酒， 餐廳座落中環萬年大廈，裝修夠哂型格， 啱晒後生仔女 專業人士， 愛型愛Chill 嘅朋友仔。Hairy Crab Butter Udon材料有蟹肉蟹膏, 將蛋黃溶合埋扁烏冬裡面, 食出濃濃嘅蟹膏香味Tonkatsu吉列豬扒外脆內軟, 唔會太過油膩，肉質非常嫩滑，重有肉汁流出, 吉列豬扒好似五花腩咁, 一層肥一層瘦, 口感十足.Hamachi油甘魚刺身味道香甜, 魚油清香, 油份十足, 但入口又唔會成口油, 好好味.Pickled Tomato Salad前菜嘅番茄酸酸甜甜, 多水多汁, 配上忌簾, 醒神醒胃.Caramelized Pumpkin南瓜表面加上燒過嘅焦糖, 入口好似咬到塊玻璃咁, 南瓜味道香濃, 食到一絲一絲嘅南瓜..Double Formage CheesecakeCheeseCake有濃厚嘅芝士味，餐後甜品, 無得頂.Red Bean Daifuku紅豆大福, 皮薄餡靚, 外皮煙煙靭靭，甜味適中. Lily Safra以混合士多啤梨味的Campari 及具備香料風味的Vermouth 作基調，加入自家以新鮮士多啤梨煮製的糖漿，造型及味道也是女生首選…查看更多

朋友飯聚, 全部港島人, 於是去左北角嘅金樂軒雞煲魚鍋食雞煲同打邊爐店員熱情款待, 介紹佢地出名嘅老重慶奇味雞煲同酸菜鮮魚鍋老重慶奇味雞煲 - 雞件大, 雞肉嫩滑, 最精彩真係個醬汁, 好香濃, 雞肉入哂味.酸菜鮮魚鍋 – 魚肉真係超級嫩滑, 有質感, 魚肉香甜. 酸菜魚湯好搶口, 好好味, 真係飲左好多碗.安格斯牛頸脊 – 牛肉味濃, 入口鬆化, 油脂條紋分得幼細.鮮墨魚滑 – 超大份量墨魚滑, 爽口彈牙, 墨魚肉味香.鴨血 – 質地爽實, 有口感.鮮蝦雲吞, 菜肉雲吞 材料十足, 皮薄餡靚店員態度好, 有時重同我地吹下.…查看更多

今日就同外國返黎嘅朋友去左跑馬地黃泥涌食日本菜. 餐廳師傅精心挑選每日最新鮮食材, 為客人製作精美又好食的食物。餐廳環境清優, 同朋友+師傅吹下水, 就可以嘆足成晚.晚餐Menu 由廚師發辦四款前菜，鯛魚漬、螢光魷魚、黑豆、烏魚子，鯛魚漬味遁清香，魚肉鮮甜大蜆湯配柚子, 大蜆肥身肉厚, 海水味濃, 加上十分鮮甜, 師傅講一粒鹽都無落, 簡單煮就最好味.刺身有縞鰺、纓鲷、明石鯛魚、富山縣海老, 每一款都充滿驚喜.沙甸魚魚苗, 又香又脆, 食薯片一樣, 食完刺身食少少炸物無咁悶.八爪魚刺身: 師傅特製wasabi 汁料，點太多都有D攻鼻, 八爪魚刺身軟綿綿, 吸盤就爽夾脆口.2款貝類：爽甜, 鮮甜味豐富.燒白子, 唔係人人都會食, 但燒香後十分香濃惹味.炸大魚蛋, 正確名就唔記得啦. 師傅話當係炸魚蛋就得, 炸魚蛋爽口彈牙, 滴少少檸檬汁, 更加帶出好食.壽司十貫, 中, 大吞拿, 魚油甘香, 吞拿魚醬油漬,金目鯛爽, 鮮, 甜, 好味, 油脂充足. 海膽手卷, 海膽甘香味無得頂.麵豉湯 + 甜品作為最終章. 是日大確幸.…查看更多